紅豆冰室 (康怡廣場北座)

Revisited here twice with my family: first during lunch hour, second during afternoon tea time. .For the first visit, I ordered the Sichuan Noodles with Spiced Beef. The spicy aroma was quite intense and on point. The beef was slightly soggy and the soup was a bit greasy, but the noodles was springy enough. My mom ordered Char Siu & Soy Sauce Chicken with Rice. She mentioned that both the char siu and chicken were nicely marinated. For the second visit, I ordered Roasted Pork Belly with Vermicelli. The pork belly had a crispy orange skin and was not fatty at all. The ratio of meat to fat was quite balanced. My sis ordered Rice with Scrambled Egg & Char Siu in Japanese Soy Sauce. The char siu was meaty, and the scrambled egg and Japanese soy sauce complimented the char siu and chives well, creating a savoury combination. My dad ordered Pork Chop Bun with Fruit Salad, while my mom ordered Fried Spaghetti with Shredded Beef & Black Pepper. Not sure about the flavour coz I didn't try them. .The food variety is diverse, yet the prices are on the higher side. …查看更多

附近醒X冰室執左之後，終於搵到下午茶餐牌有焗肉醬意粉嘅茶餐廳…環境平時兩點幾經過紅豆，一定勁多人。呢個星期六四點幾黎到，唔駛拎飛，直接入座，原來入面超大超多位。都有幾多二人位，但坐落都有啲迫，肥少少都唔舒服，想放袋都難，要留意返。下午茶選擇超多…焗肉醬意粉我冇諗過咁大份，明明肚餓，最後只食到三分之二，好抵！！熱奶茶少奶落單有個人化選擇，但我就覺得呢杯冇少到奶…見到人地凍飲係黑白牛奶保溫杯，非常好～單骨雞翼我見可以追加小食，就揀咗雞翼。如果知道意粉咁大份就唔會加。雞翼睇落去好乾，但食落又幾脆幾好味。氣氛好多人，座位之間都幾近，都幾嘈，個feel似去咗茶樓多啲。服務人手充足，上食物速度好快。總結1- 下午茶好大份好抵，仲做到六點。2- 如果出爐麵包有叉燒酥就好。…查看更多

行完Aeon，剛好三點多下午茶時段，間間餐廳都排長龍，因餐廳地方大，等咗5分鐘左右就有位，so luck。被餐牌份開心果漏奶西多士圖片吸引咗，就叫一份+齋啡，另外點咗脆皮生炸雞脾+凍檸茶，蔥油雞扒煎蛋飯+齋啡。西多士流心，不過不失，炸雞脾D皮真的脆，肉質不太亁，蒽油雞扒D肉都軟，蔥油都恰到好處不太鹹，食物整體OK。飲品正常，為獨杯咖啡用紙杯有點怪怪地。下午茶A餐好似只係$29（擔心記錯😅)，今時今日都算抵。第一次去這店，叫比杯水，回應一句自助斟水，新式茶記風格無服務，但態度算ok。地方乾乾淨淨。…查看更多

今晚同屋企人去食飯，叫左個蒸魚餐。個餐包兩個餐湯，等左15分鐘都無就問下佢地叫佢地跟跟啦。又過左10分鐘番黎話無晒。我問咁打算點，佢開頭話下次黎補番俾我，我話下次你都唔認得我啦。咁然後佢話打電話問公司，又過左10分鐘，佢番黎同我講話公司話減12蚊。我話一個餐湯散叫都24啦，你兩個餐湯無左就咁減12蚊？佢話公司係咁講。咁我無謂同佢嘈啦。不過想係度講番，咁樣做生意令人唔開心囉。啲野食幾好食都無用啦，又漏單又唔一早同個客講。…查看更多

