紅城

營業中

休息中

幾次經過都見唔少人，都想試，今次黎到灣仔專登黎試下水準如何。初時以為佢無下午茶，不過唸住都入去試下，座位都好迫，但見長期都人多，搭左張細枱，好在唔係叫茶餐，唔係都無乜位放嘢。唸住食完即走，唔緊要啦！一用手機嘟QRcode，估唔到咁多選擇，下午茶都已經好多款式。本來見人食公司三文治都幾吸引，不過就無餐嘅，跟住見到呢個酸辣蝦炆烏冬，都想試下炒嘢或炆嘢類，就叫左。一黎到，見到D蝦，心唸，童叟無欺喎，幾大隻，仲要有成4，5隻。個酸辣我可以接受， 太辣我都真係唔掂。烏冬可以再爽D，但唔林，算唔錯，份旺無異係下午茶，細細碟，ok啦！店家好貼心，因為我又唔想飲凍嘢，又趕住走，佢一點餐已經可以外賣杯上，good呀，叫左杯特濃朱古力take away。五十零蚊個下午茶，本來唔抵，但質素頂返條數。後註，杯特濃朱真係好濃，以茶記嘅朱古力呢個有7.5分。

去灣仔唔知食乜好所以求其去咗紅城食個午餐。由於午餐時間所以紅城需要排隊，條龍都好長。入到餐廳雖然有好多午餐可以選擇，但係好似唔係好啱口味，所以都係叫咗個乾炒牛河加杯凍檸水乾炒牛河一入口味道唔算好鹹有啲偏淡口但河粉勝在夠爽身食落都唔錯，可惜牛肉份量好少同埋牛肉食落冇乜味道好似未醃咁，整碟牛河都偏油食一半就食唔落。午餐時間個個侍應都好忙，所以冇乜服務可言不過叫做價錢合理，當諗唔到食咩嘅時候可以簡簡單單咁樣解決一餐。

已經唔係第一次食，覺得灣仔紅城d食飯都唔差，今晚又再去幫襯，一樣係要QR Code落單，太多選擇都唔知叫咩食好，就試下佢個咖哩啦。咖哩都有好多選擇，有咖哩牛，咖哩雞，咖哩吉列豬扒，最後揀咗咖哩吉列魚柳。魚柳即叫即炸，炸到黃金色，炸粉唔厚非常香脆。可以跟意粉或飯，咖哩汁唔辣，好香椰奶味，撈落去意粉度食真係一流，仲有幾舊薯仔，真心唔錯。地址灣仔莊士敦道22號York Place地下2號舖灣仔港鐵站B2出口，步行約5分鐘

位於灣仔既紅城 好大個招牌好容易可以見到 偶爾經過過嚟食個下午茶 竟然見到餐牌上面$12.一隻花雕鮑魚 好似唔使賺錢一樣 係唔係都嗌咗一個先 上菜嚟到竟然花雕味十足 後來看到餐牌原來有好多花雕類的產品 應該這個汁是他們師傅的招牌 另外下午茶餐有一個炸饅頭 竟然可以選擇配煉奶或者咖喱汁 雖然我有啲冒險嘅心態，但係覺得佢寫得咖喱汁應該都OK 姑且叫咗一個試吓 竟然原來好夾 極力推介嘗試至於芙蓉蛋飯不過不失 就係一個普通嘅芙蓉蛋飯加咗啲泰式肉碎 少少辣咁樣 店裏面整體乾淨 比較差的，就是因為沒有洗手間

經過見到呢間餐廳燈光通明，覺得幾幾好就入去試吓，坐位夠多夠闊，坐得好舒服。坐低咗係卡位，店員亦馬上遞上餐牌。餐廳好多選擇，除咗晚市中式小菜，仲有西式晚餐，亦都有好多東南亞美食。掃碼下單，版面清晰方便易用。叫咗個菠蘿海鮮炒飯，可惜無跟餐湯同飲品，但呢個炒飯真係不一般，用料十足，唔係其他餐廳用埋d蟹柳，有一隻鮑魚，一隻帶子，一塊魚餅。飯都炒得好香，加埋少少菠蘿酸酸甜甜，非常開胃。灣仔莊士敦道22號York Place地下2號舖港鐵灣仔站B2出口，步行約5分鐘

