糖水雄

營業中

休息中

食物越來越差，不能保持食物水準食物味道一時淡一時重味到，根本食不到下單時巳經態度不友善，不想做冇人迫妳做，之後下單后，等待時間越來越長，說好20分鐘，要等3x幾分鐘，還我主動去問才處理。服務也不妥當，態度差劣，客人雖然不是上帝，但也不要反客為主，極不友善的態度對待客人完全不想做生意咁。繼續做下去，這對店舖及想光顧的客人不太好吧。但附近就沒有其他相同店舖，這應該不會太大影響吧。希望大家食得開心，不要像我這樣不愉快情況，謝謝🙏🏻

以前我住喺佐敦附近嘅時候都好鍾意幫襯糖水雄 @desert_hero_hk 💛💛💛，搬走咗之後就比較少返嚟幫襯，但係一有機會經開我都想返嚟回味一下 😋嗰日同朋友睇演唱會之前想食少少小食，要快靚正又好味第一時間就係諗起糖水雄🤟.😋佢嘅XO醬煎蘿蔔糕（$26）真係必食，六面每一每都煎得啱啱好，師傅好有心機煎，唔會太燶，XO醬份量恰到好處唔會好油，每一面都沾到好惹味👍.😋亂咁嚟燒賣（$28）其實好似炒米粉嘅方法俾啲椰菜火腿將啲燒賣切粒一齊炒，出乎意料地好食喎👍我最鍾意將啲嘢一齊炒，原來炒燒賣都幾特別，下次我又試吓先😋狗仔粉都推介，湯底蝦米冬菇味好香濃👍狗仔粉索晒啲湯，鹹鹹香香好夠味😋👍不過我個人就鍾意加番啲蔥，芫荽同菜甫嗰啲，如果有就最好🤟.再食埋啲混醬腸粉同埋飯後甜品：白果腐竹薏米糖水就滿足了😋充滿力量狗衝去睇演唱會啦💪💪💪.店名：糖水雄 💛地址：佐敦渡船角文匯街30號文景樓地舖

久聞佐敦呢間糖水舖 燒賣關注組嘅成員 應該無乜人唔識佢?! 皆因呢間糖水舖大膽推岀左新穎燒賣組合：朱古力燒賣、Shake Shake熱浪風味燒賣、亂咁嚟燒賣，仲定期有唔同新combo。預其話佢係糖水舖，佢更似一間小食店。除左芝麻糊、西米露、芋圓湯圓等糖水，佢地仲有供應狗仔粉、碗仔翅、糯米飯、腸粉、蘿蔔糕等粉麵小食。可惜當日就食唔到 我最想食！超多好評！嘅白果腐竹薏米▪️朱古力燒賣 $28超級熱辣辣嘅炸燒賣 加埋朱古力醬同忌廉竟然毫無違和感。不過燒賣好似有啲炸得過左火，外皮偏乾硬唔太脆。口感煙韌，忌廉令整體更為濕潤，更減低左炸燒賣嘅油膩感。Overall，味道無想像中咁怪，但就無話特別好食。▪️菠蘿西米露 $30就係好普通 淡淡地椰漿味嘅西米露 加左啲新鮮菠蘿。菠蘿酸甜多汁，份量都幾多。西米大大粒，幾彈。啲料👌🏿，但個base真係麻麻地，好就好在唔會太甜。▪️雞軟骨 $10/串調味👌🏿，但實在太硬。

早前在網上看過介紹糖水雄的故事 被其背景所吸引 同時也很喜歡店主兩父子的相處和關係 😆😆 是傳統和新式的揉合 讓我非常好奇！當日是星期六的晚上8時許到達店面 店內已是9成滿 剛好有一張吉檯 友人和我二話不說便入內了😆😆每張枱都附有這麼多細料、配菜 包括辣椒油🌶、胡椒粉、辣椒醬、豉油、醋、辣菜甫、原味菜甫等等〰️ 同樣地他們家的餐牌也是有很多不同的配搭 讓你眼花撩亂舉棋不定😹😹😹 辣椒蒜蓉燒賣🌶 $28 總共有八粒燒賣 熱辣辣 底層是充滿蒜蓉粒、杞子、辣油和豉油的汁醬 非常好味！友人和我都在搶著吃😂XO醬炒蘿蔔糕 $26一上枱時 周圍的食客也嘩然 一直大讚蘿蔔糕很靚仔 然後紛紛下單😹 這個價錢當然不期望吃到驚為天人的蘿蔔糕 但是這個也不遜！蘿蔔糕吃得出有蝦米和臘肉 配上野味的XO醬！一流！撈芒 $42這是店員推介的一個芒果甜品🥭 由芒果沙冰作為基底 然後有珍珠、爆豬、蒟蒻、芋圓、芒果肉 非常豐富 而且吃得出沒有額外加糖 不會過甜 不錯！白果腐竹薏米芋圓💜 $36 （熱）這也是店員推介的鎮店之寶 也是我首次吃白果腐竹糖水 〰️ 本來我是很害怕吃腐竹的人 可是從圖中可見 其實腐竹一早煮爛了 與糖

