翠河餐廳

早餐尚可，牛扒幾大塊，但以前個麵包好食啲，而家換咗一塊好難食嘅多士，仲要黑黑地。員工嘅態度有啲搞笑，想攞一杯熱水，佢話呢度啲水唔會熱嘅，我問佢廚房有冇，佢堅持話冇，然後其他員工就叫佢去水吧拿；之後問佢有冇餐紙，佢就話餐紙要去收銀攞！員工明顯士氣低落😞，不願多做的狀態，可惜！…查看更多

叫咗個 A.傳統早餐 $34仿鮑魚火腿通心粉 - 配牛乳炒滑蛋 & 日式奶油多士所謂仿鮑魚即仿鮑片，呢度嘅仿鮑片切到一條條絲，但咬落覺得好韌。湯底都係偏淡，通粉就一般啦。炒滑蛋就唔算好滑。奶油多士我就唔係好知日式係點，只係覺得係一塊味道都唔錯嘅奶油多士，都幾脆。餐廳本身都算大，環境都算唔錯，坐得闊落，唔會逼逼夾夾，同埋唔駛搭檯先，疫情期間食得都比較安心少少。…查看更多

求其到不得了！！叫左碟肉絲炒麵，個麵底白烚咁樣，求其煎兩野就算！個茨汁過稠同冇味！仲要碟垃圾上枱己經唔熱！食兩啖己經唔想食，未食過咁垃圾既肉絲炒麵！一樣咁簡單既野食都可以整到咁難食！可想言之，成間餐廳既質素係點，完全係得過且過！！冇下次！…查看更多

經歷了數天的裝修終於回來了店內變得光猛、椅子換了新的看似非常不錯，可是還是不夠膽堂食在櫃台再不是餐紙而是有設定好的餐牌了比以前簡單易明，而且多了個抗疲餐很便宜只需$38看到自己喜歡的咖哩牛腩就買一個回家雖然說是飯堂，但完全是出於方便說實在這數月來的食物質素其實真的每況月下像我喜歡吃的咖喱汁類食物時而濃稠時而如水般稀在裝修前的日子有時還會有焦掉的肉類情形出現可是裝修過後，今天這個咖哩飯終於像以前的咖哩汁了，那層辣油真的久違了光是賣相已知道師傅回魂了，吃過後味道終於都對了這家店咖哩是偏於東南亞風，可能並不是每個人都接受那種帶一點點香茅味亦是不錯說喜歡的人會很喜歡，不喜歡的人可能會很討厭這種味但偏於愛吃東亞南類食物的我覺得尚算不錯最少算是回復水準這家店的牛腩雖然不是鮮牛腩但加工處理很好，沒有那種臭牛"穌"味不過說是很鮮很甜這是沒法給你的啦整體跟價錢成正比吧所以以$38一個餐連飲品有這樣質素尚算可以接受而且裝修後的回魂我會私心一點打高分點之後如何呢?還是要看下去…查看更多

食咗都差唔多兩三年，睇住佢越嚟越多漏單錯單 呢個月嗌三次外賣有兩次都落錯單，落錯完仲要話返我轉頭 。以前喺度嘅服務員都好好，而家新嗰啲態度差到冇人有， 希望佢哋會有改善…查看更多

粉嶺中心有好多地方番裝修緊，食巿選擇唔多，今次午餐去咗翠河餐廳食，貪佢坐得舒服啲。叫了一碟梅菜扣肉飯，點知中哂伏，啲汁超咸，扣肉超瘦同乾，從未食過咁難食的梅菜扣肉飯…查看更多

1、这道菜一上桌就让人非常有食欲，香气浓郁，非常诱人。口感非常的脆嫩，爽滑。浓郁的酱汁包裹着食材，咬下去酱汁充满口腔。而且用料十分新鲜，给的量也很足，性价比超级高。下次有机会一定会再来。2、这家餐厅环境很好，非常干净整洁，食物不仅外形美观，重要的是味道非常棒，色味俱佳。做法保留了食材原有的味道，清新爽口。而且菜品选择非常多，价格也不高，适合带着家人一起去。3、味道超赞，而且一看就让人觉得很有食欲，但是分量不大，属于比较精致的类型。胜在菜品也很新鲜，味道咸淡适中，而且火候掌握的刚好。上菜速度很快。就是用餐环境还需要改善，但是价格非常实惠，基本隔段时间就会来一次…查看更多

