素心事

營業中

休息中

依日又係過嚟依區拎嘢，朝早做完嘢之後，就搵嘢食～Search到一間樓上素食小店～ 見自己都有一排冇專食素，於是過咗去幫襯 😉☕️ Coffee Latte 😋😋😋😋由於朝早已經飲咗杯奶茶，中午想飲咖啡但又想輕手啲，就揀咗latte 🤪 有一個簡單嘅心心拉花～ 咖啡好夠熱！香醇順滑～🍛️ 轉轉蛋日式咖哩雜菜飯 😋😋😋😋😋依款日式咖哩由店主自己調配，用咗唔常喺咖哩飯見到嘅時傳蔬果 😲 例如：蓮藕、茄子🍆 & 翠玉瓜～ 原來都好夾喎！仲食到瓜果嘅本身嘅爽甜 🤗 雞蛋🥚同飯都係嚟自🇯🇵，尤其飯粒粒分明，有微微米飯🍚甜味，真係好好食！午餐 💵💵 約港幣$120/人💁🏻‍♀️ 每逢上菜時，店員都會簡單講一講佢哋烹煮嘅手法同介紹用料 👍🏻 雖然係小店，但好用心設計屬於佢哋嘅素食料理 🌿 小編尤其對佢哋嗰幅用咗唔同廣東歌歌詞寫成嘅祝禱畫牆最有印象 ☺️ 再加上佢哋珍藏同展示咗部分廣東歌黑膠碟，可想而知，佢哋一定都係廣東歌愛好者 🎵🙆🏻‍♀️ 最後，喜歡嘅話，歡迎follow @foodirectory.hk！

剛返新工，短短13日塞了好多工作的事情在腦內排序和消化，所以每逢午餐一定要好好為自己打氣🤗，上網找到此間素菜餐廳，服務員工恰到好處的招待，我第一次吃了一雜菌湯做的蕎麥麵，2個小食選了牛蒡紅蘿蔔絲醃漬，柚子白蘿醃漬，小食非常開胃， 蕎麥麵非常清爽。之後隔了2日後；再去吃素壽司和2個小食（醃漬紫椰菜和白蘿白），買相精緻，承載的器皿漂亮，味道清新開胃，正合我沒有胃口而肚餓的感覺，完畢後滿滿正能量；可以繼續在工作上打拼，多謝，好開心有這些體會，之後會繼續光顧🙏🏻🤗

食物新鮮有心思，以健康為主，冇素肉只有原材料，呢間至係真正健康素食餐廳！試咗三骰丼，全部食材切得細細粒，用日本米及日本醬油，好好食😁要encore!日本仔炒面，加咗沙律醬及日本蛋，混合蛋汁放入囗又另－種味道。日式醬燒豆腐串用咗絹豆腐，內面仍然軟軟的，醬味適中，每次去一定要食😆薯條+自製黑松露醬，食到食唔停口㖭😄另外飲品有咖啡及其他選擇，試咗bring love, 好特別及好飲！咖啡亦唔錯。最後一定要試老闆做的cake, 件件真材實料，亦有全素及無麵粉種類，很細心試咗朱古力蛋糕及檸檬芝士蛋糕，超滿足！！！最好上佢社交平台睇餐廳開放時間，然後whatsapp book位，非常方便。如果趕時間，可以預先落order.要多多支持有質素小店啊！

素心事💚位於觀塘嘅素心事，係一間蛋奶素咖啡店，餐點有純素及五辛款式選擇，沒有任何肉類。除了素食外，佢哋嘅自家製甜品，無酒精Mocktail及咖啡都非常出色。素心事提倡健康飲食，所選用嘅材料都非常優質及新鮮，追求食物原味道，少用味精或添加劑。店員友善待客，掛上笑臉，用心介紹每一道菜，非常有溫度。店內環境舒適，牆上掛滿唱片及小結他，播放昔日金曲，滿滿懷舊感，我好喜歡一個人留係到聽住金曲，享受ME TIME。🌱轉轉蛋日式咖哩雜菜飯 $88呢道菜不但口感有層次，當中仲蘊含著健康元素，所選用嘅時令蔬菜有蓮藕，蘿蔔，薯仔，茄子及日本蛋，營養價值好高。蔬菜配上日式咖哩汁，放上轉轉形狀嘅炒滑蛋，胃口大增。🌱焦糖燉蛋 $48呢款甜品，整得好好食，想叫多一個！燉蛋口感奶滑，充滿蛋香，好似食雪糕咁。面層焦糖燒到糖色玻璃狀，唔會過濃。輕輕敲碎面層焦糖，每一口燉蛋都帶有焦糖味道，而家仲好回味。🌱陪蜜友 $58呢杯飲品造型模仿啤酒，放上一大粒圓波波嘅冰，味道係柚子蜂蜜味嘅焙茶，味道微甜，好好味。

