美其香餅家

營業中

休息中

經過見到店主食飯，好似以前家族店前舖後居感覺，喜歡食中式唐餅，又唔想買太大份哩到xx酥，豆沙餅果啲10蚊內有交易，過下口引其實OK，買左蓮蓉酥，個蛋黃好靚漏油，正！支持老店

晨早打算買個餅做早餐、叫了一個豆沙燒餅同埋綠豆酥； 回到家咬左一啖..係一件完全無餡既燒餅； 因為樓上樓下、距離都近，所以就走反落樓下同反同一個店員講自己手上既燒餅無餡的 自己之前講明左係要豆沙餡的；個店員反問我「您咬之前唔睇清楚個燒餅有無餡？我而家轉唔到比你 因為你咬左一啖」； 我感到無語 最後離開了； 店員態度惡劣、佢將自己執錯餅既責任推左落消費者度。 哩間店無下次！

店舖的位置距離八仙及均益頗遠，未能一次光顧三間傳統餅家。好奇問一問店家，原來所有的食品都是自家製的!咬一口馬仔，立刻有「脆卜卜」的聲音。外層有麥芽糖，甜味只是點綴，卻不會過於甜膩，然後內裏則是十分鬆化，並沒不是鬆散的麵粉。馬仔的顆粒可以粒粒分明，不會硬黏在一起。四個只需$16.5，好抵!

美其香老字號上年就買鹹伍仁今次就試多幾種啦😉純白蓮容$36皮算薄蓮容都香不過就同大型連鎖既差不多吳知係做廠出貨其他公司既原因呢🤔迷你孖裝金華火腿最初係咪蓮容➕ 金華火腿呢🤔原來係 伍仁➕ 金華火腿吳好睇迷你入面既 金華火腿 一絲絲 佈滿係入面包你 啖啖都食到😉相對其他吳伍仁無咁甜糖冬瓜比例多結 : 金華火腿控會 喜歡呢間純蓮容就老店黎講 算平#純蓮容月#迷你孖裝金華火腿月#美其香餅家

好癲🤭🤭今日多人食飯所以有人帶咗嗰二十黃嘅黃蓮蓉月餅🥮過嚟做飯後甜品！好似話係平時用十八黃only，今次食果個就試下廿黃（掛住食，無fact check Xd）。實物就好似用咗多啦a夢嘅法寶—放大電筒咁！有分黃連蓉同白連蓉，白連蓉即係用白糖，黃連蓉就係用片糖！原本打算食一舊就收口，點知不斷有人邀請我食多幾舊，嘢食放到我面前我又不好意思拒絕…total食咗四舊（即係同平時正常一個月餅size差唔多…），消化遲緩，食飽再食月餅隔咗一陣好L濟😂😂色澤焗住好靚，食落去係幾正，啲黃蓮蓉唔會話超級無敵霹靂甜，但每咬一啖…卡路里都…呢個月餅唔可以好似pizza咁切咖～不然就會好容易散掉，要直橫咁切。✨十八黃月餅 $260上網睇門市賣的是18黃～不過咁大個月餅真係小家庭真係買到都食唔曬，所以都難啲會買😂😂，建議大家族可買/送禮/拎返公司宿舍齊齊分享中秋嘅喜悅😀果陣先知原來另一個朋友年年都會買呢間餅鋪嘅豆沙月餅🥮亦都有分一黃兩黃同四黃，又真係未試過豆沙月餅！大家可trytry!! 想invite 多啦A夢食xddd幫大家whatsapp問咗：門市會有少量現貨。也可在門市訂購中秋佳節快到，要就買定啦！聽聞

農曆新年的糕點，多似行貨式，難找童年味道，沒有家的感覺。此老餅的店舖，人潮湧湧，吸引我去嚐嚐。大媽的觸覺通常是準確，如鯊魚找到食物。食馬蹄糕，煙韌彈牙，入口清甜。60元很化算，直徑有17厘米。再去人潮更盛，我買90元大碼的，比中碼的6厘米厚了2厘米。翠綠如湖，我找到童年味道。芋頭糕亦奇香如其名。不鬆散不油膩，齒頰留香。款式很多。芋蝦雖少，約8小球，只售40元，比很多著名麵包店便宜。

