糖森林 (鳳翔路)

營業中

休息中

天氣熱,心情又麻麻,唔想食飯,最好就甜品當午餐,呢到開二點,地方又大,有超多款甜品選擇,當飯食當然要飽肚,就選了個黃金兵團同晶瑩香特飲,黃金兵團可自選兩球雪糕配合生果同4片西多士加入士多啤梨果醬用忌廉,又香脆,又甜又好食晶瑩香是椰香,芒果配埋似西米細細粒的果,甜中帶小酸,唔錯呢個組合都幾夠飽,佢地有新派也有傳統甜品,真係花多眼亂,除左肉食外,另一健康之選

是日，我和家姐三人想不到在那吃糖水，走著走著發現這家甜品。糖森林的名子很熟，原來我在教育路的分店吃過了，這家開在松記，這會否分薄客源呢？點了心太軟，芒果小丸子，朱古力布甸，榴槤班戟。榴槤班戟有人是榴槤愛好者嘛？小妹喜歡吃榴槤的程度是讓你驚訝到不得意到馬來西亞旅遊是十日差不多每天也會吃榴槤做宵夜 所以榴槤副產品我很愛吃榴槤班戟我吃過最好吃的應該是在滿記甜品！！而圖中可見榴槤餡就黎塞爆個皮 不過個皮既色素太深 綠得有點可怕忌廉加上榴槤絲不斷在口中嚼食 榴槤的氣味不是人人能接受但是我很享受他那臭臭氣味吃下卻有爽及諗的口感芒果小丸子不可一不可再，上次的小丸子也參差，今次的還未有進步，芒果係大粒，係夠料，但係小丸子唔好吃，也不能強求太多。朱古力布甸太苦了，香蕉甜，但配朱古力雪糕的布甸，不好吃，畫碟同樣沒有心！朱古力心太軟竟然有鹹味，是落錯了鹽嘛？有帶點苦味，整體自己整仲好！ 畫碟功夫也太求其了，也很久沒有吃過心太軟，竟有這個幻想破滅的感覺。評分6.5/10

既然來到元朗，又吃過午飯，步行一陣，又不想那麼的早打道回俯，固又想來一個甜一甜個胃納。在下行完一陣，又繞到剛午飯時候的附近街道，再往深入的街道中，看到一間甜品店。眼看到糖森林，就不如走入去，棋掂都想吃一個甜品，就如此行了入去。小小的店子，或者時間尚早，沒有甚多客人，於是任意地坐在店舖的最深入處。餐牌中有很多西式甜品，用生果做的甜品，用雪糕做的甜吅，甚至沙冰也有。在下始終揀來揀去都是那幾款甜品，然而最初揀的，其中一款材料沒有，就選擇了第二款好了。傾城之戀。一款是由香蕉，朱古力布甸和朱古力雪組成的甜品，基本上就是以朱古力做主題，加上香蕉而成的甜品。整個成品中，香蕉不在話下，雪糕有著香濃味道，也有著朱古力碎在內，而布甸都幾滑，吃過甜品，也覺甜在心頭。其實在下或多或少都幾喜歡吃雪糕的，但是又不是時常的吃吧。

年三十晚同朋友行完花巿餓餓地就諗住搵間甜品店食下野咁岩經過見到呢間咁多人排隊menu又好似好多選擇好好味咁就揀左呢間！見到咁多人排 都冇乜擔心過會唔好食 淨係諗緊叫邊D野食好！等左十五分鐘倒，終於有位坐，總共叫左三樣野1 . 香脆窩夫2 . 朱古力燉奶 3 . 心太軟等左好耐，野食終於黎首先係香脆窩夫 ( $35 ) 呢個都不折不扣正正常常 再黎朱古力燉奶( $22 ) 個樣好似幾好，心諗都幾期待，點知食一啖，即係呆左😨可能係唔岩自己口味，但我真係唔希望有人同我一樣中伏😓 然後就係心太軟 ( $ 47 )，滿心歡喜慢慢切開中間，諗住睇下D朱古力流心，點知。。。。。。。硬既。。。。。。。完全係完整咁一個蛋糕 一滴流心都冇😦😦😦😦😦😦😦我又再次呆左 只能夠話，三樣野入面最好味係雪糕。。。。。。今次真係好失望。。。