同學聚餐，由齋人我間餐廳，咁就梗係齋舖😎呢度地方唔大，一眼見哂，不過都坐得舒服。WhatsApp 訂枱食晚飯，老闆會sent個menu俾我睇。 同埋會問食唔食蛋、五辛或者有啲咩唔食。Confirmed 時間、人數後，需要落deposit, 都合理嘅，怕你 no show 嘛！食物款式主打日式，我問咗老闆，每個月會轉菜式，不過我諗應該大同小異！每度菜嗰賣相都有心思，全部都幾好食，有啲仲幾特別。成個course包一杯飲品同homemade cake, 有啲飲品可能要補錢…朋友話咖啡好正，而我就覺得啲homemade cake 幾好，我要咗件辣椒蛋糕，幾得意…aftertaste 真係有少少辣嘅感覺！ 而且唔太甜，啱啱好。我其實唔鍾意食蛋糕，但係竟然成件食哂😅同老闆傾咗一陣計，原來咖啡同蛋糕係佢地嘅強項。Homemade cake 仲可以另外買，當然要預訂。成個course 係$400.00 per head, 真心覺得值！ 冇加一。我唔會逐個dish去講好唔好食，一來唔記得咁仔細，二來其他comment 都有cover.總體黎講食得幾開心，會再去😬

坐底左等左>35 分鐘都未煮，好在佢都願意還返錢。但真係白等，當時大慨8個人到等緊餐，另外有4 個食緊，如人手不足，無法應付客量，應該入座時先提醒，平日lunch hour 有幾多人可以坐係到慢慢等。

同純素🌱🧑🏻‍🍳朋友搵嘢食，而家香港暫時未有太多純素餐廳，所以先打📞嚟確認一下。我嚟過呢度幾次，主食試過好幾款，今次要轉純素，店主話冇問題，基本上所有主食都可以改為vegan，而純素甜品就有2款選擇。2個人點咗沙律🥗、燒飯團配漬物🍙、黑松露野菌意粉🍝、玄米茶🍵同埋朱古力慕絲🍫。沙律🥗：主食➕$20；蕃茄仔🍅好甜、多汁，沙律菜🥬新鮮，值得加配燒飯團配漬物🍙：漬物有4款，店主Justin逐一介紹，建議可由甜食到鹹。燒飯團有3個，朋友食完1個再encore，估計味道應該唔錯黑松露野菌意粉🍝：改用植物奶製作，同外面的黑松露野菌意粉相比，呢款同樣creamy但淡味啲，感覺輕怡亦好味😋玄米茶🍵：朋友點既，唔係用茶包，以玄米沖調朱古力慕絲🍫：驚艷甜品！🤩呢度大部分甜品的水準都好高，以試過chocolate mousse cake令我成日掛住想再食；今次試純素朱古力慕絲，Justin先講解材料同選用原因。慕絲好滑，朱古力味夠濃，而且少糖，健康好食😋呢度消費唔算平，食物份量亦唔大，不過感覺好warm，店主會逐一介紹食材，整體用餐經驗非常好。花多少少💰，食啲用料好、用心製作的食物🥇🍽️，係值得既~💕

位於觀塘工業大廈中的小店，食品味道和心思和高級餐廳有得比。我們叫了黑松露炒蛋沙律，蛋炒得很嫩，黑松露味道和蛋很夾。沙律很新鮮，鮮磨黑芝麻沙律醬味道好香。我們亦叫了日本烤豆腐串，豆腐外皮香脆而心很軟，口感一流。至於三種芝士嘅pizza, 芝士味香濃，新鮮出爐無得比。最新口味嘅牛膀煮，湯清甜而配菜漬物有長豆和蓮藕。至於甜品，我們叫了芝士蛋糕和辣朱古力蛋糕，兩者甜道適中，好味好味 這是一家讓人可以慢下來，慢慢品嚐食物的小店。如果你想食得健康，感受一下店主對食物和生活的熱情，你不會失望。如果你想彈古箏，彈結他，你就要上去坐坐。小店製作用心，值得支持。

