紅豆冰室

營業中

休息中

今次係旺角搵食咁岩見到最就腳嘅紅豆冰室。menu選擇都多花款。見到招牌海南雞飯就點嚟試試佢。但上到嚟望落隻色水似豉油雞，連個味都唔海南雞，不過就無骨同埋肉質都夠嫩嘅。佢啲醬都偏咸同埋好濃味。送碗茶記例湯：蓮藕豬骨湯。因為有湯送佢就無再另外配嘢飲，如果要飲就好似加幾蚊左右。仲點咗個巨型菠蘿包。個皮係幾脆，但包體唔夠軟熟，味道普通。好似都$8-$9一個！之前初開張時都同男朋友嚟食過，兩次質素都一般般。可以唔洗再食🫢

It was pretty hot outside and I was hungry. The closest place was Red Bean. A typical cha chan teng. It was busy but we were able to find a table within minutes.When we were there they had the afternoon tea menu available. Menu is in Chinese only. There is no English menu and no 10% service charge. Sets include a drink. However they do have an a la carte menu that has English.I had the Soy Sauce Chicken Thigh with Salad ($42). The chicken thigh was quite juicy and well marinaded. The salad was g

✿ 朱古力漏奶西多士由於好鍾意食西多士，喺西多關注組見到，特登去試下，點知好失望，試過一次就夠了。外表係好吸引嘅，正方體大大嚿，面層鋪咗朱古力粉，切開佢中間仲會漏奶出嚟，係真係液態狀嘅奶。西多士唔香脆，食落去冇味嘅，浸哂落去啲牛奶度撈埋啲朱古力粉，先有淡淡嘅朱古力奶味。一開始見到好多客都點呢個，仲諗住好好味好邪惡，點知淡到冇味咁，同西多士又唔夾，真係可一不可再。另外叫左兩個正餐，味道很普通，放上照片算了，食之前見到個樣咁靚，就用ig filter打下卡，點知...唔好食嘅 (T-T)不過每個人嘅口味都唔同，可能我覺得唔好食，其他人會覺得好食呢(^-^)

食幾十蚊下午茶餐，有乜好寫! 但我覺得佢哋應該有改善空間,所以鼓勵下。是日打風，8號風球但並未見暴雨及狂風，所以下午便出外覓食,旺角區行人都唔少，但食肆多數關門，只有呢間好勤力,仲有下午茶供應，咁就入去食。Order左乾炒牛河餐同埋一個豬扒包餐⋯下午茶選擇多乾炒牛河即叫即炒，中規中矩，份量頗多,但牛肉醃得太淋，冇哂牛肉味，相比隔離街間一日三餐牛河份量雖然少啲，但係味道好得多。這個豬扒包豬扒炸得好脆，幾唔錯⋯⋯但整pad蛋沙律在上面，味道唔多夾，最大敗筆係個麵包放入微波爐叮熱，完全唔脆，係淋bad bad,，破壞哂整個餐😖。希望佢哋改善下，以前D茶餐廳所有包類：熱狗包、漢堡包或者豬扒包都係用焗爐焗熱，或煎pan乾煎熱，好脆好有口感。希望你哋去改善下，比少少心機就可以做返好多回頭客㗎la….

個日去飲鹿角巷，發現隔離有間紅豆冰室，見到佢個all day breakfast 幾吸引幾平，就決定試下。店入面大部分都係香港人鍾意既卡位，不過唔係梳化，但坐得都算舒服既。我同朋友叫左一個英式全日特餐（$65），薯餅好味😋，一啲都唔油！牛角包同炒蛋好夾，但牛角包🥐凍晒，如果佢整返熱先上碟就滿分啦！另外嗌左個是日午餐，咖哩薯仔魚柳飯（$64），跟餐有紅湯同野飲，我加左$10要左杯芒椰蜜桃冰特飲。咖哩唔係個啲日式甜咖哩，係帶少少辣味既👍🏻，同魚柳一齊食好夾，杯特飲好正，芒果味同椰汁味好重，但無乜蜜桃味，得好多蜜桃果肉。紅湯🥫夠濃，加埋胡椒粉一流！整體黎講質素算唔錯，坐得都算舒服，店內環境都乾淨，經過旺角既可以去試下(˶‾᷄ ⁻̫ ‾᷅˵)