每逢宵夜時段，元朗各個糖水店都擠滿人。哩到有兩間，兩間都試過，一次拎哂兩邊飛，等位。 糖森林有位先，就食你啦！落完單好快就有得食。 個人認為牛奶燉蛋白一定要食熱先好味。哩碗夠哂熱，而且好滑流，果然係落左3.6牛乳嘅效果。相比起平時食嘅更香奶味，而且唔會過甜，食完都唔會太滑。依家好多店都聲稱用3.6牛乳，可惜落得唔夠，奶味唔夠濃。糖森林就真係一食就食到重奶味，正！ 士多啤梨奶凍又係要推介下！除左3.6牛乳奶凍，仲配上士多啤梨雪糕、沙冰同果肉。一次滿足哂士多啤梨迷嘅所需。奶凍質感較實，亦無燉奶咁甜，奶味都淡d 。不過奶凍配上雪糕同沙冰味道啱啱好。雪糕無咩特别。個沙冰冰令人驚喜。好夠士多啤梨味，唔似糖水溝成，仲見到一粒粒果肉碎，果然係真材實料！糖森林嘅價格唔貴，而且款式多，值得再訪。

星期日晚飯後七點幾搵糖水食 點知b仔已經爆左 等左一陣就行左去松記 不過因為成日食 見隔離開左呢間新野 又有我哋想食嘅冰就入去la 因為得兩三枱容所以落單同出野食都幾快 首先係一個黃色嘅冰 唔記得叫咩名 係有冰 芒果 芋丸 同雪糕嘅 睇落以為係芒果冰 食落先知係熱情果味 四種唔同味又唔同口感嘅野一齊食個感覺好豐富 而且好夾另外我自己叫左宇治金時 綠茶味嘅冰同雪糕都偏淡唔甜 加埋d紅豆同小丸子就岩岩好 一啖食晒四種野 好正 又係一個好好嘅配搭 而且呢度嘅小丸子煮得透 唔會太硬同太粉 食到糯米味又唔會太甜 唔錯總括嚟講野食幾好 會再嚟試其他😊

中午飯後本來打算去一直幫襯開嘅松記，去到發現松記空無一人，反而隔離嘅糖森林高朋滿座，即管一試。 當時見到有一小妹妹(10歲以下) 幫手抹餐具，老闆娘忙於落單及上菜，可見係個人經營小店。 打開餐牌發現價錢不算貴，大多around $30, 近排d 甜品舖價錢都$3x-$4x, 仲發現寫住榴槤用D24,最後點左 宇治金時，芒果芋圓小丸子，另外賣一客榴槤pancake。 宇治金時 綠茶雪糕 奶味比錄茶味重，冰碎有綠色但味淡，不算特出；芒果芋圓小丸子 芒果超甜，小丸子口感ok Q , 冰碎有色有少少甜味但食唔出咩味，$30 黎講收貨；歸家後再食榴槤pancake,女友表示榴槤味超重，比滿記更好食！後來埋單前老闆娘送上兩杯水，一飲之下係椰青水！原來係出品部剛劈開椰青比小妹妹飲，順便送兩杯比我地，一可能因為我女友一直同小妹妹傾計。喺呢個大財團當道嘅年代，小店絕對要支持一下！下次一定再黎！

說起糖水鋪都總會令人想起西米露這些舊式糖水，不過現時的人們都愛新厭舊，單單舊式糖水絕對滿足不了吧，由其於元朗區－－一個糖水鋪遍佈的地區就更難突圍而出。是夜到來了位於俗稱雞地一帶的一家糖水鋪，糖森林旁邊又是一間糖水鋪，話雖如此，元朗又是個愈夜愈精彩的地方，兩家店鋪都少不了需要等位，糖森林的更誇張，店外更特別加開十多台。門外擺放了些菜單和推廣，在等候的同時可以先看看選定心水食物，比起一些基本的舊式糖水外，糖森林更主打的是冰品，實在是夏天的一大消暑法寶。店內不大也非常狹窄，而店內的食客大多都是要了冰品，可是我不太愛吃冰的還是要些熱的吃吃好了。石磨補健合核糊 $19 | 評分 : 5/10合核糊賣地厚身夠濃稠，惜滑度一般及香味不足，幸好甜度不高，表現中規中矩。心太軟配雪糕2球 $45 | 評分 : 4/10流心度太高表皮太薄，變成只在吃漿，蛋糕部份很少，而且端出來時已經變冷了，幸好價錢不貴。