頭先肚餓去買飯食，排隊前面等成5個人，輪到我時，揀好咗食咩，問一問下午茶同 單叫分別，個收銀無答我之餘，仲叫我行開諗清楚要咩先叫，唔好阻到後面啲客，咁唔通我唔係客？叫我諗清楚食咩，一早已經講咗要食咩la..最重要係做緊我張單，唔係做埋先，而竟然係做另一啲客，叫我等陣先！？以後唔會揀食呢間嘢…查看更多

食物質素叫OK啦！不過不失的茶餐廳！20/6/2025 星期五晚先去食完個鐵板餐 唔錯嘅！入面有個阿叔輩 講嘢粗聲粗氣 都算了 有對講機唔用 大大聲嗌 同前面櫃台阿姐 叫人入嚟坐 真係幾嘈幾煩氣。後尾有改善到啦 冇咁大聲嗌 叫做好啲啦！今朝 22/6/2025 早上 9點鬆啲 左右去食早餐 叫咗個榨菜肉絲米粉配多士蛋同埋香腸 我平時就會嗌煎熟蛋 今日我就嗌咗個炒蛋 我記得蛋嘅份量應該係兩隻 而今日個炒蛋我覺得好少 所以就問嗰個粗聲粗氣嘅大叔 你哋個早餐配蛋係一隻定係兩隻㗎？佢答我嘅時候都有啲口窒話係一隻。OK fine，你答一隻 我照食！前前後後啲阿姐推住架車仔送餐嘅時候 俾我見到其實個餐係跟兩隻蛋㗎！欺騙顧客！堅係嬲！你老實答我兩隻蛋 我都冇咁嬲 你話炒蛋個份量係咁多 我條氣都順啲！其實啲姐姐服務態度好好架！係嗰個個子唔高粗聲粗氣嘅阿叔真係好差！唔會再幫襯紅豆冰室！…查看更多

晚上打算去食，又唔開QR code,叫極d 待應都當睇你唔到，再唔係就叫你等等。個待應明明見到都唔應你。最後起身走人啦，就係度話咩我幫你呀！不知所謂的垃圾餐廳，以後不去！…查看更多

紅荳冰室無論咩時段，個menu都有好多選擇，而且食物質素都幾好。今日食咗碗🐔玫瑰豉油雞米粉，嘩，個賣相幾好喎，豉油雞食落幾滑，拼埋個🧋椰汁紅荳冰，紅荳淋淋的起到沙，幾好飲！如果椰汁更濃味更好飲。本來好想飲蛋白杏仁茶（之前飲過真係好好飲的😋），但最近在午餐/晚餐時段都無得叫了，係咪廚房唔再做呢？可惜！🥲再坐多陣，朋友到，叫咗個餐，有例湯、飯（無影相），原本叫咗個中湯，但最後廚房話無哂湯，個女侍應主動話補番杯飲品俾佢，咁佢就叫熱奶茶，轉個頭有位男侍應（應該高級d) 就話無得咁樣補嘢飲，但朋友話叫餐時職員無話賣哂湯喎，個男士就話無哂湯都無得補嘢飲，我補充話係呢位女侍應主動話補番嘢飲俾佢才叫奶茶，最後男職員有點無奈，然後算了，再話下次唔可以補飲品（朋友有點唔開心，其實唔係女侍應主動話補俾佢，佢都無諗住叫飲品啦😥，何況1杯奶茶唔係俾唔起錢，而家講到好似呃/投訴番嚟咁），希望職員服務態度可以好少少，職員的做法可以一致d免引起誤會，跟餐的例湯無哂可以先同客人講聲，讓人可以另有選擇或加叫飲品。…查看更多

之前幫趁過一次, 食物質素一般, 叫了個炒飯, $67, 熱飲另加$6  上菜時間合格, 掃code自助落柯打, 所以無服務可言, 可以說是一間快餐店式, 但有人遞上食物的冰室/茶餐廳, 以這種服務來說, 價錢偏貴. 今日傍晚, 見佢在地鐵站隔離, 貪佢就腳, 再去一次, 點知坐低之後, 啲伙記行來行去, 冇人攞杯水同QR code 比我落柯打(要有個code先落到柯打),  我等咗十分鐘, 依然係咁, 起身走人, 拜拜.   上樓上大快活, 快靚正. 唔怪得晚飯時間, 都係得一半滿.…查看更多

