素食工房

營業中

休息中

今日放工再到素食工房，上次已好幾個月了，上次曾投訴凉瓜煎旦不夠熱，今日再去吃，好明顯完全沒有改善餸菜保溫這方面，三個餸全是室溫兼偏凍，尤其那個橄欖菜炒豆角，試想下那餸不夠熱，食咗好易肚痛或肚瀉。埋單時刻意望下餸菜位的處理，係完全沒有保溫兼一小碟巳盛載餸菜。客人來吃素工，某程度比一般人更着重健康，這店完全並沒有這個意識去處理食物，極度失望。

很久前曾在西九龍中心food court素食工房用餐，有兩餸或三餸飯，味道不錯。新蒲崗素食工房營業至今，今天終有機會與朋友一同享用午餐。各自點了兩餸飯餐，毎份餐均有湯附送。麻婆豆腐+羅漢齋菜+白飯$43麻婆豆腐份量很多，味道濃帶點辣。羅漢齋菜有粉絲、雲耳、紅蘿蔔絲、爽甜紹菜，份量多一點就好。點了少飯，份量還是挺多，粒粒分明。是日靚湯，有紅蘿蔔粒、粟米等材料，味道清淡。時令蔬菜+醬煮杏鮑菇+轉紅米飯*$48朋友加錢由白飯轉紅米飯，紅、白米各一半。油麥菜非常爽脆，醬煮杏鮑菇很入味，但是吃多了很鹹。

依家出街食飯貴，食素更加貴，估唔到新蒲崗有間價錢相當得宜嘅素食餐廳素食工房嘅模式類似雙餸飯店，可以自選兩或三餸，再配上一個主食同湯或飲品，餐牌選擇頗多，配菜有5款冷盤、10幾款熱餸，主食除咗白飯之外亦可以加錢轉紅米、烏冬等等，仲有得加購4種小食組合，選擇困難表示睇咗好耐menu先落到單😆我幾欣賞佢嘅餸唔同傳統齋舖，呢度冇乜素扮肉，以原形食物為主，食都食得健康啲👍最後我揀咗三餸冷盤貢菜海鮮菇、熱盤乾煸福花、麻婆豆腐，白飯轉炒粉絲，同埋跟餐靚湯，再加多個小食(共$68)湯係蟲草花粟米素湯，我自己幾鍾意飲素湯，冇咗肉嘅油潤感，飲落喉嚨好舒服😌本身我以為雙餸同三餸都係menu張圖咁用同一隻長碟裝，份量一樣，點知嚟到枱面係分開3碟份量勁多😂我嗌嗰陣冇為意，原來自己揀咗3個都係有辣嘅餸，雖然都係辣但係3個餸嘅味道都唔同，並唔係一個調味打天下，可見餐廳嘅用心之處不過有一點奇怪嘅係，我轉嘅呢個炒粉絲，無論外表定食落都係粥舖嘅炒米粉😂唔知係我唔好彩粉絲冇貨定炒粉絲就係炒米粉，如果唔鍾意食米粉就唔好嗌呢個喇🙂‍↔️唔嗌小食都好夠飽，但係我貪得意又想試下，相對之下小食都係冇咁健康嘅煎炸嘢，我自以為揀咗個健康啲

用電子Qr code 落單餐飲質素發份量不錯2人點了2個3餸飯 96HKD價錢十分優惠但於座位安排上混亂會發生於點餐後需更換位置服務態度欠佳導致整體體驗未如理想不會再去第2次

我哋一心想食素菜，店舖新淨又光猛，侍應生健談又熱情，除了推介套餐好抵食外，又會再送餐前，在你的飯餸上與廚師傾談或研究餸菜款式。他們能戴上口罩的話會更加好。菜式選擇都算多，而且溫度適中，魚香茄子青菜炒粉絲紅燒豆腐麻婆豆腐麻醬拌菠菜飯 轉炒粉絲多款餸菜反光立立令，油分非常充足；我係呀，炒青菜，炒粉絲、紅燒豆腐，入面均有又香又濃的胡椒粉，非常適合喜歡食胡椒粉嘅朋友。涼拌麻醬菠菜清新，例湯清淡有蔬菜味，比較適合我。

🥢適合想食健康住家飯的人們🥢平時都有留意開素食店，通常都好中式好油，或者太多扮肉的菜式。好在呢間唔會。🍽️鍾意呢間似住家菜，雖然啲款式好似屋企都煮到，但對於想食健康啲又無時間煮飯的打工仔，是幫了大忙的放工飯堂。🥹▶️1-2人吃，幾乎不用排隊▶️因為位置不多，通常都要搭檯已經吃了3次，食物質素都好穩定。鍾意佢個湯，好啱夏天飲。

第一次嚟試都幾好味今次第二次嚟食，諗住想試吓加$8轉個咖喱湯烏冬點知一嚟到見到個湯淡茂茂完全唔覺得係咖喱湯底，再試吓啲烏冬，硬到食咗一啖之後都唔想再食，大家千祈唔好加錢轉烏冬😨

試食新開素食諗住食健康D，揀左2素定食（轉米粉）$48🥚涼瓜煎蛋 - 蛋唔會過咸過老，涼瓜保持爽脆。🥬時令蔬菜 - 太過份啦， 一碟白菜仔會有幾多夥吖， 居然有9夥爛嘅（見圖），炒果個睇唔到，傳菜果個都睇到爛菜係唔係呀，仲可以上比客食嘅，同店員講碟菜爛嘅可唔可以換第二樣，店員問完就話唔可以，然後就無處理，直到見到我影相後，就攞碟四季豆嚟問我要唔要，我都食完，梗係唔要啦。重點係佢唔係有機菜呀，成碟白菜仔，我食左2條咋😡，其他都係爛嘅唔食得。米粉 - 好碎😠呢間嘢無下次呀，嬲呀😤。