🥣糖水雄🦸‍♀️創新中式糖水🥮今次介紹嘅係糖水雄 🦸‍♀️我都係睇左mil milk 先知道有呢間舖頭，咁啱佢開左一團黎左我地果區😜雖然拎果日有啲雨，但都冇阻我地食甜品嘅心😂佢有唔少新奇料理😗今次就試左幾款糖水，但我覺得佢嘅特色小食會特別啲以下係特我最喜歡嘅頭3名，其他排名不分先後🤔.🥇熱浪燒賣好好食 隔左好耐仲好脆😜啱啱好 有蜜糖舖低仲好脆🍯甜甜辣辣咁 好正😋.🥈白果腐竹沙冰送到黎仲好凍 ❄️有啲味融哂 好香腐竹味🥣幾好飲😌.🥉芋圓紫米露好多紫米😍多到每一啖都冇，整體食落唔會太甜👍🏻.🏅地瓜圓 清涼馬蹄沙 加紫薯圓（凍）只不過係普通芋圓😞果下有啲失望 但係第一次食馬蹄沙😳又唔錯咁🤔幾多馬蹄 好清甜😚.🏅芋圓白果腐竹薏米 （凍）白果會有啲苦，但都有唔少，唔錯😝用黎解辣一流🌶.🏅綠豆沙 好足料 煲得好綿 😆.🏅朱古力燒賣冇咩特別，一啲都唔脆同，燒賣朱古力唔太啱，有一陣油味浸出黎🥠

早前喺佐敦做完嘢，專登行過去糖水雄，諗住試佢個薄荷朱古力 oreo 燒賣，點知未有，真心灰爆😭。退而求其次，見凍凍哋，就叫個糯米飯食，再配杯白果腐竹沙冰。估唔到小食糖水店嘅糯米飯都幾有水準喎，配料有臘味，冬菇，花生，蛋絲同蔥粒，可謂樣樣齊；糯米飯都算炒得唔錯，粒粒分明，唔會黐埋一嚿嚿，味道亦夠👍。杯沙冰嘅腐竹味比白果味強，以沙冰嚟講味道都算濃（因為沙冰通常都比較淡），幾好飲。下次一定要來嚟挑戰朱古力燒賣😂。

🍍 菠蘿西米露 $30💯 評分：🌕🌕🌕🌕🌕 (5/5)💬 菠蘿都算好多件，酸酸甜甜咁幾開胃，正好中和返椰奶嘅油膩感。西米大大粒既彈牙又滑溜，仲有啲香軟濃郁嘅芋頭，食落非常足料，味道亦都恰到好處。🤤🥭 一碗撈芒 $42💯 評分：🌕🌕🌕🌕🌑 (4/5)💬 芒果嘅味道相當濃郁，口感非常幼滑，芒果亦粒粒甜而不膩，西米一樣十分彈牙，黃澄澄見到好心情，食完肚子笑不停！(押韻㗎)🤪🍦 白果腐竹沙冰 $32💯 評分：🌕🌕🌕🌕🌕 (5/5)💬 咁傳統嘅糖水做成沙冰都係第一次見，腐竹糖水嘅味道甜而不膩，仲散發住淡淡嘅奶香，飲落同熱嘅腐竹白果正正相返，有種透心涼嘅感覺。😍

