紅豆冰室

營業中

休息中

職員態度超差，明明還有不少位置，又無人等位，依然迫人搭枱。。。。。還呼喝客人。。。對佢地啲服務態度我真係佩服🤦🏻‍♀️衛生很差，抹枱後，枱面依然有很多污漬、不知明的液體，就連餐具都有漬。。。。。餐廳本身也不寬敞，枱也不大，還要迫人搭枱，多叫少少食物都放唔落囉。。。。味道差就唔算差，但也就一般茶餐廳水平，價錢亦唔算平，仲要咁精彩嘅服務態度，咁嘅衛生環境，又迫坐得唔舒服，真係唔會再去，貼錢買難受！！

惰懶了好一段時間沒有寫食評，卒之能夠扚起心肝再出動了，哈哈。今天的行程有點趕，早餐只吃了一點點。在旺角辦完事務已經下午3時，肚真餓了，便在附近找吃的。路過這店的，雖然叫冰室，但見門面頗為清新，入面又多食客，感覺不錯，所以就決定一試。下午3時，當然是吃下午茶餐看看餐牌，款式多元化，選擇相當多，不難找到一款你想吃的。我點了客日本醬油滑蛋叉燒飯，端來時熱騰騰的，賣相也不錯吃落醬油味濃，吃慣淡味的朋友可能會覺得它略鹹。滑蛋也好味，如果能夠厚一點就更加好餐飲方面，我點了熱檸檬茶。要特別一提是因為它給了我一點小驚喜。驚喜的不是它的味道，而是它不是用小杯，較為合理。茶味和檸檬都是很足夠的。以＄50的價錢，我會評價這個下午茶餐是一個性價比高的選擇。

係旺角等朋友未夠鐘，自己一個去左一間叫紅豆冰室食下午茶，入到去環境都算光猛衛生，因為一陣要行街shopping，又想食飽d就揀左黑松露蜆肉鮮菌炒意粉，份量足夠，味道都唔錯，佢用左忌廉汁去炒，都幾好食咖😋仲要食得晒又夠飽👍🏼

放工經過諗住入去食埋個晚餐+宵夜，食物落完單冇幾耐就有個阿婆不耐煩地叫我盡快交檯，佢要入3位客。之後到我個餐落咗檯之後，食到一半都冇就俾人收走咗，得返杯野飲喺度，之後俾人催促埋單，到我踏入餐廳到被要求交檯離開，20分鐘都冇。仲話咩調檯調唔到嘅啦，個場full哂。真係極度受氣餐廳，没有之一。錢就識收，完全冇服務態度可言。我俾咗錢嚟消費，仲要睇d咁嘅面色，冇心做不如收檔啦，直接。不過如果有人鐘意俾錢買難受可以一試

✨英式全日特餐（$65）食物包括有原條炸魚柳、牛乳炒蛋、薯餅、辣肉腸、迷你碎蛋牛角酥、沙律菜。炸魚柳大大條，仲有兩條。牛乳炒蛋好嫩滑，辣肉腸唔會太辣，迷你碎蛋牛角酥超鬆脆！不論作為午餐或者下午茶，呢個全日特餐都夠飽，而且CP值好高。

亦係因為小红书嘅威力，令紅豆冰室成為紅茶冰室的翻版👍🏻11點前餐廳內已經坐滿十成客人，有九成半都係遊客，好好彩仲有半個卡位俾我。餐廳裏便嘅環境都幾污煙漳氣，有客人喺度食緊隔籬舖頭買嘅炸大腸，地下都有唔少嘅垃圾，餐牌拎上手係黐立立，如果唔正視依啲衛生問題，客人應該唔會再幫襯。我都驚驚地所要嗱嗱聲要個包+杯茶菠蘿紅豆包拎起手係凍嘅，菠蘿皮稔左，不過就肯定唔係空氣包，裏便嘅紅豆份量都唔少，整體都唔算好甜，ok嘅至於杯奶茶，我俾佢幾高評價，溫度足茶味夠，奶和紅茶嘅比例唔錯，口感都好滑。

一：環境衛生一般。隨便搵間茶餐廳打發時間，就入呢間茶記食啲野。安排獨家村位置，旁邊就擺住一箱箱既野飲，雖然但是一條人食野，順便打發時間坐邊都冇所謂啦。二：店員冇咩禮貌。我唔知係我理解能力差，定係我講野有問題，定係香港文化變左，凍齋啡我以為真係齋咖啡，點知會有糖漿，真心好甜。飲落又酸又甜，要求換都正常啫。職員仲話你都冇講，齋啡係咁架啦，你都冇話要走甜，咁你唔問多聲我要唔要甜。而且店員會趕客，又冇人等緊位，我又未食完，你事先又冇話同限時間既，坐左一個鐘多啲就趕人走，真心火都黎。麻煩請人離開態度好少少，感覺仲差過澳牛，sorry澳牛冇惡意。三：食物質素差。麵包軟冧冧，咸牛肉係酸左變質既，唔好懶落芝士度。嬲飽左，食唔曬我都冇咁好氣換。以上只係個人酸言酸語，如有得罪並不會道歉，係咁。

去開旺角，順便買lunch返公司食，見到呢間，諗住求其買個外賣， 帶子意粉好有驚喜，味道超水準，估唔到茶餐廳的意粉咁好味,下次有機會去開果頭 再試吓其他食物先。 值得讃。

