羊鞍餐廳

營業中

休息中

今日同中同行過九龍城 見到有下午茶 就即刻入去食 因為吳間餐廳我地之前放學成日去食 下午茶又幾抵食！我叫左芝士焗豬排飯 ($42)面頭有層焗熔咗嘅cheese，飯唔係普通嘅白飯，而係蛋飯！淨係飯都好香同好好食😋 食物温度夠曬熱 豬排又唔係得一兩塊，而係差唔多舖滿成個碗！ 事隔2年再食都仲咁好食，果然冇令我失望！我朋友就叫咗芝士焗肉醬意粉($42)面頭同焗豬差唔多有層cheese同少少香草，肉醬唔會太鹹同太醒，芝士味重！但意粉可能係因為焗嘅關係所以就比較硬身，但都唔錯。熱朱古力☕️ 味道好濃，唔似其他餐廳溝咁好多水！總括來說，食物温度夠！份量多冇食lunch食完都覺得飽！價格唔算太遺，有咁嘅食物質素已經十分唔錯了！

作為一個肉醬意粉控，由我第一次黎LAMB ROCK一睇到MENU有肉醬意粉，就每一次黎都要食肉醬意粉。除左因為本身個人喜歡肉醬意粉外，呢度既肉醬意粉的確好好味，亦都好岩我口味！今次黎到，我都一如概往，坐低連MENU都唔洗睇，諗都唔洗諗就直接叫肉醬意粉。其實我都嘗試過睇下仲有咩野食，但都抵受唔住肉醬意粉既誘惑。入到黎剛剛好有位，可以即刻坐低，落單後好快就即刻有湯同蒜容包。而我飲既係紅湯，味道剛剛好，唔會太咸但夠味。蒜容包暖暖的非常脆！過一陣，期待已久既肉醬意粉終於黎到喇有足夠既肉醬比我撈完食完意粉都仲有肉醬剩，意粉既份量亦都唔少，都算大份。而我都會全部食晒，食完之後非常滿足！價錢唔貴而且又好味，真係抵食！

平時很少有在外邊吃早餐的習慣，我今天機緣巧合來到羊鞍餐廳吃一份西式早餐，餐牌上的牛角包，和可以選擇配料都十分吸引 我，楝好咸牛肉炒雞蛋牛角包配熱咖啡。餐廳裝置色調以深沉的藍色和棕色作主調，品嘗晚餐時間加上適量燈光，相信會有浪漫氣氛，深深沉沉的環境吃早餐，感覺就有點兒未瞓醒呢！沒有牛角形的牛和包，口感100%牛角包的味道，暖暖的，香脆的，鬆化的，夾著滑滑蛋液炒鹹牛肉，蛋香又滑十分美味！配埋一杯港式熱咖啡，人都精神爽利起來！

門口都幾多人等位，我地8人，最後決定分開兩張台登記，等左一陣就有位了👍我簡左午餐牛排配薯容，牛排算軟幾好味，朋友簡左肉醬天使麵話幾好食，蒜蓉包都好有蒜蓉味價錢算合理，性價比高👍算坐得幾舒服，下次會再去

🐏羊鞍餐廳衙前圍道132-134號C.🍤香煎龍脷柳拼吉列炸蝦（配薯茸）（$48連蒜茸包、湯、熱飲）龍脷柳煎得靚！表面金黃，魚肉又唔乾。調味唔重手，但又食唔到雪味。好想知道有咩tricks可以整得咁好😂。蝦似係凍肉店賣嘅急凍吉列蝦，冇咩特別。薯茸口感滑，份量多，合格。.一向對港式西餐冇咩期望，但呢次真係幾滿足😊。

50幾蚊一個午飯九龍城區來說算中位價了！跟餐湯配蒜蓉包，仲有杯嘢飲好似加$3！質素來說是茶餐廳貨色，外表係西餐包裝的話，未算夠水準，牛扒跟茶餐廳的西冷牛扒差不多，但這樣的價錢當自己係間茶餐廳算是合理😂😂無加一👍🏿我諗晚市應該會做得好啲，但未試過下次搵日去試吓！因為見午飯時間都很多人排隊，整體質素不算好差，只係對牛扒有少少失望，其他都可以接受🙆🏿‍♂️🙆🏿‍♂️🙆🏿‍♂️🙆🏿‍♂️🙆🏿‍♂️

睇完食評都唔錯嚟試，點知伏到爆喎！所侍應冇禮貌，一大班𡃁仔𡃁妹喺度行嚟行去咁，冇靈魂冇心做，只係傾計講笑先有表情。😑最嚴重係5-6個人圍住喺餐廳正中間消理廚餘垃圾桶🤮，都已經算喇，唔睇佢地執。之後仲要狂噴空氣清新劑。啱啱飲咗2啖咖啡講緊淡茂茂冇咖啡味，仲吸埋空氣清新劑🤬🥶🥶🥶🥶完全係封鎖咗臭覺同味覺🤢 碟喇上枱仲要係超細碟，咁嘅價錢咁嘅服務同食物🤬🤬🤬🤬🤬佢地仲冇嘢咁，冇哩歉意叫我地自己調去另外嘅位。唔係化，咁嘅服務態度，去美心大家樂大快活嘅清潔抺枱姐姐，都識禮貌有heart過呢間嘢！一句講晒不知所謂！

