綠茶餐廳 (將軍澳中心)

綠茶餐廳終於在將軍澳開了分店。古色古香的裝修、淡雅綠茶香縈繞門廊——源自杭州西湖龍井茶文化的新店以沉浸式用餐體驗為亮點，更與米芝蓮星級名廚俞斌合作推出夏季限定菜單，將傳統浙菜與創意美學完美結合。人流非常多，我們足足等了30分鐘才能內進。粉絲裹蝦鮮蝦彈牙爽嫩，以爆香蒜蓉提鮮，醬汁濃郁卻不膩口。粉絲充分吸收蝦汁精華，口感煙韌入味，絕對是惹味之選！🍤 蝦湯泡飯湯底以鮮蝦熬製，濃郁甘甜，倒入卜卜脆的炸脆米後，口感瞬間升級！蝦肉彈牙，湯飯暖胃滿足，我們連都也喝得光光。🐮 蔥薑蓉砂鍋焗牛肉一上桌即香氣撲鼻！牛肉嫩滑多汁，鋪滿蒜蓉與蔥段，以砂鍋焗鎖住肉汁，蔥薑風味濃，非常惹味。🖌 筆墨酥香文房四寶創意甜品！造型驚豔的打卡神器！毛筆酥皮以白豆沙為內餡，外層酥脆、內裡綿密清新，搭配朱古力醬製成的「墨汁」，甜度恰到好處。蘸醬食用趣味十足，甜薯蓉香氣與朱古力交融，視覺與味覺雙重享受。🧊 暴打鳳梨茶熊仔冰造型打卡必點！新鮮鳳梨片與茶底清新搭配，甜而不膩，夏日解渴首選。…查看更多

✨️今次介紹和推薦一間在將軍澳中心新開張的綠茶餐廳，是一間連鎖式的江浙菜式餐廳，聽說它在內地是比較多人氣好評的餐廳。✨️今次我們品嚐了他們的菜式有五色臘味焗飯，麵餅醬香五花肉，雪菜酸湯魚片，花菇燒豬手，筆墨酥香，粉絲裹蝦，土豆芝士塔，喉口鮮肉包。✨️個人覺得五色臘味焗飯，超好吃，一上枱已經嗅到煲仔飯的飯焦味，如果想吃到飯焦可以等一會再拌攪就可以。我地就是咁吃到飯焦。臘味足料，中意吃辣可以落辣拌攪。✨️其次是雪菜酸湯魚片，魚片切得好大塊，又彈口又有少辣的口感，內有粉絲，幾好，熱辣辣上枱。✨️比較有特色是筆墨酥香，它的外觀就像一支筆，墨水是朱古力醬，我試過輕力可以寫到字的，甜甜地又鹹鹹地，又好香脆，可以當甜品食😆✨️粉絲裹蝦的蝦好彈口，爽口，個醬汁好濃蝦味😍✨️最後，燒豬手煲都還可以，豬手都足淋，口感幾好😊✨️土豆芝士塔和喉口鮮肉包就比較一般和普通，下次再光臨想吃綿綿冰和飲熊仔特飲，外觀賣相好特別💞✨️餐廳採用手機自助下單，用餐時間限時90分鐘。餐廳內部裝修主題比我感覺是以大自然園林為主題，幾有特色。📍綠茶餐廳📍將軍澳唐德街9號將軍澳中心G樓G27-G28號舖…查看更多

今次係第四次食綠茶😋麵餅醬香五花肉 ： 每次嚟都要點呢道菜，肉質爽嫩多汁，外脆內軟肥而不膩😋😋個個都讚好 真係食過返尋味粉絲裹蝦 ：蝦肉嫩滑，粉絲都好入味🫶🏻蛤蜊絲瓜：清甜好味😋😋三色雞絲涼麵：俾佢顏色吸引咗，麻辣出嚟又令人食唔停口👍筆墨酥香：呢道菜又係比佢嘅造型吸引，實在太有創意！好似係香港限定奶黃蓮蓉酥扮毛筆不過晚市人多，環境比較喧鬧嘈雜下次早少少食，避開人流，慢慢享受精緻嘅晚餐會更好❤️…查看更多

