素食主意

Great bargain, hidden gem in HK, vegetarian food but made with a twist!Kind owner Gigi always greets everyone with a smile!Lovely little shop near Fortress Hill Station.Great takeaway food or dine in.I would go everyday if I live on the island !…查看更多

因為係初一十五既素食日 係開炮台山打算搵素食店外賣 估唔到居然少之又少 最終係天橋底才搵到一間既素食店 店舖雖小 但食物都唔算少 價錢都相當親民。 分別叫左 「白汁菠菜粟米意粉」（$52） 、「魚香茄子飯」（$50）及「炸水牛芝士波」（$45） 。 店舖只有一位職員 所以都需要等一下 首先係「白汁菠菜粟米意粉」 值得欣賞既係 店員會細心分開汁餸同意粉 以免因為未係短時間內用膳而意粉先林哂 搞到賣相口感差既情況 白汁份量相當多 而菠菜比想像中都大份 混合意粉後 十分香同口感唔錯而「魚香茄子飯」 ， 食落去口感相當似真肉， 而且唔會似真魚香茄子咁有辣味 最後到小食「炸水牛芝士波」 ， 共有7粒， 水牛芝士味唔算好重， 同埋可能唔係即食 所以有啲林左 唔算好香口。…查看更多

作為一位對人、對自己並對飲食都有要求的素食主義者，我好欣賞這間可以提供無味精（我對味精好敏感）、多種素食選擇的食店。很久之前去過幫襯，一入到間舖，見到個姓歐陽俊朗男仕好有禮貌幫我落單，他讓我舒舒服服靜靜地先喝了一碗南瓜湯，然後姓趙的美女細心地為我準備了簡單而美味的番茄蛋飯。本小姐個胃比較細，唔想浪費食物，歐陽先生好似識讀心般，一望見我的面口就好有禮貌話我知可以選擇飯的份量，然後他盛給我的飯暖暖的，份量好適合我。這間食店雖然比其他食店細，但是卻讓我感受到温暖的人情味，有一種家的感覺。每一次從美國回港，我都會託家人為我到這間素食店買些食物，而每一次讓我品嚐到的食物都非常美味。…查看更多

這條天橋底，可能是炮台山素食店發展其中一個濫觴之地1990年代，炮台山的素店，當然沒有現在那麼多。印象中，當時的素店，有甘香齋和普善齋。當時的甘香齋，位於炮台山站對面，電氣道行人天橋底。猶記得當時同學告知發現甘香齋，簡直是心花怒放🤩，想着以後午飯出街時，有好地方開餐了。不過，甘香齋在幾經搬遷後，現時已結業。至於普善齋，當時以自助餐為主打，記得考完試放學時，也曾經和同學一起光顧，也是挻吸引的素店💓。現時，普善齋已結業多時，原址現為佛教愍生講堂。順帶一談，當時的保壘街，當然也沒有無肉食和綠色素食分子這兩間素店，在版主的中學時代，綠色素食分子的現址其實是機鋪。點解咁記得？因為版主入過去，仲要係著住校服入囉🤫🙊。講返今次午飯的素店，正正就是同樣位於昔日第一代甘香齋所在的天橋底的「素食主意」。這是一間已開業多年的小店，只有大約10個座位🪑，如果想來一頓快閃午/晚飯，可以考慮到這兒試試。素食主意的店面雖小，但餐單的選擇卻不算少👍，有超過20款食品，包括中式飯、意粉、沙律、小食、湯和挺為特別的土耳其卷。土耳其卷共有3款，店內的黑板上，清晰列出了每款土耳其卷的材料，方便顧客揀選。今次就選了2款～墨西哥風味卷和水牛城雞肉卷來品嚐。兩者均以全麥薄皮包着十分豐富的材料，墨西哥卷有牛油果、紅腰豆等，感覺較清新；雞肉卷配上了辣汁，感覺少許惹味。如果不太肚餓又想吃有豐富食材的東西，3款土耳卷會是不錯的選擇。吃過東西後，看到店內有不少店方的媒體訪問🎤，走近細看，發現原來不少文章均推介土耳其卷，看來版主揀食物的眼光也挺不錯的🤣…查看更多