去九龍城逛逛，咁啱在下午2時半來到，可繼續選食午餐或下午茶餐，自由度幾高。午餐有湯和飲品，下午茶平些，淨係得飲品，但可加$5便有湯和蒜蓉飽了。經典的紅湯：什菜湯，白湯：忌廉湯，都ok的。午餐：紅酒燴牛尾飯，明顯份量多些，牛尾有成3大塊，肉炆得軟淋，醬汁很多，自己控制醬汁多少來撈飯，吃起來很好味。下午茶的芝士焗豬扒飯，是迷你版，盛器是與盛牛尾的碗一樣大小，豬扒預先切成小塊，方便進食。雖份量少些，但也不少。可加$5 有湯、蒜蓉飽，其實也夠食了。以假日計，下午茶是$40 + 5 = 45 ，比午餐平$12，也是不錯的選擇。

首先我地係香港地生活，係哩個日新月異既社會咩都要講求快、狠、準！🤔好多人同事，跟得上步伐既，肯付出作改變既，定有生存空間但跟唔上既，好容易好快就被淘汰話說約左老朋友遊🚙🚙跟住去左拒附近九龍城搵食行行下 「哇」左一聲岀黎！哩間好耐歷史喇wor 🤔🤔我望住門口，指住哩間餐廳印象中都好似有10年以上但係一次都未試過🙈決定今晚去試下八點入到去，已經滿哂 好彩岩岩有一張二人枱見到有set for 2 ，d款式大家都ok 就叫左 $228 二人餐 有湯有野飲 仲要唔加一d野食都上得幾快質素係正常的價錢中規中矩主要做街坊生意👍🏻咁多年仍然屹立不倒，可以一試支持街坊小店💪🏿

看食評毀譽參半，見門外照片牛扒不錯，進來又太貪心改變了主意叫了羊架，真有點後悔，餐湯和小型多士填了一點肚，這價錢雖然不能期望會有很高水準，但$80羊架午餐，叫羊鞍餐廳，都有一定水準吧。！其實size好細，所以不能說很便宜，第一件肉個人吃到有點不新鮮的味道，第二件一點羊味都沒有。所以第二件沒有吃，意粉太煮太淋了。餐湯和沙律還可以，只能說杯凍檸檬茶不錯，不會去第二次。

今日午餐時間一共八人，由放低餐開始服務員態度已經不是很好，放低一邊講是甚麼菜色就走，知道午餐時間好多人，但小朋友食得慢係正常，諒解到服務員想快d清枱，我地結帳後，一個一個離開時時，有一位有黑色眼鏡既女服務員一句同我講:羅碟野黎，意思叫我在遠處拎隻碟俾距，但我心想我地已經起身離座，為何仲要我幫距，仲要語氣很差。最難接受係我一起身轉身帶住個小朋友走時，剛好在那個位置有另一個女服務員拿住食物，我不知道距係晤滿意我地甘遲先走，定係剛好我地走時阻住距條路，定係距自己心情晤好，我係好肯定聽到距講左句粗口。幾個年青女服務生，好應該培訓一下，服務行業應有既態度，晤止係高級餐廳酒店先要甘樣做，想保持客源認同，晤單止食物質素。

今天是公衆假期，突然想到九龍城逛逛，經過羊鞍餐廳，忍不住就入去坐下！因為真的實在太耐無嚟啦！我哋叫了芝士焗豬扒飯及馬來西亞喇沙湯配豬扒公仔麵配兩杯凍檸茶！芝士焗豬扒飯向來味道都有保證，仍然保持得好好味！至於喇沙湯是新菜色呢⋯⋯喇沙既椰香味濃郁配公仔麵簡直一絶！最值得一讚就係羊鞍餐廳在公眾假期都有下午茶呢！超抵食！

羊鞍餐廳我由佢最細間鋪已經開始幫襯，👀睇住佢之後搬大d，再搬大d到宜家現鋪😎😎,我諗我都叫忠實fans 喇啩🤔🤔🤣最抵食一定係最細鋪嗰時，之後搬大加少少價，再到宜家，雖然未係去返超抵食，不過響宜家物價高昂嘅時間裡面都叫抵㗎喇！lunch $55起，有湯，蒜蓉包同飲品，下午茶就$3x起，不過份量偏少，冇湯同包，不過下午茶黎講ok嘅！都感覺飽😋😋味道全部都好平均，不過我至愛都係羊架！🤣🤣大家經過的話，不妨試試！

很久沒有來吃早餐了，多數是幫家裡大少買外賣，九時許門外經常企滿人等食，怕怕重回舊地，因為時間尚早，不用等位，早餐選擇多，分為經典早餐和特式早餐兩大類別，不同的組合可以多達數十款，一貫茶記的本色，選擇多多今日三人行，我點了碎蛋沙律牛角包，其餘點了黑松露奄列多士和麵餐。碎蛋沙律牛角包的前身是三文治，用牛角包是一個的改變，好味黑松露奄列多士，奄列的內餡充滿了蘑菇和芝士，吃落松露味濃，還有芝士的拉絲效果，吸睛之餘，味蕾滿足！看來這裡將會再度成為我的早餐飯堂

難得去九龍城探訪朋友，她推介這間西餐廳。去到時已經下午兩點多，我們仍需等位。未食這裡主菜之前，已深深感受到侍應哥哥的熱情招待，他們會同小朋友玩和傾計，很親切。香煎肉眼牛扒配黑椒汁 $54因給小朋友食，所以通常會叫黑椒汁另上。牛扒太腍，口感奇怪，幸好黑椒汁不會太辣。卡邦尼煙肉磨菇嬒意大利粉 $58很滑很香又多汁，可以一試。龍蝦汁天使面$58意外地有很多海鮮，天使面加龍蝦汁我至愛。豬扒意大利菜湯意粉$52大大件豬扒配大大碗羅宋湯意粉，抵食！