羊鞍餐廳

營業中

休息中

呢間食過好多次，每次都情鍾焗飯，今次又食蜜糖芥末汁焗雞扒飯，個汁同個飯好夾，雞扒好嫩唔硬，一個人食哂成個飯好滿足，加錢配左蒜容包同餐湯同飲品，忌廉湯同熱杏霜都好味，好難得每樣野都整得好食，同樣係西餐，有啲餐廳就算好貴都無呢間咁好食。男友人平時叫開牛扒，今晚竟然抄我食雞扒，不過佢配薯角，加田螺焗薯容，睇佢都食得幾滋味，我食完個飯已經好飽，試左少少薯容，都唔錯。

今日天氣都幾清爽，所以lunch同同事出去食西餐。一黎到已經有人等緊，我地等到1:25先有位，曬屎了。好彩預先落左單，一坐低就有餐湯飲。今日既蘑菇湯都唔錯，有啲蘑菇碎，口感清新。蒜蓉包都幾脆。今日揀左照燒雞扒配司華力腸。雞扒都幾多皮，肉既部位比較少，而司華力腸都比較「lon」，燒汁都唔夠多。同事既蜜糖黑椒汁牛扒焗飯反而比較吸引。牛扒唔「un」，又幾juicy。另一位同事既蟹肉水蜜桃什菌沙律配黑松露醬又幾好食，味道好fresh，唔錯。一人都係五十幾蚊，又有餐湯又包野飲，都幾抵

响九龍城搵可以二人世界嘅西餐廳有啲難度，想溫馨啲又要性價比高，慳住男朋友嘅荷包仔～我搵到啦～呢間扒房嘅牛同羊都好正，服務員很有禮貌，真心抵食，荷包輕鬆，肚皮滿足！已經食第二次啦！

其實我好少出街食早餐，今次選擇黎羊鞍餐廳，因為門口見到餐牌好似好正喎嘩! 一入到去差不多滿坐早餐分別有經典早餐同埋特色早餐而我就選擇了特色B餐呢間上餐時間都算快，order左冇耐就黎喇。炒蛋幾正，又厚又滑多士同螺絲粉不過不失吧。不過杯熱奶茶就一般，唔夠滑唔夠香總結: 普通啦，下次會想試下佢嘅午餐set lunch

是日隨家人到九龍城吃午飯，下雨關係，附近一帶食肆也較能找到位置。媽媽表示想吃西餐，於是決定去九龍城一家價廉物美的西餐--羊鞍餐廳。12時30，大約等了十分鐘終於可以進去了。即使是星期日，餐廳也有供應午餐。兩頁餐牌有十多款選擇，按有圖有真相的邏輯，挑選了午餐1-3。是日的餐湯是羅宋湯和周打忌廉湯，筆者點了後者，因為這款港式白湯喝起來較柔和，又喜歡都有一點餅乾。不過，是日的湯沒有餅乾，但勝在煮得滑，嚐到牛油和奶香，也配了烘得乾脆既蒜蓉包。推薦指數：4/5至於主菜點了三款不同款式，包括香煎肉眼牛扒配黑椒汁（$57）、法式牛酒燴牛尾（$57）和焗豬扒飯（$57）。 先來的是牛尾，紅酒汁富有牛肉燒汁的味道，也帶有紅酒揮霍後的酒香，而且炆得軟腍，相當出色。推薦指數：5/5至於焗豬扒飯亦做得出色，醬汁除了帶有蕃茄汁的味道，也有牛尾湯的味道，也許是兩者加起來打成醬汁。而且焗得焦香，香口的豬扒上亦見拉絲的芝士，非常美味。推薦指數：5/5最後來的牛扒相對失色，下了軟化牛扒的添加物，質感軟得奇怪，不過牛椒汁調得香濃。推薦指數：2/5最後喝完不錯的熱檸茶，在雨陰中離開。坐得舒服的地方，美味的食物，雨中也見到一