昨天是星期六和屋企人去了將軍澳一間叫綠色餐廳嘅地方吃晚飯。上網查資料發覺原來佢是內地飲食品牌進駐香港嘅其中一間餐廳。主要是主打浙江菜，其實聽個名以為是茶餐廳但進去後發覺原來是好似功夫點心或者小型茶樓嘅佈局。裝修給人嘅感覺有點清雅嘅格調服務員亦穿上有特色嘅制服感覺就是去了一間小型嘅茶樓，裝修是可以的, 只是入餐廳前出現了一段小插曲就是發生了訂位的問題, 原本我家姐是訂了星期六嘅六點但服務員搞錯了以為是星期日的六點好彩最後他們亦安排位置給我雖然是六個人的枱最後安排坐了四個人的枱, 坐得有點迫但問題是服務員沒有道歉只是順應屋企人的要求安插了其中一張四人抬給我們, 感覺有點不專業說到晚飯的菜式一進門口我們便點了他們的特色菜，他們把彩色分了不同的主題因為主打是浙江菜所以我們點了他的烤雞,秋葵蝦棗另外是東坡肉加上甚麼排骨還叫了他們有特色的三色面涼拌再加上了一些小吃例如黃金雞翼及黃金炒南瓜正題來了說真的好久沒有食過這麼差勁的小菜，說真的他們的擺盤實在是非常華麗完全是給人打卡的佈局但可惜的是食材方面嘅挑選實在是十分差最令我覺得驚奇嘅就係你每碟菜收差唔多一百多元嘅價錢但端上枱你試食後你會發覺嘩點解可以咁差嘅。先說烤雞, 好一般的貨式, 138元一隻烤雞, 你當然不會期望是即刻燒俾你, 質素是去了Chicken Factory 叫了一隻燒春雞的貨式, 唔夠熱外皮也不香脆, 灣仔的有間茶記食燒雞好出名, 一定好食過佢. 然後是東坡肉我食過嘅東坡肉同埋以前嘅口感我知道都東坡肉應該食入口即溶雖然肥膩但食落就好似食了一個棉花糖咁樣入口即溶但他們的東坡肉就像是預先整定了的食品一樣,食落之後東坡肉口感就好像是煲了湯的豬肉又乾又柴, 廚師究竟想點呀!!! 再吃下他們上枱的排骨你會感覺到驚訝, 點解可以畀啲咁嘅嘢客人食所謂嘅排骨仔全部得骨肉是非常的小, 每一嚿排骨嘅肉幾乎是少得可憐只可以咀嚼少少的肉後一大嚿骨吐出來, 大佬呀成98 元加埋一成110元食到想講粗口. 之後我對他們的食物水準已經心中有數再試下他們所謂嘅黃金雞翼好明顯雞翼是預先炸定再臨上鹹蛋黃醬但鹹蛋黃同雞翼嘅味道係完全分開的雞翼也是沒有經過醃製淡茂茂變成你好似食緊鹹蛋同埋雞翼我相信讀者會知道我想表達嘅係咩意思. 然後黃金南瓜嘅炒法亦是一樣先把先把南瓜炸熟再把鹹蛋黃醬淋上去就變成黃金南瓜了, 可惜的是這個南瓜出來嘅熱度比雞翼出來嘅熱度還要差，只帶有微暖食落口其實好想講粗口。全餐飯最好味嘅只有三色涼拌同埋他們端上的熱茶. 其它只可以說好過三送飯少少但價錢是三餸飯價錢嘅三倍, 作為精明消費者你會點揀。食物質素如果間間都好似呢一間咁樣真係想講18個字粗口一餐飯六個人千二蚊絕對唔便宜但出來嘅質素我想講仲衰過走去大家樂買六個飯盒因為食完都唔係好飽。再畀我揀一定唔會嚟呢間希望下次有更好嘅選擇.最後想講的就是限時進食問題, 原本話會有90分鐘, 食到40分鐘後所以野都上晒枱兼食完, 啲侍應就係咁過來話收你收野, 前後唔夠20分鐘, 想安靜坐下傾下計, 真係好難. 想講香港飲食業點解夜市咁慘淡,其實是自找的.…查看更多

之前喺深圳食過,覺得質素唔錯，價錢又唔貴，環境舒服，經過見到將軍澳開咗，今日約埋屋企人一齊去試吓.香鍋花菜：餐廳好貼心，加埋個爐可以慢慢食，幾時食都一樣咁熱辣辣，兼且炒得好有鑊氣。商務雙人套餐：非常抵食，二人餐$288 有雪菜酸湯魚片，粉絲裹蝦， 香炒菜心，江南綠茶餅 和白飯兩碗， 食到好飽，而每樣餸都好有水準.雪菜酸湯魚片：個湯酸酸辣辣好惹味送飯一流，魚片好滑，份量都唔少粉絲裹蝦：蝦大大隻，非常之新鮮，全部已剝殼，另外粉絲炒到好入味和十分乾爽。香炒菜心：菜心新鮮大條，炒落又唔會好油江南綠茶餅 ：外面包咗好多芝麻，食落好香芝麻味，另外綠茶味都好濃， 食落煙煙韌韌，口感唔錯西湖盛蓮：第一次試，好味，推介，賣相又靚大家記得download會員app, 有迎新優惠…查看更多

