翠苑甜品專家 (望隆街)

營業中

休息中

鍾意呢度D糖水,非常真材實料, 每次吃過都回味!特別系蓮子桑寄生茶, 有紅棗味道,非常濃郁,加上成碗都系蓮子,唔使加蛋都好豐富! 正!!!如果呢度阿姐的態度改善下應該非常好生意!

等一次嚟消費，就遇到極差態度阿姐！😡行過見到甜品店，突然想食芝麻糊，就行去買外買！諗住叫一個楊之金露，一個芝麻糊！行到入去有個阿姐企正門口張枱，又唔行開，又唔坐，以為係客，點知佢又一直望住你又唔講野！其他人又做緊野，佢望咗差不多成分鐘，先問話「要咩呀？」好啦叫咗兩個外買，家人一直喺外面等，點知見到阿仔踩到佢家門口香口膠，家人正幫小朋友淸理中！頭先眼望望嘅阿姐，即刻態度好差話「你唔好叫佢入嚟呀！」😠，吓，真係火都嚟，我話「佢無講要入嚟，你唔洗驚喎！」佢仲要話「我唔係驚呀」咁唔係你又叫人唔好入嚟！😡😡😡返到屋企，打開甜品，見到唔係芝麻糊，佢俾錯咗個啡色嘅其他糖水，即刻攞落去換啦，之前落單嘅阿姐唔喺度，門口只有開放式廚房嘅阿姐，同佢講啱啱買個糖水佢哋俾錯咗，攞返嚟換，點知個廚房阿姐又係態度好差咁大大話「呢個係合桃糊嚟」我話「但我係叫芝麻糊喎！」佢仍然好不滿咁重覆講多一次呢個係合桃糊，我話「我知，但而家係你哋俾錯吖嘛！我係要芝麻糊」，我先生都忍唔住開聲「而家係你哋俾錯，咁唔通呃你小小野，特登返嚟咩」嗰個廚房阿姐先好不情願換！之後返到屋企聽返家人話，原來之前佢哋都係去過食野，D阿姐又係態度不可一

在筲箕灣東大街欣賞譚公誕巡遊，歷時數小時，累了、倦了，是時候回家了。回家前，一行三人先到翠苑食碗糖水。東區的中式糖水，名氣大、質量好的松記是小妹的首選，而價廉物美的翠苑就成為了次愛。翠苑的糖水由十四大元至二十二大元不等，份量又多，遠較坊間的糖水舖為抵食、好食。芝麻糊燉鮮奶$18M的芝麻糊燉鮮奶白裏一點黑，與皮膚黝黑的M相映成趣。 燉鮮奶充滿幽幽的牛奶香，入口質感潤滑細緻，再配上中間芝麻的獨有清香，味道頗夾，且不太甜膩。補腎合桃糊 $14體質較弱的C要了一碗合桃糊，是的，弱不禁風的她的確需要進補一下了。C表示坊間糖水舖較少有合桃糊或腰果糊出售，故一定要試。小妹也試了數口，味道真的不賴﹗ 合桃糊濃稠得宜，入口滿是香氣撲鼻的合桃味，口感滑溜而不太甜膩，養顏滋潤一流也。 腐竹蓮子雞蛋$18小妹要了碗料足的腐竹蓮子雞蛋，十八大元一碗，吃罷，讓人有飽滯之感的。糖水除了腐竹蓮子雞蛋外，還有薏米，豆味濃郁。蓮子和薏米煲得夠香腍且具咬口，白果份量蠻多的，然薏米份量則稍嫌偏少了。腐竹煲到溶解，早已與糖水融為一體了，間中則會吃到一兩片尚未融化而質感綿密的腐竹。

不知是否人年紀大了, 漸漸不喜歡吃新派的糖水, 反而傳統的糖水更吸引我。每次吃完一碗熱辣辣的糖水, 全身暖笠笠, 感覺很滿足!環境以白色為主, 地方光猛和闊落, 裝修簡單。大約9:00PM到達, 已經坐滿了客人和排了一隊買外賣客，生意很好!服務大家都忙過不停, 叫了幾次才有人理會。食物這裏都有幾多選擇, 朋友叫了大良燉鮮奶, 而我就叫了最傳統的糖水- 蓮子百合紅豆糖水。● 大良燉鮮奶 ($17)又香又白, 一看到就忍不住口吃了幾口才記得拍照 。入口時滿有鮮奶香, 口感滑流, 正!● 蓮子百合紅豆糖水 ($12)材料充足, 紅豆已煮至全部稔身。蓮子果然是這裏的招牌, 煲得很鬆化。雖有陳皮, 但郤欠陳皮香, 有點失望, 幸好甜度適中。大大碗滿是紅豆, 吃光一碗真是極飽肚, 要托住個大肚腩離開 。______________________________總括而言, 環境和服務一般, 但食物美味。本應想食蕃薯糖水, 但竟然沒有, 它將成為下次再來的目標。