第二次黎到呢間冰室，今次叫左個雞脾撈麵同埋朱古力西多。眼見旁邊食客台面既飯麵外觀都有一定既水準，不禁對我點既野食有D期待。果然不負我望，碟雞脾撈真係幾靚，雞脾食落都叫唔會過老，但係唯一奇怪既點係，成碟野食，包括雞脾同埋撈麵都係無味既。食曬成碟麵其實見到碟底都有一定數量既調味，但好可惜既係佢地都係得個樣。好彩牛角酥有牛角酥味，炒蛋都真係有炒蛋味。然後要講下個西多士，我好相信我叫原味西多會比較滿足，因為我食呢片朱古力西多就好似食緊原味西多咁。西多上面既奶同埋朱古力粉加埋都係食唔到任何突出既味道，就只有好丁點兒甜味。可能呢間餐廳只係俾你打卡唔係俾你食飽既，因為佢食物既外觀真係好靚，而相對佢既味道真係一般。

夜晚最抵食攻略！ 常餐雞髀撈麵識食一定係食雞髀撈麵常餐撈麵由細到大就食得多啦 好食難食一試過就知！而紅豆冰室嘅撈麵都可以話係算幾好食果隻！撈麵同醬汁比例都幾平均 唔會太濕 又唔會乾廚師可以醬汁緊緊咁鎖住係啲麵入面 而麵嘅濕度係拎到出嚟俾客食係啱啱好！可以廚師對撈麵呢一行 都有一定嘅專業知識同經驗，我撈麵達人夠膽俾撈麵界呢一行俾8.5 分佢呢同時間 ，雞髀呢個配搭都唔錯！瑞士汁雞髀 甜度都啱啱好 咬落去 啖啖肉 肉筋少 雞皮表層都鎖住曬啲濃濃嘅瑞士汁可見廚師係雞髀嘅來貨源都做過充份嘅資料搜集唔會好似出面咁用啲劣質嘅雞髀貨同時常餐都會一如既往送多個蛋治 蛋治就不過不失啦 但我正常就食完個撈麵餐都夠曬肚啦而同時再送多杯嘢食（又去到評分環節啦 ！ 5分🌕為滿分）味道：🌕🌕🌕🌕🌑環境：🌕🌕🌕🌖🌑服務：🌕🌕🌕🌗🌑價錢：🌕🌕🌕🌕🌑抵食指數可以話係去到4.5分俾佢 🌕🌕🌕🌕🌗

夜晚唱完k要搵野食，但而家啲餐廳都好早收，見到紅豆冰室仲開緊就入左去了，宵夜餐我都係第一次見，有趣🤣 雖然好想試下個流心芝士西多士餐，但夜晚晚都係唔好咁邪惡，要左個常餐瑞士汁雞脾撈公仔麵($59)🍗雞脾幾靚仔，層皮軟稔稔好好食，肉質都唔會好老。麵偏稔，個麵略嫌唔夠瑞士汁，可以多啲汁就更好🍜炒蛋偏實淨，牛角飽好搞笑得一半，但唔錯，食落去都食到有層次的，唔會成舊粉咁🥐紅豆冰室都唔錯，聽朋友講佢啲食物質素都幾高，見到佢雙強飯隻蛋煎得好靚，可以可以再試下🍳

<半讚👍🏽/半伏🤢>午餐‼️見到網上好多人介紹漏奶西多，所以專登去排隊試下‼️.🥣朱古力漏奶西多士🥣：💰$36個面醬搖下搖下咁，好多何華田粉，切開漏奶😱唔洗擔心 ，多士之後會吸返啲汁👍🏽中間已經係吸晒汁軟晒麵包（好似麵包布甸咁），唔會太甜！🥣濃濃鮮茄牛肉餐肉粒稻庭烏冬🥣：💰$58茄湯幾濃少稠，牛肉算多偏好軟但冇咩牛肉味..餐肉好細粒偏少，牛頭酥唔好期望太大…😂一片火腿好易碎（朋友話口感「好霉」？🤨）蛋就正常，烏冬最好食….明明已經好小心咁食…點解我地件衫都彈到番茄湯🤷🏼‍♂️🤦🏼‍♂️.好味程度：⭐⭐⭐抵食指數：⭐⭐⭐環境指數：⭐⭐⭐💸人均消費：$50另收加1️⃣服務費：❌再食 ENCORE：😐