路過有啲肚餓，見到呢間有位雖然睇落半開放式，似冇冷氣🥺😳但原來入面有兩部冷氣機加風扇😆😆😆今日34度 入到去真係舒服晒Tea time去到，叫左甜薯條配梅子粉店主話要等15分鐘竟然係即炸😍😍😍等嘅同時叫左件凍肉鬆豆腐$35如果肉鬆豆腐唔夠肉鬆/汁，食到最後會搞到冇味😖😖😖不過呢間喺豆腐上面堆左一大堆肉鬆，夠我送住食晒成磚豆腐有餘😍😍😍超足料👍🏻👍🏻👍🏻食完就差唔多有甜薯條真係😍超😍新😍鮮😍梅子粉酸酸地，好夾啲甜蕃薯脆得黎又唔炸到透晒😌個芯仲有蕃薯口感只係表面炸脆左食落冇咩罪惡感😌…查看更多

位於炮台山站對店嘅一間街頭小店，由於位置喺橫街，所以唔係咁容易見到。其實呢間小店之前已經食過，但依然好喜歡。好適合一個人去食，因為其實店面積好細，店內只可以坐幾個人。有啲枱有一台喺街。絕對係一間小店。環境⭐️⭐️⭐️不過以一間小店黎講，都算舒服。雖然枱凳都好簡單，但正合一個剛剛收工既上班一族，坐低享受一下寧靜。但如果想同三五知己一齊食一餐飯，地方就可能細咗少少。價格⭐️⭐️⭐️以街頭小店黎講，價格都公道。一個碟頭飯大概$50。好似我咁大食，$80夠飽。食物Portion唔算好大，但我覺得剛剛好。食物⭐️⭐️⭐️⭐️小店黎講食物選擇唔算太多。不過有有唔同風格既食物。有中式飯，有意粉，有西式既wrap，更有小食。可以話不愁選擇。而當中最吸引嘅係佢三款西式wrap，或者小食。可惜去咁多次都未有機會試佢嘅素煎釀三寶。我前後兩次試過，第一次叫咗個素魚香茄子飯+水牛城雞肉卷。個雞肉卷一咬入面有香脆既素雞肉加雜菜再加沙律醬，美味開胃。茄子飯唔算太過重味，不過撈飯一流。但必須要讚小店係用紅米飯👍🏻。第二次叫咗薯仔咖喱雞飯+美式香腸卷。個卷依然比較吸引，個飯既薯仔+素雞丁+紅米飯。味道唔算太重，所以食完都唔會口乾。會menu入面既碟頭飯每一次去都唔一樣。但下一次一定要是煎釀三寶，肉醬意粉😋Overall我好滿意炮台山呢間小店。今次已經第三次食，而我肯定會有第四次。記得去到一定要試佢個卷呀😋…查看更多

有日行試咗呢間小店，發覺質揀唔差，食完一個人可以唔使50蚊！餐牌上面有中式有西式，有飯又有意粉，有沙律又有土耳其卷，仲有唔少小食、湯水茶樹菇無花果什豆湯 $2020蚊一碗湯估唔到都足料，而且無味精好鮮甜水牛城雞肉卷 $35入面有素雞、粟米、西芹、雜菜、水牛城辣汁、田園沙律醬表皮唔算厚，包住素雞&雜菜雜菜較清新，加上素雞幾軟腍，配搭水牛城辣汁同沙律醬好清新白汁菠菜粟米意粉 $50芝士醬汁唔係太多，唔太膩，菠菜+粟米好清新，同芝士醬汁好配合，唔太邪惡 …查看更多

工作關係經常在外大魚大肉，有時候都想吃點簡單的東西讓腸胃休息一下。今天來到這兒，點了紫椰菜炒素牛肉飯。平日我甚少點素肉，但為了食紫椰菜就選了這個。素肉質感似麵筋般煙韌，染了紫椰菜顏色，變得藍藍紫紫的灰色，不好看但無損味道。因為是外賣的關係，紫椰菜焗在飯盒一會，顏色變得灰藍，同樣是不好看但味道正常。三色飯煮得剛好，份量亦足夠。我見堂食有客人點了湯品，賣相不錯，下次可以試下。如果餐廳多點非素肉的素食會更好！…查看更多

經過素食主意，看見門口貼有「必吃食店大獎」的入圍食店標註，店舖小小坐位不多。此素食店有賣小食、沙律、土耳其卷、意大利麵、碟頭飯等，當然全部用素食材料做的。因已經吃過午飯，最後決定外賣一客煎釀三寶作為晚餐加餸。店主說要等十多分鐘，是即煎的。港式煎釀三寶街頭小吃，這店用了青椒、茄子和鮮冬菇作為三寶的材料，然後釀入白色的素魚蓉。青椒爽口，冬菇有肉質，茄子𠝹開中央，釀入的素魚蓉夠厚，兩面煎香再加上豉油汁，香味撲鼻。有機會可再試其他食品。…查看更多

