粵品川

營業中

休息中

可以一試，但最差係收銀，早茶，下午茶，埋單時只講銀碼，不講多謝，作為飲食業服務員，收銀員，客人落單或埋單時，應該講聲，多謝先生/小姐幾多$, 無理由只係講個銀碼就算，太無禮貌，試過好多次都係咁樣，唔通收銀員覺得客人付款時向對方講句多謝，是好難為的事嗎？ 這方面國內服務業的服務員禮貌就好得多了，注意一下啦，粵品川！

困咗幾個月可以出外當然要食好野啦。不能浪費Quota，幾個人叫咗一枱餸🤣😂清碟因為好好味最鍾意食Fusion菜的特色混合醬汁配各種食材。一口一口腦海浮現出兩個字「醬王」😂🤣配有「脂肪比例」的肉👍🏼👍🏼會再去👍🏼👍🏼

第一次幫襯飲早茶，主要係街坊介紹。同老人家一齊試吓，食物質素比想像中好。早茶午市價錢都算超值，絕大部份員工都好友善。心諗絕對可以再試，甚至晩飯酸菜魚都想試吓。點知埋單時推住坐輪椅的老人家離開，一名員工在整理餐具櫃，由於通道不夠輪椅通過，我停低等。全程冇出過聲！旁邊有同事見到提佢讓一下，她未有理會，繼續邊閙邊整理餐櫃。整完後仲要好不滿話：我知呀，使乜你提呀！跟住好大力嘭個櫃門⋯⋯然後行咗去。附近幾台客都嚇親望住佢！有呢位老鼠屎員工，呢間食肆真係三生有幸。

朋友介紹，之後就食上癮..😆個個月黎食次次同唔同朋友同家人去食，個個都讚！👍真係良心老闆，食物新鮮好味，菜式有創意，D飲品全部都可以打卡！😍平民價高質美食！👍👍👍連下午茶嘅點心都超級靚超級好味！真係一定要試！我媽媽生日，仲特別整咗個低糖生日蛋糕，真係好窩心！💗

今日返到去梨木樹，好多食飯地方都full晒要等位，咁就去粵品川問吓有咩食🤣因為樓下酒樓裝修，基本上個個都係去呢到飲茶，所以就走入去食點心食物流沙奶皇包勁靚🙈好有竹炭味，老公開一個冇乜流沙，我個個就勁流沙終於俾我搵返你啦😭細細個初岀流沙包食過一次好好食，之後都搵唔返🥺冇諗過係呢一度會有🥰紅燒牛筋腩飯，因為好少地方有呢味飯食，就嗌呢個黎試好多大大條牛筋！差不多條條都有手指咁長！燜得好冧，啲汁同啲飯岩岩好！老公1個食晒咁濟佢話好飽爽脆蝦餃皇呢個又係要讚！真心皮薄涵靚個皮好軟熟，啲蝦真係爽脆！又靚有金泊🤣$10/粒仲有折鮮蝦燒賣王唔知係咪因為有蝦餃嘅對比，燒賣王好以爭啲係有好香嘅燒賣味，啲蝦都好爽脆！不過我想要大粒啲冬菇又可以大粒啲牛肉球，有牛肉球一定要加喼汁🤣🤣🤣大大粒，好香嘅葱味，好滑嘅腐皮，襯托粒牛肉球好爽口柱侯金錢肚我老公話同太子比，就係差在冇個烏冬底🤣🤣🤣🤣因為個醬實在太入味得齋做底，嘥左個汁🤣環境前面似餐廳，後面似酒樓坐得舒服嘅，因為我哋坐最入面唔洗加一，仲有折！茶位就12蚊位真係好高性價比架啦。

呢間幫襯過幾次, 有次見隔離枱叫咗個海鮮雞煲, 一大個鐵盤上枱, 勁吸引!! 決定搵日要嚟試吓~ 原來個煲叫「鳳鼎」, 可以揀蒜蓉汁/麻辣汁/喇沙汁, 我哋揀咗唔辣嘅蒜蓉汁。一上枱已經好震撼, 大大盤入面有2隻帶子、蜆、蝦、魷魚、雞... 個底仲有菜、蒿荀、菇同薯粉。海鮮非常鮮甜, 尤其是嗰2隻大帶子, 雞都好惹味, 最後我哋連蒜頭都食埋, 勁飽~ 如果食呢個「鳳鼎」, 就真係唔駛點其他嘢食。二人份連兩杯飲品都只係 $288, 性價比超高, 真心讚!!