一提到廣式燒餅，網上總是渡你去指定某幾家店舖。但為什麼竟然沒啥人提及#美其香餅家 的燒餅呢？因為熊貓覺得他們家的燒餅真的好好吃 😋🥮 原味燒餅 (大) - HK$5美其香的燒餅表面非常光滑油亮，工整的外型看上去就特別治癒。燒餅平均有厚度，糯米粉、水跟油的比例非常好，入口煙韌彈牙又不黏齒，優秀 👍🏻 每次買上手都是暖呼呼的，而且水準都很平均。下午買兩件來吃心情就會亮起來。推薦指數（5分為滿）：🐼🐼🐼🐼營養估值：107Kcal / 件 38C / 3F / 2P🌟 原味燒餅好像特別好賣，上午好快賣完，下一底要下午2點後供應。還是需要碰碰手神 🤔🌟 另有豆沙餡燒餅可供選擇，而且有小型的豆沙燒餅HK$3.5一件， HK$10 / 3件。🌟 店舖賣的唐餅種類相對比較少，純素可選的大概就燒餅、香蕉糕、杏仁餅等 👍🏻📍美其香餅家 🇭🇰地址：九龍深水埗興華街27號E地下 

今年媽媽說不想又食連鎖店的月餅，感覺有點悶，想試試舊式餅家的出品，還指定要由雙黃跳級到四黃白蓮蓉，本來我是想買另一家老字號餅家的月餅，但因為它的位置不太就腳，最後沒機會買。不過我就想起每天駕車必經的舊式餅家，臨近中秋，看見門外掛滿懷舊的豬籠餅，還有不少月餅，感覺很懷舊、很有中秋節的氣氛，所以就買了一個試試。門口擺放多款獨立包裝的月餅，大概40多元一個，感覺還滿便宜的，即使是四黃白蓮蓉，＄47已有交易。一向不太喜歡到舊式餅店買東西，因為經驗上店員大多上了年紀，不是沒耐性，就是不太禮貌或說話太大聲、太粗魯，態度都不好，但今次的店員阿姨很親切。說是中秋節吃的，但媽媽太心急，所以未到中秋節，已經偷步吃了8分1件，而我也試了一件。月餅表面焗得不夠火候吧！外皮顏色較淺，自然也沒預期的焦香味，有點失望，因為平常我很愛吃帶焦香的外皮哦！餡料比例方面，雖然是用上四個蛋黃，但白蓮蓉份量不會因而變得太少，兩者比例尚算平均。月餅皮夠薄，亦不會滿手油，白蓮蓉餡很軟滑，但略嫌甜度太低，亦沒有蓮蓉香味。此外，蛋黃亦不夠油潤和偏乾硬，中央位置尤甚，欠缺蛋黃香。整體一定稱不上好食，但又未到難食的地步，可以肯定的是，我沒

食過翻尋味，已經吃完再買再吃很多次了。吃過雙黃蓮蓉丶三黃蓮蓉、三黃白蓮蓉，雙黃白蓮蓉，質素都佳。傳統月餅來說，算很多選擇！喜歡多黃者，可買三黃，喜歡蓮蓉多，可選雙黃。這家的月餅暫時來講是我吃過最好味的月餅之一，沒有誇張。蓮蓉和黃平均分佈，切開後你可見到黃不會側在一旁。黃油而不膩，不會食到成口油！我一向不喜歡肥膩，因而對某些傳統月餅較為抗拒，而美其香的傳統月餅，顛覆了我對傳統月餅的觀感。蓮蓉亦軟滑，齒甲留香。用來送茶，相輔相成，香味更顯。比連鎖大型餅店超出幾班，為中秋送禮自吃的傳統月餅中的不錯選擇。

時下 #月餅 嘅口味愈出愈多，什麼奶黃流心、紫薯、榴槤... 諗得出嘅口味廠商都會滿足客人。#小秘書 對月餅一向都無咩興趣，不過一年一度點都會食少少應吓節💚 今年 #小秘書 已經收到十盒八盒大大小小不同種類嘅月餅，不過自問無quota可以再放佢哋落肚😝 又唔想爸媽食太多，唯有將佢哋同大家分享。雖然係咁，我每年都會自己掏荷包去幫襯 美其香餅家 Mei Ki Heung Bakery 買個 #五仁火腿月餅 孝敬吓爸爸❤️ 朋友話 #美其香 嘅餅房就喺長沙灣間鋪後面，所以出品一定新鮮🌠 我唔知咩叫傳統嘅味道，不過見到門口嘅人龍，已經係信心保証啦👍🏻

知道這個18黃白蓮蓉月很久，今年啲起心肝買一個嚟試。一個字- 正!先講價錢，$255， 淨係18個蛋黃都唔止啦！未切開已聞到餅香味，切開見到蛋黃好興奮!! 食入口白蓮蓉好香滑!! 真係超讚!! 支持老舖!!