係YT睇到店主既採訪，絕無僅有既糖水舖自家備有外送團隊，可以配送到全港18區🛵。剛好落單嗰陣，搭上團購既順風車💨，由九龍送到新界，只需要$10運費咋🤣🍤蝦卷變左係常溫，冇咁鬆脆，不過配上泰式酸甜辣醬，口感豐富。由於路程都尚遠，食物當然做唔到辣熱熱，所以都理解既😌最具創意性小食不得不提呢個朱古力燒賣🍫，應該都係全港首創😂。燒賣好煙靭，溝埋D朱古力醬汁，味道一D都唔伏喎，都可以一試🤣外送當日係情人節💝，店主非常sweet，每張order都送左碗紅豆沙❣️紅豆尚未完全煮得融曬，有粒粒既感覺，都好有口感～最後，雞軟骨串沾上辣粉、孜然粉，香脆可口，非常野味🤤是次 • 點菜名單📝：🍉西瓜西米露（$30）🍤薯絲蝦卷（$24）🍫朱古力燒賣（$28）🦴雞軟骨串 ($10)🆓紅豆沙當時外賣好似有7️⃣8️⃣折，Total大約$72左右，$10外送費拎貨嗰陣先收🙈

成個星期都 WFH，食麵食到人都傻，星期六出車去買好野食。五點零去到，可惡嘅糖水雄竟然做緊團購，吾接外賣單，要等到6：45先可以下單。我甘遠黎到，決定點都要等到可以買為止的。為環保 我仲帶左一堆盒去，要煩佢點同我砌點佢。死未！#糖水雄#佐敦 #hea食 #碗仔翅 #狗仔粉 #腸粉 #芝麻糊#麻辣雞翼 #雞軟骨

又禁咗晚市堂食。於是只能外賣。舖面咁樣樣。我見到error。有香港十八區擬人。嘛，舖名開宗明義叫糖水，但又唔止賣糖水，重有主食同小食，於是今鋪我就叫咗兩份糖水、兩份小食、兩份主食，湊足一個正餐。然後喺咁多種食物入面，最喜出望外的......白果腐竹薏米糖水：就係佢！好難得地，所有材料都溶晒入糖水裡面，黐線的。一啖糖水又滑又濃，滿口的白果味同腐竹味，要糖水的話，少少渣都冇，要有啲糖水料有咬口的話，沉咗底一樣不缺。白果腐竹糖水食得多，但冇一間可以熬到好似佢咁滑咁順口，必推。芝麻湯圓：薑茶糖水底的芝麻湯圓，無論薑定湯圓都足料。24蚊有6粒都好抵玩。蒜香麻辣雞翼尖：雖然雞翼係普通嘢，但個辣底相當不俗。XO醬煎蘿蔔糕：其實，就係你想像到，好食的XO醬煎蘿蔔糕。至於兩味主食，炒米粉同狗仔粉，就，只能夠話，平凡，一般，咁。如果想要主食當正餐可以一戰，但唔好有咩期望......

聽朋友介紹呢間糖水店好出名，終於有機會試到！果然冇令我失望，我點左腐竹白果糖水同串燒，腐竹白果糖水甜到適宜又多白果。魷魚串燒有超多魷魚仔，右足料又好食，而且只係14$ ，下次一定會叫多幾串！

聖誕節又點少得甜品環節呢？呢日食完晚餐之後嚟到糖水雄朝聖，果然聞名不如見面，店外排滿期待住叫籌號嘅人群，不過既然一場嚟到，要等陣都值得試吓！😆🌿 薄荷朱古力西米露 $40 (+芝麻湯圓 $10)💯 評分：🌕🌕🌕🌕🌕 (5/5)💬 薄荷味幾香幾清爽，朱古力粒粒都好甜，西米夠多又有咬口，加埋3粒芝麻湯圓非常足料，味道唔錯之餘仲超級IGable，夢幻粉綠色絕對係打卡必點！😍🌚 芋圓芝麻糊 $32💯 評分：🌕🌕🌕🌕🌑 (4/5)💬 芋圓真係有芋頭味，口感煙韌彈牙，芝麻糊香濃得嚟唔會太甜，食完身體暖笠笠，適合要補血養顏嘅女性～😚🍠 地瓜圓白果腐竹薏米 $34💯 評分：🌕🌕🌕🌗🌑 (3.5/5)💬 地瓜圓都食到有蕃薯嘅味道，白果同薏米都份量十足，腐竹已經溶晒喺糖水入面，見到蛋花狀就更加好喇！😌呢度甜品款式百變多樣化，有趣得嚟又不失色香味，有機會再嚟睇吓有咩新搞作！即使生意多到踢晒腳，AA同店員依然好好禮貌，用心服務每位食客，咁有人情味實在買少見少呢！😉