今次食呢間餐廳係Lunch time既時候去，因為都見多人排隊，所以就想試下係咪好好食，每次1點鐘就會要係外面排15分鐘，但今次特登提早去食，所以都唔需要等太耐，因為我個人唔食羊，所以無叫羊扒餐，叫左個普通既咖哩餐。味道都不過不失，正餐前有湯有包，正餐味道唔差，但可能太多人排隊，令到我覺得佢超好味，所以最後個落差都有Ｄ大我覺得食家們可試可唔試，唔需要因為見到佢好多人排隊就去食～

每次到左lunch time時間，都要煩去邊度食。但今次有同事話有好推介，所以就去左呢間餐廳到食。一望個餐廳名，以為主打食羊，但坐低望個餐牌又唔係呢一會事。Set lunch價錢適中，有湯，蒜蓉包，主菜同餐飲，款式都算多選擇。餐湯同普通罐頭湯無乜分別，蒜蓉包尚可。至於主菜，我就叫左個海鮮龍蝦汁天使麵，海鮮有魷魚，青口同蜆，配上龍蝦汁，味道唔錯，只係天使麵有啲「林」。總括黎講，用這個價錢食這個set lunch，只可以用不過不失黎形容。

經過這間餐廳無數次，都沒有試過。今晚卒之入去試一試。入到去差不多全場滿座，估計應該不錯。坐下來很快就有服務人員送上餐牌，晚餐精選內，一個羊的主菜也沒有，有點吾明！餐廳的名字是Lamb Rack, 以為羊是主要肉食，所以名字不附！精選晚餐超級平$100左右就有湯，主菜及咖啡，見到咁平，就點了牛排加大蝦餐。忌廉湯到，ok, 蒜蓉麵包，硬過石頭。牛排，一食感覺好似放塊鬆肉粉加牛肉入口。塊大蝦，肉質巳梅，超難食！咬了一口，已經放棄。最後，叫杯檸檬水，唉！啲檸檬也是苦的！真的是我去過最差的一間餐廳！冇下次。KO !

今日又返PART TIME~老友特登過黎搵我食個下午茶係食之前我要去一去BANK整小小野成條福佬村道, 除左德昌有人排隊外另一間就係羊鞍餐廳..我同我朋友好好奇..有咩咁吸引..所以就試試喇下午茶選擇款式亦唔少..除左熱食, 仲有個甜品TEA SET TIM朋友因為食左野...所以佢就叫左個甜品TEA SET法式焦糖布甸布甸係凍既...岩哂宜家咁熱既天氣而布甸香濃軟滑~再加埋上面脆口既焦糖一流 而未食飯既我就叫左蜜糖芥茉忌廉汁煙肉雞扒焗飯呢個飯份量唔係好多但都足夠既個汁味道調調得好芥茉及蜜糖味分明.. 好惹味而雞肉亦醃得好入味..焗既時間岩岩好...雞肉唔會因為焗得過時而變硬唔錯~~~

在九龍城，這家算是頗多人等位的餐廳。工作繁忙，轉眼又過了午市，索性點下午茶餐，點了焗豬扒飯和咖啡。即磨咖啡先來，味道濃郁，香氣怡神，合我口味。焗豬扒飯是下午茶迷你版，有芝士和茄汁焗過，製作認真。豬扒軟腍好味，飯有雞蛋炒過，算不錯。九龍城西餐廳不多，夠經濟而過得去，難怪經常有人等位了。

