美麗小廚

今晚悶悶哋，極需「解憂的杜康」，哈哈！「美麗小廚」的餐牌封面，就是寫着這精句［何以解憂，唯有杜康。］想來也對，人生難免遇上不順之事，無論如何，總要吃，來碗靚飯是動力之所在，方有力量想辦法！「美麗小廚」以煲仔飯作主打，同時不乏鑊氣小炒、煲仔小菜、時令海鮮等等。有趣地，強調［飯是配角，油係靈魂］，依我之見，半對！揭開飯蓋那一剎那，飯香湧出，正是添油、添醬之佳時，這亦是不能缺的步驟，但好戲更在後頭，最美麗之處在那香脆的飯焦！果然沒有令我們失望，兩煲煲仔飯皆有完美的飯焦，大滿足！紫蘇鼓蒜排骨煲仔飯 $98味道豐富，紫蘇葉香，薑絲、蔥花、椒絲添香，排骨的骨與肉比例理想，亦有軟骨，肉質鬆軟，非常討好。麗姐海陸空煲仔飯 $198即是鮑魚臘味滑雞煲，雞已起骨，皮與肉皆滑，鮑魚彈牙，臘腸有玫瑰露香，潤腸味濃，矜貴豐富，配合焦香的米飯，完美！所有煲仔飯都是即點即做，大概需時20分鐘，送上枱之後，在面前以漏斗計時多焗一會，服務員會來取走飯蓋，然後客人自行加上油及豉油，跟足程序，最佳效果！椒麻芥末燴花甲 $208也來了一道小菜，花甲非常鮮甜，特色在那椒麻辣油，麻辣度中級，剛好沒有蓋過花甲的鮮，卻又很醒神，辣油香而不膩，「美麗小廚」強調的油，的確不錯。青檸白玉甘蔗沙冰 $45 飲品也特色，有不少沙冰及果汁，我點了推介的「青檸白玉甘蔗沙冰」清甜涼快。四季金橘檸檬汁(好酸） $40同伴的四季金橘檸檬汁，檸檬味很香，有些少許甘，係幾酸，接受得來，越飲越喜歡，搶了半杯分享。樓上鋪面積不算細，但謹記必須訂位，當晚周四，客似雲來，不到七點已經滿座，不乏一家大小來光顧的，但傾談有點嘈吵，是來吃而非聚友傾談之去處。不設加一，價錢公道，人手充足，味道出色，值得重溫，留意用餐限時1.5小時。下次來的話，我很想吃這一頁提及的「復刻經典」［砂鍋菜膽雞煲牙揀脊翅/花膠］，而且可以點半份 $500，適合我們二人飯局；也想吃［古法碎燜海斑 $888］及 ［大紅袍脆皮雞 $300半只］。 #美麗小廚 #灣仔 #粵菜 #廣東…查看更多

黃金脆魚皮金黃酥脆好惹味，佐酒一流烏魚子墨汁香腸味道咸香，有嚼勁～可沾碟上麻醬食用辣酒花螺辣度剛好酒香四溢，花螺肉質鮮甜！烏魚子銀魚仔小炒王調味微辛，銀魚仔同烏魚子增添整體鮮度，配合韭菜芽蘇更香口脆米蜜椒番薯牛柳粒選用SRF美國金標牛柳粒，很大塊番薯淋上蜜糖同秘製醬汁，在灑上香脆嘅米通豉椒炒花甲伴油炸鬼花甲幾大隻、傳統豉椒調味，加埋油炸鬼吸收豉椒惹味醬汁啫啫芥蘭煲芥蘭爽脆清甜，啫啫聲鑊氣夠黃耳鮮菇紅燒豆腐紅燒汁濃郁，豆腐外層微焦內裡嫩滑，合素食者食用大紅袍脆皮雞鎮店名菜之一，用大紅袍茶葉分香融入雞肉，再風乾雞皮部分，外酥脆內嫩滑自家製金湯酸菜魚選用龍躉，金湯酸菜解膩，魚肉結實滑嫩黃梅脆鱔大大件鱔肉炸至脆皮，酸甜黃梅醬包裹住而且無骨，推介！麗姐海陸空煲仔飯材料有鮑魚、臘味、滑雞 超足料加上秘制橄欖油豉油，味道層次豐富鋒哥三寶煲仔飯臘腸、鵝肝潤腸同鹽封肉制成招牌臘味煲仔飯食落滿滿油香紫蘇豉蒜鹹水白鱔 煲仔飯紫蘇香氣唔算突出，豉蒜白鱔切成細條口感幾有彈性，鮮味十足潮式反沙芋外層裹上糖沙，加上蔥花有咸甜感，入口綿密即化，外脆內軟！潮汕咸蛋卷外皮炸得香脆，奶黃加入咸蛋黃增添咸香幾好味…查看更多

