翠河餐廳 (富泰商場)

營業中

休息中

2個人食晚飯，19:00開始落單，一個叫蛋牛飯，一個叫油雞飯，滑蛋牛飯嚟先，但碟油雞飯竟然等成9個字先捨得嚟！䣓離枱6個人遲嚟15分鐘都可以快過我！三吹四請不斷追侍應，只係識叫你等！其實都唔知有無落過單？因為佢地根本只係求其應吓你就算！打開門口做生意，你廚房做唔掂就摺咗佢！不知所謂！正垃圾！千其唔好幫襯呢間垃圾，食物已經唔好食，而家又落漏單又出菜慢又唔係平，想點？食第二間都好過佢！垃圾！垃圾！垃圾！！！

嚟呢間茶餐廳食嘢都唔係第一次，次次都食得唔開心走人，今次更加不知所謂。由於上次叫杯凍飲少冰仲多過冇叫少冰，咁今次就提佢真係要少冰啦，阿哥哥仔就話所有茶餐廳都冇少冰架，有都係呃你。😱😱，大佬你就眼睇咪最多都係二十尾，所有茶餐廳都冇少冰，咁我去嗰啲係咩嚟？指明話要5粒冰都得呀⋯⋯不過既然哥哥仔都講到咁，咁咪聽哥哥仔講唔俾人呃叫熱飲囉，仲慳番幾蚊添⋯⋯但可惜所有增長知識後，落完單後，就通知我地有兩個餸都冇，噢！實在太好，唔洗食，閃人！！領展就識加租，趕小商戶走，再租俾垃圾。政府又唔理，咁我寧願餐餐食m記都唔願食垃圾

母親節同屋企人去翠河食個飯，去到叫左幾個餸跟餐加飯同野飲咁，開頭黎餸黎得都幾快（未比飯），跟住差最後一個餸果陣突然走埋黎講左句賣哂跟住就走左……好啦咁賣哂就再叫過啦，跟住等左一陣都係未比個飯黎，就叫人比個飯啦，點知條友聽完就算，等左幾個字見條友同其他人裝飯完飯就走左去跟住我地直接大聲叫先幫我地裝……雖然母親節但啲服務真係未見過咁差（到最後仲係差一杯野飲…吹左兩次之後話沒落單第三次又係聽完就算………好啦咁我地飯都食完啦，咪唯有唔飲直接走囉…………以後都唔再食呢間垃圾

一心想食焗飯，睇完menu就叫左白汁龍脷柳焗飯點知...焗野呢個價錢仲包湯係唔錯既，但唔知點解係中湯，好似有啲格格不入。明明我叫焗飯又黎左焗意粉，大家都知焗野多數要等好奈，我為免再等我就照要左個焗意粉。個意粉白汁係夠既，但面得超少芝士，本人覺得唔太夠。而且個龍脷柳完全唔得，好乾身完全唔滑唔好食。另外，每日都有精選套餐既本身想叫什錦炒烏冬，點知又話冇晒。之後就叫左沙薑雞飯，點知...個飯黎到飯同雞都唔係熱既，只係暖暖地咁。個沙薑超多油，點落啲醬到得啲油完全點唔到沙薑。雞又淨俾雞胸位，鞋十十。啲飯仲超硬。雖然呢個價錢包熱飲，但個飯真係一般...

食到一肚火...咁大個仔第一次飲凍檸茶有甜味有茶味就係無酸味同侍應講可唔可以加多一兩片檸檬佢話唔得話公司規定（三片檸檬）果三片檸檬請睇圖片......係咪好「厚」呢？而家D檸檬好貴？仲有（態度惡劣）寸返我叫我睇下果三塊檸檬，未有得食已經好唔開心想走了！之後果份牛根腩⋯唔知我以為自己食緊牛腩，仲要好肥果隻。牛根腩居然得腩肥膏，就冇根！凍檸茶居然得茶味冇檸檬味，冇話酸啦，係連個味都冇 其實最火滾都係果杯凍檸茶，我而家又唔係話換，隻係叫佢加兩塊姐，唔加都算了⋯使唔使態度咁差！

新開了翠河茶餐廳，吸引左很多人，第二日晚來食飯，已經要等位，餐廳有網上取票系統，都十分方便，等三張飛，也是好快的。仕應好有效率。裏面裝修感覺好大，座位是卡位及圓枱，可以適合不同食客人數的。好貼心。卡位不是好濶落，只是剛好坐到4人！每枱也有紙巾，也有餐具，夠方便，杯也是好新的。餐牌好清晰。有圖片，字體也夠大。門口好多人等位我們叫了兩個小菜，可以加錢轉套餐，芥菜排骨煲，好大煲，好多芥菜，排骨份量亦唔少，仲有冬菇，好清甜的湯，芥菜也是好鮮甜新鮮。排骨沒有肥肉的。好正！！生炒排骨，有菠蘿，青椒，洋蔥，紅椒，味道酸酸甜甜好開胃，排骨肉淋又香脆，好好食，同埋冇肥肉架。菠蘿及其它配菜也是夠入味！晚餐好抵，45元包湯或飲品，叫了星洲炒米，好大碟，吸引的顏色，配料也夠多，有火腿，蛋，叉燒，蝦，仲有葱，紅椒，味道惹味又香，不算好辣，夠乾身唔會好油。跟餐例湯，清甜又足料，份量亦唔少。奶茶好香又好滑，好有茶味。係茶餐廳奶茶的味道，好正走的時候仲有好多人等位。十分抵食