綠茶餐廳 (V City)

終於嚟到屯門新開嘅綠茶餐廳試新菜！竟然同米芝蓮星級名廚俞斌合作，打造全新夏日menu，將杭州茶藝美學融入創意料理，今次主題勁有驚喜✨！🌟必試推薦🌟▫️ 綠茶蔥香烤肉 - 淡淡茶香滲入爽脆肉質，意外地夾, 還完全不油膩！▫️ 蔥香脆皮烤鴨 - 外皮超脆, 真正的皮脆肉嫩，蔥量超級多, 又香又清爽! ▫️ 綠蔥油汁萵筍 – 賣相100分! 爽脆萵筍淋上秘製蔥油，簡單卻驚艷▫️ 西湖雷峰塔 - 顏值爆表嘅意境甜品，彷彿把西湖十境端上桌一樣▫️ 羽衣甘藍檸檬茶 – 小熊超可愛! 清新茶底撞上酸甜檸香, 搭配羽衣甘藍獨有的纖維，解膩首選！💡小貼士：新推出會員APP有迎新優惠！登記即享折扣，食住儲分超抵～店員提到，黃竹杭南岸新店特別以杭州西湖的龍井茶文化為靈感，主題取材自「龍井問茶」，一走進去，彷彿置身於杭州的翠绿茶園之中，瞬間有種遠離塵囂的悠然🌿。空間中融入了茶山起伏的意象、古樸亭台與柔和燈籠，打造出一個「可遊走、可休憩、可沉思」的雅緻環境。天然光影與淺木色調相互映襯，呼應龍井茶獨有的清澈色澤、幽然香氣、醇厚滋味與秀美外形，讓人不知不覺放慢腳步，在繁忙都市中，品味「一盞清茶，片刻安寧」的生活意境。俞師傅這次設計的菜單，既保留了傳統精髓，又注入清新夏日風格，實在值得一再回味！餐廳最近仲推出會員APP, 有迎新著數啊…查看更多

以西湖龍井為主題嘅綠茶餐廳終於開到嚟屯門啦。屯門西鐵站一出v city 就找到，放工6點已經好多人喺門口排隊啦。門口有古箏表演更增古色古鄉氣氛。而店員的制服很有古代感，好似穿越咗去古代一樣。這裡主要食杭州菜，有米芝蓮名廚俞斌為香港專屬定制菜色。🔸️粉絲裹蝦$108店員放底爐同埋個煲，開火後計時4分30秒， 開蓋香氣撲鼻，粉絲吸曬蝦嘅精華乾身唔油膩，還有紫洋蔥絲增加甜味，煲內有好多隻蝦開邊蝦爽口冇雪藏味。🔸️筆墨酥香$48 🌟香港限定🌟做到一枝枝毛筆嘅造型好得意🤩 外層係酥脆，裏面是白豆沙茸不甜的，點朱古力醬扮點墨，玩味十足🤪🔸️綠蔥油汁蒿筍$58賣相很得意，蒿筍片與黃瓜片夾著冰鎮，咬下時索索聲超爽脆，感覺很清新，是夏日開胃菜。🔸️三色雞絲涼麵$48雞胸絲涼伴菠菜面，南瓜面，紫薯面加埋花椒油，芝麻，花生碎超惹味，整體都偏辣架🥵唔食得辣嘅要考慮下啊😊🔸️西湖雷峰塔 $28 🌟香港限定🌟造型細緻打卡一流，奶白色迷你奶凍，浮在碧綠色嘅西湖面上，甜品來說不算太甜，只是精緻到捨不得食😝 🔸️江南綠茶餅$28外層勁多芝麻好香脆，內餡是芋泥，感覺不會油膩。🔸️九曲紅梅茶$12/位坐低後店員會先給一壺西湖區的九曲紅梅茶，茶底香濃有助解利暖胃。新店開張仲有八折添🤩，店員仲提我地下載埋佢哋最新會員app，仲有迎新優惠，更加慳得多呀😍 整體嚟講，食物質素不錯，賣相精美，價錢合理，性格比好高。下次要約多幾個朋友再嚟食過，仲有其他款式未食呀😋…查看更多

