美都餐室

營業中

休息中

Wheeee (｡･ω･｡)ﾉ٩(˃̶͈̀௰˂̶͈́)و【油麻地餐室　傳統唔會執】今次介紹嘅呢間餐廳裝修好有舊香港嘅味道，屹立廟街超過五十年嘅佢時常都會係電視電影嘅拍攝場地📸。今次我哋坐咗喺樓上嘅位置，靠近窗邊嘅位可以透過舊式嘅窗嘅望向廟街嘅榕樹，份外有「古早」味。～我是Menu～焗茄汁排骨飯 Baked Spare Rib with Tomato Sauce $78呢款飯可以話係成間舖最招牌嘅菜式😛食落去陣茄汁味可以用鮮甜嚟形容，仲有大量入曬味嘅排骨同有驚喜嘅飯，無錯，係久違嘅炒底。粒粒分明嘅白飯撈埋金黃色嘅炒蛋🍳真係好好食。芙蓉蛋飯 Egg Foo Young on Rice $50相比之下，呢款就平凡咗少少，但都係好食的。呢碟嘅飯雖然無炒底，但份量明顯比上面嗰款多🍚，碟面塊芙蓉蛋用咗唔少叉燒嚟煎，再加上芽菜，蔥段等，真係啖啖都有口感😋～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛٩(˃̶͈̀௰˂̶͈́)و：我最記得個店員見到我哋Share嚟食之後問我哋要唔要碗仔，真係好服務😆(｡･ω･｡)ﾉ：好似穿越時空去咗舊香港到食嘢咁，正🤩地址：美都餐室 (油麻地)油麻地廟街63號地

想坐卡位打個卡 話落左單唔比轉枱 但係隔離枱就落左單都可以轉 好唔公平 個waitress又無禮貌係到黑哂面 野食又無味又貴 奶茶紅豆冰淡過水 以後都唔會再黎 劣食之最 啲人又無品

諗住黎食晏 影下相叫左一個銀針粉、一個飯、加2杯熱奶茶，普通茶記都俾佢好食🙄 2杯茶都係唔夠奶，唔滑同埋好澀；銀針粉極淡 冇味嘅；個鴛鴦扒飯又係犀利，好似倒左啲罐頭汁係面就拎去焗，成碟野橙色 好似淨係食緊色素咁 見到都唔太開胃 食完更加覺得冇下次樓上坐位雖然都貼住no photography, 但侍應都冇太嚴苛，可能比較靜喇。都唔會阻到佢地做生意。到俾錢果時，輕輕係地下影一下。當時係完全冇客人嘅，收銀個阿婆驚死俾人影蝕咁，串串貢叫人唔好影相。其實你咁驚不如封起佢喇🙄🙄 環境又唔係乾淨，收費又唔平，仲要態度差！其實大把選擇！絕對唔推薦大家去食

態度差就唔多講，今次要講下食物方面。叫左沙嘜牛肉麵，從來未食過咁難食嘅麪，真係大開眼界。沙嗲牛肉麵無公仔麵都算，得生麵，但竟然湯麵有菠蘿、青椒、紅椒😱，見到都唔想食。湯又無味，麵又唔夾個湯，渴又唔夾d料，真係極品，完全唔知自己食左d咩。一個普通沙嗲牛肉麵都可以整到咁難食，真係好神奇。最好笑係咁嘅極品麵都要$57，真係人唔笑狗都吠。貴價又難食，㗰左一間咁懷舊feel嘅餐廳。以後都唔會再嚟，真係劣食之最。

美都餐室係我最鍾意嘅餐廳之一💕如果咁啱黎到附近，必定黎幫襯下～佢就係喺天后廟隔離，餐廳外又掛住霓虹燈牌，仲要喺街角(廟街同眾坊街交界)，所以非常容易搵！🥰美都係一間雙層式嘅茶餐廳，「樓上雅座」有大約十個卡位靠住窗，其中嗰幾個彎位仲可以好清楚咁睇到天后廟同榕樹頭🥰可以一路食一路睇風景～👆🏻👇🏻餐廳主要都係賣港式茶餐廳嘅嘢，其中焗飯同紅豆冰係比較出名嘅～不過價錢係會比起其他茶餐廳貴，好食就值得啦🥰👆🏻蓮子紅豆冰係招牌飲品，亦都係賣非佛🥰💕價錢同係出面飲杯咖啡差唔多，環境搭夠都值回票價～👇🏻蓮子同紅豆都係非常多！好足料！配埋濃濃嘅牛奶，係完美嘅配搭～焗排骨飯亦都係我至愛💕，份量嘅話女仔啱啱好，👆🏻排骨件數幾多下，鋪滿成個飯，排骨係稍為炸過下，所以都幾香～加埋茄汁去焗，酸酸地咁，開胃又好食👍🏻餐廳外牆新壁畫😻