去睇戲前先食個下午茶，選了紅豆冰室。店舖寬闊，光猛明亮，下午茶時間，店內有不少食客。選了招牌菠蘿油套餐，本來以為是否漏了塊鮮牛油，因為賣相有別於平時吃的菠蘿油，沒有夾著厚厚的一片鮮油。一咬開菠蘿包，才發現內裡塗滿了溶化掉的牛油，牛油味好香。菠蘿包外層微暖，包身軟熟，酥皮面層夠酥脆，好吃。雖然牛油深藏不露，卻又不失為一隻好吃的菠油。燒味下午茶，燒味4選1，選了馳名靚叉燒配瀨粉，叉燒份量合理，厚薄適中，軟稔易咬。瀨粉夠多，口感爽滑，食完夠飽肚。茶走的茶底不會澀，帶奶香，夠滑又不過甜，味道不錯。紅豆冰室的下午茶餐選擇充足，出餐快，食物夠熱度，味道不錯。…查看更多

下午茶時段,一张四人枱可安排三組客人,送餐的配合唔到,放底就算. 失望加混乱.今時今日,伙記配合唔到,唔好攪咁大,做好服務,做好香港飲食.難怪越黎越多香港人要北上搵食.就係你做成.…查看更多

平日睇完醫生過黎食午餐，位置方便，大量卡位，叫左午餐C xo醬雞柳炒公仔麵配白湯(羅宋賣哂)加杯凍飲71元。炒麵到左，賣相一般，因為炒到全部碎麵失望，味道中規中矩，白湯係用罐頭菇，你預係白汁雞王飯既白汁味，服務不過不失正常茶記發揮，價錢偏貴，隔離焗飯望落好食d。呢個價錢配呢個質素感覺一般，有其他更好選擇。…查看更多

幾次去開果度都見經常要排隊，時間唔夠冇入過去，今次㩒飛等左一下，好快有位， 叫左個下午茶蔥油豬扒飯，哇，件豬扒大到呀， 最緊要係咬落鬆軟，味道剛好，唔咸，配埋蔥油，正到呢， 另外叫左2個小菜， 真心有驚喜，好過酒樓食，好味，最重要係唔咸，味道又香，2個人全部食曬。 茶記嚟講，咁嘅水準都算少有， 有啲茶記好食物，但冇咁多款食物選擇，呢間茶餐廳又大間又多款式，見隔離枱食緊燒味飯，啲雞，叉燒賣相都好靚，下次試吓食燒味先。…查看更多

With the opening of this Cha Chaan Teng in Kornhill Plaza, my family decided to give it a try. .I ordered Daily Meal: Instant Noodles with Spring Onion Chicken Chop. It was served with Scrambled Egg with 3.6 Milk + Bun. The chicken chop had a crispy skin and tender meat. The instant noodles were quite salty with the spring onion and a bit oily. The scrambled egg soft yet firm, and the milky bun contained some raisins. .The resto offers a wide variety of food options, and has a long opening hours from 07:00 to 23:00. Although the price of the food was relatively high for a cha chaan teng, the taste and the portion of the food were fair enough. …查看更多

康怡金記 真係唔好食 但都成日滿座 ，敏華選擇小 係為咗杯奶茶先去，最近好開心試咗紅豆， 早餐選擇多， 試咗幾樣都幾好食， 沙爹牛肉就普通， 下次想試埋佢啲麵包、 下午茶同晚餐， 見到網上評論佢哋啲服務員態度差， 但我 一路都係去食早餐 啲職員態度都好好喎， 唔通唔同更職員唔同？…查看更多