紅葉茶屋 (奧海城二期)

營業中

休息中

今日閨密聚食完lunch都未傾夠行過見到呢間紅葉茶屋見到裝修幾靚又有甜品食就入左去職員幫我地安排左玻璃窗既位置見我地個個一袋二袋仲俾左啲籃我地擺埋野餐牌甜品主要日式甜品為主但因為大家都中意食蕨餅又想食雪糕叫左4個抹茶蕨餅新地 1個士多啤梨朱古力新地抹茶蕨餅新地有蕨餅，紅豆，抹茶雪糕球同黑蜜士多啤梨新地有藍莓，士多啤梨，朱古力雪糕球好彩份量唔算太多，都食得晒見佢主食都幾吸引，下次聚會可以黎試下

今日百無聊賴，行經奧海城（其實之前都過幾回），見到呢度門面光猛，餐牌款式選擇也多，就決定一試！餐廳有主食，甜品，飲品，花多眼亂，最後我點了一個鹿兒島黑毛一口和牛定食，加冰蜂蜜薑紅茶一試賣相和之前網上留意到的一樣，相當的精緻，最別樹一格的係，有一個小小的紅葉🍁瓷器，輕輕地盛裝著青蔥，呢個小小瓷器非常的吸引到我🤣如果可以擁有到就好了！！食品味道都可以的，呢個一口牛吾會太「孩」，有口感，個汁帶有酸味🤭我也引吾住添加了兩碗白飯，定食中附上麵豉湯，如果有埋豆腐粒就完美啦！杯紅茶好岩我口味，蜜糖加上薑，潤心潤肺（可能熱的效果好啲，但我吾飲熱野🙈）最後，我想試埋甜品，但肚子吾爭氣，太飽了，唯有下次再試！

Sunday afternoon，和家人到奧海城二期Market Place by Jason入貨，主要是買晚餐的食材，weekend free parking要消費港幣600元，超市的不夠！找個地方吃甜品！我本來想吃蛋糕的，但我姊未吃午飯，她建議到紅葉茶屋，有簡餐有甜品，可滿足３個人不同的願望！#抹茶蕨餅新地，我吃這個，賣相吸引，抹茶雪糕、紅豆蓉、蕨餅、脆筒，豐富又好味的配搭！吃得滿足！#牛肉壽喜燒定食，牛肉肥瘦適中，配很多蔬菜，均衡之選！#吉列豬扒蛋丼，豬扒外脆內嫩，讚！

成日係屋企食到悶悶地又要買番少少生活用品，就去附近商場奧海城行下。Shopping 完一袋二袋行過呢間紅葉茶屋，裝修幾日本風味。望望menu 原來有拉麵有烏冬有定食，lunch有得加錢試野飲幾抵咁就決定試試佢。去到個待應姐姐見少人就俾我坐卡，Lucky。見到茶漬飯幾吸引，呢期廢事食生野但又想食三文魚就俾我發現到有照燒三文魚，一見到就叫左。（好似都好少地方有？）嘩一黎到真係好日本feel 哈哈，前菜荀條？同芽菜酸酸地幾好食個三文魚都幾大舊幾抵食，D 汁岩岩好份量同飯一齊食岩岩好本身仲想食甜品但原來幾飽下，下次同埋朋友黎先食都係

自己一個夜晚系奧海城搵食，經過見到呢間食日式定食既餐廳，環境同食物價錢都ok，就決定一於試下呢間餐廳🙈主要食日式定食，我叫左個滑蛋豬排飯定食，咁岩佢做緊推廣加$38就有兩款小食加杯柚子密，就決定加埋佢，就揀左豆腐雜菜魚餅同黑糖厥餅。定食份量都叫合理，佢話系用日本蛋做既滑蛋再加埋日本珍珠米，食落味道都唔錯。細心位系佢既豬排系炸完放系啲滑蛋汁既面頭，所以食到尾啲豬排仲系好脆口👍🏼值得一讚既仲有啲豬排一啲都唔鞋口，又唔會食到雪藏味，雖然吉列既炸皮有啲厚，但食得出佢有認真處理過塊豬排，炸得又香又脆。定食仲連埋一個雜菜湯同兩款前菜小食，整體份量都唔錯。埋單大概$140，價錢都叫合理，服務既質素都幾好，侍應好有禮貌，值得一讚👍🏼

出開去大角咀去左行奧海城，見到呢間紅葉茶屋裝修幾別緻就入左去食，原來係日本都有分店，餐牌主食以定食為主，嗌左個鹽燒鯖魚定食$88，鯖魚表面煎到少少脆，但個肉又唔會乾，加埋拌碟嘅檸檬汁好開胃，仲有個菜湯送下飯。17:00前有幾款飲品會做優惠價，其他餐品都可以揀，但就要跟原價減$10，優惠價嗌左個凍玄米茶$12，味道清清地但玄米嘅香味好重，下次想試下佢地啲抹茶特飲，佢啲特飲同甜品好似都幾吸引，今次食完個定食飽左9成試唔到

