美都餐室

營業中

休息中

非常的好吃飯店的工作人員也很熱情建議點焗飯，份量很足也建議嚐嚐這裡的奶茶普遍一份飯要50多到70多港幣如果想拍照得點些食物才可以，否則不可以的環境也不錯，很有港片的味道

早前參加了油尖旺著名地標「 美都餐室 」X「文化葫蘆 」舉辦的活動大家可以在已經開業73年的「美都餐室」參加懷舊派對 真係超級開心和榮幸！😎👍👍👍我地除了品嘗地道冰室美食，仲瘋狂拍照留念 ，懷舊一番！🤣💕😍油麻地「美都冰室」開業於1950年，屹立廟街七十多個年頭，見證着油麻地榕樹頭一帶的發展與文化，是不少電影及廣告拍攝取景的美地。從來很少開放給客人打卡拍照！今次真是很難得！👍👍簡直係機會難逢！

今日終於去到大名鼎鼎嘅美都餐室 佢最特別既就係維持六七十年代冰室嘅裝修 圓角樓嘅建築 馬賽克顏色嘅鐵窗 昔日冰室嘅瓷磚 一一帶你坐時光機回到六七十年代昔日的日子有興趣嘅點完餐後慢慢細讀他們的餐牌 佢哋有講一些出名嘅餸菜嘅歷史 亦都有一些當年嘅相片 想緬懷下六七十年代就要去試吓佢嘅招牌菜就係焗豬扒飯 同埋就算冇餐都一定要試吓佢嘅奶茶 仲有一個賣相好特別嘅咕嚕蝦球炒麵要去打卡嘅話假日就一定要早啲到 因為卡位好易full 就算有位 落單後冇得調位 落單嘅老闆都好知道呢間餐室嘅特色 能夠講簡單嘅英文 但係由於餐室比較出名同埋位置有限 所以佢哋緊守餐室嘅原則

無啦啦提議去油麻地美都冰室，可能因為我潛意識已經諗好想去港島Cafe ，結果出人意表。可能又有啲落差啦，所以表情管理控制得唔好表露到有少少唔滿意，仲要加埋佢啲死人語氣，明明都話冇所謂都係食茶餐廳野姐，佢又要死都問我啱唔啱食，我見食評介紹嗰啲全部都係焗豬扒飯同麵果類型嘅嘢，可惜嗰一刻我又未想食啲咁Heavy嘅嘢，就係因為呢啲咁小嘅誤會嗌咗一次交，爭啲真係去到好worst嘅地步。點知原來根本就係佢自己表達得唔好，明明佢心目中唔係諗住嚟呢間（其實係想去大安冰室），咁佢一開始已經好confirm咁同我講要去美都丫嘛 😪勉強又扮冇嘢，好在去到大家都覺得好有feel環境好懷舊，一磚一瓦！可能又撞啱五一黃金周，特別多遊客，老闆不停用國語/英文招待客人，好似已經見慣呢種場面。終於揀咗食啲乜（蟹肉奄烈同🦐多士）奶茶就嫌佢唔夠奶唔夠滑。蟹肉奄烈出面都比較少有，雖然等咗好耐，不過又比我想像ok ，配埋薯條幾特別蝦多士就係傳統美食，雖然出面都有食過，呢度都唔錯，唔算好油膩。食完又未至於大家都好飽，仲有空間可以再去佢終極想去嘅地方（大安冰廳）。我覺得老闆好似對我哋呢台特別好，可能因為知道我哋係自己人啦，好多嘢大

圪立廟街70多年既美都餐室曾經一度宣布將會結業 後來又再復業雙層舊式茶記既美都餐室以復古懷舊50/60年代風格而出名霓虹燈舊式招牌 彩色玻璃窗🪟 百葉簾 天花吊扇 馬賽克地板 瓷磚 舊式茶記枱櫈呢D復古舊式設計都係美都餐室最吸引人之處✨✨美都亦曾經係港產電影拍攝場景喔 📽️早排睇完經典港產片 \ 重慶森林 /突然就想去朝聖一下***\ 🐖 焗茄汁豬扒飯 ($78) /即叫即焗 茄汁🥫酸甜度適中 值得讚既係配炒飯底 🍚而豬扒味道只屬正常 叫左三樣野食 呢個已經係最好食 \ 🍞 西多士 ($28) / 吐槽一下 蛋漿沾得有D多 而且炸到過左火麵包比較薄 口感麻麻 賣相都唔太討好🤫\ 🧋凍奶茶 ($23) / 黎到經典茶餐廳當然要試試凍奶茶飲落有D苦澀味 花奶落得唔夠 而且叫左少甜都覺得仲係好甜 只能夠話唔係我杯茶☹️***總括食物質素麻麻 比較起一般茶記黎講 價錢偏貴相信黎美都餐廳既人大部份都係食一種回憶 / 氛圍感而唔係為左佢既食物🫣🫣