九龍城呢間舖開業多時，愛羊既我…都未有機會幫襯！其實唔知佢點解叫自己做羊鞍餐廳，其實佢好羊有關既菜式好少！愛羊既我，見佢用羊鞍做餐廳名，就試一下佢地既羊.........寶雲蘇焗雜菜湯﹕其實好羅宋湯味，係無肉，菜同湯既份量適中，有少少稀，不過有足夠菜蔬份量。寶雲蘇羊架，賣相一般，薯菜有少少hea，薯條淋身唔脆口，其實上碟前番一番炸都唔晒好多工夫。好彩羊架幾好，七成熟，肉質軟身有肉味，好少肥但又唔乾身，有少少羊肉既羶味，唔鐘喜食羶但又鐘意食羊既人就岩，個人比較受得羶就想食羶少少。寶雲蘇焗黎講佢個芥辣味唔係好明顯…不過諗起佢地只賣100蚊黎講，都真係交足功課，最起碼件羊唔會比千年雪藏貨你…佢地餐牌好大眾化，都見到好多人單身過黎食晚飯，包括在下，有少少茶餐廳Feel。仲有就係原來佢地無收加一，我走左之後先發覺自己無比小費，應該要比番多少…

由於老婆係附近打工，所以成日去九龍城揾好野食。呢間餐廳第一次俾佢個格局嚇親，以為好貴。但原來下午茶相當親民，三十幾蚊有交易。之前食過焗豬扒飯，絕對不錯。今次食佢個豬排撈公仔面。埋相不錯，而且豬扒切件，令食客容易食。公仔面彈口，不會過林。咖哩亦不錯，易入口又唔會太辣。$35包一杯熱飲真係無得頂

起初比個羊字誤導了！因我不太喜歡食羊！但再仔細看，也有其他不錯的選擇！今天...下午茶，叫了一份碎蛋沙津牛角包配薯條、芝士豬扒焗飯碎蛋沙津夠新鮮，牛角包夠脆！而芝士豬扒飯味道夠濃而且不太鹹！份量恰當！

週末到九龍塘福老村道辦理銀行事務，人多的關係，手續辦妥時已超過兩點，肚子餓到不得了，身處這條食街，在多國美食選擇下，我和友人一轉身就走進了這家西洋裝修的餐廳醫肚 正值下午茶時段，店內有五成客人在用餐，有部分看來早已進食完畢，也悠閒地繼續與三五知己在這舒適的環境享受聊天樂下午茶餐的價格算是很經濟，$33-35 的價錢包食物和熱飲我們二人各點了一份主食，分別是蕃茄湯雞扒螺絲粉和芝士焗豬扒意粉，大家也選配熱奶茶。蕃茄湯雞扒螺絲粉 $35賣相看似普通，但實情是料多味美的雜菜羅宋湯加上雞扒螺絲粉，甜甜酸酸的，吃起來很開胃雞扒有如一般女生手掌的大小，切開有大約四小件肉質鮮嫩，與蕃茄湯混在一起，更覺惹味螺絲粉軟硬適中，份量不算少，相信以男生來說，當正餐也適合不過。芝士焗豬扒意粉 $33當食物還未上桌時已被濃濃的芝士香味吸引，放到面前絕對是急不及待要馬上品嚐豬扒份量很足，有六小件，半肥瘦的，雖稱不上厚切，但啖啖肉，有少少骨意粉略為硬身，看上有一點點乾，但拌上香濃的芝士和蕃茄汁，味道剛好加配一杯熱奶茶，茶香奶滑，喝得出是即沖而不是沖了一排待在一旁的，一點茶澀味都沒有龍脷柳配薯條 $33看到有

一個沒吃早餐，而且只是以越式法包和牛油雞翼做午餐的日子，還未到晚上六時，肚子已嚷著肚餓，見這間名字趣怪，不知道為甚麼叫做羊鞍的餐廳，到下午 5：45還有下午茶供應，便入內醫肚。只不過是一頓權充晚飯的下午茶吧了，當然不會吃羊鞍，吃的是 $33的「芝士焗豬扒飯」。只不過是一頓下午茶吧了，份量當然也是下午茶的份量，算不得大碟，幸好這「芝士焗豬扒飯」味道還算對辦和開胃，雖然芝士味稍淡，茄汁味也不會太濃，而且豬扒的肥瘦度都幾好，不會過肥或過瘦，以三十多塊錢連飲品的下午茶來說，也沒太多的批評了，要是真要說的話，就是這焗豬扒飯還可以再熱些，那便會更加好吃了。