羅麥記 (青衣城1) (已結業)

【葵青區】【羅麥記】去完臺灣返香港，搭機場快線期間有啲肚餓，咁就喺青衣站落車睇吓有咩食。呢個時候我就記得我曾經喺好耐之前想食呢間羅麥記，但係被青衣城豐澤一個老女人收銀員耽誤咗我接近一個鐘。雖然我都為佢送上咗一封幾百字投訴信，但係啲時間都畀唔返我。隔咗咁耐嘅呢一刻，呢間羅麥記居然仲喺度生存緊。咁既然有呢個機會，我就當然要好好把握啦。入到去發現佢係玩港式情懷嘅，貼咗好多香港電影角色嘅畫作喺度，幾好。而食物方面亦都有好多港式食物，我唔想當佢普通茶記咁處理，就食鐵板扒餐啦。叫咗 $118 嘅「羅麥雜扒餐」，有豬扒、牛扒、雞扒、司華力腸、煙肉、薯條，配埋餐湯同餐飲。個餐都幾大份，食到我都非常之飽，睇開我嘅讀者都知我都好少講餐廳食物份量係多嘅，今次呢間就係喇。味道方面就還可以啦，呢個價有咁大份都唔要求啲乜。餐飲我配熱「香滑奶茶」，味道以茶餐廳嚟講都算中上，唔錯。坐咗陣，落一落格，就用第二個胃食埋 $48 嘅「火車頭雪糕」，用 Oreo 夾住三色雪糕加條朱古力蛋卷，唔錯。佢哋講到係七十年代小朋友最期待嘅甜品，我嗰陣年紀大唔知。埋單 $166，唔算貴。。。（地址：青衣青敬路31-33號青衣城一 2樓212A號舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodiesofinstagram #love #restaurant #foodblog #eat #1am葵青區 #青衣 #羅麥記 #羅麥雜扒餐 #例湯 #熱奶茶 #火車頭雪糕 #1am1324 #1ambackup…查看更多

中午到此店quick lunch，機場收工的我拖住小行李受到不禮貌對待，店內唯一一名男侍應直頭叫我「返屋企唔好食」，後來得到分店女經理協助將行李存放在收銀處才能順利用餐。食物質素一般，但員工態度惡劣，冇下次！…查看更多

焗飯難吃 ，態度惡劣焗豬朳飯、焗牛脷意粉，都很難吃 ，非常淡味，茄汁沒茄汁味。蜜蜂雞翼比較好吃。時菜一般般。職員態度惡劣，語氣差，完全沒笑容。價錢也不是便宜。平均一百蚊位。以後也不會再光顧。…查看更多

茶餐廳很當眼, 午餐、下午茶款式多, 份量十足, 首先個賣相相當吸引, 薄牛扒足料又大件, 薯條份量夠多, 粗薯夠脆味道不錯雞脾餐香脆啖啖肉、沙律菜幾新鮮爽脆, 水果沙律份量多, 酸酸甜甜好開胃整體出餐夠熱又快, 有誠意, 下次值得再可以試試其他餐點飲品檸茶味夠香濃、茶味不錯客人流量都很快、一枱入就一枱出, 食完之後仲見到有客人門外排隊等位, 而外賣亦有不少餐廳環境不俗, 坐得很舒適、店員出餐快靚正、最重要價錢實惠、整體不錯…查看更多

最初食物算好味，但仍然係偏貴，貴過青衣城的所有餐廳，同樣價錢，食韓國、日本、越南，泰國餐廳都唔使咁貴，比南記更貴一大截！ 味道方面，越來越保持唔到水準，甚至可以話係難食，炒野越來越甜，啲肉又有雪藏味最慘係近期連服務態度都差，問佢拎杯水好似要乞咁。。。。 而且多人果時，你千祈唔好停手，你一停手就會有人拎起你個碟問你係咪食完，你要差不多搶返隻碟先可以繼續食！！ 服務差，越來越難食，但竟然幾個月就加一次價，七十幾蚊一個午飯，凍飲要加六蚊！ 要八十蚊食一個難食既午餐，真係貴絕全個青衣城！…查看更多

