紅城冰室

營業中

休息中

比起之前有改進👍蛋治勁厚勁好食，如果keep 到呢個水準，會推介畀朋友食👍希望師傅可以keep 到呢個水準，唔好整返之前嗰個涼薄三文治，細份到拎出嚟真係好多人都不滿

中環食嘢，我一向都覺得最緊要係快靚正而呢一間紅城冰室就滿足到我呢三個願望啦！呢度食物種繁多，今次我就食咗個常餐係佢嘅瑞士雞翼撈公仔麵咁常餐另外都會再跟個蔥花炒蛋同埋丹麥多士，凍飲就另外加$3！丹麥多士烤得非常之香脆，而且炒蛋相當惹味，配合埋蔥香，真係一流瑞士雞翼都夠晒入味公仔麵唔會太硬都唔會太淋，撈埋啲汁一齊食呢啱啱好呢度lunch time都多算多人排隊㗎因為佢哋嘅夥計呢亦都手腳好快，所以其實都係每次都係等大概5至10分鐘呢就可以拎個外賣走㗎啦

垃圾中既垃圾野食出得慢 態度又差由其是樓上果個落單啊姐樓上得佢一個識落單 又燥底又唔急得呢個地段多人就一定架啦你嗌有位叫樓下放人上黎 自己又未執枱其他枱啲單又未落個客上到黎見未執枱叫你抹抹 未落單既叫你落單就緊架啦跟手就孖叉啲客話自己好多野做剩剩剩你未做好咪唔好叫客上黎做哂先自己攞黎又將個錯blame落啲客到今日叫個泰式肉碎飯見到隔離枱有豆 食物敏感叫佢走豆喂唔係好難啫 我知好多客你要特登炒好難做但唔洗報復式落多辣既辣到完全食唔到🙄同枱同事叫個一樣既飯冇特別要求完全冇事好食係辣到食唔到任何其他味 連豉油都食唔到咪再幫襯呢間垃圾喇 又唔係平 一個午市收我62+3涷飲我去德記50有找仲有湯呢間係有包架 唔上俾你咋嘛

前兩日去中環做嘢，早早地12:00行過機利文新街搵嘢食，咁啱見到呢一間最多人食緊，咁咪即刻入去霸返個位。坐低睇吓個餐牌價錢，又幾實惠喎，咁就嗌咗杯凍奶茶少甜少冰，仲有一個芝士焗牛肉飯，好似都係收$55，幾抵食呀。啲飯用炒飯底焗，塊芝士焗落去唔錯，個汁都就幾好食嘅，我係覺得牛肉少咗啲，如果可以加返啲呢，咁就似樣。點解我話呢間茶餐廳呢好原裝呢？因為其實都坐得幾密嘅，咁通道又比較窄，最得意呢就係啲侍應，講晒粗口啊，所以好有feel呀！😆😆😆

作為中環打工仔，午膳時間經常都要搜尋有咩平靚正又好食嘅餐廳，今次試好近公司嘅紅城冰室。沙嗲菠蘿牛肉飯：白飯多，而且口感煙韌有彈性，唔係隔夜、煮太淋或太乾。沙嗲汁足夠撈飯有餘，輕微的辣恰到好處，是開胃得嚟而且所有人都接受到的辣。以為牛肉片應該一般貨色，誰不知係好滑好軟無筋，好棒👍配菜都不會差，有菠蘿、蕃茄、洋蔥。熱檸水-有4塊檸檬是日餐湯- 有兩大舊雪耳、清甜以有飯有湯仲有飲品，以呢個唔錯嘅質素，外賣加多$1，都係$54蚊，好抵呀。

前幾日返中環office ，突然好想食下住家飯既感覺，於是去左機利文新街既紅城冰室睇吓有咩食，最後嗌咗個土魷肉餅飯，首先講下個肉餅，個人而言，都叫做足料嘅，都夠魷魚嘅，好香好有魷魚味，😋😋😋同埋佢個size都幾大，我係一個成年男人，我都覺得夠食，👍👍👍，個飯嘅份量都夠多，一個成年人食絕對冇問題！我記得好似係$50左右，但係食得飽同埋好食，所以我都幾滿意，呢間餐廳性價比都幾高，整體而言，我覺得不錯！