🤴🏻相約我母親大人食飯，點完菜後就講我地黎緊12月會結婚，但我媽反問🤴🏻真係諗清楚，唔好後悔！仲叫我哋不如一直拍拖算😵‍💫😵‍💫我真心要講（心裡講）：呀媽，你係咪玩野呀😑😑再講多陣就上菜啦😀😀我地叫左3個餸～～～酸菜魚（鱸魚）例、小辣～～～酸菜魚用咗好大個碗，（呢個係例牌，咁大嘅咪好大😂😂）酸嘅程度係屬於酸麻辣，薯粉底！有好多魚塊，魚肉味香又唔係好多骨！好味😋😋～～～粵品川海皇煲～～～自家海皇煲果然份量十足，蝦球又大又夠彈，有冬菇、豬大腸、海鮮類等！呢個就係粉絲底朔晒啲湯味！正👍🏻👍🏻但我媽就話太鹹😮😮～～～紅酒慢煮牛尾煲～～～好香好入味，但可惜牛骨太大件！食得唔係好過癮！最後都係輕鬆、愉快嘅心情同呀媽講咗我哋要結婚啦🥳🥳

每月一聚又到喇，經朋友推薦訂咗呢間粵品川試吓！本來以為屋村普通酒樓，點知原來有小炒，亦有川菜，我哋成班無辣不歡既，啱晒😍😍😍一黎先試個黃金鮮魷，外脆內軟，亦唔覺油，個個都話好好味😋接住再黎一個炸雞軟骨+秋葵，再食，證實呢度啲炸品係有水準！炸漿唔厚好鬆化唔油，好味😋，本來覺得配秋葵好似好奇怪，但食落原來又幾ok, 平時唔食秋葵嘅朋友都爭住食,話唔會覺得佢滑潺潺🤣🤣🤣朋友食過咕嚕肉話好食，即管叫黎試吓！果然有驚喜😍 脆脆地又肉質軟滑，個汁既酸甜度剛剛好，好開胃，最重要係配鮮菠蘿，有誠意🍍😃👍食完幾味唔辣打頭陣，快啲試個辣既先！店長推薦既呢個水煮魚，真係好掂😍 個麻真係好香，魚肉又滑最緊要無骨，啖啖肉食得好爽！第一次食唔敢太進取，叫左小辣，下次加辣仲正！主角海鮮雞煲黎喇 🎉🎉🎉 有鮑魚、中蝦、蜆、聖子仔、扇貝、魷魚、雲耳、旺菜、薯粉…. 當然仲有雞😀 可以選辣度，因為有火熱住食，越食越辣，越食越熱，越食越想食😂😂😂 底果d薯粉吸晒啲汁，真係人間極品😍 食完呢個海鮮鍋，食返個蝦子豆腐中和下先！豆腐好滑，有蝦子鮮味，唔錯👍店長話一晚只出6碟，多都無😁掙扎左好耐叫唔叫呢個炸大腸，怕好油，最終都係不

