絲茶 (翡翠中心)

營業中

休息中

雖然要排隊買，但真係超值！Silk 嘅飲品真係同其他地方完全唔同，質素高好多好多！💯😋我試咗佢哋嘅招牌奶茶 Smooth King 🥛👑 同埋招牌水果茶 Silky Starburst 🍓⭐️，真係好正！味道好平衡，仲可以飲到茶味，好香好濃！🍵👌 Smooth King 嘅奶味同茶味配合得啱啱好，唔會太甜又唔會太淡，奶香濃郁得嚟又唔會掩蓋咗茶嘅味道，飲落去真係好順滑好滿足～！至於 Silky Starburst 呢，就係一杯新鮮感爆棚嘅水果茶，每一啖都飲到果香同埋清新嘅茶味，真係令人一試愛上！Silk 嘅飲品除咗味道正之外，質感都好突出，珍珠嘅彈牙程度啱啱好，食落去有嚼勁但又唔會太硬，真係做到完美嘅口感！🥰而且我仲留意到佢哋喺包裝上都好用心，杯身設計得好靚，連細節都睇得出品牌嘅心思～老實講，呢杯係我喺香港飲過最好飲嘅珍珠奶茶！到而家都未搵到有第二個牌子可以比得上！🙌❤️ 如果你鐘意飲奶茶或者水果茶，Silk 一定係必試嘅選擇！無論排幾耐隊都值得！👏

‼️職員態度冷漠、不耐煩‼️點餐時，我問職員是否可以無限添加奶蓋，職員不耐煩地說：「一直都有。」直至我差不多喝完，想再添加奶蓋時，職員說：「假期無貨，無得加。」其實我是為了這個「30分鐘無限添加奶蓋」才選擇這間店，喝完才跟我說不能加，實在令人大失所望☹️

俾錢嘅時候話有得加奶蓋，要加嘅時候又話因為假期唔夠貨冇得加😓 新年期間有得要紅包抽獎🧧我哋有禮貌地問佢哋要紅包，職員又好似表示煩厭，態度參差😥有啲失望😓😓

最近我去點咗杯招牌黑鑽奶茶。環境就一般，冇咩特別，服務員都幾快手，幫我搞掂晒。飲品出嚟時，我見到杯奶茶外觀幾靚，有個黑色的包裝，感覺幾有型。但飲落去，真係有啲失望。味道平平無奇，奶味唔算濃，茶味都係普通，冇咩特別驚喜。而且珍珠唔算特別Q彈，口感一般。講真，呢杯奶茶就好似市面上幾多茶餐廳都有，唔知點解咁多人排隊。可能係因為宣傳做得好，或者係品牌效應，但對我嚟講，真係冇咩值得特別去推介嘅地方。飲完之後，我心裡只有一個疑問：咁多人係咪真係咁鍾意呢杯奶茶？總之，今次嘅體驗就係平平淡淡，再唔會特登排隊去啦！

第一次試呢間奶茶店，真係好正啊！😋 佢啲茶味超出色，真係飲得出係用靚茶沖出嚟嘅，唔似其他地方嗰啲齋甜冇茶味嘅奶茶。我揀咗佢哋嘅標準甜度，真係啱啱好，飲落舒服到不得了，又唔會膩！👍老實講，我係俾佢哋嗰啲靚靚嘅包裝吸引過嚟嘅，成間店睇落都好潮，又有打卡feel 📸。結果估唔到味道仲要咁好！珍珠就更加唔洗講，煮得啱啱好，Q彈有嚼勁，完全係我理想中嘅質感，冇得輸！🧋仲要講，店員好nice，介紹飲品時又有耐心，第一次嚟都唔會覺得尷尬。我已經諗住下次試埋其他口味，菜單上面啲飲品個個睇落都好吸引。🍹 如果你都鐘意飲啲真材實料嘅奶茶，呢間真係要試下！✨

每次係中環搭緊電梯上去嘅時候都會經過呢間絲茶❗️仲成日都大排長龍😮‍💨😮‍💨今次終於有機會可以試下手搖店啦❗️入到去發現原來奶蓋可以30分鐘內無限添加，雖然好似唔需要加本身都已經有好多奶蓋了，咁岩仲有Za bank付款買一送一優惠❗️所以我地直接就買兩杯貴嘅試試佢！店鋪出面仲有幾個打卡位可以比大家坐係到一路飲一路影靚相添🥰----------------------------**金芒芝蓋、粉紅芝蓋 少甜少冰 $48奶蓋味好濃好飲，金芒芝蓋飲落似係芒果茶，所以叫完少糖之後甜度都岩岩好，唔會太甜仲有少少酸味🫶🏻而粉紅芝蓋飲落就似係士多啤梨牛奶味，少甜都仲有少少甜，下次再叫我會再減啲甜度～呢個價錢嚟講確實係有少少貴🙂‍↔️不過因為我有買一送一優惠所以係抵飲嘅🥰如果下次再嚟會飲佢地奶蓋嘅茶飲，比較便宜而且可以有無限奶蓋添加～更加抵玩❗️

