翠苑甜品專家 (北角道)

營業中

休息中

Shapeshifer對糊好有研究，懂得吃和享受糊的質感。其實只要個人滿足己經是一碗好的糊了，但有幾點可能誤解我所寫的內容。首先落粉意思不是話開沖粉變糊，當然一般粥麵鋪既芝麻糊是開沖粉即變糊，因為開粉的糊，不夠滑和吃完會口乾要飲水，另外明顯既粒狀物出現，就算生磨的糊，只要放在爐裏時間一久，亦會出現，要廚師做QC，當然我亦相信石磨坊是生磨的，我所謂落粉意思，不是話開沖劑粉，是話用粉的比例去變糊的杰和稀的標準，那是什麼粉? 當然這是商業秘密，識烹芝麻糊的老師便明白我講什麼，但可以敢定不是加奶或米槳。我不是針對任何一間糖水店，只是要食得健康、開心和有質數。之前的糖水店仍然不是我的選擇，我有心頭好，但不會同人賣廣告。

落粉既糊唔係咁樣既,落粉既糊係會見到好明顯既粒狀物同埋會食到粉味.食一d粥麵鋪既芝麻糊就最明顯,糖朝個d都係.石磨坊個d點解唔夠芝麻味係因為佢應該加左野(加左乜我就唔知,我估可能係奶或米槳).因為淨芝麻糊應該係好似松記咁樣.至於我點解覺得石磨坊d咁正係因為佢真係做到糊既感覺出來,好似bb食既糊仔一樣有飽滿感.你話佢杰得滯既話,我覺得糊就當然係杰既,而且佢杰得來幼滑.唔係成舊粉咁樣.不過石磨坊個d好多時都有陣苦味,可能炒芝麻個度差左d.松記個d係比較稀,但都有糊既質感.而翠苑個實在太稀,連掛碗既基本要求都做唔到,似水多過似糊. 所以佢自稱王我實在無法認同.

杏花樓同跑馬地滿屋?芝麻糊好味，我都有興趣去試，多謝！因為石磨坊和芝麻綠豆已經不會再食(次次都失望)。識食糊的人，白然明白，最重要熱要夠熱，凍要夠凍，稀和杰要適中，杰不要像粉槳，失敗！天氣凍和熱，稀和杰亦不同，當然顧客要求最重要。另外非常同意大良八記同西貢滿記就麻麻地喇，因為感覺開粉做糊，不會再吃。但都會幫襯翠苑甜品專家！因為借人太多篇幅。

個人覺得杏花樓同跑馬地滿屋嘅芝麻糊好味。兩間都做到好有芝麻味，滿屋更佳。杰度亦適中，唔會太稀。上桌時亦好夠熱。這兩間嘅水準真係唔錯。大良八記同西貢滿記就麻麻地喇。

Shapeshifer,我都有小小認同你，但翠苑甜品專家以「芝麻糊王」為口號，大家做生意，不要太介意，但它的芝麻糊味道和甜度也不太差。但我覺得你太神化石磨坊,松記,芝麻綠豆的甜品了，石磨坊的芝麻糊缺少芝麻的香味，還有落粉過重，像吃粉漿的感覺，制作過程有問題。芝麻綠豆甜品屋的芝麻糊亦同樣缺少芝麻的香味，同石磨坊一樣制作芝麻的程序有問題，未夠火喉，帶不出芝麻糊的芝麻香味，水準只是一般。松記的芝麻糊的確有芝麻香味，但不夠重和比較稀，質數不隱定，但算是比前2 者高，的確不是知名的糖水鋪好吃，只是羊群心理，例如滿記，(又貴又難吃)一間小小的糖水鋪可能更有心思和更好吃。不用太神化它們，它們同樣有好多缺點。

行過北角,諗住去糖水街食糖水.點知搵極都唔見有糖水鋪,一問之下原來個度d糖水鋪已經拆左n世咁耐.其間有人介紹話呢間唔錯,於是試下.入到去都唔知食乜好,見佢門口寫住「芝麻糊王」,非常大口氣.於是試下.食後感係如果佢叫王,咁石磨坊,松記,芝麻綠豆個d可以叫做神了.佢值60 分左右啦.

在北角吃完晚飯,經過這間甜品店,於是買了一個薑汁燉奶($13)外賣吃.老實說,薑汁並不太多,但入口好滑,但又唔會好似溝左好多水咁,真的很好吃,口感和味道都有一定的水準.平時在香港食至少要$15,即使在深圳吃也要$8一碗,現在以這個價錢就可以吃到,真的很開心.第二晚,我食過番尋味,又去買了個燉蛋外賣.一樣係咁滑同好食.佢d蛋味或許沒有合發又或是別的甜品店那麼濃,但其他方面絕對是有過之而無不以及.1.佢d燉蛋同燉奶真係熱烘烘拿出來給你吃的,不似大部份糖水店都係俾個暖的你食.2.佢既份量絕對係合發的兩倍,包你食完即飽!3.價錢真係好平好平.全店最貴的是龜苓膏($18),其他的糖水大部份都是$10-$13之間.而且,我上次買燉蛋的時候是夜晚,可能買不完,所以減價.我用$7買了一個原本價值$10的燉蛋.$7一個燉蛋-問你去邊度搵?