影片
更多
2014-08-31
606 瀏覽
去廸士尼玩完一日，又熱又攰，本想去松記食甜品，點知未行到埋去，隔離糖森林位妹妹用高八度+超級大聲話佢地呢邊有位唔使等，有冷氣，甜品好多款等等n個理由叫我地試下佢，見個sale得咁落力，就過黎試下啦。入到去，有最埋邊嘅位同另一張闊少少嘅撘枱揀，一位疑似剛剛小妹妹嘅阿媽係咁迫我地坐最埋，嗰個位根本坐唔到人，後面仲要有個急救箱，完全唔明點解個箱要擺係呢度，淨係拉凳都撞到個箱幾次，個位迫到人同枱要貼實，個急救箱比我撞到啪啪響，真心驚會撞爆佢。睇下枱上餐牌有咩食，枱係痴立立，餐牌都係，即刻扣哂分… 餐牌係幾多野揀，價錢一般，around三十幾至四十幾，唔稱得上話平囉。兩個人點左兩個甜品，阿媽好唔客氣講左句夠嗱？點咁少嘅？聽完真係火都黎，好似我地霸住你張枱咁，門口仲有大把吉位囉唔該，而且一人一個甜品都算少？使唔使一人叫十碗？？甜品約三分鐘倒到，整定就梗，睇下有幾新鮮先。咦，無餐具嘅？一個男人用佢隻手拎住隻匙過黎，佢話匙係呢度，又係痴立立，懷疑有無洗，淨係用水沖下就算？友人叫嘅鮮雜果涼粉，$40好大碗，生果好多，但酸倒爆炸，士多啤梨同奇異果都預左，芒果又係勁酸，蕉出奇地無味…涼粉正常，但個椰汁底甜到
入到去，有最埋邊嘅位同另一張闊少少嘅撘枱揀，一位疑似剛剛小妹妹嘅阿媽係咁迫我地坐最埋，嗰個位根本坐唔到人，後面仲要有個急救箱，完全唔明點解個箱要擺係呢度，淨係拉凳都撞到個箱幾次，個位迫到人同枱要貼實，個急救箱比我撞到啪啪響，真心驚會撞爆佢。
睇下枱上餐牌有咩食，枱係痴立立，餐牌都係，即刻扣哂分… 餐牌係幾多野揀，價錢一般，around三十幾至四十幾，唔稱得上話平囉。
兩個人點左兩個甜品，阿媽好唔客氣講左句夠嗱？點咁少嘅？聽完真係火都黎，好似我地霸住你張枱咁，門口仲有大把吉位囉唔該，而且一人一個甜品都算少？使唔使一人叫十碗？？
甜品約三分鐘倒到，整定就梗，睇下有幾新鮮先。咦，無餐具嘅？一個男人用佢隻手拎住隻匙過黎，佢話匙係呢度，又係痴立立，懷疑有無洗，淨係用水沖下就算？
友人叫嘅鮮雜果涼粉，$40好大碗，生果好多，但酸倒爆炸，士多啤梨同奇異果都預左，芒果又係勁酸，蕉出奇地無味…涼粉正常，但個椰汁底甜到食糖咁，勁稀勁水，仲唔知點解有西米，餐牌上無寫，自動送嘅。
另點左香蕉船，雪糕要左曲奇，朱古力同綠茶，$30有成條蕉，雪糕好大球，同勁多cream，一睇就知好飽肚。啱哂，去玩完都無食飯，甜品當晚餐。
蕉同上係無味嘅，未熟？cream超甜，加埋朱古力漿無敵甜，雪糕係街邊五蚊兩球嘅貨式，唔難食，不過無期望，亦超級快滆，要食得同時間鬥快。
另一個扣分點係蕉船個盤又係痴立立，盤又大過隻碟，一邊食一邊搖下搖下，果真係條船喎。
唔知係咁啱得咁橋，所有野都好失望，今次真係要比負評。元朗咁多甜品舖，要加油先得。連鎖店服務差，只能話請唔到好員工，但家庭經營小店就真係好趕客囉。
張貼