今日食評✍🏻Mido@油麻地試食指數⭐⭐⭐店舖衛生⭐⭐⭐侍應態度⭐⭐⭐((每項5⭐️為滿分)) ·彌敦道轉入過一個街口就見到一座停留在50年代的唐樓建築美都牆外場内都滿滿懷舊氣息餐室兩層樓上雅座有卡位有窗景上落樓梯要小心貼滿不准拍照告示往時一定好多人影相打卡我就好乖自拍加影食物想睇景嘅相片自己去親訪啦😆3R相簿的menu及介紹製作不精美但滿滿心思值得一頁頁看Set menu選擇不多可以從menu散叫我點咗炒米粉配熱菜蜜($68/set)加薯條($55/份)不用加一食物係一般有家常嘅味道去光顧的都係打卡及懷舊一番我坐在卡位聽到老闆娘和熟客談天滿滿人情味·無論大鋪小店我哋都會盡試盡講Follow我哋bw.foodie

Famously classic cha chaan teng in the heart of Kowloon. Ordered the recommended noodles with pork, which took a very long time to make but was worth the wait. They are also well known for their rice dishes and sandwiches, which my friends ordered and seemed to enjoy. The old-school decor is what makes this particular local cafe so popular and special. The food is good enough to try, but not to regularly make a far trip in my opinion.

懷舊冰室 - 美都餐室Fb:下一站豬欄; IG@Pig7station近期黎個懷舊風，今次去左廟街間美都餐室食晚餐，一入到去成間懷舊冰室咁，上樓上雅座坐窗口卡位，影埋個打卡位（燈排）之後見到隔離枱叫左個打卡餸，個麵真係動L架🤣不過我哋無跟到叫，就叫左個錦鹵雲吞、蟹肉奄列同埋椒鹽蒜蓉雞翼，飲品方面點左凍冰室奶茶好好飲，同埋凍檸茶，好欣賞佢個傳統錦鹵雲吞，好足料，薄脆都好食👍🏻👍🏻同場加影😽😽

因為課業關係，朋友和我在香港生活了20年後終於首次踏足美都餐室。美都餐室出名在於成為多套電影的取景場地，的確其內部裝修充滿豐富老式香港茶餐廳的風味，時間好像停留在50至60年代。到訪當天，不少本地人、內地人、外國人到訪此地，唯無人穿着「街坊裝」，相信不少人是為其名、其故事、其裝修而來。食物方面，我和朋友叫了焗豬扒飯、焗排骨飯、小食拼盤及紅豆冰。焗豬扒飯及焗排骨飯是相對較好的食物，茄汁甜酸度合宜，有炸底，肉的分量足夠，不過二揀一一定係焗排骨飯，因為豬扒真的一般。紅豆冰沒有奶味，而且紅豆缺乏甜味，頗為失望。小食拼盤雖然蝦多士帶來驚喜，但炸雞翼、薯條、西多士甚為普通，甚至比其他茶餐廳水準還要差。假如你是為老香港裝修而到訪這間茶餐廳，絕對沒有問題，但食物方面不用給予過高期望。

非一般的茶餐廳《美都餐室》 曾經停業，現在重開了。這裏具有七十多年歷史的老字號，如這種保留舊式裝潢感覺的轉角唐樓餐廳，全港應該都只僅存這間，門口的壁畫貓貓🐱，也很值得打卡呢。食飽飽還可以遊本地特色景點-廟街。原來有人在街上唱卡拉OK,還有雀仔算命呢。這裏的特色推介真的很有特色！令我印象深刻的是咕嚕蝦球炒麵🦐 /$148將全蛋麵餅炸至香脆，再配上錦滷汁和炸蝦球。將麵餅製成吊起的造型上碟，可以保持麵餅本身的鬆脆。🐷蜜味話梅豬手 /$98用上靚話梅王外，醬汁用上米醋，興豬手同炆上個半小時至入味，帶出豬手的鮮味。另外還點了懐舊蓮子冰🧋鹹檸檬七喜🍹炒雜蔬🥙蟹肉麵🍜（！注意啊，這裹有大字牌 寫明不能四處拍照的啊！20:30就關門啦！）