這間在粉嶺中心地下的茶餐廳，樓面乾淨企理，晚市時段比較靜，可以輕鬆慢慢坐。晚市碟頭飯餐都頗划算，並有12款選擇，$44 有飯，還包含例湯或熱飲。我選了馬蹄土魷蒸肉餅飯，肉餅大大份，質感嫩而不老，調味適中，甜鼓油應記一功。是日例湯是霸皇花紅蘿蔔湯，足料而且味道清甜，感覺很不錯。…查看更多

這裏的食物質素ok ，上菜時間快， 價錢合理！不過其中一個中年男待應， 不停地大聲連珠爆發粗口， 一面做一邊狂鬧啲客， 又話人哋畀幾十蚊 以為自己去酒店食嘢 等下都唔得 個客話想寫單 佢話寫你條x 唔等得就去第二間食！ 對啲客好似鬧狗一樣咁 午市一定係忙 但使唔使講嘢咁刻薄！ 其他員工聽到不但沒有阻止 仲大大聲一齊笑 就算嗰啲食物幾好 要受氣同背脊骨落 簡直比錢買難受 成餐飯都好辛苦 雖然唔係話我 但啲說話真係好難聽 老闆睇到唔該同啲員工溝通下 呢個唔係餐廳嘅問題 喺個人嘅人品問題…查看更多

絕對唔推薦係依到食早餐！！！ 首先， 職員態度好差， 又成日出錯 ！我地一枱四個人，一人叫一個早餐... 通粉變左公仔面， 奶茶變左檸茶.... 完全唔明白點解點野食個時已經重覆左幾次， 佢又覆埋單， 都仲係可以出錯...！！！黎錯野都算， 叫佢換番岩，仲好似好唔憤氣咁...明明係佢落錯單...搞到好似係我叫錯野咁orz....之後，野食都係一啲都唔好食...啲粉面好爛，同埋佢杯奶茶...好似飲奶水咁...絕對唔會再黎依間野食…查看更多

夜晚一個人去咗樓下翠河食左個菠蘿豬扒焗飯， 可能即叫即焗關係，所以等候時間大概15分鐘，熱騰騰的焗飯就送到了。先講個菠蘿好新鮮酸酸甜甜夠開胃， 而個番茄汁好濃郁又夠味，豬扒佢預先已經切好一塊塊鋪滿碟面所以食嘅時候唔使用刀剧，非常方便，豬扒亦都煎得好入味又夠滑，份量亦都適中，飯係炒飯底，有啲餐廳會將啲飯煮好直接放落去再焗，冇炒過，所以就會冇咁香，而呢個飯有炒，比較乾身爽口， 另外仲有一碗例湯，都係一個唔錯嘅晚餐！…查看更多

Lunch時間，翠河已經坐左好多人，打開menu 見到lunch set嘅選擇都幾多，有飯有意粉有拉麵，而個餐可以配餐湯或者飲品，都好多元化。點左個梅菜扣肉飯，扣肉好腍，配埋梅菜入口好惹味；另外係芝士肉醬焗意粉，一般出面嘅肉醬都比較少，但係呢度既份量好多，而意粉都好足夠， 芝士味又夠濃。我就飲左餐湯，而朋友就飲凍檸茶，加上價錢都好中等，唔算太貴，食完都會飽，而坐嘅環境都舒適，可以食完慢慢，傾唔會俾人趕走！…查看更多

11點幾 想去食個午餐 叫左個蒜茸牛扒飯 坐落先見到有個牌仔"唔怕凍先坐" 即刻問職員可唔可以轉位 (見到好多單丁位）本身都係做客戶服務 所以有禮貌問左句 點知換黎"寫住嫁啦"再拎個牌仔拍張枱 講句落單跟枱轉唔到都容易接受 咁既態度真係好難頂…查看更多

今日放假得閒, 過粉嶺搵朋友樓下食午餐, 1點半鐘左右, 9成坐晒人, 都仲有位可搭台, 唔洗等位。我地分別叫左午餐。個肉餅唔係夠圓, 填唔晒成個碟, 份量唔算多, 個肉餅唔算肥, 唔會淋芝芝個種得肥肉, 口感都實既, 有土魷味, 味道唔錯。朋友個翠肉瓜雜菌飯, 無咩特別, 朋友話都ok.…查看更多

外賣還是堂食都好，d嘢亂晒龍，d送唔知去左邊，人地d送又唔知點解送過黎，一次又係咁，兩次又係咁，難怪越黎越少人食。仲要叫果樣又唔係果樣，要佢改返，一等又係幾個字....真係火都黎…查看更多