➡️餐湯可以揀蓮藕綠豆章魚湯或者羅宋湯，咁就揀左（羅宋湯）味道：酸酸地，dd辣，番茄🍅嘅甜，食到有蒜頭粒（唔喜好蒜頭🧄就飲另外個個湯🤣）都幾開胃同好飲😋餐包🍞：牛油多士，幾鬆脆😚➡️主菜：1.鐵板美式雜扒（黑椒汁，但唔多）有廚師腸，煙肉，雞扒，牛扒，豬排，粟米同薯條.牛扒偏鹹，雞扒鮮嫩，豬排、腸仔無咩特別，而薯條淋曬，唔鬆脆。唔推薦😂2.日式玉子鰻魚飯，鰻魚汁偏鹹，滑蛋幾滑，鰻魚普普通通有d腥，唔好咁大期望🙃

今日出旺角誤打誤撞入咗紅豆冰室試下。入到去格局係新式嘅茶餐廳，佢嘅菜式都係比較新穎嘅。牆上有午餐嘅Menu✅最後我係嗌咗一個炒貴刁🫰貴刁好足料，非常鑊氣🤟🏻加上份量好大我一個人都食唔晒成碟😂😂😂😂😂另外餐飲叫咗杯凍檸茶，都有三片檸檬。並唔係會好似有啲茶餐廳咁比一片檸檬或者薄ee 咁樣。整體嚟講都幾滿意，下次有機會會再到訪！✅✅✅✅✅✅✅

星期六有節目，約會友人一起午餐，食飽飯，各自走😀反正出嚟啦！去健身中心運動💪運動，強身健體，太好了，出了一身汗，肚餓途經 Red Bean 「紅豆冰室」坐坐休息，順便醫肚😀下午茶餐： 意大利粉、飯、包類、烏冬… 等等送熱飲、凍飲加 $3點了 ：炸雞中翼（沙律或薯條 ） $42賣相可以，長長碟上，三隻雞中翼薄薄炸粉，香脆可口，皮脆肉嫩少少少量沙律菜😀金黃色 香脆薯條，灑上鹽，微微咸😊餐飲： 熱檸檬🍋水，酸酸… 醒神晒

朋友介紹行街經過諗起朋友推介過就試吓紅豆冰下午茶平日易有位d座底後唔見下午茶餐牌有寫🤔️出去門口睇吓又有喎原來果個人叫"重搥出擊"係特色菠蘿餐蛋包$38😱(可以選擇紅豆冰或樽裝奶茶)自家制菠蘿包好大個再加厚餐肉同半熟蛋😋只係鮮牛油溶晒😅二樣飲品個人覺得比較甜自己比較唔食甜另外叫咗個都係招牌食品流沙西多士(係阿華田粉好似係加咗忌廉)呢個食落去唔多似西多可能太濕總括嚟講都ok

好耐冇去過「紅豆冰室」經過見到裡面客人不太多，和女朋友決定坐喺度食個餐。一坐低見到隔籬枱嗰份All day breakfast 超吸引，即點！All day Breakfast$68估唔到比好多cafe 更出色，炸魚、薯餅都系熱辣辣，脆卜卜。碎蛋沙律牛角包有點練奶的甜味，好特別，以同一種蛋帶出碎蛋沙律和炒蛋的分別，炒蛋也非常嫩滑可口。辣肉腸以黑椒帶出辣味，辛而不太辣，豬肉豬咬落卜卜脆，挺好口感。仲包一杯奶茶，性價比係超級高！奶茶也恰如其份, 夠奶、夠茶味，溫度足。次次都要食「菠蘿紅豆包」怎料紅豆比之前更丰富，每口都食到餡料，好正，但唯一缺點系個包已經凍左菠蘿皮巳經不太脆。就憑這份All day breakfast 輕易成為我至愛嘅同區茶記 No 1

因為地區溶斷機制，我已經多月沒有回來香港。不知道是不是加拿大物價上升，食物變得偷工減料。離港前已經對香港的茶餐廳失去信心。今天回到香港突然心血來潮叫了兩個港式早餐，還有一堆麵包，外送到酒店。食物包裝細心，雖然是由旺角外送到紅磡，品質味道還是保持得十分好。值得一讃! 令我對香港的茶餐廳重拾信心。沙嗲牛肉味道濃厚。最喜歡可以另加各式各樣的麵包和蛋撻。不肯定茶餐廳的水平是不是谷底反彈，但這一間絶對可以支持。🇭🇰👍🏻