🍵 屯門新開「龍井問茶」主題浙江菜以江南園林為靈感，佈置雅緻，柳枝垂曳，處處流露古風韻味～ 最特別的是，餐廳菜單由米芝蓮星級名廚俞斌參與制定，每道菜名都充滿詩意，還未品嚐已感受到濃濃文化氣息！🎋🍵 龍井綠茶 $24/位清幽茶香，韻味悠長～🦐 粉絲裹蝦 $108鮮蝦環繞著吸滿蒜香的粉絲，蒜味濃郁而不嗆，蝦肉彈牙，粉絲入味，口感層次豐富！🧀 薯仔芝士撻 $22/個外觀像迷你薯仔，入口卻是驚喜～ 綿密薯蓉與流心芝士交融，瞬間在口中融化，幸福感滿滿！🥦 香鍋花菜 $68微辣惹味，鍋氣十足，花菜爽脆入味，是道清爽的蔬菜之選～🥟 喉口鮮肉包 $38包子皮薄餡多，一咬下去肉汁迸發！鮮肉餡料飽滿，每一口都是滿足。🍮 茶香奶凍 $28表層焦糖脆香，底下是細膩滑順的龍井茶奶凍，茶香清雅，甜而不膩，完美收結。🖌️ 筆墨酥香 $48以文房四寶為靈感的創意甜品！「筆頭」是炸至酥脆的白豆沙，蘸上濃郁朱古力醬，造型精緻，口感獨特，打卡必點！✨加一服務費📍 綠茶餐廳 (屯門)屯門鄉事會路83號V City MTR樓M-82號舖…查看更多

呢間餐廳之前係深圳食過覺得好好食，估吾到開到香港都有就真係要黎捧下場啦，呢間餐廳既menu係由米芝蓮星級名廚俞斌聯手合作制定，係全球首創以「龍井問茶」主題店登陸港島南岸，主要既概念係以杭州西湖龍井茶文化為靈感，結合現代美學設計，打造獨一無二的沉浸式用餐體驗大廚仲設計左夏季限定菜單，推出多款夏季限定菜品，例如綠蔥油汁萵筍，蔥薑蓉砂鍋焗牛肉，綠茶蔥香烤豬頸肉，翠舟蝦劃，西湖盛蓮，筆墨酥香，荷風芒酪雪泥等🌟龍井烤雞 個雞烤到好香，個雞皮好薄，雞肉係好嫩口，一切開個雞已經見到係好juicy，好鮮甜，外脆內嫩仲有淡淡清香🌟蔥椒爆牛肉 用左吾同既大蔥去炒既牛肉真係好香，送上黎已經係度滋滋聲，超香，一啖落去係好香既牛肉香味，d肉質好緊實，好好嚼口，送咪碗白飯真係好正🌟菌菇醬肉包 一籠有5隻包，一啖就可以食一個，好精緻，入面係有好多菌菇，好爽脆，仲加左特製既醬肉，包又整到勁鬆軟，好特別但係好好食🌟江南綠茶餅出面係綠茶味，估吾到入面係我中意既芋泥，好絲滑又吾會好甜，出面仲加左芝麻，超香口 🌟西湖雷峰塔佢個外形真係好靚，係一個迷你版版記雷峰塔，食落去係淡淡既椰香味，下面係綠豆整成既醬汁，好特別🌟龍井綠茶淡淡既龍井清香，食完黎上一杯真係好清爽…查看更多

內地人氣浙菜「綠茶餐廳」進駐屯門V City，以杭州茶園風格為主題，裝修雅致。➿綠茶蔥香烤肉綠茶蔥香烤肉是招牌菜之一，烤肉嘅味道帶淡淡茶香，外皮焦香➿砂鍋西施豆腐砂鍋西施豆腐以加熱方式上檯，豆腐食落嫩滑且濃郁➿喉口鮮肉包喉口鮮肉包一啖一隻，內餡鮮美多汁➿香炒菜心香炒菜心夠鑊氣，食落清爽解膩。➿龍井檸檬茶 茶底清新，搭配檸檬酸甜，解渴一流。➿芒果棉棉冰 棉棉冰口感綿密，作為飯後甜品➰西湖雷峰塔 造型精緻，奶凍口感細滑而且不會太甜。…查看更多

最近屯門有兩間網紅餐廳，每次經過都好多人排隊，一間就係日本嚟嘅過江龍，食過一次之後應該唔會再食😂啲意粉好似未煮熟咁…另外一間要喺閒日過去，因為真係太多人食，本身叫佢個環境以為係內地嘅集團，點知原來係香港知名集團嚟㗎喎，綠茶餐廳，啱晒鍾意飲茶嘅我。一嚟試咗個薯仔芝士撻，質量非常之高，用了右足，係一個非常好嘅頭盤選擇，然後之後唔小心筆墨酥香早咗上，千層酥配朱古力醬，再加埋跟別致嘅造型，甜得來而唔會膩，下次要encore！ 主菜揀咗砂鍋西施豆腐同埋龍井炒雞，唔好睇佢個龍井烤雞好似唔係好大隻，點知食落好多肉，性價比高，有少少淡淡的茶香。西施豆腐好出色，豆腐真係滑脫脫，再加埋其他嘅配料，撈飯一流。飲品點左懷舊米漿，平時香港好少有呢樣嘢，佢叫做王阿嬤米漿，又幾好味喎😘 令一杯龍井檸檬茶，就有一隻好可愛嘅小熊🐻冰，佢好貼心咁有一個膠嘅蓋頂住咗，所以隻熊仔如果一日唔拎走個蓋，佢都唔會咁易融🌝最後甜品就係西湖雷峰塔，個造型好靚，食落唔會太甜，忍唔住諗究竟個師傅點樣整出嚟㗎呢？…查看更多