環境優美舒適服務態度良好價錢實惠！店面雖不大，但環境整潔溫馨，加上柔和的燈光，營造出舒適的用餐氛圍。我點了一份招牌牛肉黑松露炒飯，香而不膩，米粒粒粒分明，炒得恰到好處，油而不膩，帶著淡淡的焦香。黑松露的濃郁香氣在口中蔓延，與牛肉的鮮嫩多汁形成完美對比。牛肉切片厚薄適中，保留了肉汁的鮮美，和炒飯的口感相得益彰。每一口都能感受到層次：先是松露的濃烈，再是米飯的香軟，最後以牛肉的鮮甜收尾，讓人欲罷不能。帶有淡淡的中藥香，喝起來暖胃又不失清爽。麵條勁道十足，入口富有彈性，與鮮嫩的牛肉完美融合。每一口都能感受到食材的新鮮與店家對細節的用心。這是一家會讓人想再訪的好店。…查看更多

沒有預約的家聚，即興的安排。家三建議了將軍奥的綠茶餐，主打浙江杭州菜，因為聽說是新開的，也就去試試，眾人在用餐後的評價是"沒下次，不會再去"! 用餐的時間只有90分鐘，但在60分鐘後便開始有給催促盡快離開的感覺，不停有人過來收東西。雖然大部分的食物都展示得很精緻，非常適合拍照打卡，但實際的食用質量只屬一般。最讓人失望的就是那個"東坡肉"，只能說是外表像東坡肉，但吃下毫無預設的軟糯香軟感覺，皮膏似塑膠肉質像柴，我們已曾忍不着跟店務作出初步投訴。但怎樣也好，家人見面也是想享受暢聚輕鬆的時間，下次换個地方就是。…查看更多

深圳名菜「綠茶」香港有得食好耐！最新分店開咗係將軍澳中心🙌🏻仲係由米芝蓮星級名廚俞斌聯手合作制定菜單‼️🐥龍井烤雞好多人食呢款，製作需時，上枱時熱辣辣香氣十足，雞皮烤得上色，微脆，雞肉軟滑入味，值得一食🥢東坡肉呢個好開胃，汁係微酸好食，肉質肥瘦均勻，仲有米飯一齊食，減輕油膩感🎃蛋黃南瓜整得好出色，口感外脆內軟，仲有鹹蛋黃加持，惹味好食🥢西湖雷峰塔外形精緻打卡一流，質地味道係奶凍般軟滑🍋龍井檸檬茶酸酸甜甜，開胃又解油膩，仲有可愛熊仔冰🐻‍❄️🚩綠茶餐廳 (將軍澳) @greentea_officialhk 📍將軍澳唐德街9號將軍澳中心G樓G27-G28號舖…查看更多

朋友帶我到將軍澳中心綠茶餐廳食午餐。綠茶集團聯手米芝蓮星級名廚俞斌以創新手法，親研夏季限定菜單，我倆相當期待九曲紅梅茶九曲紅梅茶入口甘醇龍井烤雞龍井烤雞用上三黃雞，即叫即烤，脆嫩多汁，外脆肉幼嫩蛤蜊絲瓜蛤蜊絲瓜份量足夠，蛤蜊鮮甜，健康又好味:)土豆芝士撻熱烘烘的土豆芝士撻，酥皮脆口，香濃芝士土豆，好滋味:)麵包誘惑現烤酥軟、奶香冰甜非常推薦呢款麵包誘惑，外層香脆，內層非常軟熟甜品 西湖雷峰塔打架必點甜品，造功非常精緻，別出心裁，用上冰淇淋、青豆奶、淡奶油，作飯後甜品一流龍井檸檬茶龍井茶濃郁，清新解渴，熊仔冰好可愛…查看更多

