純發食堂

營業中

休息中

放工行經鰂魚涌搵野食發現角落一間新開小店今晚一於買番屋企開餐揀左豬頸肉辣肉碎便當辣肉碎嘅份量足夠撈飯帶香茅味微微辣幾香口豬頸肉炸過但仍然嫩滑仲配有粒粒粟米同煎蛋加廿蚊可以配特飲小食炸彈燒賣同百香果梳打想講炸燒賣真係好好食新鮮熱辣咬落有空氣感椒鹽份量剛好唔會太咸食左一粒忍唔住要食曬所以又加醉雞翼同三寶百香果梳打應係自家製無一般汽水咁甜有果香醉雞翼幾抵$12有三隻而且都幾有酒香唔錯👍🏻三寶分別蘿蔔魚蛋魷魚蘿蔔夠清甜魚蛋夠彈牙魷魚夠入味沙嗲醬香辣推薦大家可以試炸燒賣—————————————————————🔸 豬頸肉辣肉碎便當 $68🔸 醉雞翼 +$12🔸 炸彈燒賣百香果梳打 +$20🔸 懷舊三寶 $22

新發現呢間小店 主打外賣🥡店內都有少量嘅座位 經過想坐低食都冇問題兩點幾去到 好多食物已經賣晒 證明真係好受歡迎亦都保證食材新鮮 本身想食辣肉碎飯冇晒啦🥺不過唔緊要 食住其他下次再幫襯❣️ 咖哩香炸豬扒飯鍾意豬扒係生炸 冇調上咗厚厚嘅粉漿 原汁原味豬扒食落好鬆化 有肉汁 咖哩汁香濃惹味再配埋粟米、薯仔、紅蘿蔔 營養價值up❣️ 懷舊雜錦撈烏冬有魚蛋、蘿蔔、水魷配埋秘製咖喱汁食落好香口 烏冬用上稻庭烏冬 夠晒彈牙❣️ 西柚梳打西柚飲落酸酸甜甜好refreshing最重要係唔會好甜 解膩一流

日日晏晝諗食乜嘢真係諗到頭都爆，咁啱今日要嚟鰂魚涌攞啲嘢，路經芬尼街，見到有間「純發食堂」，招牌好搶眼。餐廳主打外賣便當，有滷肉系列、打拋肉碎系列、咖哩系列、稻庭烏冬等，另外亦有幾款小食可供選擇。點左👇🏻豬頸肉辣肉碎便當 ($68)，豬頸肉煮得啱啱好，食落唔會過乾，肉碎粒粒分明。戳穿燶邊煎蛋，將流心蛋黃撈埋香辣嘅肉碎連飯一齊食，好滋味！濃湯蒜香雞扒稻庭烏冬 ($58) 店員好細心，將湯同雞扒烏冬分開，以不同器皿盛載，以免麵條被浸腍，煞是體貼。雞扒大大塊，外皮煎至金黃色，食落非常香口，烏冬彈牙煙韌，加上份量十足，食完好飽肚。

聽同事講最近發現鰂魚涌公司附近開了間純發食堂😍去到現場嘩個裝修好得喎，復古又懷舊，Logo都好過癮，即管試吓，試吓試吓已經吃了好幾次😅魯肉飯及金不換肉碎飯配飯一流🥶店家給的份量非常足夠，一個男人都很飽肚，小食都試過好幾款，試過炸燒賣，炸曼頭，醉雞翼，每樣都吸引又好吃🤤還提供每天自家煲養身茶及梳打，還有椰乳拿鐵，有心思，唔會悶，好有誠意🤓店內員工位位都好有禮貌，恭迎顧客，呢類小店好難得咁用心經營，令一眾上班一族有返動力💪🏿

同同事行過平常心試下，點知有驚喜秘製滷肉飯好好味，汁同肉嘅味道好夾。金不換打拋肉飯好惹味，少少辣，好開胃😋最愛佢哋自家制嘅桂圓茶❤️❤️好有heart🫰🏻🫰🏻啱晒我口味🥰

新開店舖，叫了滷肉飯。份量比想像中多，好大份，足夠女生的正常食量。味道剛剛好，唔會太鹹，滷蛋也好好食。價錢好抵食，是可以再光顧的店舖。飯盒名稱幾特別，幾有創意。

周末中午🍂🍃🍁☀️🍁🍃🍂與舊同學係鰂魚涌行完山，😅不約而同，大家都有点餓🤔諗住係附近找点吃🧐竟然路過見到一間外觀別緻又幾得意+懷舊feel七彩玻璃嘅小食店，好特別！好搶眼！☺️愛吃的+愛打咭的😜自自然即走入店內揾食啦！😆order咗招牌---✨月見滷肉飯✨泰式金不換肉碎🍳飯✨陳皮鱼蛋✨😜🧐🤓果然......👉🏻 滷肉彈牙，肉汁豐富👉🏻 泰式肉碎又炒得好野味+🍳，配飯一流😆好好味，仲有😋特式魚蛋，滿口陳皮清香，超正❤️👍🏻💨，加上店員服務親切有禮，真係要再加💯分。😜果然係🤣行過路過🤣唔好錯過🤣吃得飽飽，好滿足😋😋❤️❤️

份量偏少本身想叫葡汁豬頸肉飯 去到同我講賣鬼哂得返個「oppa 豚肉飯」 點知成個飯得4片肉片汁都唔比多啲 飯都唔夠餸味道極淡 啲餸除左個汁同埋個幾舊肉乜都冇 成個感覺勁dry 仲慘過食吉野家既牛飯起馬都有個野飲或者麵豉湯 仲要平好多出餐快好多呢間出餐又極慢 呢啲應該煮定都要等佢個餐牌寫住有QR 落單 點知個個QR code 又係壞既難得見到呢個位終於有新店開結果買左個寂望同失望食左一次就算 不過係新店服務態度又幾好 但我都係去返間野食好啲既店啦