薯爺喺報紙睇到灣仔有新店「美麗小廚」開張，咁蹺表妹喺社交平台又睇到片喎，重點都係提到餐廳係「鋒膳」同「發達叉燒」嘅姊妹店，有鑊氣又抵食，所以就約埋一齊去探個究竟。店子於譚臣道嘅入口光亮鮮明，金漆招牌右方註明雅座設於一樓。右邊牆身則貼出營業時間、付款方式、聯絡資訊、外賣流程，均中英對照，十分清晰。地下仲擺咗個黑板寫出是日推介項目。通往餐廳可行上玻璃木門身後嘅樓梯，個人會建議年長人仕搭大廈部𨋢。用餐大堂一眼睇哂，六點三其實未滿座，幾張吉咗嘅大枱明顯有人訂咗。估計樓梯旁嘅高櫈吧位係準備分配俾無訂座嘅散客。同長輩食飯，小肥例必訂座兼早到，點知接待生竟然要小肥喺候座區等！薯爺同大隊一到步，等咗五分鐘後見廳內明明多張大枱都有個「留座」牌仔，心有不甘就行去櫃檯問點解訂咗位，預繳咗訂金兼寫埋餸都要等，咁啱話事人麗姐喺度，即解釋話新同事溝通上有誤會，訂咗位當然唔洗等，並親自帶七人入座對住廚房張圓枱。近廚得食，家人最歡迎！樓底矮矮嘅用餐大堂非常嘈吵，不過人地講明係大排檔式經營，所以冇得投訴。靚靚媽咪第一時間已留意到餐桌上嘅所有餐具雖然物料不同，但全部都係打唔爛嘅，包括酒杯在內，欣賞老闆諗到減低破損機會去控制成本。粉紅色嘅酒牌共有三頁。因訂座時已知悉開瓶費為$100/樽750ml嘅紅、白、氣、清酒，覺得唔算貴，結果就自備佳釀。藍色餐牌則共有六頁之多。樓面伙計可能有啲生手，但勝在態度良好，長輩要熱水、公筷、拆蟹工具、換碟等，全部都有求必應。黃金脆魚皮（$108/例）：暖烘烘嘅炸魚皮新鮮製出，咸蛋黃嘅比例恰到好處，咬落巧薄香脆，惹味可口，送酒一流！Avize香檳骨（$168/例）：香檳骨可以話係成餐飯最難食嘅一味；冇錯，XO仔真係要用「難食」去形容！首先菜式唔夠熱，外皮入口已覺黐𥹉𥹉，啲豬肉仲要又實又韌，又嚡又乾，少啲牙力都食佢唔到，食落仲有陣雪味，超劣！豉油皇鵝腸（$188/例）：懷舊菜上枱一刻已教人失望，修修長長嘅鵝腸一啲肥膏都冇，好似營養不良咁！平心而論，啲鵝腸口感都算爽爽地嘅，不過熱力不足，鑊氣欠奉，最令人反感嘅係當中陣押味，要加好多蔥絲同椒絲先勉強遮蓋得到，不吃也罷！不正宗蒜泥白肉（$128/例）：豬肉一反傳統地切成方條，質感硬實兼嚡口，完全唔似食緊五花腩，碟餸最好食係啲青瓜條同芫荽。薯爺搖頭狠批：「何止不正宗，直頭係不知所謂！」薑蔥炒蟹蝦子麵底（$1,680 + $80）：小肥因敏感問題冇食到，但據表妹所講，蝦子麵底量足且索哂味，依部份係合格嘅，不過蟹蟹只屬一般貨色，絕對唔值$1,680！當大家奇怪價錢同餐牌上嘅$688及黑板上嘅$1,280/$1,480有出入時，麗姐就解釋話由於訂座共七人，佢就專登預備咗隻特大足兩斤嘅蟹先夠咁多人食，但其實佢應該事前解釋清楚囉，因為飯局中有兩個人根本唔食得蟹。雞汁豆苗（$128/例）：當做嘅豆苗翠綠爽嫩，油潤甜美。大紅袍脆皮雞（$300/半隻；$500/隻）：一早預訂嘅雞雞當真如餸名般脆皮，連雜上以證實為新鮮雞煮出！閃閃發光嘅雞皮下近乎零脂肪，雞肉柔滑軟熟，雞腎亦相當爽潤，必吃推介也！蘭王窩蛋陳皮牛肉餅煲仔飯（$118）：上枱後焗多兩焗先打隻蘭王蛋及倒入醬油嘅煲仔飯真係夠哂熱辣辣同香噴噴！牛肉餅本身幾厚肉，好在隻窩蛋成功添上香滑，撈勻哂整碎佢黎食，飯品都好暖胃。鮮果咕嚕肉（$168/例）：咕嚕肉個賣相其實同香檳骨差唔多，肉質偏硬同厚實，一樣唔得鬆爽。潮汕糖醋兩面黃（$138）：八點三左右，正當大家喺度等緊甜品時，哥哥仔突然告知七人夠鐘還枱，但明明係廚房未備好食物，入座時又冇人講明有用餐時間限制，薯爺當然又嬲多次啦！直彈個麵趕住黎煎，未夠火候，麵條軟腍得黎做唔到外脆嘅效果。樓上餐廳「美麗小廚」環境光鮮，但聲浪嘈雜，啲櫈又唔好坐，仍在適應階段嘅服務生頗為混亂，幸好麗姐撐得住個場。中餐廳雖標榜為大排檔式經營，但餸菜並非如媒體所講般質高抵食，飯後個個都話口乾，已經冇飲咗汽水同酒酒多年嘅哥哥竟然要飲可樂解解，長輩家人都同意晚餐嘅味精指數非常高，性價比低到唔會返轉頭囉！…查看更多