普通茶餐廳既晚餐時間唔係碟頭飯🥘，最多就係加多樣鐵板餐，所以平時我好少會夜晚食茶記，覺得太頹😂 但旺角呢間冰室反而係茶記價錢，cafe既餐單！連我呢個對茶餐廳一般既人都會想再翻”卓”😝推薦指數：🐷🐷🐷半（5分滿分）🍫朱古力漏奶西多士 𝐇𝐊𝐃 36為左佢，我會再翻撻🤣 IGable得黎仲好好味！西多士上面鋪滿朱古力粉，切開花奶就會漏哂出嚟🤩 流心效果好睇又好食😋🥩蜜桃焗豬扒飯 𝐇𝐊𝐃 68呢個好似係晚餐先有，係常規menu就唔見有，不過我諗只係將番茄轉做水蜜桃（不過係罐頭既）豬扒飯正常發揮，唔會太乾太韌🥚日式玉子鰻魚飯 𝐇𝐊𝐃 72滑蛋幾滑嫩，原條鰻魚加甜燒汁，好好肉但味道普通😂🥫餐湯揀左羅宋湯，酸酸地仲有小少辣，開胃☺️ 奶茶茶味幾濃👍🏻環境：整體用白色做主調，開揚乾淨

叉燒飯的叉燒好多肥肉 完全吃不了 而且炸豬扒好多骨頭和肥肉 雖然吃得飽 但是味道很一般 服務員態度一般 忙的時候要跟陌生人同桌 很尷尬 本地香港人表示下次再也不會去了完全是給社交媒體網站忽悠過去的

📍紅豆冰室🇭🇰 旺角西洋菜南街2W及2X號地舖之前都見過好多人介紹 又見成日排長龍！一直bookmark咗 終於有時間去試😋 朱古力漏奶西多士 $38真係ok嘅 真係爆漿 都幾好食西多都炸得ok 只係我個人比較prefer西多士一定係夾糖漿同花生醬🤣😋 菠蘿包 $8最近真係好少搵到好味嘅菠蘿包🥹見佢大大個又金黃色就試下都ok喎 皮幾脆 麵包鬆軟😋 瑞士汁雞脾撈出前一丁 $58+$5啲麵煮得啱啱好 雞髀都係 入味！個牛角包有烘過都OK個炒蛋有驚喜好滑又奶香味總結 其實食物質素係唔錯但係服務同環境衛生有問題staff唔太知發生咩事同埋好多烏蠅

職員冇禮貌，見到你當睇唔到，剛剛下單的飲品話已入機不可改，職員態度超差；繁忙時間四座卡位兩個人坐一邊，張枱很小，同唔識嘅人坐埋一齊中間又冇板隔開，基本上四個人的食物足黐埋一齊，衛生環境差，不會再去

話說之前同朋友嚟食過蔥油蛋雞扒飯見佢嗰個飯好似好吸引咁，所以今次再嚟過點知經歷咗一場曱甴爬上身體驗同朋友食食下飯呢邊廂仲講緊卡位啲櫃桶條邊咁大好易有曱甴走入去一分鐘都唔夠見到有隻手指公咁大嘅大強喺我朋友背脊出現我大叫一聲收銀見到我朋友即刻fing 落地踩死佢問下啲員工點算佢一句講話史偉莎尋日嚟咗個廚房仲好快手踢出門口我想像唔到，如果女仔遇到嘅話會點其實係咪有得報衛生署完全一句道歉都無我真係祝你生意興隆客人身體健康

今日去附近上堂所以去食午餐叫左個全日早餐份量好多，68蚊算抵食叫熱咖啡唔俾奶另上，不過侍應姐姐都好好幫我remarks少少奶食物方面，炸魚柳覺得有少少好似炸唔透咁，件魚有少少韌而唔係散，可能見識少又或者魚種唔同掛個牛角包夾碎蛋沙律有啲奇怪，明明牛角包就食空氣感，加上碎蛋沙律就太重太濕好heavy整體食物好足料我都食唔晒，但衛生問題可改善，第一好多烏蠅，第二食緊中途見到有米奇，希望店家可改善唔好置之不理啦

不吐不快…一心諗住去餐廳食件西多，嘆杯咖啡，見呢間野開喺咁旺嘅位都一段時間，就諗住入去試試佢，點知冇睇OpenRice 就出事啦…我下午茶餐叫份西多，佢係咩漏奶西多，聽個名幾吸引，點知嚟到真係嚇親 ，個西多好似就咁淋左d美6定阿華田奶上去咁，一切落去就流曬落隻碟，完全唔掂，同我自己喺屋企開杯美6再買片方包浸落杯奶度冇分別🤦🏻‍♀️ 真係好失望囉 ，冇諗過一間冰室整西多都可以整到咁嘅質素🤦🏻‍♀️ 仲要唔平嫁，好似要$4x。其實好食我真係唔介意比貴d 但咁嘅質素都收$4x就真係好唔值另一個朋友就叫左碎蛋牛角包，個牛角包嚟到係扁嘅，好似係唔新鮮咁囉，味道就唔講啦，唔新鮮嘅野會有幾好味🤦🏻‍♀️而店員嘅服務態度都好有待改善，我同朋友一個叫咖啡一個叫鴛鴦，店員擺低杯野飲又唔講係咩野，唔通我同朋友要一人啜一啖睇吓係咪自己杯野唔岩先比番對方？雖然我知自己唔係食咩高級餐廳，但今時今日咁嘅質素真心唔明點解仲未被淘汰🤦🏻‍♀️