梨木樹屋村商場內有一間裝潢時尚的四川粵菜，菜式多元化，價錢大眾化，服務態度非常好，特別推薦咕嚕肉，水煮魚等..絕對有驚喜。魷魚鬚，一看就知道用油新鮮，炸出來是黃脆脆的，好不招人喜歡，一口一個，外脆內韌，魷魚甚有嚼勁，真是一道極好的下酒菜。水煮魚首先上場的是水煮魚，一大盆！ 色澤鮮艷，濃淡恰當，夾一口魚片，白白的肉肉上面飄著一層紅油，鮮嫩無比，好夾著微微的辣，讓你把整個味蕾都打開了，好不過癮。急不及待先嚐一口魚肉，辣度都適中，很合我口味。魚肉大大片又夠厚而且肉質滑溜不會一夾就散，完全沒有腥味，啖啖魚肉沒有骨很是滿足。菠蘿咕嚕肉用上梅頭肥瘦適中，炸漿厚薄得宜，芡汁比一般的咕嚕肉薄一點，所以比較不膩口，味道融和，酸、甜、鹹味平衡，而且稀稠寬緊合度，入口咬嚼有外層酥脆而內裡嫩滑的滋味，而且伴碟有新鮮菠蘿，真是好正。哎呀，我膽固醇超標呀，是誰點了這「炸大腸」？炸得非常香脆，沒有多餘油脂，底下還墊了很多辣椒，叫自己不要再吃，還是忍不住再吃了一塊，OMG！已經很克制的了。芒果沙冰，一杯橙金色閃亮的芒果冰沙每逢夏天芒果季就一杯難求！擠滿滿一杯芒果和冰沙充分融合，只消吸一口就能讓酸甜清爽冰涼透全身！

心血來潮，想飲餐特別啲嘅茶，搵下搵下畀我搵到呢間粵品川。見openrice post出嚟嘅門面同食物相都幾靚，就走去試下。坐底後叫咗少少普通嘢滷水鳳爪、雞飽仔、雞扎。雞飽仔同雞扎感覺都算好新鮮，味道中上。份量適中。滷水鳳爪一嚟到嘅時候就聞到好大陣豉油味，心諗一定好醎啦點知食落醎度又適中喎，又爽爽地，幾好。唯一嘅缺點係成四十幾蚊一碟，份量比較少。人少少去飲茶，通常都試唔到幾多個款式。好在有呢味小籠五喜(有蝦餃、燒賣、魚翅餃、紅棗榚) ，每一樣都新鮮熱辣，無倒汗水，而且全部都足料，味道無過甜或過醎。人少少食呢味小籠五喜係非常適合。叫咗一味叫春風得意腸嘅點心，一心諗住佢應該齋腸牛腸蝦腸啲friend啦，點知一嚟到係咁樣嘅～原來佢係腸粉包春卷，腸粉幾嫩滑，綠色果片係春卷皮，非常非常薄，好脆。內裡仲好足料，有木耳紅、蘿白同冬菇。成個點心都好豐富，有驚喜。仲有一啲傳統茶樓無嘅點心，一場嚟到，一於試下，於是叫咗蝦多士。賣相好靚仔，睇落一啲都唔油，食落一啲都唔膩。最後叫咗一個甜品入面有好多柚皮同柚茸，又唔太甜，幾好。仲有面頭果幾塊金箔，好吸睛，個個行過都望下😆不過遺憾嘅係餐牌上好多甜品今次都無得賣。希

上星期約同事一行4人去咗呢間屋企附近的酒樓食晚飯, 估唔到咁好味, 絕對有驚喜!!!坐低第一時間睇特價餐牌, 點咗醉豬手 ($12.8 有4件, 好抵), 一開始太肚餓唔記得影相...小食揀咗燻蹄同芥末芝麻醬蝦球, 原來胡麻醬溝wasabi幾夾喎, 讚~員工推介我哋叫黑椒燒鵝、脆辣豬大腸同酸菜魚, 我哋仲點多個咕嚕肉添。燒鵝幾特別, 食前要加少少黑椒汁, 用火㷫住。因為唔食內臟, 所以無食呢味豬大腸, 但同事話好正好好味。同事們食辣程度只屬十小辣, 所以酸菜魚叫咗BB辣, 魚肉好滑, 湯底夠香夠麻, 相信叫小辣會仲好味!咕嚕肉夠脆, 甜酸度啱啱好, 最開心係竟然有一條新鮮菠蘿~最後, 我哋仲點咗個海鮮泡飯, 啲飯係炸到一粒粒脆米, 呢味主打係脆米而唔係海鮮!估唔到份量都幾大碟, 4個人實在叫太多嘢食, 真係飽到上心口!!!

