糖水蘇

叫咗一碗楊枝甘露加雪糕,一碗三色芋圓紫米露加雪糕。兩碗嘢嘅雪糕一出品就已經係溶曬 成Pat cream咁 極度難食 之後我忍唔住同個員工講啲雪糕溶晒喎 。佢問過廚房之後廚房話成盒雪糕都係咁。係正常。我嗰下真係O咗。我一路食一路打呢一篇食評！真係好難食！食晒啲芒果粒仔同柚子碎就即刻停手，我都好驚今晚會肚痾。 隔籬枱兩個女仔嗌咗兩碗咋喳有一碗直程係8成都冇食 。但係我諗係同我唔食嘅原因係一樣。真係好好好好好好難食。…查看更多

嗌咗薄荷朱古力西米露同楊枝甘露，結果冇薄荷味、冇朱古力味、大西米（唔知點解啲西米係螢光綠嘅）口感好多泡泡，似slime啲楊枝甘露又唔知點咁，食落口有種泥膠味，啲西米又係螢光黃嘅兩碗嘢都超甜又好大浸雪藏味，可能冇乜人幫襯所以雪咗好耐咁，但真心未食過啲咁難食嘅嘢，個心諗住唔好浪費，咬實牙關再試多啖，點知薄荷朱古力西米露除咗甜到乜咁嘅螢光綠西米，啲泡泡嘅口感真係令人唔知點好想嘔咁。楊枝甘露就仲離譜，平時清新香甜嘅芒果味、西柚味完全消失不見，取而代之嘅泥膠味喺口腔揮之不去，搞到我喉嚨都覺得唔舒服😣完全係食咗幾啖就作嘔，結果成碗抌咗真係好難食🤢🤮…查看更多

經過走入店試下，但味道真心唔好食雞翼尖勁油燒賣味道還可以腸粉都好食至於店舖係賣糖水，但第一啖食落去，唔好食。黑白糖水，以為賣相係黑白分明，點知拎黎係白色一片。黑芝麻糖水加腐竹糖水，黑芝麻完全係水狀，勁稀整體係店員ok，但味道好差…查看更多

經過好多次 但第一次食外賣返屋企 買咗芋頭西米同紅豆沙，西米係少有的大西米 我覺得幾好食（可能我鍾意食珍珠嘅關係）等外賣見到仲要炒米粉 炒麵 其他小食，下次會再去試下，其實真係冇評論咁差😆…查看更多

今次係其實呢間嘢都經過咗幾次睇到OpenRice上面有兩個負評都覺得唔多掂，但因為佢其實都開咗兩年，所以諗住捱到咁耐應該都唔會差得去邊，所以就一試啦！但係點知……我同我朋友都覺得呢個係我哋食過最難食嘅楊枝甘露，沒有之一！啲芒果好明顯係罐頭貨，顏色係偏橙色。然後啲西米煮得勁難食，一啲都唔爽口彈牙，啲柚子又冇乜味，點解可以將一樣咁簡單嘅食物做得咁難食！第二樣食物係嗌咗蒜香麻辣雞翼尖，好明顯呢樣嘢係抄B仔涼粉，但係好難食，好明顯係煲咗好耐，然後啲雞翼尖好腍，一啲都唔爽口。其實呢間嘢開咗咁耐，我都係第一次試，亦都因為佢開咗咁耐都未執，所以今次先試一試，點知仲大伏！一定冇下次！其實雞地呢邊得2.3間糖水舖，用心少少都已經可以做好生意啦。。點解可以做得咁差我都唔明白🫠🫠🫠（可唔可以一分都唔比）…查看更多

經過見到好似唔錯試吓叫外賣買了凍綠豆糖水同雜果仙草外賣回家先食綠豆糖水，點知真係冇味吖，似冇落糖咁？真係好苦，好難食另外食雜果仙草西瓜粒好似擺咗好耐咁，食落真係好難食…查看更多

唔想又食B仔，行過少少試呢間糖水蘇，味道ok，我冇認真睇就點左個黑白糖水，初初以為豆腐花芝麻糊，原來係白果腐竹芝麻糊，有驚喜👍楊枝甘露，芒果西米露，西米大大粒好咬口，西瓜沙冰都好飲既，坐位少d, 4至5張枱，姨姨服務都好親切，希望之後會多d款式揀，下次會試下外賣送餐。…查看更多

叫咗個芋圓紫米露，難得啲芋圓唔係硬掘掘嘅，又好有咬口，仲有芋頭粒。舖面唔大，不過都坐得幾舒服。服務都好好，好有禮貌。下次要試佢嘅xo醬蘿蔔糕，夜咗收工返到元朗又多一個熱食選擇。仲有得QR code落單，下次唔使等。…查看更多

見佢新開 環境幾好 諗住試一試一試難忘 難食到喊出黎 叫四樣野 四樣都係伏 朱古力沙冰淡如水 就係食冰囉 楊枝金露 似餿水 係一堆黃色混合物 ， 完全食唔到入面係咩尼 得一個甜字 芋頭西米露 係稀釋奶水 芋頭還芋頭 西米還西米擺埋一齊就搞掂 不可一 不可再 完全係求求其其 仲要大熱天時 打開門 走冷氣 冷氣又開一部得一部叫佢開冷氣 佢開一部 又閂返另一部 開係B 仔附近 生存到三個月 當佢贏 零競爭力 行多幾步又有松記 難得YoHo 無糖水舖 咁大優勢都唔好好珍惜。…查看更多

喺交通廣場果頭食完晚飯，行去元朗西鐵站途中見到間新開糖水舖就入去試下，舖頭樓面唔大，裝修乾淨企理，座位唔算迫，坐低邊食邊傾下偈都幾舒服。落單用QR code ，叫咗中式糖水、小食同飲品，其實好多小食都想試，但啱啱食完晚飯真係食唔到，最後落咗一份雞翼尖，好食！見到沙冰好多唔同口味，幾得意，最後揀咗白果腐竹沙冰，有驚喜！ 無令人失望，微甜，夏天必點！店主推介蜆肉碗仔翅，見到隔離枱有叫，好足料，下次試試😆😆…查看更多

食完飯想搵個地方同朋友吹吹水，經過見到新開傳統糖水舖就入去試試，原本只諗住食糖水但見到有好多小食，忍唔住叫了兩款 ～ 雞翼尖 & XO醬炒腸粉，惹味雞翼尖有點辣，但又會令你不停想繼續食😄，炒腸粉加入鮮菠蘿味道又幾夾幾好味😋下次可以直接去食晚餐，因為隔籬枱個小朋友不停話蘿蔔糕同埋炒麵好好味，叫幾個小食再加糖水肯定大滿足…查看更多

經過見到新開諗住試吓, 就叫左兩碗糖水外賣…..點知中晒大伏!!!!!!!!!!!!難食到……….腐竹糖水- 料又冇乜….成碗都係水(仲以為會有隻蛋/蛋花) 點知得個死甜…..食咗半碗已經忍唔住要掉咗佢!!!紫米露- 好似溝水咁..紫米得勁少!!!!!!!!!!!!!!!!!!(一開個蓋見到都呆咗)總之就真係仲衰過酒樓飯後免費派嘅糖水, 以後都唔會再去………..…行多幾步食B仔好過!!!!!!!!!!!!!!!…查看更多