奥海城二期這間發源自日本鎌倉的「紅葉茶屋」，是繼旺角 TOP商場的第一間香港分店後的第二間分店。這次光顧，我覺得它的食物質素，只是一般，未見出色。吃的是午餐，點的是餐廳中肉定食系列的「牛肉壽喜燒定食」（$98）。這定食雖是餐廳的紅葉推介之一，試過後，就覺得不外如是，與其他日本餐廳的壽喜燒相比，並無過人之處。這定食是配「野菜豚肉湯」的，湯清清的，味道雖足夠，卻無特別。定食中的兩款配菜，不過不失，不特別好，也不特別差。主角的「牛肉壽喜燒」，賣相倒是不錯的，材料看來也幾豐富。帶甜的湯，正常的味道，把附上的溫泉蛋倒進去，與牛肉、冬菇、豆腐、洋蔥等撈勻一起伴飯吃，飽肚，但以差不多一百元的價錢，性價比著實不高。

見奧海城有新開店舖，不如就入去試吓啦！呢間鋪，試一次便夠！我叫咗個一口和牛定食，朋友叫咗個豚肉拉麵。首先，我個定食嚟咗，我食到一半嘅時候見朋友碗拉麵未到，見隔離枱遲過我哋落單嘅吉列豬扒定食都到咗，我就決定追一追單，位侍應姐姐就話幫我跟一跟 。佢去到廚房門口問：仲有碗麵呀！廚房回：吓？侍應姐姐笑住答：你唔知咩？跟住行過嚟回我哋：嚟緊㗎喇！到隔一陣，我都食完喇，位侍應姐姐仲嬉皮笑臉叫入廚房話：人哋食完喇，你出得未呀？（其實當時餐廳唔多人，基本上佢講完果句全餐廳都聽到）講完態度，講番食物。個一口和牛定食附送湯同前菜 - 個湯一飲就係大量味精溝水，飲咗一啖我就成晚都口乾到爆。兩個前菜一個無味，一個勁咸。到個一口牛，啖啖都咸到暈，所以個定食我最快食晒嘅係碗白飯。至於碗拉麵 - 其實係超市買任何一種即食拉麵返屋企煮都好食過佢。

環境黎講，坐卡位嘅話都算坐得闊落，但係如果坐普通枱嘅話可能會有少少迫，但係整體來講個環境都係乾淨嘅。我自己就叫咗個海鮮茶漬飯，賣相一流，個飯仲包左兩個小菜，有啲冬菇豆腐等等,味道正常。海鮮茶漬飯可以有兩個食法，一係就咁食好似刺身飯咁樣，一係就加埋佢比你嘅湯倒落去好似茶漬飯咁食。我個人就覺得刺身飯啲飯太熱，同埋冇咩醋味，令個飯食落唔係太好食。而啲刺身都一般般，吞拿魚刺身完全冇咩味，口感都好硬，感覺唔係好新鮮。三文魚就比較正常，但係如有味都唔係話好重，甜蝦同三文魚子喺入面最好食嘅。如果當係茶漬飯咁樣食嘅話，我自己覺得就唔係幾夾，同埋個飯量都係偏小，男仔食可能唔係好夠食，如果以$109呢個價錢就唔係幾抵食男朋友叫咗個牛肉壽喜燒，呢個就好食好多，同埋牛肉嘅份量都幾多，壽喜燒湯底正常，佢仲會俾埋隻溫泉蛋你當係醬咁點嚟食，抵食好多。

係奧海城行左幾圈，唔知食乜好😣見到呢間門面同店內環境都幾好，就試下啦溫泉蛋卡邦尼烏冬 $79一上菜賣相唔錯，而且熱辣辣，出哂煙🔥諗住一定好好味啦，點知中伏啦😵好多醬汁，但好稀好水，成碗湯麵咁，食落淡茂茂，完全無味道。烏冬都算彈牙，可惜無味，只勝在夠熱😢朋友叫左吉列豬扒定食，豬扒鬆散，都係唔好食😟定食有個湯，入面有條毛😰反映後都換左碗俾佢👌🏻其實環顧四周，大多數顧客都係點甜品🍮，唔通呢度食甜品先正路😳？會唔會再黎試甜品？不了😟