一班朋友飯聚約左係呢間位於灣仔美麗小廚，平日晚上發現未夠7點已經排晒隊，之後更全場爆滿，原來呢間樓上大排檔人氣甘旺！有別於傳統大排檔只有啤酒供應，呢度招牌就係各式不同口味沙冰同加入酒精制作果味調酒朋友們都幾推介沙冰出品，不過剛好天氣轉涼，食埋3個招牌煲仔飯就暖笠笠先來點佐酒小食：烏魚子墨汁香腸：加入烏魚子同墨汁台式香腸有嚼勁，可沾芝麻醬食黃金脆魚皮：魚皮大大片，口感金黃酥脆唔厚粉辣酒煮花螺：辣酒醒胃而不嗆，花螺肉質鮮甜,非常有酒香烏魚子銀魚仔小炒王烏魚子灑滿小炒王，有銀魚仔增添整體鮮度，加入韭菜芽菜等口感更豐富脆米蜜椒番薯牛柳粒大大塊SRF美國金標牛柳粒好juicy再配上炸過金薯淋上蜜糖、秘製醬汁，極惹味！大紅袍脆皮雞脆皮雞明符其實鎮店招牌之一，大大隻更附上雞腎腎心，經大紅袍茶葉茶醺過再令雞肉入味風乾表皮！黃梅脆鱔鱔件炸到金黃脆皮，黃梅醬酸酸甜甜～啖啖肉無骨！豉椒炒花甲伴油炸鬼豉椒花甲係大排檔經典，油炸鬼吸收晒豉椒醬汁好惹味！自家製金湯酸菜魚酸菜魚用左龍躉制成，魚肉厚實食落嫩滑，酸辣恰度好處煲仔飯店家均選用橄欖油更健康又不失香氣！紫蘇豉蒜鹹水白鱔 煲仔飯煲仔飯舖滿白鱔片，彈性有嚼勁，有紫蘇增添獨特香氣。麗姐海陸空煲仔飯材料勁豐富。鮑魚、臘味、滑雞等好足料。鋒哥三寶煲仔飯主打臘味三寶招牌，有臘腸、鵝肝潤腸同鹽封肉等油香豐腴食材加持超香。素菜類就點左啫啫芥蘭煲 同黃耳鮮菇紅燒豆腐正常發揮！潮汕咸蛋卷像炸鮮奶的外皮，咸甜奶黃內餡幾好味潮式反沙芋傳統經典潮汕甜點，裹上糖沙脆皮，加埋蔥花反覆快炒，芋頭外脆內綿密軟糯女…查看更多

天氣突然降溫，正是吃煲仔飯的時候，每人一煲飯，加一個小菜，兩杯飲料，秋涼的晚上享受了暖暖的時光。🥰🥰灣仔譚臣道111號豪富商業大廈一樓，煲仔飯專家店美麗小廚新張不久，已是訂座滿滿，晚上7點全場滿座，連吧台都坐滿，充滿懷舊色彩的餐廳，在霓虹燈的閃亮下，好不熱鬧。🤣🤣💥💥金蒜鹹蛋黃金蠔鮑魚煲仔飯極品煲仔飯不負眾望，飽滿的大金蠔，厚切鮮鮑魚，炒香的鹹蛋黃鋪在飯面，甘香的米飯🍚在瓦煲裡煮得粒粒晶瑩又不失鬆軟，煲底有一層薄薄的香飯焦，可見廚師功力深厚。👍💥💥鮑魚臘味滑雞海陸空煲仔飯名符其實的海陸空，鮮鮑魚，鮮香臘腸潤腸，去骨滑雞肉，還有雞胗，打開鍋蓋香氣四溢，淋上專用的醬和油，每一口都是極品，這樣的煲仔飯很快爆紅。💥💥💥💥辣酒煮花螺滿滿一大鍋臘花螺，配有香菜，豆芽，辣辣和酒，煮得剛熟的花螺，用竹簽剔出，吃在嘴裡越嚼越香，把深秋的冷都變暖了。😋😋☕️🫖自家25年陳皮川貝燉檸檬🧉☕️自家煲陳皮黑糖羅漢果兩杯養生又香甜的熱茶，絕對是圓滿意足的尾聲。🥰🥰…查看更多