見到ig 講美都重開返，就去見識下。揀咗坐係樓上既二人枱 (近窗)，窗外掛住 美都餐室 既霓虹燈招牌，美都保存得好好。餐牌上每一道菜都有圖片，亦無照騙。* 沙嗲海鮮炒麵-賣相都幾特別，筷子🥢夾住一柱麵吊係中間，味道正常，沙嗲濃厚* 焗排骨飯-好似係招牌必嗌，沒有令人驚艷的味道如果以香港餐室黎講，價錢相對地少貴，份量亦唔係好大份，但活化後既美都絕對值得到訪！好食指數 : 7/10CP值 : 5/10回頭率 : 5/10價錢 : 6/10

🇭🇰美都餐室·呢間美都餐室有好多電影都係呢度取景嘅 上年疫情嘅時候好似有話佢唔再做 我哋仲覺得好可惜 點知我哋嗰日經過見到原來佢仲有開 所以就決定即刻入去食啦🤣🤣佢入邊個裝修仲係保留住舊式既風味 望住佢嗰種舊式嘅窗花 聽住樓下公園既雀仔聲 個時間真係好似停頓左咁樣 好有電影感🎬·焗茄汁排骨飯$88 l 鮮茄豬肝湯米$65不過佢嘢食方面就真係偏貴少少 我自己就覺得佢嘅焗飯做得出色啲🤤🤤佢個茄汁排骨飯個醬汁好惹味 而且佢入面既排骨份量都多 真係啖啖肉🐷之後佢個飯底都係用炒飯底嘅 而且粒粒分明 我自己幾鍾意😎不過我哋另外嗌嗰個豬肝湯米我自己就覺得有啲太清啦 佢唔係我想像中好濃郁個種蕃茄湯嚟嘅 而係真係放幾舊番茄個種淡淡既蕃茄味 所以食落真係比較清🍅😂·#rbyeat#rby港式#rby油麻地·📍油麻地廟街63號地下

細個睇電視會見到嘅場景 - 美都餐室☕️聽講仲重開返，就去見識下。一去餐廳感覺好懷舊，好似返左80年代，不過一睇餐牌，原來都幾貴下，所以叫得少少野試下😅🍽️沙嗲海鮮炒麵-賣相幾吸睛，炒麵非常脆卜卜，不過海鮮外面層炸粉漿好厚，味道不過不失。🍽️焗排骨飯-傳統焗飯啊味道，排骨冇乜特別，炒飯炒得好乾身，我男友話好食但我就麻麻地。叫左杯咸檸7，味道正常。埋單2百幾蚊，唔好諗住要嚟食好野嘅心態，當自己係個遊客去感受一下香港懷舊餐室咁都可以😂

𝙲𝚑𝚊 𝙲𝚑𝚊𝚊𝚗 𝚃𝚎𝚗𝚐 | 𝙼𝚒𝚍𝚘 𝙲𝚊𝚏𝚎 | 𝚈𝚊𝚞 𝙼𝚊 𝚃𝚎𝚒夜晚同日頭嚟 有兩種唔同嘅感覺 打卡一流雖然嘢食偏貴 味道中等 但勝在可以懷緬舊式嘅香港 體驗當時嘅時代 餐牌亦會介紹餐廳嘅歷史、起源等等注意入面有人嘅相片係唔可以影㗎！上網評論普遍都話員工態度唔好但上次嘅體驗我覺得幾好佢哋都好友善同我哋傾偈 感受到以前嘅人情味🍍 菠蘿冰 $28簡簡單單 舊式飲品 用罐頭菠蘿再加冰同水 欣賞佢嘅地方係唔甜 清清地幾好🥣 杏仁露$20濃郁嘅杏仁味 個人認為比菠蘿冰更加特別🍜 切薑豬潤米粉 $68豬潤新鮮唔會太硬 但薑味唔夠 湯底比較清淡味道一般🍚 焗豬扒飯 $88同出面嘅連鎖店豬扒飯唔一樣 望上去好細碟但其實好飽 醬汁比較重蕃茄味 豬扒好軟熟 焦燶嘅豬扒邊好香濃嘅炭香味 不過焗飯要等15分鐘～——————————————————————📍 美都餐室 (油麻地)油麻地廟街63號地下————————————————————————Overall 💗💗💗#香港 #香港油麻地#油麻地 #油麻地美食 #香港冰室 #香港茶餐廳 #茶餐廳 #油麻地茶餐廳#hkfoodie #chachaan

傳統茶餐廳，嚟到飲杯咖啡食件多士，嘆個下午茶，不過沒有太大驚喜，都係一般茶餐廳嘅味道，若然你懷念舊式香港，你可以嚟試吓這種舊式茶餐廳，緬懷一下以前嘅香港飲食文化。