內地知名綠茶集團登陸屯門，唔洗再北上都食到。淅江菜以杭州西湖龍井茶文化為靈感，甚有特色，部分仲係香港限定菜式。🥟菇菌醬肉包$38一籠有5隻，餡料豬肉同菇調味不錯。🐟宋嫂魚羮48味道清淡，嚐到魚湯味道。🦐粉絲裹蝦$108新鮮蝦已去殼，啖啖肉好彈牙，粉絲炒得入味。🍨西湖雷峰塔$28布甸賣相精緻，似食雲尼拿雪糕。✏️筆墨酥香$48以文房四寶為靈感打卡必點甜品，酥皮毛筆酥脆，少少白豆沙餡唔甜，朱古力醬做墨。🎃 萬聖節魔法掃$38萬聖節限定，4隻掃把🧹得意又香脆。🍋羽衣甘藍檸檬茶$28飲品好清新，可愛熊仔茶冰。…查看更多

好食和朋友一行人六個人來vcity覓食，MTR通道出來就能看到餐廳。點了綠茶烤雞，非常好吃©一上桌就被劃分。仔排店員說也是特色，口感很好滑蛋蝦仁的蒸蛋非常嫩，給小朋友吃非常合適。今天看到新推出了一人食套餐，看起來性價比很高，下次可以再來試試。#FoodieLife…查看更多

在V-City行過見到間裝修清新優雅的食品，即管入去試下環境舒服，同朋友食得好開心招牌龍井烤雞有驚喜，好入味和皮脆肉滑，一點油膩感都無👍黃魚麵濃味Q彈，正宗北方風味喉口鲜肉包， 一啖一隻好有口感，鮮味十足！麵餅五花肉卷很出色，麵餅烤得好，五花肉加上脆腐皮配搭起来比片皮鸭更好吃，讚👍🏻從未見過好木瓜黃皮檸檬茶，好飲加可愛，產品設計有心思最後來個西湖雷峰塔(中式奶凍)，這食店的menu滿是驚喜，值得再試。店員態度溫柔細心，近年少見。🥰…查看更多

@綠茶今日下午五點去咗食V city一間新餐廳，係食江浙菜的，坐低畀咗杯熱茶名叫九曲紅梅，茶味都幾香滑順喉！五色臘味焗飯飯係用瓦煲盛載的，所以有飯焦，材料豐富，味道口感特別，不過飯就有別於平日食糯米飯嘅口感，偏林江南綠茶餅綠茶餅有4件，外層芝麻炒得好香，內餡嘅豆蓉香而且吾甜，我一個人都食得曬屯門分店冇做緊下午茶78折優惠， 有別於其他分店，呢個係失望的，希望遲一些會做吧！…查看更多

雖然知道價錢略貴，見到咁多好評都試吓啦，六點前不用排隊便可以入座，地方不太大及座位不太多，但裝修雅緻新淨，茶可揀紅或綠茶，紅茶有D果香，麵醬五花肉，好似食片皮鴨，夠味及五花肉咬落都有D油香，五色臘味飯充料但比較淡味，筆墨酥香是炸了一個豆蓉酥之後插上毛筆上，毛筆管應該是重用，豆蓉不太甜但酥皮偏油膩；菌菇醬包不太熱，味道偏淡，甜品雷峰塔係忌廉和奶味布甸，質感ok,但綠色豆蓉汁好稀及無味，整體食物偏淡及份量不大，價錢偏高，侍應有禮。…查看更多

跌曬眼鏡🫣🫣綠茶餐廳，見佢裝修都幾靚仲有見到唔少foodie 介紹點知中曬伏食到一肚氣🥹🥹一心以為佢係類似紅茶餐廳咁，會有快餐，鐵板餐食，點知佢係食浙江茶，仲要選擇唔多一坐低，佢問我飲紅茶定綠茶，揀咗綠茶之後，點知都冇乜茶味，一d 都唔香，茶位每人收$12 加1 ，少貴叫左碟黑松露牛肉炒飯 $88食落冇乜黑松露味，牛肉粒少之有少，仲要某d 係有肥肉嘅牛肉，炒飯d 飯硬到傻，似係預製翻熱呢個價錢，真心搵笨我嬲得滯，問佢點解個飯只係暖，冇煙嘅佢去換返碟，黑松露味係多左大家可以搵下有幾多粒牛肉😌龍井烤雞 $138佢拎隻原隻雞黎，問我洗唔洗影左相先🤣🤣心諗，你係咪想我寫食評我話唔洗影，佢就拎去斬件啦點知個斬法似清明個d 囉， 點解可以咁， 都有咁多間分店食落係KFC 烤雞味，外皮都脆身嘅，不過肉質黎講有點柴口總括然而唔明呢間綠茶餐廳點解可以開係大型商場，仲做得住…查看更多

