義香荳腐食品

營業中

休息中

去潮發買潮州粿，順便試吓呢間豆腐花。熱豆腐花好滑！但豆味吾夠喎…豆腐花上枱已洒了一小匙黃糖，自己再加，點解枱上的糖竟然係黃白糖混合嘅？！煎釀三寶新鮮製作，熱辣辣，20蚊六件抵食！不過幾油吓…食完碟底好多油。釀入去嘅魚肉口感煙韌，都係無乜味…埋單29蚊，抵食！

九龍城不只是泰菜 之街坊小食：三寶，豆腐花，豆漿炸雲吞係我勁勁勁推之一皮薄，點甜豉油，不得了豆漿又烤燶燶地的味道，好香豆味豆腐花滑嘟嘟煎豆腐都係必叫，唔食得咁多，又要掃下間（九龍城不只是泰菜）

星期日同個七歲小朋友去買豆漿小朋友落order: 一枝無糖豆漿惡死伙計態度衰衰：叫大人講吖ok, 明白你忙，有時小朋友講唔作準媽媽再講：無糖細豆漿惡死伙計再挑剔：講size啦媽媽火都黎：咪講左細囉（呢0個時候已經張錢放定向佢張枱，慌死俾遲左俾人鬧）同一個發雞盲伙計：13蚊俾錢啦媽媽真係忍唔住：咪放左你枱面囉，唔開心發脾氣返屋企啦，做咩係咁鬧d客惡死發雞盲伙計張d coins好大力好悔氣咁掉落個dull到d service同公和真係差好遠，以後寧願唔飲豆漿都唔會幫趁你義香

細細個已經有嘅豆腐花店，到今時今日都係20蚊煎鑲三寶，平到笑，豆腐花更加係唔洗講，童年回憶！不過當然小店又平價總會有一啲特色就係串，不過ok嘅都未串得過澳牛，係大聲左啲，無計，太多客

特登去食碗豆腐花，原來並唔簡單！首先要學會忍⋯忍，未入門口亞姐已經大大聲叫你點坐，乖乖哋聽亞姐講坐定，要兩碗熱豆腐花唔好放黃糖，亞姐送上兩碗完全冇糖，再呱呱嘈你自己搞啦糖水枱上又冇隔離枱問亞姐有冇水（食藥）送上豆漿（我豆漿係叫水架）本身碗豆腐花巳經唔夠滑仲要受氣下次唔會再見👋🏻

前台幾個大媽態度差到1個點 杯豆漿一大陣濃味。。。唔明點解咁多人買 仲要一大支咁買。。。煎釀三寶係大大件ok既但相信佢地d態度唔會改善得好。。所以永不再食 貼錢買難受

Inspite of the lack of great reviews this place is super busy.This place sells a variety of soya bean products and cooked hong style snacks and is a place you go for a quick hunger fix. Popular are the pan fried snacks, tofu pudding and my fave the soya bean milk. Combo of red sausage, fishballs and tofu.Fishballs had a nice springy texture and tofu cooked with a nice crispy crust.Tofu pudding.They have the regular soya bean milk and also the black soya bean milk and both have a nice "roasted nu

童年回憶想食耐，凍荳腐花 $9 好有荳香味，但比較粗糙，而煎釀三寶 20有6大件，真係好平，而且唔會太多粉漿、但覺得魚肉有d腥.店舖就真係無乜改變，而且無冷氣，下午食非常之熱，老板都是粗聲粗氣，所以員工都是一樣，這些老店未食過可一試，因為買小見小，良心企業，平價之選 !

趁呢日見有啲時間，#小秘書 快閃 #九龍城 一圈，順路行去 AEON Stores Hong Kong 買啲 #日用品，點知買吓買吓重手得阻，最終搞到要搵 #的士 🚕 返屋企🤪 最慘當時沿路一直無的士經過👉🏻👈🏻 唯有沿路行出大路再截啦... 心多多嘅我😉醒起有人提過附近有間舖頭啲 #豆腐花 都唔錯（當然佢唔係講緊「公和」啦）🤪 誤打誤撞又真係比我喺 #衙前塱道 搵到間 #豆腐食品店「義香」。講真舖面外貌就一啲都唔討好，不過一場嚟到，就順手 #外賣 兩碗返去孝敬 #兩老❤️「義香」嘅 #豆腐花 #豆味 係幾重嘅，不過口感比較粗糙，唔係入口即滑落喉嚨嗰種感覺，不過舖家講明唔會加 #糖水，只有 #黃糖 供應，糖嘅份量啱啱好，唔會太甜🤤 況且都只係$10/碗，大家如果經過嘅... 可以一試！