行過門口見到餐牌好多食物選擇好吸引，而且價錢好優惠，就即刻入左去坐下。叫完食物後，第一個來了個焦糖燉蛋，同一般既焦糖燉蛋一樣，普通無咩特別，第二樣來就是芒果小丸子，d芒果好酸，酸到不得了。第三樣食物就是窩夫配2個雪糕球，35元真係好抵食，但點知當我咬第一囗窩夫時大獲，個窩夫內裡是淺王色，好苦好硬，d味好奇怪，最後來到的是心太軟，我看到個賣相已心知不妙，外表好硬，朱古力好苦，苦到是苦澀的，我不明白點解可以敢無心機去掣作甜品。本來吃甜品是多麽開心的事，但今晚卻好失望。

吃完飯7點多不用等位就有位置選擇多,又有創意有紅豆豆腐花加雪米滋,宇治金時等同時又有傳統的豆花,紅豆沙等等點了楊枝甘露跟一般楊枝甘露有點不同比較像芒果沙冰有芒果,西柚,西米,椰果芒果也算甜$25抵食服務亦唔錯

去廸士尼玩完一日，又熱又攰，本想去松記食甜品，點知未行到埋去，隔離糖森林位妹妹用高八度+超級大聲話佢地呢邊有位唔使等，有冷氣，甜品好多款等等n個理由叫我地試下佢，見個sale得咁落力，就過黎試下啦。入到去，有最埋邊嘅位同另一張闊少少嘅撘枱揀，一位疑似剛剛小妹妹嘅阿媽係咁迫我地坐最埋，嗰個位根本坐唔到人，後面仲要有個急救箱，完全唔明點解個箱要擺係呢度，淨係拉凳都撞到個箱幾次，個位迫到人同枱要貼實，個急救箱比我撞到啪啪響，真心驚會撞爆佢。睇下枱上餐牌有咩食，枱係痴立立，餐牌都係，即刻扣哂分… 餐牌係幾多野揀，價錢一般，around三十幾至四十幾，唔稱得上話平囉。兩個人點左兩個甜品，阿媽好唔客氣講左句夠嗱？點咁少嘅？聽完真係火都黎，好似我地霸住你張枱咁，門口仲有大把吉位囉唔該，而且一人一個甜品都算少？使唔使一人叫十碗？？甜品約三分鐘倒到，整定就梗，睇下有幾新鮮先。咦，無餐具嘅？一個男人用佢隻手拎住隻匙過黎，佢話匙係呢度，又係痴立立，懷疑有無洗，淨係用水沖下就算？友人叫嘅鮮雜果涼粉，$40好大碗，生果好多，但酸倒爆炸，士多啤梨同奇異果都預左，芒果又係勁酸，蕉出奇地無味…涼粉正常，但個椰汁底甜到

跟隨著地膽走過來, 越過橫街與窄巷, 我相信像我這個只能遊走大街的外區人, 知道「松記糖水店」的位置便可以把「糖森林」找出來, 因為她正正在松記的旁邊。有些人可能會奇怪 ... 既然有糖水名牌店在這兒, 為何還要光顧其他的店?  答案就是連鎖店 vs 街坊小店的分別, 其實兩店所賣的甜品價錢相若, 款式也是相若, 不過工廠式流水作業與家庭式巧手製作及在「待客」這一環已有明顯區分 (見到松記店門前有一大群食客在等候入座就知道店方並不會希望店內的食客久留)。甜品的種類有中有西, 要果味的有果味, 要清涼降溫的就有雪糕、棉棉冰, 想滋潤一下五臟六腑 --- 燉椰皇、燉雪蛤、燉雪梨、燉燉燉登場, 當然甜品店必備的經典款又怎會沒有。點菜這一環當然是交給地膽去辦...地膽說她每次必會點這款「天使之戀」, 由於是即點即製, 這款甜品是要等候15至20分鐘。直至放入口, 食過的那一刻, 我信等待是值得的!三個脹泵泵的拿破崙麵包(餐牌寫), 是酥皮的質感, 鮮忌廉把她們黏合成山的形狀, 清甜芒果片尤如是山間的一片彩雲, 天也降下煉奶甘露來潤澤巍峨雄山, 天使就是頂上那顆碩大紅潤的草莓, 簡直是視覺與味覺