本來想12點前進去，較輕鬆鬆去食午飯，結果給安排了卡座，加中間隔板，再故意放多兩個食客一起。我看看周邊沒有一座坐得像我咁逼。我想想是否之前得罪了他們嗎？ ….. 原來是我問了伙記為什麼沒有紙巾？！ 他回應 ’紙巾要1蚊….（再回頭看著我說）得唔得呀？‘ 我全程只笑住望他，真的唔知道怎麼回應。結果我食欲全無，馬上走人能讓我又對餐廳裝修、餐牌選擇到人流排隊吸引我過去，到最終坐了不夠2-3分鐘要把我逼走，我覺得在金鐘、灣仔區這算是第一次。什麼新品牌、打造年輕顧客和遊客生意，看到這種水平比其他沒落了的茶餐廳都要差

由於住在這裏附近，早午晚餐都會經常光顧，剛剛開張的時候客似雲來，由於附近沒有類似的茶餐廳。所以可以話天時地利人和造就咗佢午餐時段經常爆棚。現在風光不在，尤其是晚餐，可以說是十桌九空。說真的，食物質素只是一般，好明顯想走高價的格調，但給予客人的食物材料只是中價甚至下價貨。餐牌一年到晚都沒有太大的轉變，食多幾次就會覺得好厭倦！！只是天時地利人和灣仔這個地段很少茶餐廳，所以可以說是局住食不是欣賞去食！！最討厭就是他們的服務態度，早餐明顯很多空餘的桌，也要人搭枱，只會同你講一陣會有客嚟。那為什麼一陣有客來不可以搭枱呢？或者我已經食完走咗呢，抱住呢個服務態度，我寧願一走了之！說真的食嘢就是要好好享受這個小小的時段，這樣壓迫又大壓力為什麼要選擇這間餐廳？最離譜就係食午餐的時候餐飲未飲完就趕你走叫你樣張枱出嚟，我諗地痞店的茶餐廳也不會有這樣的做法？我又不是免費食，說真的所有東西我都有付足價錢，那為什麼要承受你無理的要求未食完就要讓張枱出嚟俾你去做生意？不如好好地將服務做好啲再擴充營業多開分店啦！外賣仲離譜，叫三次有兩次比錯？！？幾經投訴終於肯賠返一個餐給我。成$70. －個午餐唔應該承受呢啲撳劣質嘅

一直都幫襯開佢地既外賣菠蘿包，因為真心好食，表層好脆，又夠新鮮熱辣辣👍🏻所以咪同朋友黎試佢早餐囉 早餐沙嗲牛麵好一般、完成係出前一丁麵，以及出前一丁湯底，完全冇驚喜。炒蛋ok好食，但唔夠滑，其他都中規中矩。我哋都未飲完杯野，未食完個蛋撻，有個金髮女侍應已經叫我哋坐埋一邊，咁我哋咪坐埋一邊比半邊位出嚟，10分鐘後佢又過嚟叫我哋買單讓個位出黎。其實我地都明繁忙時間，但一句唔該唔好意思都冇，好似理所當然咁仲要眼超超啤住我哋。其實過門都係客，唔使咁差嘅服務態度嘅

