翠華餐廳 (TKO Gateway)

營業中

休息中

今天要到將軍澳醫院探病，可是放工後趕到坑口站，已經是18:30。這時候，醫院餐廳很大機會無野食，所以先在附近商場晩餐。看到翠華，即是有熟悉的食物，加上有大量座位，於是馬上入座。　晚市套餐份量很大份量，為免過飽，思前想後，點了豬軟骨米線餐。這個米線餐，由以前的36蚊，漲價到現在接近60蚊。升幅超過六成！！　人工又唔見加咁多！！！！　　下單後，職員呈上清水一杯，然後熱奶茶來到。秘製豬軟骨魚蛋米線  以前係配菠菜餃子，現在變為魚蛋几粒。魚蛋可以大量生產，以機器＜必＞出來，慳水慳力，成本低。反而更懷念以前那漲卜卜的蝦肉菠菜餃。　潮州魚蛋好彈牙，少少鹹，是否加左落左Ｄ＜水ＸＸ＞。秘製豬軟骨　肋骨部份有軟骨和筋腱等膠質。而且煮到軟棉棉，無需牙力，即可享用。秘製豬軟骨加了陳皮，帶點甘味。秘製的醬汁混在雪白的湯底之中，配軟棉棉的米線一同品嚐，慢慢食慢慢嗒，真係好飽。　這就是熟悉的秘製豬軟骨米線餐了！不過價錢就～～～～

翠華餐廳講得上係茶餐廳界嘅LV，雖然價錢比一般茶餐廳貴少少，但一定比到好食有質素嘅嘢比您食，所以一定唔會失望。今日就去會一會翠華嘅咖哩吉列豬扒飯，咖哩汁好香濃的咖哩味，送飯一流，啲薯仔好淋好入味，吉列豬扒外脆內軟，啲肉好鬆軟又有口感，仲要勁Juice 多汁，白飯軟硬適中，仲有叫咗杯凍檸茶，茶底好香濃紅茶味，吉列豬扒飯係冇餐，要散叫，個飯就67元，檸茶好似係14元，全部食物都好滿意，環境都算坐得舒服，唔會好迫，去翠華必食推介。

Always a safe bet when venturing into the suburbs, with plenty of healthy veggie options available. Recommend the okra-egg-rice, spinach-shrimp dumpling, or sauteed veggie with olive oil. Famous for their Hong Kong style milk tea as well.

今晚同老公喺坑口上堂，落堂都差不多9點，我倆決定食個快飯便回家休息。我地決定食翠華，因為屋企附無，想試試翠華嘅晚餐。我倆肚仔餓所以點了西冷牛扒餐及蕃茄焗豬扒飯。羅宋湯材料多，夠香。牛油豬保持水準，但奶茶唔夠熱，上枱時只是暖暖的，沒有茶香，街上茶餐廳也比它好喝。牛扒份量超大，隨著鐵板送通時還滋滋聲好吸引。淋上黑椒汁即時香噴噴咬一口。。。思考一會。。。再望一望塊扒，到底我在咀嚼什麼肉呢？為何完全感受不到牛肉味道，肉十分腍但一點肉味也沒有，可能是被醃肉粉醃得太久，這個價錢的質素還比不上快餐店的鐵板餐😞除了份量驚人之外都沒有賣點。我們吃了意粉和幾口牛肉便放棄了。蕃茄焗豬扒飯焗得比較燶，味道和快餐店相近。首次到翠華試鐵板牛扒，質素真的有待提升。

自從冇係中環返工後, 好耐都冇去過翠華食早餐, 記得當年一班同事一星期差不多幫襯五次翠華。🙈今朝經過坑口見到有一間新開張的翠華, 即刻入去嘆個早餐, 懷愐一下那些年的味道。坑口呢間翠華都幾大。裝修新淨企理, 細枱比例較多。幾年冇食, 早餐款式都好似冇變過, 變的只係價錢, 不過比起其他茶餐廳或快餐, 而家翠華早餐的價錢已經唔算特別貴。我當然點返B餐, 脆豬同炒滑蛋水準都keep到, 蛋夠香滑蛋味濃, 脆豬夠鬆脆。牛肉麵味道都可以, 不過湯底唔夠熱, 呢樣要扣分。😞去翠華食早餐當時要飲奶茶啦, 好穩陣。👍可能而家年紀大左, 感覺一份翠華早餐對而家嘅我黎講, 太大份, 好飽。😌

這間翠華餐廳已開業一段日子....但服務質素；因樓面人手不足及很亂....落了order後；等很久食物才來到；當然又是廚房人手不足la.....又亂所致....食物味道及價錢不成正比；比起同區茶餐廳相比；茶餐廳的食物質素好得多....不講其它食物，只是講杯「港式熱奶茶」；不單只是沒有水準，而且不香滑、沒有茶味及水溫不熱；快餐店的熱奶茶好喝得多.

厚德商場翻新後開了不少食店。新開翠華當然一試。起碼不用再到新都城吃 當天午餐不用排隊便有位了先生點了是日午餐 白湯 龍脷魚配飯白湯-只有微溫。味道不討好。龍脷魚-不錯。保持翠華水準我點了沙爹湯肥牛河及冰陣秋葵沙爹湯肥牛河 - 很油及只有微溫。味道不討好冰陣秋葵（配日式豉油及芥辣- 很可笑的一道菜。沒有冰，何來冰陣。秋葵是室溫。豉油及芥辣催了很多次才有 結果給了一碟很油的豉油及黃色芥末。我們真的很失望。在其他分店吃過的冰陣芥蘭都不是這樣又催又請換來這樣的食物。短時期內不會再光顧。