翠河餐廳 (朗屏邨)

營業中

休息中

先唔講價錢貴唔好食，係度買炒粉麵飯就同買大細無分別！上次買個乾炒牛河夠膽死得3塊牛肉，今日個菠蘿雞粒炒飯，得果2塊菠蘿硬過你條命都算，雞粒，唔係，只係雞丁，得果7粒每粒仲要得手指尾咁大食物已經唔係佔成本好多，仲要喺D咁既地方搵客著數

哩間翠河間中都有幫襯開，食物都同價錢成正比ok嘅，佢個菜單預先顯示定呢個禮拜星期一至日每日將會有咩菜式，今次叫咗星洲炒米午市套餐，跟餐送例湯加飲品。大概等咗10分鐘到就上菜啦，食得出廚師都有一定嘅鑊氣，整體唔差，而環境嚟講總算整潔，冷氣壞咗我可以體諒，但我都仲未離開個位個侍應就已經叫個客坐過嚟，真係好有問題。前提係有幾張吉枱又唔見佢執，原來可以咁趕客，樣樣OK但係服務差到咁，睇得出間餐廳都唔憂做，去返隔離食米線都仲未咁嬲。

尋日想食西芹腰果雞丁，佢落咗西芹腰果菇丁，男朋友順路幫我買返屋企冇留意到緊要，今日我又想食西芹腰果雞丁，男朋友話$90咁貴嘅，我深感不妙，個職員係咪又落錯單一睇就發現又係落錯菇丁，之後加咗$9（$81+9）一共$90，我上網查就算加埋蝦仁先82，我即場打電話到朗屏分店店員回覆我今天出了新菜單，所以要$90，我不死心打去天水圍分店問殊不知對方回覆我有湯有飯86？？？我唔係俾唔起呢$4而係我覺得好似俾人呃咗，講真俾幾多錢？唔緊要好食，我照樣會比問題係你呃我錢喎，由於我男朋友社恐所以我冇諗住要佢當面解決，就當我跌咗$4俾乞兒以後都唔會再食

叫咗兩個飯一個咖哩豬扒 同埋吉列豬扒啲飯直情硬都食唔到同埋佢哋 出餐都好混亂 等咗好耐先有得食 但係最後都好失望 餐廳光線不足 衛生條件差 同埋好似好耐都冇人招呼你 攞位自己坐低等咗好耐

翠河餐廳提供海鮮選擇，無論是蒸、烤還是炒，都能讓您品嚐到海鮮的鮮美風味。他們的燒烤海鮮尤其出色，鮮嫩多汁，搭配獨特的醬料，美味無比。除了海鮮，翠河餐廳的肉類料理也非常精彩。他們的牛排烹飪得恰到好處，外酥內嫩，肉質鮮美。無論您喜歡生熟度如何，翠河餐廳都能根據您的要求提供完美的牛排。他們的烤雞和燒豬也是絕對不能錯過的美味選擇。此外，翠河餐廳的素食料理同樣出色。他們的蔬菜炒飯和炒麵非常美味，色香味俱全。無論是清炒還是炒醬，都能將蔬菜的鮮甜和口感完美展現。他們的素菜也非常豐富，可以滿足各種素食者的需求。

年三十晚星期六要工作，晚餐只可以簡單啲，外賣平台點餐外送。揀咗朗屏的翠河餐廳，今次係第一次幫襯。點咗3個小菜，魚湯蠔仔肉碎泡飯用料都算豐富，味道亦OK。欖菜肉鬆四季豆，簡單得來而味道OK。梅菜扣肉煲，扣肉唔會太肥，梅菜亦夠晒惹味。

事發日期：2021年10月11日早上外賣自取係員工俾個號碼你，等到外賣做好就放喺枱自行認領員工貼錯號碼紙，我返到屋企先發現成份餐錯晒，就打電話同佢講聲（純粹諗住話俾佢哋知錯到咁，想佢哋留意返）點知聽電話果位鄉音女士，第一句就話係我攞錯，我就問返佢：你叫我攞901，你張紙係咪貼住901先？佢就繼續9噏幾百字，話自己出單果陣號碼重複左，要改返點點點，咁即係係佢出錯冇通知我啦？然後鄉音女士繼續不服：你話唔要嘢飲（重複咗三次）咁即係咩意思吖？佢唔敢再駁佢言下之意係，我要求走飲品，袋嘢食入面有杯飲品，我唔應該攞，即係話我應該即場拆開袋外賣睇吓入面有啲咩再攞！原本唔嬲都俾佢啲態度令我開始不滿佢唔再駁之後就問我想點我話我唔嚟換喇，你改返單我經過嚟攞返差額（只係$4）算啦鄉音女士堅持要我落去換餐，唔退款我今次真係發火！我就鬧佢：你俾錯嘢我咁嘅態度，仲要我承擔你嘅錯落嚟換？你唔退就攞返個餐上嚟俾我！鄉音女士好串咁答我：呢個個個要做嘢，冇人得閒！我問返佢：得你要做嘢，我唔洗做？我都要做嘢！然後到我爆佢佢先好差態度咁話：$4啫（重複咗3次）你得閒落嚟攞返啦！自己做錯事仲要咁嘅態度唔洗旨意會再幫襯！