呢一間餐廳嘅上一間店都係中式廣東茶樓，但上一間店真係比較麻麻，只是梨木樹中唯一一個選擇。一直見很多街坊給予負評，所以都勸屋企人唔好去呢一間飲茶，直到上次母親節未決定邊一間餐廳，所以先近水樓台選擇這家，我反而覺得呢一間餐廳幾好，嘢食嘅質素唔算太差喎。今次係第二次幫襯，都覺得唔錯。- 可能一家大細去人數比較多，每一次都有麻雀房嘅大啲嘅枱，就唔使在餐廳中間同人迫。- 有幾樣點心我都覺得好好食，首先蝦餃不是普通嘅水晶皮，是有彩色嘅紋。 個發財麻雀椰汁糕嘅表面其實是一張紙🤣其實個造型都幾搞笑，而椰汁糕都好有椰汁味，係會想令人再encore嘅。芥末安蝦鹹水角係啤梨嘅外形，外脆內軟，個餡仲有芥末味，其實真係好特別又好食😋 而且好少飲茶有蝦多士，呢間就真係有，可惜今日食不是太香脆，上一次食是脆卜卜的。和牛酥雖然外型唔係咁特別，全家人都覺得好好食，連我媽媽唔食牛嘅都食一啖。 個白天鵝酥係芋頭做餡， 其實個外型真係好吸引，打卡一流， 鍾意食嘅芋頭嘅人會覺得好食。 - 所以總括嚟講，我自己覺得真心唔差，而且屋村嘅酒樓嘅點心都唔係太Hea（以前嗰間龍騰閣真係太Hea，連服務都冇），點心嘅外型係有造型嘅，已經係

經朋友推介梨木樹開咗間新食店，有近期大熱嘅 酸菜魚，但地點比較偏僻，朋友極力推薦，咁就去試一下。下午6點左右到，店員快速安排入座，靚裝修，朋友話一定要點"海皇鳳鼎"，海鮮材料豐富，覺得好正，還包埋2支啤酒或特飲，我地選了2杯特飲。前菜點了牛，如果分量可以多些，就更好 我可以一個人食晒，真係好好味!朋友話 咕嚕肉好正，真係堅正冰粉( 賣相 好靚! )，清涼，唔太甜 原本一心冲住嚟食 酸菜魚😂，見隔離枱個"海皇鳳鼎"咁大份😍，朋友話必叫，咁唯有下次先試酸菜魚 😁😁😁呢間新開張啱我地口味，巳相約下次再Encore 😏

巳經食過幾次，才來品評！早，午市的點心選擇很多，每樣都想食叫了芥未咸水角（🍐啤梨形狀）出奇地好味。菠蘿杏汁餐包（好味），瑤柱黑松露燒賣（極力推介），米通炸鯪魚球，酥炸荔芋蝦（推介），牛栢葉 .... 全部上枱時都熱辣辣，加分！見新開張，晚市食咗2次，分別點了龍蝦、海皇鳳鼎（極力推介）、水煮魚、水煮牛肉（推介）、燒雞（香脆）、燒肉（脆卜卜），咕嚕肉都好正！ 最後來一杯冰粉，好滿足！環境唔錯, 坐得舒服！價錢都頗為合理，贊❗️

味道偏咸，連七八十歲老人家味覺退化都覺得咸，而且好油膩，價錢唔大眾化，老屋邨都唔會有長者常常幫襯到啦！新開鋪，裝修都可以。但人流不多，這間與梨木樹商場地下龍華閣也是同一老閣，梨木樹街坊都沒有其他茶樓選擇，領展所做好事！一次性飲食文化