紅雞冰廳

營業中

休息中

平時會係外賣平台叫野食見呢間餐廳嘢食好似OK就叫過三次但係佢次次唔係送錯嘢，就係送漏嘢仲要處理手法極為離譜頭兩次我叫鹹牛肉芝士治佢兩次都送咗蛋治嚟我蛋敏感唔食得，佢又唔肯即時補送又唔肯賠錢，淨係話下次再叫嘢食會補送點知最近呢次仲離譜我叫咗個麥皮餐連三文治餐飲 承惠$60大元佢居然送漏咗個主食麥皮嚟我申請退款，佢居然只肯賠$2香港地食茶餐廳加凍飲都唔止兩蚊啦呢間餐廳係咪當食客係乞兒？三番四次出錯嘅處理手法都極冇誠意，令人心寒

九龍城有好多餐廳，今次試下呢間未食過嘅茶記。佢早餐大約40幾蚊，喺呢個區嚟講唔算平，不過質素有交代。薑汁牛肉通粉一上枱碗通粉熱到出煙，聞到好香嘅薑味。湯底飲落有好濃嘅肉同薑味，牛肉又冇柴皮，鍾意薑味嘅人一定會喜歡。叉燒湯意粉上枱同樣都係熱辣辣出晒煙，叉燒夠淋份量都好足，湯底都有叉燒味，唔係上枱之前先放上去嗰種。另外佢早餐嘅麵包可以免費轉做丹麥多士，件多士上枱都係熱嘅，又香又脆。餐飲奶茶不過不失，杏霜落足料夠濃。整體成個早餐都好滿足，有機會再試下佢其他食物。

又係去九龍城探完阿媽去搵食嘅時間～每星期最少去九龍城二至三次～周邊啲好西都試得七七八八～今日真係唔知食mak好～行到侯王道見到間紅雞冰廳就提議不如試下冰室～誰不知三個人異口同聲話好啊～話時話我都N咁多年無幫襯過冰室了～🫢舖頭唔算大但都幾乾淨明亮～因為仲未達正六點晚飯高峰期所以冰廳入面大把位任坐～店員好熱情招呼我哋坐低後就介紹咗好多特色嘢比我哋～👍睇完餐牌樣樣都好想食～研究完一輪之後我哋點咗三款下午茶(佢哋嘅下午茶時間好長去到6:30pm)食住先～👉公司三文治～傳統港式公司治、中規中矩～😃👉吉列魚柳包配薯條～魚柳炸得好香脆、包亦好熱好脆～好味～🤤😋😍👉豬扒包配薯條～包好熱好脆、豬扒好香肉身嫩～👍👉奶茶紅豆冰、檸樂冰底👉凍鴛鴦👉凍利賓納食完下午茶後再order咗個鐵板雜扒餐(店員極力推介佢哋嘅鐵板餐)👉鐵板雜扒餐配黑椒汁同多士～有腸仔、火腿、豬扒、牛扒～牛扒最正、豬扒都juicy～好正～😋🤤😍#紅雞冰廳#九龍城美食

第一次來，感覺餐廳員工好熱誠，好有heart介紹食物，地方整潔。久違的蝦多士，好脆卜卜，又係好好味道。 公司三文治薯條份量好多，黑松露醬好正斗。值得一試再試，可以再來。

6pm 打完波，肚餓但冇食晚飯行嘅意欲。行過呢間茶餐廳，個名好得意，見啲座位設計幾舒服，最重要喺下午茶餐牌寫住去到6點30分，我地就入咗去試下啦。友人叫了一客公司三文治配薯條，我就要了一客炸雞肶沙律，加錢要了一杯奶茶紅豆冰。🥪公司三文治足料，而且薯條配黑松露醬，好惹味。我好滿意🍗雞脾炸得很脆，不過我唔食雞皮的，一起咗塊脆皮就給朋友當薯片咁食。我好鍾意杯奶茶紅豆冰，🍹紅豆份量頗多，奶茶味亦很滑很濃。整體好滿意，難得最係今時今日茶餐廳嘅女侍應係非常好禮貌，不斷同我地介紹食物，又話我知雞脾好食喺因為轉咗新大廚！以後去九龍城打波，知道邊度有好野食啦

這間茶記平時間唔中都有去，以前就一般茶記野囉。今日伙記推介鐵板餐，於是就試咗什扒餐($110)（有雞扒、牛扒、煙肉、腸仔、蛋和薯角）一試之後真係好好食喎，一問之下，原來換咗個廚師，唔怪之得啦！感覺新廚師有用心煮，口感非常好。真心值得一讚，連例湯都唔同咗，唔係水水寥寥淡茂茂，大家試過就知我講乜。

I recently had the pleasure of dining at a charming Cantonese Cha Chaan Teng, and I must say, it was a delightful experience from start to finish. From the moment I stepped in, the warm atmosphere and inviting aromas set the stage for a memorable culinary adventure.First of all, the staff were very hospitable. We chatted a bit and it felt like as if I were a patreon already.One of the highlights of my meal was the noodle soup with satay beef in borscht. The combination of tender beef, rich sa

