美胃餐室

營業中

休息中

荃灣新開嘅茶記 當然要一試如何叫左佢招牌嘅壩王叉燒脆豬 + 熱奶茶一上到枱 已經心感不妙賣相同openrice相差咁遠豬仔焗唔夠耐 唔夠脆 冇乜牛油打開個豬仔睇睇 有2舊叉燒一睇就知唔掂叉燒乾 瘦 冇焦香 仲唔熱明明門口有燒味檔都做得咁差？生菜苦苦地 可能唔新鮮最後試埋杯熱奶茶 一入口茶底好苦澀 質感係嚡口 好似冇乜落奶咁 飲兩啖已經冇飲奶茶質素連連鎖快餐廳都不如水吧真係有待改善總評： 雖然只係試左下午茶但招牌菜都做得差 比人印象唔多好個人已經blacklist左佢 荃灣實在太多茶記 如果佢水準係咁都幾難立足

今日經過荃灣大壩街，見到1間餐廳新開，1枝公冇人陪，便走 入去試吓。坐落覺得環境唔錯，地方都幾乾淨。睇餐牌期間，突然靚女侍應送上一碗湯放喺枱面，話係送嘅，蟲草花煲瘦肉。心諗送嘅都唔好期望太高，但飲落都很高水準，冇味精，真材實料，有家的感覺！跟住叫咗碟拿破崙車打芝士雞肉意粉同凍奶茶，等5、6分鐘，意粉到，賣相都幾好，只係碟邊冇抹好，不過又唔係高級餐廳，不能要求太苛刻。食落味道係唔錯，茄汁同芝士都好配合，意粉對我來講就淋咗啲，都係嗰句，不可能苛刻要 Al Dente 。如果做到Al Dente， 又會有好多人投訴唔熟。但呢個意粉係有水準嘅，起碼唔係汁還汁，意粉還意粉，大家完全唔認識對方。給我感覺係1間很用心嘅餐廳，成餐飯63蚊，係絕對物超所值了。👍😋

我的香港胃久不久便想吃燒味飯！趁著星期四的外食午餐的好時機去如願！荃灣海壩街一街美食但企得穩腳的不多！一雞死一雞嗚司空見慣了，這天便來到新開的燒味茶記美胃餐室開餐！甫坐下侍應即送上熱騰騰的例湯，這天我們喝到的是老黃瓜湯，例湯本身味道不錯肯定非例水可惜敗在湯碗！皆因湯碗消毒得太過份殘留濃郁的漂白水氣味怪難聞啊～我們決定點上一個燒味飯，另外一份選了有特色的壩王蜂蜜叉燒脆脆豬＄29，脆豬烘得夠香口面頭還繞上蜜汁，內裡有一件勁厚切的叉燒，伴以新鮮的沙律菜和番茄片，成件事的慨念和賣相也十分吸引。吃時有點論盡皆因叉燒厚切得來挺有咬口，難以舒暢地一口咬下去，至於叉燒因為靠邊的位置較乾口感有點柴，但味道其實是不錯的，如能改變口味相信會更吸引我。燒味飯我們點了原隻燒鵝脾拼油雞脾飯＄108，上檯時雙脾的賣相真的很是誘人，先嚐一件油雞皮滑肉嫩是真的，可惜豉油的味道不吸引失色不少！另外燒鵝脾我就很喜歡了，醃料不重之餘仍能吃到鵝肉香氣，配合鵝皮的甘香真的十分可口。跟雙脾飯可加＄3配熱奶茶，估不到茶香挺足之餘也夠滑溜不錯耶！而我則散點了凍檸檬茶＄20，同樣地有茶香走甜亦沒反茶，而且檸檬香氣撲鼻很新鮮呢！

同朋友要快食，必揀茶記，快靚正😆叫咗幾碟飯🤤剩係一上檯已經覺得好正🤩😋滑蛋又係我最愛，叫咗滑蛋蝦仁飯😍個滑蛋好有誠意，大到睇唔到D飯😆😆蝦仁勁爽口，上面係XO醬，估唔到又超夾🤤🤤味道一流👍🏻推介朋友嘅滑蛋叉燒，都好好味🤤🤤叉燒肥瘦均勻，都好多舊👍🏻正仲有碟蔥油豬扒煎蛋飯😍想講個蔥油好香，豬扒又唔韌，幾入味🤩😋幾碟飯D豉油都好夾，好香👍🏻好好味😋-香蔥XO醬滑蛋蝦仁飯 $58-叉燒滑蛋飯 $55-蔥油豬扒煎蛋飯 $56