秋冬要滋潤除要多飲湯水外，多飲中式糖水都得咖。 平時一年四季都會去翠苑食糖水甜品， 入冬後每次去都見店外多人排隊買外賣，堂食都要等候，確實好生意。燉木瓜雪耳 - 原盅一直燉熱上枱時非常滾熱小心燙嘴， 木瓜剛熟經長時間燉後都無爛，雪耳爽口，甜水清甜， 都好大盅。薏米腐竹白果-煲得夠火候，薏米煲到差不多溶晒好滑，腐竹煲到爛晒同糖水瀜為一體，另外估唔到白果份量好多，食完成碗都幾飽呀。生意咁好全因為落足材料又抵食。

真係好沙， 夠火喉 , 足料，有 陳 皮 但 不 苦 ； 大熱天飲熱的都OK， 室內冷氣夠大 每個人都推介 桑寄生蓮子蛋茶...可是真的 不 合 我 個 人 口 味...不好紅棗的試別的好了。(大愛紅棗的友人說是不錯的～）其實藥味不太重芝蔴糊燉鮮奶...不 太 突 出，可能是叫了凍的或者熱食才感受到其美味吧....     。。。。。姐姐是有點兇.... 話說我地食完走左去食炸魷魚，點知食完又有D想食綠豆沙清下又番番去，姐姐一見到我地就大叫....“你地唔係食左啦咩？！”haha, so funny xD我地應左句“係哋，食唔飽....”......(好唔好意思...)之後佢心情就好靚啦～ 海藻綠豆沙 - 真係好沙， 夠火喉 , 足料，有 陳 皮 但 不 苦海藻綠豆沙 ＄12 好抵！！

因女友堅決不吃喳咋，只吃湯丸，所以，與東大街的呂仔記擦身而過，帶她來到望隆街的翠苑。原來，我差點忘記，六年前曾經來過，再回想一下，當晚是某位已封筆的食友，在權發搞飯局，事後走到來吃甜品，來個＄10一碗桑寄生蓮子茶。經濟越好，＄10一碗甜品近乎不可能了，這裡的腰果露，只限周末日供應，適逢其會，便來一碗。我不知怎樣去形容翠苑的服務，就算已經就座，連落單都要排隊，你坐下一開口，店員只會叫你等等，逐個來。此腰果露的質感，不是很濃杰起沙的一種，味道亦意料之外地淡，吃得一臉疑惑。女友的芝麻湯丸，外表煙韌，芝麻餡很香，但未去到很濃的級別。好像每樣都欠缺一點點，吃罷沒有留下深刻的印像，我差點忘了多年前來過，也是正常。但在區內的同類型選擇，實在不多，所以，晚飯後的甜品時間，翠苑的食客翻了幾翻，貨如輪轉。

以前有大良八記可以換著選擇吃糖水，現在剩下翠苑。它還是可以保持水準，大大碗，實質材料！腐竹白果要叫熱，很好吃，不太甜，不像冰的那麼清淡，凍的選擇簡直就是水跟裡面的材料分開的！所以叫了一次就不叫了！咋渣也很胡，煮得很起沙，很飽肚！不過最喜歡的這裡的芝麻糊，還有核桃糊，很香很好吃！價錢才10幾元！不過有時候阿姐的服務態度就一時一樣，不予置評！