大份到食唔晒嘅份量，味道同款式都不錯嘅茶記，可一試🫡・・・・・・・・・・・・・・・・・・・・🍳 常餐 HK$48＞ 蔥花火腿炒蛋配丹麥多士、牛肉羅宋湯米粉・味道：蔥花火腿炒蛋好香蔥味，但多小小鹹味更好。丹麥多士加牛油好食，甜甜酥酥嘅肥仔多🤓羅宋湯唔辣的，好多菜足料，同時唔會太重茄味，合格以上嘅羅宋湯。牛肉都仲有小小肉味的～・口感：炒蛋同牛肉好嫩滑，米粉攣攣的有啲似蒟蒻麵～🥩 西冷牛扒(厚)配太陽蛋飯 HK$88・味道：強調扒厚但唔厚🤡，正常味道同厚度啦XD。黑椒汁好重味，仲食到一粒粒黑椒但唔會好鹹，OK desu。・口感：唔厚呀但唔韌嘅～🍝 茄汁鴛鴦扒燴意粉 HK$60・味道：豬扒正常，雞扒外焦內嫩好香口。個燴汁幾好食欸～・口感：雞扒正，豬扒都唔柴的～・・・・・・・・・・・・・・・・・・・・🤰性價比：中～🤰9衝度：可試～🤰結論： 想講個凍OT，冇一次飲得晒😂加上用不鏽鋼杯好保冷，解暑掂！・・・・・・・・・・・・・・・・・・・・

由紅雞開張幫襯已經覺得間茶記整嘅野有heart，最近返去成個menu唔同哂。所有需要技巧同耐心嘅茶式全部變曬快餐。海南雞，牛肋條，日式咖喱全部唔見曬😵‍💫講真食快餐不如大家樂大快活。自家制漢堡牛肉鴛鴦芝士滑蛋飯 1分/10分特色：以前係軟硬適中，真心食得出自家制，而家係咪自家制唔敢講，但煎到又乾又硬見到都唔想擺入口滑蛋亦變左做芙蓉蛋，唔知以為煎蠔餅少甜凍咖啡 3分/10分特色：有咖啡味但少甜都勁甜P.S.一間餐廳有無用『心』去整野食真係食得出。如果以前個帶眼鏡嘅年青廚師見到呢篇食評希望可以話俾小弟聽去左邊做。真心想再食到你整嘅野🙏🏻🙏🏻🙏🏻🙏🏻 2019年加入openrice到而家第一篇食評就係想俾個like【以前】嘅紅雞冰廳❤️❤️❤️

叫咗個雞扒早餐，同之前味道唔同晒。屋企人嗌德昌早餐外賣，我都堅持返紅雞食雞扒，點知勁勁勁失望囉。雞扒比之前細塊咗少少唔緊要，但變到好鞋好柴好乾，離開晒「好味」同「滑」嘅合理範圍。個汁絕對係衰，唔識形容佢個味，總之個汁嘅唯一好處係份量少，唔駛捱好耐 - 我想要返之前個肉醬茄汁囉，之前係成個雞扒餐嘅靈魂，依家無咗。牛乳炒滑蛋，唔係炒蛋，係煎蛋皮，無牛乳囉，摺埋塊蛋皮扮炒蛋，難食。之前墊底係塊大生菜，依家係沙律菜，呢樣我無意見，橫掂我唔喜食菜。另一賣點丹麥多士，烘到又硬又唔脆，唔好以為又硬又唔脆有違常理，好多茶記都做得到，不過同條菜一樣，我keto緊，當係少個透惑。52蚊一個早餐，雖然喺九龍城都唔算貴，但都有好多選擇囉。專登打返電話去話俾佢地知，都好，接電話果姐姐都態度好，都直接承認換左師傅，不過我去茶記唔係食服務環境㗎嘛，唉⋯⋯老闆，諗諗點搞好喎！

如題，叫咗一個下午餐個炸雞髀，乾到咬唔開，應該係番炸，跟餐有半件西多，裏面啲花生醬係凍嘅，勁👍🏻～ 係杯凍奶茶算係正常其他嘢冇食，都算多人食，唔明有咩咁好食⋯⋯🤨🤨

One of the best breakfast places in KLN!! huge variety, very tasty 自家製回鍋肉, good choice of vermicelli (爽口), and esp the milk tea is good!! 茶走唔會太甜 (which often happens in other cha charng teng), 茶底香濃, good balance of tea and milk, really a surprise. Overall, it’s very 有誠意 in terms of the choice of menu, ingredient quality!But the environment is not comfortable, if you only have 2 people going, they hv a board splitting the table in the middle, which was a bit 逼 in view.

以前好好食，依家食物煮法唔同咗，好肥好油，好想知之前個廚轉左去邊？🥹好難得之前有間好好食嘅茶餐廳喺九龍城，用心做，食物質素高，材料對得住個價錢，依家真係唔同晒，真心失望。

沒錯就是港澳人了哈哈哈哈在港澳的茶餐廳中大都有早餐套餐除了相對英式的奄列（Omelette）、三文治以及通粉外，當然還有「公仔麵」也就是泡麵啦！-小編最愛的茶餐廳醒神早餐就是餐蛋麵（午餐肉&太陽蛋）＋熱奶茶了真是有夠不健康哈哈哈哈-本週推送的是絲襪奶茶跟凍檸茶喔😍🥤絲襪奶茶（冰）🍋凍檸茶（冰）

今天係fb見到有人提議去咗呢間餐廳食飯😊望到喺OpenRice有人話呢間餐廳係抵食之選，就今日去咗獎勵自己！🤤咖喱雞扒飯上枱香噴噴，軟硬度恰到好處，好juicy，相當香嫩惹味，非常討喜👍🏻