請過表妹食晚飯, 佢話禮尚往來請我及太太食甜品, 現今的元朗已非我地頭, 食甜品我只認識B仔, 因此揾甜品食當然是交給地頭蟲表妹~表妹選擇糖森林, 因為食過幾次的甜品都夠穩定, 至於點甚麼甜品就交給她吧~魔鬼誘惑 $32:朱古力雪花冰又濃又滑, 入口即溶, 輕如飄雪, 配料有軟糯小丸子、大大粒紅豆及新鮮香蕉片, 絕對是夏日消暑之選~香蕉窩夫 $35:窩夫四件, 外脆內軟, 邊位稍為烘燶所以添加一些苦味, 新鮮香蕉切件再加兩球雪糕, 雪糕食得出並不是選用外國牌子, 綠茶味雪糕唔夠綠茶味, 朱古力雪糕有朱古力碎片, 最後用朱古力醬來畫幾筆點綴一下~地頭蟲表妹的介紹唔差, 下次大家再約過出來食飯聚會吧~

呢晚同男友仔+個朋友仔, 3粒人食完串燒嘆完啤酒, 又係時候開動另一個胃, 嘿嘿…呢間甜品, 由佢新開就已經想試, 今日終於都有機會啦~Menu 入面又有好多貌似好吸引既甜品!!!但係口就只有一個… 所以最後我都係揀返我既最愛………………………..榴槤!!!我揀咗: 榴槤銷魂男友仔揀咗: 鮮榨芒果沙冰朋友仔揀咗: 星空最先有得食既係…星空~杯面係一大堆既西米, 然後有龍眼肉圍住西米, 下面全部都係芒果+冰打成既…蓉!芒果蓉充滿咗龍眼肉味, 相信係溝咗罐頭龍眼肉既水..然後就到…鮮榨芒果沙冰~全杯黃黃的, 不過唔覺好濃既芒果香, 味道一般!最後就係我既…榴槤銷魂~一放上枱就有陣榴槤香味, 可惜! 第一個缺點係… 放響面果堆榴槤肉個樣…. 明顯地太DRY了吧!!!感覺就係唔新鮮雪咗好耐, 雪到個面乾晒咁, 除咗成杯甜品既砌法, 新鮮既光澤都係好緊要的, 真係要扣分!!所以我第一時間唔係試味, 而係將堆榴槤肉塞去杯底, 整返濕個樣真係差好遠呢~呢個甜品絕對飽肚, 因為除咗有榴槤肉, 中層係一堆甜味碎冰, 仲有個奶凍響杯底, 杯邊就圍住芋圓…奶凍一讚: 奶味濃而口感細滑!! 芋圓就係一粒粒無味

難得有朋友入元朗食飯，那吃完飯當然會找地方再待多一回兒，本來一直去開松記，但想不到松記旁又開多一間新的甜品店，見它裝橫挺漂亮，而且老闆說立刻有位，於是我們就貪新鮮去試一試。其實去開松記的原因是因為價錢便宜，但看一看這裏的Menu，其實也挺便宜還有一些名稱挺吸引的甜品，例如＂北海道3.6牛奶燉蛋白＂（價錢也不過是$16)，但由於晚飯吃得太飽，所以只能和朋友分享一款甜品，最後我們兩個女孩叫了封面圖片的＂即撞木桶豆腐花＂（$23），而另一位朋友則叫了＂星空＂（$28)星空就是正常的芒果沙冰，我自己沒有試過，但我朋友吃完了整個星空，我們的豆腐花還未見踪影，我們還有猜想過是不是漏單...但既然寫明是即撞, 我們唯有相信他們需要時間製造怎料原來這個即撞木桶豆腐花頗有驚喜我本來已經很喜歡木桶狀的甜品，想不到這個木桶上還有一個正倒數的計時器！店員姐姐說要等五分鐘才可以蓋開吃! 我好奇問她"如果而家打開會點?" 她只是答我"你自己睇下咪知"於是好奇心驅使，我就打開來看原來這就是所謂的即撞！豆腐花此時還熱騰騰並未完全凝固（但其實我沒有真的去篤它，只是憑外觀估計）在等待的過程中我們一直討論，當timer夠時