之前聽講過呢一間鋪頭，好多時都排長龍，尤其是啲大時大節，例如新年要買角仔和蛋散等；端午節就買糭。今日終於行嚟買咗啲小食。包括半磅雞仔餅、一包雞蛋餅，和一件小的燒餅。燒餅一啖食哂，價值$3，唔會好甜，下次可以再買。雞蛋餅有兒時味道😆 好香口，好有蛋味，價值＄12 ,而家唔係好多地方可以買了。半磅雞仔餅，價值＄17，數過一共有19件，味道正宗，會拎啲畀老爹試吓。整體而言，老餅店味道好正宗，值得推介👍🏻

此餅店不揚名，但屹立不搖數十年，外觀如一。此時賣懷舊糉子，梘水糉賣13元，分蓮蓉，豆沙，無餡料。重量是傳統形式，一個人吃剛好。我喜吃豆沙，蓮蓉令人飽滯，還是在月餅的肚子較好。糉子幼滑，有傳統風味。大集團出品有弊端：如大家樂，稻香，富臨規定以綑綁式銷售，只照顧食有兼味食客。如海皇，榮華，一隻是重250克，太重太大，影響到梘水糉不滑溜。更弊是集團式以雪藏貨形式運作，用水煮了，仍感到太死實不新鮮。此店以傳統形式包紮繩子紮不實，是糉子滑溜要訣。

很喜歡新年呀~~ 因為有各式各樣的卜卜脆可以食，又有各式各樣的糕點，小妹這個為食妹可高興了~~今日一家之煮就帶回了一大袋美其香餅家的賀年食品回家，立刻打開食一食先~~先試了小妹最喜歡的笑口棗~笑口棗粒粒飽滿，面層佈滿芝麻，入口鬆脆，充滿芝麻的香氣，就算放久了，也不會變得軟趴趴~ 最推介這個呀!!這小店的角仔有兩款，甜的跟鹹的~甜的是平常的花生砂糖角仔~ 外層酥香鬆脆，內裡的花生砂糖香氣十足，甜度又剛好~ 很不錯~而鹹的，就是紫菜肉鬆角仔~~外型上比甜角更為飽滿大隻一點，餡兒的份量不少，滿滿的肉鬆紫菜，鹹香可口，另外又加添了花生在餡兒中，增添口感又倍添香氣，很特別的鹹角呀~芋蝦已經不是很多地方有賣啦~想不到這小店子竟然有賣~一袋芋蝦，大約有八粒~ 把芋頭刨成絲，加添調味，將一撮芋絲纏成圓球狀放入中熱油鑊內炸，直至芋蝦呈金黃色即成~ 麻煩在芋絲要隨刨隨炸，不能刨一大碗才慢慢炸~ 所以才愈來愈少地方有做呀! 這芋蝦夠脆身但不鬆化，入口有一陣油膱味，難得搵到的芋蝦竟然是這般味道，失望失望呀....這些脆卜卜，就為新年掀開序幕啦~~

尚有個星期新年 , 賀年食品酥角笑口棗少不了 在長沙灣住既日子, 呢到既年貨由細食到大今年返返黎買, 買左酥角 : (30蚊半斤) 好鬆化,甜度適中.... 但太鬆化皮易甩, 值得一試笑口棗 : (14蚊半磅)呢到最好食既年貨 , 食左幾粒停唔到口, 絕對推介豆沙角 : (14蚊半斤)撞正新鮮炸起, 個個漲卜卜,豆沙餡清甜唔漏,不過要趁熱食不過最吸引既始終係個巨型榴花煎堆 成個手板咁大 ... 好心動想買返個! 不過巨型既要38蚊一個 , 最後只係買左一對迷你既花, 15蚊買黎做下裝飾!!