近年素食派大行其道，研究指出，吃素對身體利多於幣，如每周茹素一天，可給予腸胃休息的機會。:)係行夜山前，先醫醫肚，在北角這邊有幾間素食店，之前見介紹這間叫素食主義，舖面較少，小店形式經營。柱侯蓮藕栗子炆素魚腐飯 朋友點了這個. 有家常的味道，沒添加太多調味料，蓮藕爽脆, 栗子鮮甜, 而素魚腐應係豆乾整成的. 柱侯醬味道亦剛好. 飯用了較健康的糙米飯, 整個飯都好煮家的感覺. 也就是健康的碟頭飯啊. 而我點了意粉: 意式蕃茄什菜意粉. 賣相雖普通, 重點是內涵吧. 意粉舖上了濃濃的蕃茄醬, 混入材料蕃茄蓉, 茄子, 紅椒, 西蘭花, 脆玉瓜等, 味道天然, 茄香酸酸地好開胃啊, 很適合這炎熱天. 價錢相宜, 食物份量也很夠. 如果喜愛食素或間中要為自己健康加分, 吃點清淡健康的 , 我會推介來一試及支持一下小店.…查看更多

因為要就一起出job嘅食齋嘅同事，我哋揀咗呢間全素食餐廳。間餐廳比較細，得兩張細4人臺和三人吧臺，可以容納的客人比較少，但感覺樸素乾淨企理，餐牌都有好多選擇我哋三個人各自點了一個飯，加HKD8就有湯飲，今日有茶樹菇無花果什豆湯和菠菜薯仔湯（如下圖），湯味都算濃，湯料都俾足，但味道普通，菠菜土豆湯係攪碎了的菠菜和土豆，容易有飽肚感有位同事點了紫椰菜素牛肉飯，成個菜都係紫色，好特別，飯菜的味道都係普通，家常便飯的感覺，感覺這樣的飯菜的價位係有點貴了…查看更多

當日同家人探訪舅父,之後想當天吃素。這間餐館鄰近太子地鐵站，位置方便，而且交通便利，是一家大小的好去處。家人很喜歡這幾個小菜。腰果百合炒淮山腰果香脆，加上百合及淮山一起炒，淮山有滋補作用，冬天食就最啱。整個配搭一流。松子黑松露炒飯黑松露炒飯有小小奢華，但炒真的炒得很香，團年飯大時大節，試一試這個炒飯也無妨。本人極度喜愛。桂花園肉雪耳羹自己母親大人最愛，有桂花香的雪耳羹，對女士皮膚有滋補作用。當日一家大細，非常溫馨，這間餐廳裝修也很特別。😘😊…查看更多

素食主意係北角一帶略有名氣的素食餐廳。店不是很大，只有大概10個座位左右，lunch的時候特別多附近的冩字樓員工過嚟食。佢地特別的地方係佢地的菜式很像日常平日食有肉的菜式，很適合平日唔係食開素，或者怕冇肉食唔慣的朋友食。今次叫咗個肉醬意粉，老實講，唔講的話我其實食唔出係素食來的，肉粒的口感跟平常吃的沒大分別，番茄味亦很濃，加上香草令到肉醬整體很香。意粉則煮得比較淋。整體來說味道不錯，只係份量比較少，食量較大的朋友食完可能未必夠飽。…查看更多

素食主意，在北角蠻出門的素食餐廳，非常小的一間，店主是一男和一個胖女人。想吃很久了，無奈每次看它的openrice點評都讓我沒什麼食慾。評分最高的是：肉醬意粉，該次吃飯，節瓜豆卜燜蘑菇飯。可以加8/6一碗湯或者一杯飲料。紅米飯比較讓我驚喜，有嚼勁，缺點是不夠熱，飯一定是要熱才香啊。節瓜切得非常大塊，蘑菇也是，倒是豆腐切得稍微小塊一點，豆腐最入味。菜也是一樣，不夠熱。…查看更多

After going to the gym I was hot and sticky so grabbed a herbal drink from this joint.Normally I get the lemonade but this time decided to try this brown thing.It was sweet with an interesting bitter aftertaste.I will probably return for dinner next time.…查看更多