18
12
6
| 餐廳: | 翠華餐廳 (TKO Gateway) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
做個「孤獨的美食家」今天得自己一個，心想不如豪少少（$90），食平日不敢吃的「翠華——神之叉燒飯」+ 油菜及湯/咖啡/茶，在平凡的生活中當個港版「孤獨的美食家」。忘記上油菜在沒有員工招呼下，我默默找了個位置安頓下來，在手機中送出了「神之叉燒飯」後，不到５分鐘就送上了（周六晚竟然冇乜人，唉，原來中伏中）。湯和蛋是正常的，飯量比平時一舨的少（大約酒樓的飯碗６成）。我邊吃邊避開「神級叉燒」，一心想把「好食的留到最後」，但食到一半覺得奇怪，甚麼油菜還未到?！在我提醒下，員工不到２分鐘已端上油菜（因餐廳冇乜人）。「神獸（瘦）級」叉燒吃到中段，我終於忍不住，要開動吃期待已久的「神之叉燒」了，結果一放入口就吐出來！心唸：「我食咗啲乜嘢嘢啊？咁鬼硬？」睇真，真係一舊叉燒！抱著「翠華90元的神之叉燒飯應該係美食」的盼望，嘗試吃第二舊，這次我有了心理準備，沒有吐出來，但這舊叉燒（其實餘下的都一樣）又乾又硬，難食到嘔🤮，我好有耐力地用了好多力才吃完這碗「神獸（瘦）級」叉燒飯。結論我對翠華真係非常失望，以及，我好嬲自己剛才再俾多次機會翠華😤
繼續閱讀
翠華雖然係傳統老牌茶餐廳，但成日都有新嘢，九龍嘅分店有將軍澳同土瓜灣，位置都好就腳，加上新年期間我好多餐廳都唔開，咁啱去將軍澳親戚拜年前就去食個下午茶悠閒下午茶餐叫咗鹹牛肉炒蛋潛艇 $45 個包鋪滿白芝麻，看到外脆內軟，夾住豐滿嘅鹹牛肉滑蛋，正宗港式滋味午餐做到下晝五點，包羅宋湯、白飯同餐飲，叫咗鐵板蒜子雞扒配薯菜 $78 大大塊雞扒好厚肉又冇雪味，就咁食已經鮮甜有肉汁，再淋上蒜子汁超好送飯。而羅宋湯都係真材實料，大大塊菜大大嚿肉，酸酸甜甜好開胃。特別一讚特色精選套餐沙嗲牛腩撈麵 $63 比港式沙嗲牛肉冇咁濃味，將鹹甜有緻嘅沙嗲汁滲入腍滑嘅牛筋腩入面，再用嚟撈彈牙嘅鹼水麵，真係值得一試，非常出色餐飲其中一杯加咗$10升級老菜脯羅漢果茶，潤肺化痰又美肌，好香好足料！
繼續閱讀
自重疫情之後, 除左全部舖頭好早收, 條街好早變得好靜之外… 香港人外出嘅飲食習慣, 真係徹底轉變咗 好多 好多 好多… 我哋都唔例外, 可以早啲返屋企嘅日子, 就盡量 早啲返屋企, 絕大多數 會揀買外賣返屋企, 靜靜地 慢慢食… 家常便飯黎講, 外賣做得出色, 而且水準真係持續穩定嘅, 翠華 - 一定係頭幾位!!!除咗晚餐選項之外…叉燒蛋飯, 真係近期最愛…完冇諗過佢叉燒同雞蛋都做得咁好喎~ 如果叉燒可以再瘦啲嘅話, 就更加 perfect 嘞~!咖喱都係我哋其中一個成日叫嘅選擇~外賣包裝 pack 得非常好, 平衡穩陣易拎, 要讚!
繼續閱讀
新裝修完第一次去食叫咗個雪菜肉絲米雪菜肉絲好正啊，有埋蝦米口感食落有鹹香味 好食脆皮豬仔包依然咁脆咁好食😋通粉份量正常 唔會好咸檸檬茶就差啲 茶底有苦味奶茶都係不過不失
繼續閱讀
將軍澳有水準的茶餐廳其中一間係翠華，👀要露營用品順路到翠華晚餐。 咖喱焗雞飯香濃的咖喱香氣撲鼻，雞肉經過焗烤後，外皮微脆，內裡卻依然保持嫩滑。米飯吸收了咖喱的精華，味道十分入味，令人一口接一口。雜扒吉列炸蝦餐配薯條多樣性令人驚喜，炸蝦外脆內嫩，搭配酥香的雞、豬和牛肉排，無論是口感還是味道都讓人感到滿足。薯條則是金黃香脆，作為配菜也相當不錯，完美搭配主餐的豐富口味。忌廉湯忌廉湯的質地滑順，味道濃郁，微微的鹹香帶出了一種舒適感。牛油朱仔表層塗上薄薄牛油，香口酥脆。 手打奶蓋奶茶最後，手打奶蓋奶茶的奶蓋厚厚一層，滑順而不膩，搭配香濃的茶底，完美平衡了茶的苦澀與奶的香甜。整體來看，鐵扒餐、手打奶蓋 和牛油豬仔包否有水準，價錢吸引和環境舒適。
繼續閱讀