黑松露炒飯：一勺入魂的馥郁狂歡揭開餐蓋的瞬間，黑松露獨有的馥郁香氣便率先突圍，不是浮誇的侵略感，而是帶著泥土溫潤的木質調，悄然鑽進鼻腔——這是高級食材才有的「開場白」。米飯的狀態是第一重驚喜，顆顆分明如碎玉，裹著薄而勻的蛋衣，泛著柔和的油光，沒有黏膩結塊的尷尬。入口先是蛋香與米香的基底碰撞，咀嚼間，黑松露的風味才緩緩釋放，從舌尖漫到喉頭，不是單薄的「香」，而是帶著堅果般的醇厚尾韻，每一口都比上一口更有層次。最難得的是「平衡」，沒有用過多調料掩蓋松露本味，也沒有讓米飯淪為配角。或許點綴的幾粒火腿丁或蘆筍碎，恰好以鹹鮮或脆嫩中和了綿密，讓口感不單調。吃到最後一勺，香氣仍未消散，只留下「想再添一碗」的意猶未盡——這才是黑松露炒飯該有的樣子，不炫技，卻讓每一口都值得細品。…查看更多

今日我去咗屯門V City新開嘅餐廳——綠茶！🍽️✨ 餐廳由米芝蓮名廚俞斌精心設計嘅夏季菜單，唔單止色香味俱全，仲好有創意！我試咗花膠蓮子白玉盎，湯底清甜，花膠滑嫩，配上蓮子，真係營養又美味，飲完心情好好！🌸💖接住食咗香鍋花菜，花菜煮得剛剛好，保持咗脆口感，鍋底嘅香料味道濃郁，！🥦🔥最驚喜嘅係宋宴蟹釀橙，橙汁酸甜可口，蟹肉新鮮，搭配得恰到好處，真係一流！🦀🍊仲有筆墨酥香，外脆內軟，味道香甜，食到一口接一口！🍪😋飲品方面，我選咗羽衣甘藍檸檬茶，既清新又健康，檸檬味道提神，配合甘藍，真係好特別！🍋🥬整體而言，綠茶嘅食物質素高，環境舒適，服務亦好，大力推薦比大家！下次一定要再嚟試其他菜式！🎉🥳地址：綠茶餐廳 (屯門)屯門屯門鄉事會路83號V City MTR樓M-82號舖…查看更多

西湖的動人之處，不只在那片如詩似畫的湖山，更在一縷茶香與一味江南食事之間。綠茶餐廳特邀米芝蓮星級主廚俞斌以創新嘅手法演繹傳統嘅菜式，以茶入饌，將西湖的千年風雅融入創意菜餚，重現一段「龍井問茶」的味覺詩篇，融合美食與藝術的極致風雅。龍井烤雞 😋😋😋😋😋職員先將成隻雞上枱比客人過目之後再斬件。烤雞好香，雞皮好薄，外脆內嫩，好juicy，帶有淡淡嘅茶香味。粉絲裹蝦😋😋😋😋😋開火煮幾分鐘，聽到計時器響起之後打開蓋，職員會在客人面前將粉絲和大蝦拌勻，即時香氣撲鼻。蝦肉鮮嫩彈牙，粉絲吸滿了湯汁和精華，十分惹味。筆墨香酥（香港限定）😋😋😋😋😋毛筆造型好特別，外層酥脆，入面是豆沙蓉，用朱古力醬扮墨汁。打卡一流，玩味十足。西湖雷峰塔(香港限定)😋😋😋😋😋白娘子被鎮在雷峰塔的傳說，在此化作絕美甜品。古塔造型的奶凍，配以翠綠色的龍井茶糖漿。奶香味濃郁，唔會太甜。酸木瓜黃皮檸檬茶🍹😋😋😋😋龍井茶茶味清新甘醇，香水檸檬🍋好香，加埋酸木瓜同黃皮，酸酸甜甜，飲落好清新。茶煙起，詩意長。何須遠赴西湖？嚟綠茶餐廳就可以品嚐到呢一席「龍井問茶🍵」🥰…查看更多