之前喺朗豪坊店門就見到有人彈古箏🎵唔知將軍澳店有冇？餐廳裝潢以🍃西湖十景之一的「龍井問茶」做設計，就算未去過杭州，都好想感受下呢份意境～仲要試埋打卡必點嘅「筆墨酥香」甜品，佢以文房四寶為靈感🎋，無論賣相定味道，都好吸引！今次專登去綠茶餐廳食飯，🌟先發現原來佢哋同米芝蓮星級大師俞斌聯手，一齊定菜單同餐廳主題，仲有精心設計的夏季限定菜單☀️，真係好有誠意！菜品體驗•龍井烤雞：🐓用現場烤的三黃雞，雞味夠濃郁，烤得剛剛好——皮脆肉嫩！店員會原隻上枱再幫你切開，一擺上台就香氣撲鼻👃～淡淡龍井茶香來自底部的煙燻，🍵雞肉外皮微脆、肉質嫩滑，超入味！•砂鍋西施豆腐：豆腐軟綿綿夠晒滑🍮，配埋肉碎、蝦仁🦐同青豆🟢，真係送飯必點👍🏻！熱辣辣的砂鍋裡，是滿滿的家常味，仲有豆腐、芋頭同青豆，食落好溫暖～•蝦湯泡飯：蝦湯底濃香鮮美🦐，飯泡進去吸滿鮮味，再加脆米口感更豐富💥，食得津津有味，味道好新穎！•筆墨酥香：神似毛筆的造型✏️，絕對是打卡首選！沾住旁邊的「墨汁」食，香脆酥皮裡面包住白蓮蓉🥧，甜度唔高，食落好清爽～飲品推薦•龍井檸檬茶：人氣TOP飲品！杯裡有隻可愛嘅🐻冰熊仔，打卡一流～🍹靚唔止，飲落仲清爽解膩，茶底帶淡淡龍井茶香🍵，清新又回甘，整頓飯收尾靠佢就啱晒！•懷馥米漿：米漿香濃細滑🥛，暖暖的喝下去好舒服，鐘意溫和口感的一定要試！另外，綠茶餐廳最新出咗會員App📱，入會可以享「三重好禮」🎁！有興趣的話，不妨下載個App睇吓詳情啦～…查看更多

帶位嗰女侍應黑口黑面 叫飛連嗌3個號碼 行到埋去話冇位要補飛等下張枱 有咩可能連住嗌飛又會冇位呢？叫位女侍應解釋 佢黑口黑面咁話遲咗就冇 但問題係叫飛1秒都冇就嗌下一張 會唔會離譜咗啲 係咪要企實佢隔離先可以入嚟餐廳食飯？一句道歉都冇 仲要食飯途中都聽到其他客人投訴呢位女侍應 真係唔知公司請呢位女侍應返嚟係咪想趕客相反上菜待應態度非常好 個個都好有禮貌 真係超級大分別 雖然忙 但唔會好似岀面带位女侍應咁黑面無禮貌嘢食不過不失 食物水準符合價錢 但真係衰在門口呢位女侍應 唔會想再嚟比錢受氣…查看更多

呢排行商場成日都見到呢間綠茶餐廳，有個着晒古裝嘅人喺門口彈古箏😳成日經過都好好奇入邊究竟係食咩🤣呢間喺將軍澳嘅分店雖然冇人喺門口彈古箏，但係裝修感覺都好古色古香🍃原來入邊主要係食杭州菜，但同時都有啲港式啲嘅餸選擇🥢龍井烤雞 $138呢個烤雞用個大木桶裝住🐔隻雞已經斬開咗方便食用，雞皮燒至金黃色，色水好靚，入面嘅肉質特別嫩滑，食落幾惹味😆食完發現原來墊雞張紙下面擺咗啲茶葉，應該係想做到類似茶燻嘅效果🌱麵餅醬香五花肉 $108幾特別嘅一道菜，感覺有啲似片皮鴨咁😎不過入面就變咗豬肉，五花肉味道偏甜，一啖咬落去油脂爆曬出嚟好邪惡😈內餡仲包咗青瓜同脆豆皮，令口感更加豐富！松露松仁烤菜心 $68第一次見呢款涼拌菜式🥬原來菜心係小棠菜，就算凍食都保持到爽脆嘅口感，加上松露同松仁嘅香味，令成個菜式提升咗唔少😌西湖雷峰塔 $28打卡一流！外型非常精緻，真係好似湖面上擺咗一座塔咁😝雷峰塔係奶凍嚟，而個湖就係青豆蓉，估唔到湖面嘅花竟然都係奶凍，不過就變咗士多啤梨味🍓個人就建議唔好加埋個汁食🙈係一款幾得意嘅飯後甜品🍮龍井綠茶 $24/位呢度都有幾款茶揀，食杭州菜就梗係配返龍井綠茶，茶味清香唔錯🙂‍↕️懷舊米漿（熱）$18另外叫咗杯懷舊米漿，抱住試伏嘅心去叫🤣估唔到飲落又幾有米香，甜度適中，質感順滑唔會好杰，熱辣辣咁飲好暖胃🔥…查看更多

