美味館泰之味

營業中

休息中

屋企附近有間好好味嘅泰國餐廳。今日放假就決定去食過午餐💪🏻今日叫咗個香葉肉碎煎蛋飯，個肉碎搵啲香葉、豆角、青椒辣椒炒成！啲肉碎入哂味勁香，加埋隻太陽蛋撈埋一齊食真係好夾！午餐$50蚊有湯有野飲慳係抵食！

這間位於馬鞍山新港城三期地下的食店開業多時，主要為街坊客戶。食物主打泰式食品，價錢合理。今早經過叫了一個早餐C，沙嗲牛肉餐蛋公仔面，凍檸茶少冰。公仔面底煮得較淋，有兩塊餐肉算比一般食店多，不過凍檸茶少冰還是比較多冰，而且茶味比較淡。服務態度還可以，上菜速度也滿意。其間有一客人投訴五香肉丁面的肉丁變酸，要求換另一碗沙嗲牛面，店員也照樣更換了。店內位子不算多，共有42個座位，其中24個是卡位。店內有一大電視播放新聞。整體滿意但沒有甚麼驚喜。

今日eatmug9 #51嚟到人稱美食沙漠嘅馬鞍山都冇諗住會食到啲咩好嘢求其搵間嘢入去食就算見係泰國舖就嗌份青咖哩食下先一眼睇落去依個下午茶餐竟然有午餐嘅size 食落去？！青咖哩濃到唔似係落粉 係真係落足料調製都冇為咗迎合大眾口味而落椰奶去中和啲辣味味道都算好正宗

今日行完山，去咗馬鞍山新港城中心嘅美味館泰之味，兩點零鐘到，去食個下午茶睇完餐牌，發覺都好多嘢食揀今日揀咗青咖喱雞炒飯、雞脾薯條及奶油脆豬青咖喱雞炒飯：青咖喱唔太辣，好香椰汁味雞脾薯條：雞髀炸得非常香脆，薯條份量足夠奶油脆豬：香脆，分量足夠

Remarkably good food, especially at the low end of the price range. Good service. Pomelo salad, pineapple rice and green curry all delicious.

泰國菜一向都色香味俱全，令人開胃。呢間小店座落於馬鞍山一個不起眼嘅位置， 但價錢合理，屬於家庭式營業嘅小本經營餐廳。 本人絕對支持呢類型嘅本地小店都好鍾意佢嗰個冬陰功湯， 次次去到都好想食，配埋金邊粉真係一流。串燒都算不過不失啦， 肉質有啲鞋口， 不過應該係因為 肉類不夠新鮮， 但醬汁 濃郁搭夠。泰式魚餅真係好好食煎香咗再配上泰式辣醬簡直一流可惜嘅係泰國餐廳但竟然冇泰式奶茶雖然有得叫套餐 ，但係就冇泰式甜品可供選擇。

對上一次黎食已經係大半年前既事，當時係外賣既食完味道幾好唔錯，今次再嚟幫襯，希望唔會令我失望。今次兩個人食叫左蝦膏炒飯、黃咖哩牛肉飯、炸蝦餅。炸蝦餅 ($60) : 開頭諗住小食都唔會大碟得去邊，但上枱時嚇親我，有六大舊而且炸得好香脆同啖啖肉超正。蝦膏炒飯 ($58) : 有雜豆、雞蛋、青瓜、車厘茄、大蝦炒成，飯底炒得幾好唔黏身，可惜蝦膏味唔夠突出，不過味道都幾好同大蝦都幾爽口彈牙。黃咖哩牛肉飯 ($68) : 有濃濃既椰香味，牛肉也不韌，而且份量超大碟。跟餐就叫左奶茶，奶茶唔錯幾滑，不過如果係泰式果隻味道就 100 分喇。整體黎講餐廳依然 Keep 得住水準，唔錯唔錯。👍🏻 👍🏻 👍🏻

由於小弟經常出入馬鞍山，所以都幾體會到住馬鞍山既朋友面臨冇咩好食既困擾。不過呢間係新港城附近既泰國野，係請左泰國廚師返黎煮，雖然唔係真係好食到wow出黎，但當日常晚飯都算唔錯。🔻泰式蝦仁炒金邊粉($62)炒野最緊要夠鑊氣，呢樣野呢間餐廳絕對做到。因為會不時聽到廚房傳黎大火快炒既聲音。味道唔錯，有泰式酸甜味但唔會太過強烈，配料還好，有幾隻大蝦球。份量夠大份，我地2個人如果唔係極餓狀態，其實可以唔叫小食。🔻馬拉盞炒通菜($58)每次黎到都必叫，有冇人有同感食泰菜唔叫呢樣總係爭咁啲？有次試過叫泰式炒菜，但偏辣。呢個就剛剛好，唔太辣又夠晒惹味！🔻沙爹串燒($48/4串)其實冇咩肉味，因為沙爹汁味重。之前試過叫豬雞牛各一，堅係唔識分🙈呢次叫全雞先肯定到自己食緊咩肉。🔻蒜蓉包($18)Staff表示呢個係2.0版，佢自己都食上癮😂係幾好食既，但個人覺得未至於咁浮誇。好食在於烘得個包夠靚而唔係個調味正，因為一般食蒜蓉包都會有種脆但好硬好難咬既感覺，而呢度就做到個邊同個面脆，而咬落塊包仍然鬆軟👍🏻唯味道偏咸 (小弟平日已算食得咸)，女友就覺得唔夠重蒜味。

今晚試左泰國海南雞飯，黄咖喱牛肉配蒜蓉包，椰汁冰。海南雞飯，飯很好味有椰香，雞肉口感正常唔“鞋”。黄咖喱很香不太辣，椰汁冰很重椰汁味冇溝水，整體很不錯臨走叫多個泰國菠蘿炒飯外賣，足料很正，有蝦球，青口大大隻，仲有魷魚，菠蘿夠甜。店員話廚師係泰國人唔識睇中文字，笑說落單要寫code number。可以再食但最可惜裝修仍然太似上一手茶記，坐隔離枱街坊都以為仲係以前茶記。馬鞍山有一間好味的泰國菜館真係好，以後食飯多個好選擇