見成日排長龍就試下杯人氣「黑鑽茶皇」，貪佢多嘢咬。大約十分鐘有，算快。但是，茶味去左邊？我order 微甜但都甜到.....好難飲。唔通，個個排隊都為了打卡同抽獎？

絲茶@central🌟茉香奶蓋：價錢不太貴，而且份量大大杯，飲落去第一啖充滿茉莉花茶嘅香味，而且加上餐廳新鮮做嘅奶蓋，成個口感同埋味道上都非常特別，夏天飲非常適合，價錢嚟講就40幾蚊，中規中矩唔算特別平，不過質素就幾高，覺得鍾意飲奶蓋嘅朋友會愛上。好飲程度（5粒🌟）🌟🌟🌟🌟抵飲程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

落雨天去幫襯呢間飲品店，叫咗一杯檸檬愛玉茉莉茶，走冰半糖。第一啖飲嘅時候，覺得檸檬味好重，再飲多幾啖先發覺中咗伏，越飲越苦，最終飲咗幾啖就揼咗。非常難飲😡😡明明叫咗半糖，但係一啲甜味都冇，只有苦澀味，飲到最後係苦到不得了。雖然好口渴，但係我飲唔落，最終都係選擇揼抌咗佢。之前我都有返過飲品店，整珍珠奶茶、水果茶檸檬愛玉….. 諗住叫檸檬愛玉茉莉茶，應該唔會中伏，點知伏到爆。估唔到檸檬愛玉茉莉茶都可以整到咁差，真係好無奈🥲🥲第一次幫襯覺得杯嘢飲，太難飲！👎🏻👎🏻👎🏻之後都絕對唔會再幫襯！😡😡😡

Silk is new to the bubble milk tea scene in Hong Kong. I noticed it first in Central and now they have several other branches. The Central branch seems to always be very popular so we gave it a try.Menu is in English and Chinese. No 10% service charge as this place is takeaway only. Though there are a few seats outside their shop.They also have this offer: free flow cheese foam for 30 minutes. I didn't see anyone doing this and we didn't try it.They also have prizes to be won.Apparently on every

一心諗住試佢既西柚茶買完等左10分鐘都未有（前面仲有6，7個人係度等緊）但其實唔係好多客，只係個個都係未等到杯野.上OpenRice 先見到堆食評… 後悔冇睇左先買簡直係哂錢哂時間！！

• 三重港茶皇 $36 🧋 4/5三重分別係芝霧奶蓋、黑糖波波、蜂巢脆脆 同平時珍珠奶茶唔同嘅係呢款係用上港式奶茶底 奶茶幾香濃 唔會澀 芝士奶蓋好正 一直覺得19年以前飲喜茶嘅奶蓋係最好味嘅 但絲茶呢個都有得比✨ 黑糖珍珠煙韌入味 蜂巢脆脆份量唔算多 雖然我地叫少甜 成件事撈埋依然係好甜 如果唔中意甜嘅朋友可能可以試下其他款💥另外服務方面真係有待改善 上網都見到有唔少人反映要等好耐 事實上我地個次去都係 店員好似好生手 又冇特別叫number 變相客人其實唔多但就迫埋一堆等拎飲品（可能都係營銷策略之一😂）

檸檬愛玉茉莉花茶+黑鑽凍味道：係一陣奇怪的味道！杯檸檬愛玉茉莉花車冇檸檬味不特止，仲要有陣唔知邊度黎嘅類似藥材/護手霜味，好奇怪。我同朋友兩個order的飲品都有一陣唔屬於食材本身的味道。口感：唔係愛玉，反而似白涼粉咁彈牙😅唔怪之得lunchtime 係鬧市都冇人買😅成件事就係完全唔知道自己飲緊咩茶，以為係養生藥材茶😩😩😩 環境：至於環境，係外賣店，門口唔知哪裡來的臭水，一入到店內就聞到好臭好臭。所以我對該店舖的衛生環境感覺不太放心～～

▪️黑鑽絲茶皇 ($28)味道唔錯配料十足 夠哂大杯 有仙草、珍珠、晶球飲落口感滿滿 啖啖都食到配料晶球其實係條狀 食落似爽口嘅啫喱如果奶茶有鮮奶選擇會更好🥛由於配料以黑糖烹煮 所以飲飲下都有啲甜🙈個人建議選擇無糖就可以😎。。。。。。。。。。。。。。。。。。。。。。。。🧋絲茶▸ 中環威靈頓街98號翡翠中心地下D號舖▸ 旺角西洋菜南街2J-2Q號新江大樓地下3號舖▸ 灣仔皇后大道東200號利東街地下G39號舖▸ 天后電氣道54號亨環天后地下Food Loft G6號舖▸ 屯門鄉事會路2A號愛定商場A區地下A-149號舖。。。。。。。。。。。。。。。。。。。。。。。。

平時飲開珍珠奶茶 奶茶香 奶蓋鹹度適中絲滑 飲到落底幾好味 今日諗住黎試下布丁奶茶點知….我今次星期四4:28pm 入去買奶茶 佢話要等一個半鐘… 話多單…請問究竟有幾多單先可以做個半鐘…..????? 由原材料整起 買奶粉煲珍珠都唔洗個半鐘啦係咪呀？不如反醒下…係咪痴咗線？