起因係我想食榴蓮菠蘿包 但唔想行咁遠 所以就去佐哩間 之前一直冇食過 今次就諗住去試下果然 街邊冰室真係冇隨便試😅基本上都係伏 招牌雞尾榴槤包 唔好食 入邊冇咩榴槤都唔知係咩合成醬料 我堂食嗌都唔幫手叮熱 上面啲芝麻粒粒同哩個包非常之唔搭 不論從口感或者味道來講都係 可能只係為佐好睇😅焗飯等佐好耐 但係上桌都唔係好熱...味道就同大多數茶餐廳一樣冇咩味 雖然叫白汁 但唔係白汁 係白色的芡汁 總要鹹味都冇 抄底都係冇味 都唔落鹽 價錢都唔便 試一次就夠例湯好難飲 鴛鴦OK 今日係難食嘅一天 over😵

係灣仔做野嘅人我諗都實識紅城😂出名人多午餐例牌要排長龍，今日開會開晏左去到2點幾先出去食，梗係要去感受下唔洗排隊嘅紅城！2:25分去到循例都問一問伙記下午茶入得未，伙記見有位無人排隊就比我地坐住等。由於係電子落單嘅關係，好均真要夠2:30先叫到下午茶餐🤣紅城鴛鴦焗飯一個餐滿足哂紅白汁同埋雞扒豬扒4個願望😃紅城焗飯出名有質素即叫即焗，雖然稍微要等少少時間不過新解出爐熱辣辣，芝士有拉絲等一陣都值！雞扒豬扒份量同午餐差唔多各有3舊，紅白汁配炒飯底一絕！加多三蚊有埋杯凍肉埋單60蚊有找，係灣仔咁嘅質素加埋咁嘅價錢真係唔多👍🏻

平日午市經常會見到條人龍 Idiot 12點左右去到等咗5分鐘就入到 餐廳用QR code落單 上菜速度好快 食完亦都好快有人會收走 坐得唔耐 但就勝在款式多 而且質素唔錯       ❤️‍🔥芝士焗黑松露雞皇飯   焗飯係炒底已經好加分 芝士同黑松露份量唔多唔少 聞得到好香嘅黑松露味 但又唔會遮咗芝士味  跟餐有紅湯同餐飲 羅宋湯入面有牛肉 頗足料 奶茶就不過不失見隔離枱叫咗常餐 有招牌菠蘿包同紅豆冰 好吸引! 下次都要試下!

水中躺平的肥鴨，十年重臨香港，帶領豆釘一齊欣賞牠的美態之後隨意入了此冰室，發現味道很好，份量和用料都沒有挑剔的地方。用料豪爽的泰式菠蘿炒飯好多塊豆仔骨，而且肉嫩不肥膩焗飯正價錢算公道

紅城距離灣仔地鐵站大約只需要五分鐘的路程，不會太遠，地點非常方便。 如果星期一至五午餐的話，12點已經有少少人龍，如果一點的話，人龍會非常長。我推薦餐廳的特色菜餚：銀芽仿鮑絲炒麵和鐵板XO雞扒炒烏冬。銀芽仿鮑絲炒麵的麵炸得非常脆，配上銀芽和仿鮑絲，味道非常清淡，不會太油膩或太鹹。而鐵板XO雞扒炒烏冬加上XO醬非常惹味。而且雞肉非常嫩滑配上烏冬，味道非常好。如果你喜歡吃辣，可以加一些辣椒油，味道更加豐富。記得一定要嚐試一下！

Today we have been to this cha chaan teng to grab a quick breakfast before heading to work. It locates at Johnston road and it's not difficult to find the restaurant. I've ordered a deep fried fish fillet set with an additional of a bowl of macaroni. It also comes with fried egg as well as a toast. The deep fried fish fillet is hot and it tastes well with the sauce. The size of the fillet is also kinda large. The macaroni is also good. The soup isn't too salty and the portion of the macaroni is

呢間紅城無論早午下午茶時間都係咁多人成日都要搭枱喜歡佢有自家製麵包尤其菠蘿包真心好味佢地最近仲出咗榴槤雞尾包可惜我唔好榴槤唔打算試今日食佢既芝士白汁海鮮焗飯夠哂熱但味道一般唔知係我冇胃口定點好在有杯醒晨奶茶補數