生日想去食懷舊茶餐廳，老公話美都夠耐，專登去試下，因為好十幾廿年無去過，去到無咩人，叫左個沙爹牛面$58，好搞笑係生面都幾好食個面，但牛肉無味，成碗洋蔥青椒配菜,奶茶$20已經貴，好飲都唔勁要，咁多年歷史居然。。奶水。。個茶係超明顯已過左好多次水無哂味啦，有無慳到咁，仲有乾炒牛河$70,哈哈哈，真係得一碗仔，女人份量，其實會唔會太無良心，食水仲深過酒樓，凍檸茶一樣係淡茶$20,最搞笑係鮮油多士$20,我o 左咀，一件，我以為佢比少左，原來$20係一片方包一開二然後切少少牛油比你，面包啫，洗唔洗賺到咁，如果你真係好食得好緊要，我服你收咁既價，但成餐都垃圾，真係堅係是但一間茶記都好食過你，咁你點補住個歷史招牌，唉，希望老闆睇到反省下啦

除咗個蕃茄通粉同紅豆冰之外其他全部都唔好食 仲要啲嘢貴到飛起 如果純粹為懷舊而來 可以來一次就夠 如果為醫肚 奉勸大家就唔好黎 因為普通一碗麵呢度都要差不多成60蚊一碗 仲要冇嘢飲送 不過最後加多一句 餐廳職員好有禮貌

去美都餐室之前已經預先上網睇定食評 知道食物味道一般 所以冇期望就冇失望一入到去職員直接叫我地上去樓上坐相信好多人都係因為餐廳既懷舊裝修而黎 例如係呢啲有顏色既玻璃窗同綠色百葉簾我地點左公司三文治（$52）呢個公司三文治配料包括雞蛋、蕃茄、牛餐肉同火腿 但係並冇生菜 亦冇醬汁 食落口乾爭爭麵包有烘過食落亦脆口奶醬多士 （$15）麵包有烘過 但食落唔脆口 麵包皮不易切斷 而煉奶份量比較少 食起黎淨係有花生醬味 另外點左兩杯飲品 大概$20幾蚊一杯其他食物我就冇試過 但單憑呢兩樣食物 食物既質素真係一般但餐廳勝在有獨特既懷舊裝修 如果你想影下靚相既 美都餐室亦會係一個唔錯既選擇

入店之前已經看見openrice的食評，心裏有數，做足心理準備，但估不到情況及食物質素比食評還要差。冇乜事就唔好入去食啦!生炒牛肉飯，飯完全係“林”到不得了，完全冇調味。落咗兩匙鼓油先至出返啲味。鮮蝦炒麵，傳統嘅炒麵都係炸既，諗住炸物應該唔會出事喇。 點知個醬汁多到好似湯咁，上菜嘅時候，差唔多半碟麪都係“林”， 麫得嗰少少，浸濕曬， 鹹到七彩。服務態度就無需多講喇。咁樣畀$130，真係唔值， 除非你真係好想懷舊囉。

焗豬扒飯啲炒飯底好濕，豬扒唔好食，焗完好似冇焗咁。杯紅豆冰啲紅豆又好硬。蝦多士變咗蝦醬多，仲有一件冇蝦，仲要$78真係唔值。叫咗四樣嘢得杯熱奶茶好啲，但係都唔係特別好飲嗰隻。唔需要再嚟。

M I D O C A F E ⚘ ◞ ⚘ ⚘ ◞ ⚘Transported myself back to old times to one of the oldest cha chaan teng in HK!時空穿越到舊香港的茶餐廳滿滿懷舊的味道食物質素就一般般西多不是一般的厚推薦的焗豬扒飯也不是特別出眾還好有美美的七彩玻璃搭救

去油麻地睇戲期間見到呢間茶記見佢裝修好有特色就諗住入去試一試原來入到去啲嘢食都偏貴下午茶都要差唔多$60份一場到都係諗住試一試啦烏冬正常嘅不過份量偏細性價比唔太高份牛柳絲炒麵就比較驚嚇原來係用橙色醬炒出黎啲面好硬同埋味道真係太濃應該唔會再黎😪呢啲嘢試一次就夠

呢排疫情爆發 差不多晚晚都係買外賣返屋企食 附近嘅餐廳都差唔多叫過好多次 咁昨日行過廟街榕樹頭 又未夠鐘食飯 就上咗嚟美都餐室飲杯奶茶食個菠蘿油 臨埋單時正正諗緊今晚買咩外賣 就比我睇到呢度原來有個好抵嘅外賣自取套餐 一個焗飯加一個炒粉麵都係$90 啱晒啲我哋兩公婆加個小朋友嘅family 份量都好足吓 味道又唔錯 焗飯同炒粉麵都係有order先即刻焗即刻炒 有鑊氣 正!

之前經過已經上嚟食， 因為真係好有香港懷舊餐廳嘅味道，唔似得出面嘅餐廳喺度扮懷舊食物就非常一般，又唔係大碟又唔係好食， 咁又未算難食嘅但係價錢都唔平， 淨係下午茶都差唔多60蚊上過嚟一次就夠，主要都係感受下懷舊香港餐廳裝修。

姨姨叔叔送來的時候，面上掛上一絲笑容，手上放下火腿蛋三文治🥪，正準備讓我品嘗一下。一咬下去，蛋溜下去後入口即溶，火腿比平時更淡，表現出完美的感覺，麵包燙底的感覺，真是剛剛好！口感難以言喻的，展現出最懷舊的一刻！