紅茶冰室

鮮茄焗豬扒飯是一道經典港式美食，豬扒厚實多汁，外層焗得金黃微脆，味道酸甜適中，非常開胃。米飯吸收了茄汁的精華，軟硬適中。菠蘿油則是港式茶餐廳的必試小食，鬆脆的菠蘿包搭配厚厚一片冷凍牛油，熱包的溫度慢慢融化牛油，香味濃郁！紅豆冰就👅普普通通！…查看更多

下午茶念唔到食咩就會來食紅茶今日外賣豬扒包加薯角留心西多士奶油豬買到返去豬扒包個包比較硬身現場食會好D留心西多士都係食返傳統嘅西多士好食啲喎奶油豬焗到返屋企個包皮都係比較韌啦…查看更多

干炒牛河，一上台就闻到阵镬气，明显系即点即炒，镬气够晒香。豆芽放得好多，咬落爽脆多汁，中和咗河粉嘅油润。最惊喜系牛肉，块头够大，分量又足，啖啖都有肉香，真心推介！​咖喱吉利猪扒饭都系必食之选！猪扒炸得外脆内嫩，外皮卜卜脆，里面啲肉厚身又 juicy，咬落超满足。咖喱汁调得岩岩好，唔会过咸，香料味好浓郁，送饭一流。里面仲有炖到腍腍嘅土豆，吸晒咖喱汁！​菠萝油配红豆冰套餐都好有惊喜，热辣辣嘅菠萝包夹住冻冰冰嘅牛油，一啖咬落去，冰火交融，外皮酥脆带住牛油香，甜而不腻。不过男友话食一口就觉得滞，我就觉得啱啱好，可能每个人口味唔同啦。总体嚟讲，呢餐真系食得好开心！…查看更多

晚餐主食食完，啜咗兩啖嘅凍奶茶，想抖下飯氣，待應就立即過黎收碟，清理一下現場非常好，但我同太太嘅飲料都一齊收埋，仲有大半杯未飲，之後我望住佢，佢問我「你仲要返呀？」你都成隻手指插咗落去仲点要，成枱吉哂即係俾訊息我要立即消失一樣，成個晚餐只用咗唔夠20分鐘就要強迫起錨，又打劫咗我加錢嘅凍飲，真係。。。。…查看更多

第一次嬲到要寫食評既餐廳，食物質素普通，茶餐廳味道，服務差到離譜，其實係冇服務。連垃圾餐廳都不如，負評。侍應不斷趕客，坐下秒速要落單，不能思考兩秒。所有侍應態度差是絕對的事，問多一句，一位短髮女侍應已經黑臉，又串，自己做錯野仲要話你。未放下刀叉已經過來收走枱上所有東西，連清水紙巾也要清走，想呼吸一秒也差點被趕走，我以為自己參加左鬥快食野比賽。勸告各位想安靜食一餐飯，千萬不要來！你估你食野快定侍應收野快？！…查看更多