因為工作關係，一個星期都有幾日會係奧海城出沒，食food court 已經食到悶。。。上星期因為要OT，同兩位好同事係奧海城醫好肚先再搏殺～見到二期新開呢間主打日式茶漬飯同定食嘅餐廳，價位合理，每個set 都係大概$80至$100，一於入去試吓～我地分別叫左3個set，分別係炸雞定食、鰻魚茶漬飯同三文魚丼茶漬飯。份量都算大份，味道正常，係奧海城都算係一個可以休閑食個飯嘅地方，起碼唔洗迫Food court 先，可以一試～

今日同老公去奧海城行街順便用餐， 係冇選擇嘅情況底下我揀咗呢間， 之前喺日本鎌倉都試過，心諗應該唔會好差嘅！點知入到去就出事啦1）叫咗個四色刺身飯、三文魚飯，新鮮程度一般，甜品都唔係太過特別！同喺日本相對比相差甚遠！2）值得一提嘅事係侍應生服務態度超差，入坐期間見到隔離枱有人埋單，顧客對賬單有疑問🤔️個女待應不單止沒有幫忙去解答，仲鄙視客人，然之後到我哋叫佢哋加熱水嘅時候，佢哋話沒有表現出殷勤嘅服務都算啦，仲比面色比客人睇！總括，我覺得呢一個價錢咁樣嘅服務質素一啲都唔值得，唔會再幫襯第二次

Happy Friday諗住試啲新野食，前排知道奧海城開左新餐廳，今次就首先黎食依間紅葉茶屋。佢中午無特別lunch set，淨係得主餐牌，如果係咁我覺得食晚餐會抵啲因為一樣價錢。餐牌主食普遍都要$70幾蚊以上，定食就要$80-100幾不等。我叫左個吉列豬排滑蛋丼定食($84)，諗住應該都比較穩陣。個定食有附兩個漬物前菜同埋碗湯。湯嘅胡椒粉都落得頗多，有啲重口味，同埋佢啲前菜都幾鹹下，我食左兩啖就放棄左。至於主食，賣相睇落都正正常常，不過一夾啲豬排，皮同肉好容易散開哂，成碗野基本上都食唔到一塊完整嘅吉列豬排。佢啲肉就煮得好淋，但係覺得淋到好似唔知食緊咩咁。雖然個丼飯分量都唔少，但係依個價錢比咁樣嘅質素真係有啲失望，唔建議叫依個吉列豬排滑蛋丼。下次如果仲有機會再黎食，應該唔會再叫主食，會想試佢啲甜品多啲。

茶漬飯可一試拉麵不敢恭唯6/10一向喜歡吃茶漬飯， 於是對這新開的過江龍滿有期待。這裡當然不只提供茶漬飯，但肯定是主打之一。我們點了豪華海鮮茶泡飯, 鐵火茶漬飯, 黑麻油拉麵和腐皮烏冬。蠻有特色的是茶漬飯可以加錢選鯛魚湯或蝦湯。我們兩款都點了。不一會食物都到了。鯛魚湯確實是蠻鮮甜的, 與海鮮茶泡飯蠻襯的。蝦湯味道帶有咸香,味道相當濃郁。雖然飯粒偏硬, 但配料都算頗新鮮，沒有欺場。留意到鰻魚茶漬飯的吃法基本上就和名古屋的鰻魚飯「櫃」一樣, 即先不要下湯吃,然後加配料再吃,最後才加湯來吃。好像挺有趣。黑麻油拉麵則不敢恭唯, 湯底鮮味很薄弱, 麵條亦太淋。整體來說,兩款茶漬飯都是誠意之作,不錯的。烏冬亦不過不失。可以一試。

奧海城店舖租約又洗牌，繼家上海後，又一新食店進駐，今次是以日式料理加綠茶甜點為主的紅葉茶屋。店舖裝潢簡約，全店以柔和的淺木色為主調。餐廳範圍不大，檯椅擺放比較擠逼，但感覺仍算得上舒適的。細看餐牌，選擇還算多，定食，刺身，烏冬，甜品，應有盡有！壽喜燒定食：以牛肉為主的定食，配上大蔥，豆腐，菇類的蔬菜，混合偏甜的醬汁一起煮，味道不錯，但整鍋不夠熱，扣少少分。壽喜燒會配上偏生雞蛋食，但我個人比較不喜歡，所以浪費了一隻蛋。鹽燒鯖魚定食：鯖魚燒得好香，魚肉新鮮不帶半點腥味，好難得👍🏼海鮮壽喜燒定食：醬汁味道跟牛肉一樣，只是主材料不同。海鮮份量豐富，款式多亦新鮮。香辣牛肉烏冬：香而不辣，配上烏冬其實這辣度剛好。牛肉比壽喜燒鮮嫩，份量多。整碗烏冬味道不錯。每一定食均配有兩小碗漬味，味道清爽，讚👍🏼四個sets也只不過$397，算是性價比高。