未試過寫comment 為呢間俾左第一次 問門口呀靚姐有冇得單個餸買走😢佢一路睇住個電話 又唔望吓我 等佢答 以為佢聽唔到都諗住走個陣 先答一句 唔 可 以😞勁惡 係咪得罪左佢

上星期迷路經過素食工房門口，店員給我單張，今日有空走嚟堂食第一次來新蒲崗店幫襯，店內大約有廿座位，初一午市，一路有客，食完就走，不宜久坐。香港租金貴，店要多做幾轉客才生存到。餸菜款式都有十六款揀，都唔算少。揀左咖喱薯仔（好味唔會太辣超正）&紅燒豆腐（份量唔少但個汁好淡無咩味）跟埋碗湯（好飲）&碗飯（OK）舖位喺响MIKIKI商場間星爸爸嘅斜對面嘅地舖（即利X閣。。。中X地產。。。再過兩間店就係素食工房）應只收八達通&現金。是次用餐體驗唔錯，會回頭的西九龍中心店之前都間中有幫襯，期待素食工房將來開間响觀塘。最好當然區區有間，素食需求都大架，因幾時都係食多條蔬菜，清減D對身體負擔好好多。感恩有素食工房

新蒲崗最近開咗間素食餐店，特登走去試吓🤪…日日都排晒長龍🫣🫣所以要提早少少走去叫餐食🤪🤪佢哋有不同種類嘅冷盤和熱盤，但係有啲比較油少少不過我最鍾意食佢哋嘅咖喱薯仔佢哋汁煮得啱啱好🫶🏻🫶🏻但係椰花苗就比較油😳😳我今日食咗沙嗲豆卜…蕃茄炒蛋…咖喱薯仔…呢個餐係$48…十齋可以一試….上次試過佢哋嘅小食…齋滷味都尚算OK…不過茄子同埋獅子頭就麻麻哋🤭🤭下次就想食佢厚厚嘅煎蛋啦😆😆

🆕 齋期十五 人山人海 去 素食工房🍀 試食 馳名素食三餸飯 🍱最近喺《素青》紅爆🆕🔥又火爆💥😝既 素食工房🍀 開正喺 新浦崗Mikiki對面 終於唔使去 深水埗西九龍先食到 👍🏻😋咁啱農歷十五人山人海 又唔想搭枱 雖然等咗15分鐘 但係落單冇耐主菜就到 後加小食煎釀茄子要炸 10分鐘先到 不過值得等，新鮮熱辣幾好味 😋總體上我覺得呢間好食過西九龍中心嗰間 冇咁油同好似少啲味精 值得一試 👍🏻Visited the famous and recently heated Veggie Factory branch near Mikiki in Sang Po Kong for their delicious “Samsung” (3-dishes) rice. Short 15 mins wait as it’s the Lunar 15th. Decent food and less greasy than their main shop in Sham Shum Po. Support 💪🏻

一個人食飯！入到店數碼點餐，非常方便，不過都可以叫服務員寫單！本身想叫兩餸，但貪心啲叫咗三餸$48有包湯經濟實惠！一人份量都好夠，不過我都食唔哂！自備餐盒帶走！苦瓜炒蛋，蓮藕，四季豆，蛋抄得好滑加苦瓜切得幼細！送飯一流，蓮藕蚊到剛剛好，四季豆都非常惹味，所有都熱辣辣！環境非常今晚及乾淨，上菜時間合理，由點餐到上菜約10分鐘左右，但面有一排單丁靠牆位置，可以慢慢食！不用擔心多人搭枱問題，服務員態度都好好！會是我新飯堂！

之前食過深水埗分店，今日經過見到終於開咗，就去買外賣。一款係悅香茄子，另一款係麻婆豆腐，之前食過好好味，呢度都保持到水準…悅香茄子有啲鹹，輕返手就完美！另一款咖喱薯仔之前係深水埗食過，非常好食，好入味！夠「林」👍🏻另外多咗小食、冷盤選擇，好似好正，留返下次😬呢度仲有堂食，地方雖然唔大，好似都唔錯，下次可以試吓堂食。可能係新開張，暫時冇八達通，只收現金…..有啲混亂，應該遲啲run 順咗就會好返。今時今日呢個價錢絕對係超值嘅選擇👍🏻

7月15日揾食肥華和靚媽，到呢間在新蒲崗開業不久嘅，素食店食晚飯，而此素食店喺以兩餸飯，三餸飯形式經營，並以兩餸及三餸套餐為主，不過地方比呢類飯店企理，座位亦坐得舒服，員工待客態度亦佳，所以套餐所收價錢亦算合理。至於食物方物，肥華所點嘅兩餸飯套餐，個苦川瓜雞蛋堅得，苦瓜雖然偏少但塊雞蛋卻好有蛋味，而個 花生炆蓮藕亦喺好味食品，此兩款餸食，值得推薦，反而靚媽所點嘅個碗，六寶飯每樣餸都衹得少少，未食到個味好唔好，就食哂，呢個六寶飯，唔食冇損失，而另外叫嘅個碟 ，三色齋及跟餐例湯，水準不俗，所以肥華在呢個餐，選擇要例湯而拾棄餐茶，寧飲白開水，喺明智之選👍👍👍此店值⭐️⭐️⭐️⭐️