話說 今日 明明就係去搵間 靚靚 Cafe點知 去到原來佢 休星期二好sad but 我地搵到小食作晚餐正呀～ 好似掃街咁我諗無咩人好似我地咁 係 一間糖水鋪到 坐人地2個鐘多 3條女 邊食邊叫 睇相你都知 我地叫左幾多野食佢晚串燒呀 正呀 多款多選擇燒賣味道 多羅羅 我地都試左2個最搞笑佢有加埋菠蘿🍍係呀！真菠蘿 但係好食😋老闆好細心詳細 講解 乜都炒埋一碟既 招牌小食咁糖水舖 都無諗過我地坐咁耐既都係木台 摺凳咁 但 都尚算闊落啦佢重有出名 菜乾粥呀 好味！ 人地係食糖水既 咁我地最後當然叫2個甜品啦！整體都係 好食 出名是有原因建議 9半前好入去 唔好 好似我咁衰坐咁耐但係我地 一邊食一邊叫 希望 唔會被人詛咒啦大家快去試下啦！

近排大食妹喺OpenRice見到呢間好得意嘅糖水舖, 雖然話喺糖水舖, 但小食嘅人氣比糖水更高大食妹今次就一探究竟<亂咁嚟燒賣>第一個要試吓嘅就係佢嘅亂咁嚟燒賣, 呢個口味真係令人意想不到, 明明係炒烏冬嘅配料, 竟然用咗嚟炒燒賣真係名副其實嘅亂咁嚟燒賣<混醬腸粉>大家聽到混醬腸粉可能覺得有啲粗鄙但其實佢真係字面上嘅意思, 混合左甜醬同麻醬嘅腸粉又軟又滑, 係大食妹至愛嘅香港風味<XO醬煎蘿蔔糕>跟住嚟講嘅係XO醬煎蘿蔔糕糖水雄嘅煎蘿蔔糕質感係意想不到嘅紮實, 非常足料, 好唔好食就見仁見智<狗仔粉>最後再食埋大家推薦嘅狗仔粉第一次見食材完全浮面嘅狗仔粉, 究竟俾咁多料店主會唔會蝕本裏面嘅冬菇超級巨大, 雞肉都大大嚿, 狗仔粉多到要大力搞開先食到可惜味道相對冇咩特色, 但性價比絕對係好高嘅

呢間糖水舖一早就已經聽過🤪，好多街坊團購都會幫襯佢哋。咁啱喺西九野餐完經過見到，又意猶未盡就一班人衝左入去食糖水😋！店員哥哥仔好好人又勁熱情❤️‍🔥，天氣凍咗即刻叫我哋入去楚。糖水選擇都好多，仲有唔少鹹食選擇，真係好明白食完甜嘢要食鹹嘢，食完鹹嘢要食甜嘢嘅心情😎~係抵讚嘅————————————————👅黑白之間（$27）👍🏻芝麻糊同腐竹白果味道又幾平衡⚖️，兩種味都食到又唔會太搶，估唔到將呢兩款傳統糖水溝埋又幾正👅楊枝甘露（$35）🔸大大件芒果酸酸甜甜🥭， 用大西米更有口感，都Okay~👅 XO醬炒腸粉（$27）👍🏻限定Item果然正喎😯，有蛋有火腿豐富好多，XO醬都好惹味.👅 煎蘿蔔糕（$14）🔸煎蘿蔔糕都OK啦🆗，加啲辣菜蒲惹味啲👅雞軟骨串/魷魚串燒（$10/$12）🔸 兩串都灑上椒鹽同七味粉🌶，香口又辣辣地，感覺墨魚腳抵食啲———————————————— 🚩總結：聞名不如見面😋———————————————— 🌟注意：堂食至晚上十時————————————————📍 糖水雄地址︰佐敦渡船角文匯街30號文景樓地舖.🗺地區：#bem佐敦📥分類：#bem甜品 #bem黃店日常💰人均消費