職員落錯外賣，個門口個女職員仲怪個客人唔講清楚！態度西面！改反張單仲要收多你$1，好笑！可以唔洗去，好聲好氣仲要俾人黑面幫你改返張單要收你錢諗清楚先好去，個門口接待員態度差到趕走客一流…查看更多

他們的裝修有別於一般的茶餐廳，主要都係行六七十年代電影院風格，靚係幾靚，不過相對上他們的價錢也比一般茶餐廳貴一點常餐C（濃湯海南雞絲米+羅麥炒蛋多士）$62推薦指數🗯️：🌟🌟🌟他們常餐選擇也不少，因為想食清淡啲，就叫了這個雞絲米，份量也不少，食完剛剛好夠飽；炒蛋炒得剛剛好，不會炒到老晒又不會太生，不過雞米食到最後會覺得有少少鹹；奶茶也是平時在茶餐廳會飲到的味道美緑牛奶包 $46 推薦指數🗯️：🌟🌟🌟熱量炸彈🫣但是好味🤤不過唔知點解要係旁邊配沙律，味道方面兩者之間完全唔配😂雖然他美綠粉和煉奶給的不少，但是感覺包身再烘一烘會更加好食，依家食落口太淋，雖然係吸到美綠粉和煉奶的味道，但口感差咗少少以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。…查看更多

#搞串個pantry又同大家去搵嘢食呀，今次同另一半🫶🏻去到一間喺#東涌 、#青衣 、#荃灣 、#大角咀 都有分店嘅餐廳🍴。呢間餐廳主要食一啲港式嘢🇭🇰，同時都有啲特色菜🥳。餐廳嘅裝修行懷舊風🎪，大大嘅發光招牌掛咗喺門口💡。今次就嗌咗一個🟠腐乳雞球撈丁($62)、🟡阿芝豬頸肉芝士撈麵($62)、🟤美祿牛奶包($46)腐乳雞球撈丁🌟🌟炸雞球嘅口感唔錯，肉質算幾嫩滑🤤，而且本身有醃過，食落味道幾好🤩。但係個撈丁就一般，個麵好快就黐埋一嚿😖，好難撈，再加上腐乳醬唔多，食到中後期，就feel到好乾身🥴，亦都冇乜味。阿芝豬頸肉芝士撈麵🌟🌟呢個撈麵賣相就真係一般般，見到三大塊豬頸肉🐷同芝士🧀就咁鋪喺面。如果餐廳將啲豬頸肉切得細嚿啲，望落都會靚啲🥳。芝士方面，佢嘅質感望落似白汁雞皇飯啲白汁多過似芝士🙂，食落亦都冇乜芝士嘅香味，味道偏淡。豬頸肉就煎得幾香🔥，肉質都ok啦。美祿牛奶包🌟🌟呢個多士入面「查」咗花生醬🥜、煉奶，再喺上面灑上美祿粉。味道幾好😋，有啲似澳門🇲🇴馬慶康嘅退化版西多脆脆😂。但係呢度嘅多士烘得唔夠耐，腍咗啲🫣。…查看更多

茶餐廳永遠是早餐最快的地方，不求好高質，能放入口就可以！早排同朋友去迪士尼玩，諗住簡簡單單普普通通食個早餐就出發！所以就去了青衣城這間餐廳食！見裝修都幾特別！早餐質素不算好高，但還是可以接受的！如果有興趣也可以試試…查看更多