行行吓諗起少少野，oh!原來我肚餓！咁就入去食一餐啦！雖然選擇就唔係話係好多，但係都唔錯嘅！至少有午餐啦！今次就叫咗個照燒雞扒仲有隻吉列蝦！之後就配咗個薯菜！仲有湯送！算係咁啦！個湯就真係有啲淡，雖然就好多材料！但係仍然可以接受！主菜啦！如果多啲汁就會更加好啦！肉嘅質地都比較普通！有啲根周邊就比較難切開嘅，肉都算滑嘅，唔會孩到好似擦子膠咁！但係剛剛熟，如果再加上熟多少少會更好！至於隻炸蝦都唔錯嘅，炸得都脆口嘅！飲品我叫咗凍檸茶，茶底都唔錯嘅！唔會太苦澀！可以合格！

今日夜晚八點半經過買了個外賣，一個黑椒牛仔骨一個粟米煎肉餅飯，一個餐78蚊，個牛仔骨啲宋比較小個粟米煎肉餅食落去一陣酸餿味超離譜，變左味嘅嘢我當然即時掉左，仲有個例湯都有小小酸，呢個價錢食垃圾。。

6月14日 ,係端午節,  今日同女朋友都放假, 所以就諗住同佢一齊去中環食野行下街同影相咁我地就由粉嶺搭巴士出去，出到去諗住搵地方食tea，點知路過Donki ,入咗去行咗個幾鐘先出返嚟，時間已經五點幾當諗緊去邊度食，突然之間諗起呢間以前返工日日食嘅飯堂，去到門口裏面一個人客人都冇原來佢哋今日假期唔做晚市，不過好彩廚房仲未收，我哋好似包場食飯咁，全個場除咗員工之外得我哋一枱喺度食嘢menu都唔使睇，直接叫咗兩個常餐一個係豬扒金寶湯通粉，另一個係麻辣雞片米線鍾意個金寶湯唔會太淡，通粉硬度啱啱好麻辣雞片米線係我最愛，佢又唔係譚仔嗰啲麻辣咁辣，只係令到你有少少麻痺感覺，而個湯唔係紅色，感覺健康D, 而啲雞片唔會太大件，個量都多嘅，次次食差唔多連湯都飲埋而不得不提，佢個多士係出面少見嘅丹麥多士，同埋蔥花炒蛋，非常值得推介

近日要去港島上堂，8點幾放梗係搵下附近有咩好西。喺openrice見到呢間人氣唔錯嘅冰室，特登搭兩個站嚟試下，點知一試停唔到，兩個月嘅課程，8堂嚟左4次，足以證明我有幾鍾意食，仲每次食一樣嘅🤣🤣佢嘅好食之處係佢個全日常餐同一般茶餐廳冰室唔同，雖然近年都有好多特式質素好嘅特餐常餐，但都係算大路嘅，而佢特別之處就有酸辣／麻辣魚湯雞片米線🤤🤤🤤，蔥花炒蛋，丹麥多士😍😍🤤🤤。痴線！呢個組合我真係太鍾意啦，仲要好鬼好味囉！！冰室你唔好期望坐得舒服，但職員都好好服務，會主動幫你調位，後生仔好體貼，呢個加分!雖然我每次都情有獨鍾食佢個常餐，但佢其他野食都好有水準，因為朋友點左其他餐，都話好好味，我見到隔離枱個焗豬飯超靚仔，好大份，果啲甚麼一哥焗豬飯都要行埋一邊，下次會試下佢🤭🤭！

紅城盆菜，正 （4-6人份量）訂左盆菜，唔使煮咁多，茶記都要做盆菜，生意難做時都要支持下，都係4百幾蚊。💪第一年做盆菜，點解咁正，早知訂多一盤比阿爸年初一食啦。最好味的：豬手💕💕💕煮得好腍，但又唔黏口，而且仲有甜味，我估落左冰糖掛。第二好味的就係鮑魚，囡囡食咗3隻啦！而西蘭花🥦嫩綠得來又淋，吸埋個汁，好味。阿仔食晒😖足料的仲有魚肚、大蝦、魚旦、魚腐、蓮藕、芋頭、蘿蔔。稍嫌蘿蔔有幾舊有渣，但超甜、超多水。芋頭都好軟淋。最後我哋買左幾個生菜，個湯底好入味，用左少少撈飯。PS: 佢地汁水、大蝦分開上，我就唔會倒瀉啦