由於天氣太熱，揀餐廳最緊要夠冷氣，一入到餐廳，冷氣充足，環境舒適夠乾淨所以就坐低食嘢。下午茶兩個人去食，叫左3個餐，艇妹鮮蝦炒銀針粉，沙嗲牛肉包拼薯條，椒鹽雞翼公仔麵由於出面好少餐廳有銀針粉食，所以見到即叫。下午茶$42，黎到估唔到都好大碟，蝦唔算有好多，仲有啲蝦乾，感覺似用xo醬炒，又辣又有啲咸香味，有啲驚喜👍🏿之後沙嗲牛肉包個包脆卜卜加沙爹牛肉好食，薯條都係熱辣辣脆卜卜，好食，不過份量有啲少🤣雞翼公仔麵不過不失，沒有太大驚喜。3個餐$126，合理價錢，環境舒適，食物味道中規中矩👍🏿

之前吃了這間餐廳的西多士才留意好久到了後來就偏向吃他們的早餐 下午茶 吃過早餐 真的好飽肚 例如魚柳早餐真的很多份量 而下午茶就吃過豬扒包配薯條 豬扒夠味 包就是我喜歡的脆豬 薯條就平常吃的最近看見有朱古力奶茶就試試個人覺得不錯 喝一口又不會太過伏濃味 不會過淡 也不會濃過頭而我最喜歡吃這裡的吉列魚柳配雜果沙律魚柳非常脆口 還很夠味 不是那種一定要有沙律醬才吃到的感覺沙律比以前給了少一點 好像變得大部分也是薯仔 荔枝 菠蘿和橙也沒以前那麼多了 不過都覺得飽肚下午茶價錢也可以接受加了88折 原本44元 之後就變了39早餐和下午茶都非常推薦

星洲炒米加凍飲42蚊， 味道方面算係中上， 味道還算足夠， 啲米粉都唔會太硬或者炒得太油膩， 不過配料略嫌不足。另外嗌咗個滑蛋蝦炒河粉， 配例湯54蚊。 成碟餸得四隻細蝦， 同埋食落去冇乜味， 凍飲又要另外加十蚊， 唔係幾抵， 成碟餸嘅手工都係偏簡單， 配料亦都好少， 總括嚟講只係得中等 評價。 可以做得更加好， 不過如果普普通通食一餐， 都可以過嚟食下嘅， 不過唔好太高期望。

去左翠河食lunch，點左是日午餐芝士肉醬意粉，連飲品都係$46，好抵食喎，平過快餐店。點完餐來例湯，先知道原來個餐仲包埋有湯，真係超值，但飲左一啖後發現太咸，就放棄左到意粉來，面頭有一大pat溶左嘅芝士，肉醬夠多，也食到一粒粒肉，唔會過碎，味道是不錯的，意粉份量也大，奶茶正正常常。食完後重點來了，開始勁口渴，我本身已經有支水，飲晒都不夠，又買一支，又飲晒都仲係口渴，我知出街食有味精好正常，但呢次唔係一般口渴，係非常嚴重，3支400ml水都唔夠飲，唔敢再食了

下午茶時間，又落雨周圍都濕粒粒..冇乜選擇之下來到朗屏翠河，下午茶餐唔太啱食，最終點了干炒豬扒烏冬和茶走。茶走..茶味都夠香同夠滑..但干炒豬扒烏冬上枱時已經覺得冇乜色水一食落口烏冬太淋，感覺是出過水一樣，完全冇炒嘅感覺，食落口一啲鑊氣都無！口感好差，而且豬扒既肉質好梅好多渣我食咗三份一已經再食唔到落去總括嚟講一定無下次！碟乾炒豬扒烏冬$52蚊，完全唔值呢個價錢！唔食好過食茶走就另加＄9，冇諗過集團式嘅食店質素會咁差😩

見到翠河餐廳，以為會好貴呢間有d晤同，價錢好合理這是內部環境，好多卡位仲有電視機值得讚係每枱有紙巾不用自己買先看看早晨餐牌，價錢晤貴，最平30元，加涷飲共33元有火腿湯通粉，好味，湯夠哂濃味加多隻双蛋，多士，早餐絕配味道Good，不過唯一多士晤夠熱杯奶茶算係沖得有水準，涷飲加3妏，如果平d更好期間看到午餐，晚餐的餐牌，價錢ok合理40-50妏有套餐，算係平。總括來說，餐廳環境舒適，食物有質素，價錢好合理

下午茶想食飯，想又大碟又平一定係翠河餐廳。餐牌 入面都係平均40蚊一個餐，我今次叫咗咖哩雞飯,香濃馬來西亞嘅咖哩香，入味得嚟又唔會太辣， 最重點係啲雞無雪味(我最怕)。 大大件嘅雞，數下數下都有七舊， 配埋飯真係好抵食。40蚊一個餐，己又飽肚，下午茶真係好難搵。

今日行過，見到呢間嘢開咗唔係好耐，咁岩又 想食下午茶， 所以就選擇咗食翠河。我叫咗個瑞士汁雞翼撈公仔麵， 出奇地竟然有三隻瑞士雞翼。 平時食開多數都係得兩隻雞翼。 雞翼有好濃既瑞士汁香味， 夠林身而又無雪藏味。 而公仔麵就軟硬適中， 再配合埋瑞士汁，味道一流。 價錢40蚊連一杯熱飲, 下午茶選擇又多， 下次都會再食。