寫個「服」字先🔹羅麥雞翼撈通粉🔹 $69小編平時謝絕通粉🙅🏻‍♀️ 但撈通還好 (多汁重口啲)，見係招牌一於試試#雞翼 四大隻，四隻都肥嘟嘟脹卜卜😍 雞皮滑、爽、彈，肉又多又嫩瑞士汁入味，🤏🏻過鹹 要注意一下#通粉 質地偏淋有少量碎濕濕，都冇乜所謂了，雞翼太出色搶晒fo碗底被瑞士汁浸著，好水 唔係濃稠掛喺粉上嗰種，竟然唔會好鹹 甜味居多#炒蛋 份量好足，送完方包後仲剩好多🫶🏻炒得超靚，有蛋皮有仍在流淌嘅蛋液🤤 超嫩 罕見地重蛋味，我會記著呢份炒蛋#奶茶 錯手落多咗糖，但都冇阻佢濃茶、絲滑、有厚度嘅表現👍🏻…查看更多

睇個裝修幾潮就吸引咗入去試吓！星期六傍晚，人都比較多，但時間都只係六點幾，就已經叫乜無乜。本身想試咖哩磚頭，點知無咖哩，唯有轉食白汁。 佢另外個餐有跟餐湯，佢個白汁就係杰身嘅餐湯加海鮮去焗，海鮮都還好唔腥嘅，個包都脆脆哋，但都真係唔夾，相信咖哩會好好多。另外呢個就係跟餐嘅三絲炒米粉，個人覺得個米粉係要有返咁上下牙力至食到最出色都算係個菠蘿冰，粒冰係菠蘿汁冰出嚟嘅，所以成杯都好豐富嘅菠蘿味，同埋夠曬冰涼。…查看更多

羅麥記裝修別緻，以香港地六七十年代做主題，很有懷舊風味有別於一般嘅港式茶餐廳更將多款傳統港式茶餐廳美食加入創意咖哩牛腩焗飯牛腩口感適中，幾入味咖哩味道濃郁，又不會太膩或太辣整體水準中上 👍…查看更多

因為同男友都好晏收工，已經無乜精力諗食乜，次次行過羅麥記都想試下，所以我地就行左入去。鼓油王素雞炒麵味道一般，賣相不特別吸引，素雞比較油，不過份量都算幾多，啲炒麵還可以啦，如果可以再炒得乾身啲，應該會好食啲。黑椒牛肉焗飯黑椒醬汁太過濃稠，而且味道有些單調。此外，米飯的口感也有些偏軟，如果啲米飯能夠更有嚼勁，口感會更好。不過我地坐嗰個位，冷氣偏凍，所以我地都快快吃完走。如果趕時間又諗唔到食乜，都可以一試無妨。…查看更多

行過求其入左間，因為唔洗等位。嗌左三個晚餐，第一個到係黑椒牛肉焗飯 , 汁多過飯，勁鹹，食完又唔夠飽。另外一個蜜桃魚柳飯，餸係多過飯，講緊餸只係正常份量，可想而知係幾少飯。 之後叫左員工補番個白飯，都補左成十分鐘。另一個海鮮炒飯就不過不失。然後追左杯凍檸樂追到最後一個飯都食左一半 ,白飯都補左，先知原來落漏野飲。總結成餐飯食到成肚氣，啲員工又好似長期見你唔到咁，呢間野價錢都唔係特別平，但受到咁既待遇，以後唔會再食。…查看更多

昨晚的經歷：1，落單時位女店員好似唔想做咁，態度呼籲，黑口黑臉，亳無服務態度可言:(。2，叫了3份餐，但其中咖哩軟殼蟹磚頭飯，等到另外兩位食完都仲未到。催左一次。其間隔離枱的牛扒都係等極都無。3，最後來了份番茄汁軟殼蟹磚頭飯，店員話廚房落錯汁，問我要唔要，當然唔再等啦，已經勁肚餓，點知食落裡係凍的，又無味度，真係好激氣。隔離枱一樣，聽到個阿叔叫個店員收返一樣啱啱送到既唔知咩，話係凍既。4，全晚不停聽到店員間好多爭論，又話廚房唔得，又話邊個客叫錯杯可樂未到，呼喝聲不絕。…查看更多