無論是否OpenRice Fans, 而家都有好多食客都係食物送上枱, 先餵飽部相機(send 上 facebook)再餵飽自己個胃當日, 與熊小O食完下午茶, 他又嚷着要吃甜品, 咁就帶佢嚟食又抵又好味嘅翠苑(依個時勢還有$10碗糖水喎~)糖水送上枱, 當然是例牌為它們拍照, 怎知道忽然有位阿姐無聲無色, 動也不動的站在我旁邊望住我影相, 她什麽也沒有問過我, 就只是站着, 望着；當時心想: 難道她認為我是spy? 帶小朋友來掩人耳目? 為免尷尬, 我連忙向熊小O邊笑邊大聲地說:「嘩~ (吃啖糖水入口) 真好味, 小O快d試吓, 影咗相番屋企同爸爸分享吓先」 跟住, 那位阿姐就笑住口行開咗 好彩, 呼......講番糖水 桑寄生紅棗蓮子茶 $13 ... 茶色較淡而且桑寄生那藥材味道過輕, 甜度就不過份 紅棗未煮腍所以有好濃的棗香, 蓮子也煮得非常鬆化縱使有些蓮子還藏着蓮芯......苦~芝蔴糊燉鮮奶 $16燉鮮奶是充滿牛奶香, 而且潤滑非常 嗶一匙就感覺到吹彈可破的燉鮮奶是何等嫩嫩, 惹人憐愛 入口有濃濃的奶味而且也有芝蔴糊的清香, 幸好芝蔴糊不會太甜, 也沒有搶開牛奶的燥味

今日光顧了翠苑甜品專家, 叫了3碗糖水來吃 (芝麻糊, 凍燉蛋, 綠豆沙)味道一般, 但那位老婆婆侍應態度非常差劣!!!先是她沒有把餐桌上的積水抺乾, 於是顧客自行拿店內紙巾抺乾.但那位老婆婆侍應公然辱罵顧客拿她的紙巾, 態度囂張, 傲慢無禮!她好像視那兩張紙巾如她生命財產般似的.......真有點兒看不過眼!試問今時今日,那有僱主可忍受及縱容這樣的員工? 那樣的店鋪, 即使味道再好些, 也不再光顧!!!!!

食完Lunch之後就黎左呢間甜品鋪我個frd叫左碗凍既大良燉鮮奶，其他人叫左核桃芝麻糊同熱既薑汁燉奶過左一陣，個呀姐話d燉奶唔系好凍，問我個frd要唔要我個frd諗左一陣就問 ‘咁系咪都ok凍架？’個呀姐就話 '即系唔系十分凍囉'我個frd又系度諗 跟住入面另外一個呀姐就好不耐煩好大聲咁講 '諗咁耐咁唔好要喇!!!!'我地當場左 而家系比生意你做 仲要受你氣?!之後就快快手手食完就走今時今日咁既服務態度講番d甜品先:甜品黎講呢間都幾平熱既薑汁燉奶ok滑，核桃芝麻糊就甜左少少但系因為服務態度差所以決定永遠唔會再黎呢間食甜品

叫左碗熱合桃糊, $12, 依家d糖水平既都成$2x.. $12真係好抵~嘩, 熱辣辣, 正呀!!! 最怕d 糖水, 又吾熱又吾凍, 都吾知想點~試一啖, 好香合桃味, 好滑, 仲要吾係好甜... 好好味~食完覺得成個人潤晒。見好多人都食芝麻糊同紅豆沙, 下次有機會會再試下... 不過應該會去cwb果間分店.. 因為就腳d~

和朋友光顧筲箕灣的分店，舖頭不算大，勝在光猛，服務效率相當快。 吃過桑寄生蓮子蛋茶和綠豆沙，喜歡這個味道，不是一味死甜，足料又夠火喉，價錢亦很經濟實胃。 中式糖水為主，選擇不算少，心機之作。 由於地方有限，不宜久留!

同媽媽一齊行過, 我醒起佢話鍾意食呢d傳統糖水, 就二話不說入去食~我叫左個腐竹意米蛋, 媽咪叫左紅豆莎蓮子糖水又大碗又好味~ 鍾意佢用d懷舊款既碗碟, 好有風味!! =]臨走買左兩支豆漿添! 都好好味呀~價錢又合理, 下次一定會再去!!

今日去完石澳番筲箕灣,見天氣凍凍地就走去食糖水,首先我叫左個薑汁燉奶,真係好滑,但嫌薑汁唔夠,不過都總算唔錯嫁啦....食完一碗唔夠喉,之後再order多一碗合桃糊燉奶,都係啦,合桃糊太少啦,似食淨燉奶多d,不過十幾蚊,唔好太多要求,最後我真係好鍾意佢ge滑,食完好有滿足感