《古色古香淅江菜🌿》———————————————-#綠茶餐廳 🍵 -呢間綠茶餐廳喺大陸過江龍人氣十足，獲獎無數🏆 最後推出咗會員app，有迎新優惠，而且同米芝蓮星級名廚俞斌聯手合作，精心設計夏季限定菜單，用創新手法演繹傳統風味😝-🦆 蔥香脆皮烤鴨 鴨皮烤得金黃酥脆，一咬下去即刻發出清脆嘅聲音，肉質保持鮮嫩多汁，旁邊仲新鮮嘅蔥粒，層次豐富😍-🏮 筆墨酥香甜品我哋揀咗呢款以文房四寶為靈感嘅夏季限定菜單，打卡必點，別出心裁～個筆頭外皮酥脆，內部卻是柔軟的餡料，口感非常豐富，搭配一點朱古力醬，味道更加出色😙-🥬 香鍋花菜花菜嘅炒法相當講究，保持住原有嘅脆感，炒製時加入了蒜蓉同香料，令整道菜散發出誘人的香氣🥰-🖤 黑松露牛肉炒飯 炒飯粒粒分明，炒得恰到好處，牛肉鮮嫩，並且融入咗黑松露的香氣，食得好過癮！-🍍 暴打鳳梨茶 清新嘅鳳梨味道十分濃郁，喝起來非常解渴，酸甜平衡得啱啱好～-⭐️ 參考價錢︰蔥香脆皮烤鴨：$128筆墨酥香：$48香鍋花菜：$68黑松露牛肉炒飯：$88暴打鳳梨茶：$28🍌抵deal 指數：7/10…查看更多

呢晚到位於將軍澳中心嘅綠茶餐廳食晚飯，餐廳環境清新優雅。兩個人點了幾道主打菜式，風味不錯，價錢亦十分合理。餐廳仲有推出會員app，用埋迎新優惠，成餐飯就更加抵食。龍井烤雞（$138）- 外皮金黃微脆，上菜熱辣辣，入口帶淡淡茶香，肉質保持嫩滑不鞋，難怪係餐廳的招牌菜之一。粉絲裹蝦（$108）- 賣相精緻，蝦肉爽口彈牙，外層粉絲微焦，帶出酥香口感，醬汁連粉絲及蝦味道更加出色。蛤蜊絲瓜（$78）- 清新簡單但極具水準，絲瓜嫩滑，蛤蜊鮮美，兩者融入湯汁後清甜順口，用嚟中和其他較濃味的菜式就最適合不過。甜品方面點咗西湖雷峰塔（$28）- 無論名字或造型都充滿玩味，以淡奶及煉奶製成嘅雪糕香滑清爽，配上帶微甜香氣的青豆及斑斕汁，味道清新。飲品則選了龍井檸檬茶（$28），茶底清香而不澀，檸檬帶來酸爽平衡，入口相當清新解膩。賣相精美，配以趣緻嘅熊啤啤造型嘅冰。餐廳仲有同米芝蓮星級大師合作，推出多款夏季限定菜式，當中包括綠茶蔥香烤豬頸肉、薑蔥蓉砂鍋焗牛肉等，更有特色甜品及飲品選擇。據聞於黃竹坑新開幕的餐廳以「龍井問茶」為主題，無論裝潢及食物都以杭州西湖龍井茶文化為基礎，有機會真係要試吓。…查看更多

這間近期大受關注的中菜館，餐廳環境簡約雅致，燈光柔和，桌距寬敞，適合三五知己閒聊用膳。Menu更是與米芝蓮星級名廚俞斌聯手為香港店打造的限定菜單🫶✨蔥薑蓉砂鍋焗牛肉火候恰到好處，燜得軟腍而不失嚼勁，砂鍋保溫力強，薑蔥香氣滲入肉纖維，濃郁卻不搶戲，伴飯一流👍✨蔥香脆皮烤鴨做得精致，鴨皮酥脆如紙，皮下脂肪去除得宜，肉質細嫩不柴😋✨三色雞絲涼麵擺盤清雅，雞絲、青瓜絲、甘筍絲配色悅目，麵條彈牙，醬汁酸香辣，開胃可口😍✨西湖雷峰塔雷峰塔造型的布丁，滑溜香甜😋✨紅寶石琉璃熊仔造型的石榴汁，打卡必備，甜而不膩，解渴首選👍…查看更多