一星期總有一次會幫襯，勝在選擇多味道又好食，有時總會有例湯送比你，堂食好似安哥例湯唔使另外收費，我多數在公司叫外賣，第一次去堂食，花膠雞泡飯，味道不錯，花膠大件，湯底略嫌清淡，反而海鮮泡飯就味道好過花膠雞泡飯，海鮮包括都是大蝦墨魚蟹柳雜菇之類，卡邦尼大蝦意粉係高質自選，夠入味，拍得住出邊西餐廳質素，大蝦彈牙，必食之選，梅菜蒸鯇魚就啖啖肉，送飯一流

呢排返中環做野咁都要搵地方食飯, 舊時食嘅餐廳響疫情影響下都執得7788, 所以唯有響之前冇咩留意嘅地方尋找下滄海遺珠, 咁岩就去左中環其中一條嘅橫街窄巷就搵到間茶餐廳做緊下午茶, 見個餐牌都幾多選擇就入去試下因為本人食嘅係今日第一餐關係, 所以就選擇左份量比較多嘅飯類食物..........登登, 就係咖哩牛肉飯了, 其實本身諗住呢d 茶餐廳應該都係提供螢光咖哩嫁啦, 但估唔到出來碟飯個樣又幾靚仔咁成碗咖哩就有兩大舊薯仔, 薯仔係煎炸過所以外表係香口, 加埋咬落去好粉, 撈埋咖哩汁都吸幾多其他全部都係牛肉, 而牛肉全部都係條狀, 我覺得都幾方便食嘅, 同埋咖哩汁份量多, 味道濃郁有層次, 椰汁味重, 辣度唔高老少咸宜, 以下午茶嘅質素來講非常唔錯, 如果唔係牛肉係牛腩就更加prefect 池啦呢杯係凍咖啡, 上面有少少嘅咖啡粉, 呢度嘅咖啡我覺得同翠華嘅味道好相似, 都係好飲嘅茶餐廳咖啡味道, 雖然都係粉沖, 但唔酸, 澀口中有甜, 同埋奶味唔多, 飲落唔滯最後埋單45蚊, 呢間茶餐廳響返工食lunch 來講算幾好食

忙咗一排，今日可以舒舒服服輕輕鬆鬆，健身室重開，晚市堂食又延遲咗，咁又可以運動完後，沖返個熟水涼去食晚飯⋯⋯——————入門口就會感受到呢度既員工係非常之有禮貌😊😊😊😊😊今日既晚餐就係嚟呢間老字號冰室—————-招牌XO醬蝦🦐球麵：佢既招牌🦐蝦球麵，真係非食不可，蝦🦐大大隻，又爽又彈牙，配上自家制XO醬，配上上湯又清甜👍👍👍👍👍招牌XO醬🦐蝦球麵....絕對不能放過😋配凍檸茶，冰涼消暑☺️———————-晚餐：紅蘿蔔🥕豬骨湯———足料夠火候，鮮甜無味精👍厚切豬扒配司華力腸薯菜———厚切🐷扒夠厚肉，咬落又有口感，味道適中食埋司華力腸同焗薯剛剛好，飽飽😂配熱檸茶，消脂又消滯😊———————-墨魚🦑丸：叫多個小食，湯又夠甜。墨丸爽口彈牙———————-

職員服務態度良好。價錢合理！食物質素可接受。一切正常直到..無意間係食物窗口望到入廚房既一刻...............點解入面廚房d人 食 住 煙 整野食🚬⁉️睇住佢揸完煙隻手直接處理啲食物。.重申: .係無戴手套同一隻手「直接」摸啲野食。...然後同一隻手搞完啲野食就直接攞起塊面包然後出菜🤡.係香港疫情嚴峻底下..廚房大部分人 仲 要 唔 戴 口 罩 😷.睇到呢個畫面, 已經食唔落立即走人。係咁先真係🤮無論廚房食煙係咪犯法, 衛生問題已經不能接受😰🤢