因為今晚打火鍋買肥牛，所以就去旁邊間豆腐花店食豆腐花。一入去職員好串，叫旁邊嗰台客嘅人唔食唔好坐喺度出去等，我覺得即時服務大打折扣，另外又發現豆腐花嘅黃糖加了不少砂糖，這樣是否因為成本問題. 至於味道方面，我覺得同出邊嘅豆腐花店味道差不多，沒有覺得特別好食。環境方面，我又不覺得裝修有特色，對我來講環境有一點污糟。

朋友介紹的小店，傳統店舖環境，無冷氣，簡單既枱凳。老闆對客人無咩禮貌，見到有客人入黎時都呼呼喝喝，可能唔怕無生意🤣叫左個煎釀豆腐同涼粉，豆腐剛炸出黎，好香口。涼粉不過不失，下次可以試下豆腐花，不過唔會係食飯時間黎，怕多人！

聽聞是老自號，又聽聞有風味⋯⋯豆腐花好好味，黎到之後即刻叫嚟試吓。堅滑，雖然細細碗，配埋其他美食，也是滿意。呢個食法，紅豆溝豆腐花，其實冇咩特別，不過想食熱嘅時候就冇。不過呢款嘅豆腐花有啲老。呢一款比齋豆腐花大碗。試吓呢個炸三寶先，有齋雞，雲吞同豆卜，唔係唔好食，如果雲吞大粒啲就好啦跟住落嚟，呢款$20煎釀三寶，有青椒，茄子同豆腐，不能改款（可以散的其他），我個人認為最好味，夠熱，夠厚身，啖啖口感必食呢間舖頭有其他獨特美食，例如燒賣撈米，碗仔翅撈米咁，應該冇咩舖頭有得食，不過就唔係我心水，如果你有興趣，不防試吓，我見都有熟客叫嫁！補充一句，佢哋嘅豆腐製品有陣「炭燒」味，都幾特別。最後買咗呢瓶靚腐乳，話晒有五十年老字號，點都唔會太難食，細的$35，大的$65有辣有唔辣，售貨員介紹食唔到辣都可以買辣嘅試吓，好味啲試完再同大家分享。

我看見店裏有很多人和店內好像係老字號，所以我就買返屋企試試看。我就買左一枝豆漿和三碗凍豆腐花。點知，豆漿超級難飲和一些炭味，凍豆腐花溝白糖。凍豆腐花一點也不滑、沒有豆味和有豆衣還有一些怪味，店員禮貌非常非常非常差。此店必須大大改善！！🙏🏼🙏🏼

同女朋友拍拖去九龍城行下，見到有間傳統豆品舖 就忍唔住入去食個下午茶。花奶溝熱豆腐花($15)豆腐花香滑，再加埋花奶滑上加滑。我鍾意一層層咁食落去，唔會搞爛曬，所以面頭就會無甜味。食到落底，無曬花奶就會食到有糖水，越食越甜。黑豆漿溝涼粉($15)超級足料，好多涼粉。凍黑豆漿甜甜地超好味。下次叫黑豆漿溝豆腐花應該就無敵喇。每人一大碗都幾飽肚。見隔離枱有人叫淨豆腐花($9)， 好明顯比我哋個碗細好多，就睇你食量喇。

下午三點幾同老公係九龍城處理完事務口痕痕想食下午茶醒起好耐無食過豆腐花一於就去食返碗先天氣太熱 一坐底先黎杯黑豆漿好好飲 唔算甜又冰涼 解暑一流本身想食豆腐花但見到碗仔翅又忍唔住😂將食豆腐花呢個任務交左比老公😆😆老公話好食到想嗌多碗 最後忍住嗌杯黑豆漿一路食見到老闆娘兩姐妹同d客人閒話家常講下街市邊檔買咩平買咩靚除左食物既味道外仲有濃濃既人情味