好多人話觀塘好多工廈的食肆有水準，今日走入成業街一工廈，有好多banner介紹食肆，但上到去，可能今日係公眾假期嘅下午，有8成都無開門。走了兩層，見到一間素食店有營業，滿心歡喜入去看個究竟😄。對於素食，我不抗拒，有時會主動找素食餐廳的，會揀用天然素食食材煮理的菜館。看個餐牌介紹，和向店主查詢，我點了 #胡麻醬溫泉蛋稻庭冷烏冬、#Piccolo_latte、#朱古力蛋糕（佢有名㗎，不過我記唔到😑）。頭兩樣都好味、好滿意。😋😋😋 烏冬夠煙靭，胡麻醬係日本自家磨製的，濃濃的芝麻香味，比一般餐廳的少了油膩感和“漿口”的感覺。Piccolo Latte店主話比坊間多了一shot espresso ☕️ ，少啲奶，我like這個味道的。平時，我多數選擇齋啡不要奶的，放假就間中會試吓其他口味。這一小杯咖啡，有小拉花之餘，喝罷口中帶回甘，正！🤩😍這裡是「即叫即煮」的，食客們要俾點時間店主二人去料理食物。等候期間，可以借閱店主放在店內的書刋，欣賞下黑膠唱片擺設。相信，日後我會再來的。也會同朋友再來的。（由於座位不多，建議預先訂位。）

午餐後經過素．心事，看見門口介紹 - 這是一間蛋奶素咖啡店，不提供任何肉類 (包括素肉)。除了素食外，主打自家製甜品、無酒精雞尾酒及自家烘焙咖啡。於是訂位翌日光顧，老闆娘介紹他們是用減法烹調，不加任何不需要的調味料，盡量保持食材的原味。材料是每天到街市採購，沙律菜、青瓜等特別新鮮爽脆。米是由日本引入的玄米，在香港打殼再煮，是最新鮮的日本米。餐廳裝修好有家嘅感覺，坐得舒服寬敞，周圍放很多黑膠唱片，老闆有空便播陪伴我們成長的金曲。今次我們選了以下食物，大家一致都覺得好味。日本燒飯糰(兩個) 配沙律菜 (日本蛋使用) – 沙律菜超新鮮，飯糰軟硬適中飯味濃。瑪格麗特(Margherita) Pizza – 熱辣辣好好味，不過欠了瑪格麗特的綠色。蕃茄醬扁意粉配溫泉蛋 (日本蛋使用) - 蕃茄味濃意粉彈牙稻庭烏冬配溫泉蛋(芝麻醬) (日本蛋使用) - 稻庭烏冬滑捋捋，煙韌彈牙。三骰丼 – 考刀功，即叫即切骰仔的大小，保持蔬菜鮮味。店面只有老闆兩夫婦，食物製作需時，所以大家不要心急呀﹗老闆娘還介紹有幾款甜品是無用任何麵粉製作，他們絕不使用人造色素和精油等化學添加劑。我要了1件焦糖芝士凍餅。這個凍餅的

假期上頌鉢班，好感恩有素食店提供又健康又用充滿愛❤️去烹飪的菜式！新鮮切的蕃茄、剛打殼的日本米飯、不會好甜的咖喱、店主早上買的蔬菜.....還有自家磨咖啡同不同口味蛋糕！還有還有店主窩心地介紹菜式！店主辛苦您們啦！👍👍👍🙏🙏🙏

Crazy Monkey Cafe係觀塘工廈重新開業，改咗名做素心事，試業期間營業時間為12:00-18:00。餐牌上嘅菜式同以前差不多，蛋奶素為主，部分菜式含五辛。菜式大多使用日本食材，例如雞蛋、米。餐廳嘅裝修比以前增添家嘅感覺，坐得舒服咗，周圍放有黑膠唱片同樂器。燒汁日本豆腐串 ($48)黎呢到必食嘅小食，豆腐串用上滑豆腐，口感外脆內滑，燒汁味道甜甜哋，又有醬油嘅鹹香味。日本仔炒麵 (蛋素) ($78)老闆娘建議我哋先試一啖唔加蛋嘅麵，之後再撈埋蛋黃一齊食。齋食麵有陣淡淡嘅醬油味，撈埋蛋黃同沙律醬一齊食，增添日式風味，尤其鍾意沙律醬。美中不足嘅係煎蛋嘅底部燶咗，所以蛋白部分食落有苦澀味。日本燒飯糰配沙律菜 (蛋素) ($93)老闆娘話每日都會去街市買新鮮食材，所以沙律菜、青瓜等食材特別爽脆。