粵來順 (已結業)

一行5人食晚飯～其實已食了一段時間，而家先有時間寫食評。我們有book位，但食客都不算太多。價錢屬於中上，當然午市平得多。必點的千絲芝士球～外邊一條條脆卜卜蝦肉夾口彈牙，芝士味不太濃郁。炒時菜，味道正常。蒜茸蒸聖子～味道新鮮，粉絲入味，正！冰梅欖鼓骨～酸酸甜甜，增加食欲蜂蜜鼓油雞～雞肉嫩滑超級推介的杏汁豬肺湯湯料豐富，一試難忘的味道，淡淡的杏味，很鮮甜，湯渣都很滑，點鼓油食！好味的粵菜館，環境不算雅緻舒適，食物實力派型…查看更多

係因為米芝蓮，所以慕名而來。地點格攝 油麻地地鐵站要行7分鐘先到 其實菜式選擇好少，質素甚至比起大排檔、打冷更一般，價錢全部都大概或超過$100，性價比極低。菠蘿咕嚕肉啲菠蘿又餿又臭不過店主都肯幫我哋換換咗蜜椒牛柳粒 啲牛柳粒有少又韌又細粒冷氣又凍 叫咗佢熄又開返 簡直趕客又成日都唔斟茶 侍應十問九唔應想食個芝心球賣晒 招牌嘢又冇不過金沙鮮魷都幾好味蝦多士都唔錯個炒飯用隔夜飯黎 炒得粒粒分明四個人嗌左五樣嘢都唔飽埋單埋左10分鐘都埋唔到想唔想嚟試就睇你自己啦真係好鬼失望！…查看更多

本人幫襯此餐廳吃客飯數次，絕對超值！由$64吃到現在減至$60，真心覺得好味又抵食！推介：鎮江骨、粟米魚塊但由於疫情，少了人去餐廳，粟米魚塊冇得做了，因為餐廳說「魚」要長期保持新鮮才好吃！希望疫情過去之後，可以在食返全港最好味的「粟米魚塊」啦！我之前推介朋友上司過嚟食晚飯，他們都對呢個「餸」讚口不絕！當然，我仍然會支持你地繼續做精美嘅客飯套餐，因為超級抵食呀，成日都會介紹朋友過來吃！有壺茶又有例湯餸，加上你哋嘅白飯每次都做得好好，真係每次都咁有水準，好香飯味，希望你可以繼續努力一起捱過疫情，加油啊！（記得之前三月疫情最嚴重嘅時候，你哋都要被逼休業，我都好擔心呀，你哋咁好食嘅餐廳，環境又乾淨舒服，都搵唔到第二間呀！比心機！好嘢自然會有人識欣賞的！…查看更多

一行幾人食飯，位置唔算好搵，唔太近地鐵站，建議食飯人數最好多少少，因為餸既份量都幾多，杏汁白肺湯，訂檯既時間會問你留唔留湯，個湯好好飲，好潤杏汁味又夠濃好好飲，千絲芝心球，裏面係蝦肉，亦有芝士流心，味道唔錯，亦炸得好脆，但出面既千絲太厚，食完好似食左成個炸麵入口，有d飽，金勾銀柳，蝦乾魚麵蝦籽炒粉絲，炒得夠乾身，亦好多蝦籽，推介，冰梅欖豉骨，好大件，用黎餸飯一流，個汁較得好好，椒鹽鮮魷，魷魚本身無咩調味，味道主要靠炸蒜，味道偏淡，一般，滷水拼盤，正常，臘味炒芥蘭，呢個個就油左些少同埋鹹左d, 整體黎講，食物味道唔錯，份量係多，價錢亦唔算太貴，店員服務亦好好，值得再去。…查看更多

如果唔係朋友介紹嘅話都真係唔會知道呢一區會有一間咁高質嘅大排檔feel中菜。仲要有靚湯飲，叫左杏汁豬肺湯，好味到唔記得咗影相就飲咗啦，當然靚湯係要事前預訂既。唯一美中不足就係嗰炸芝士，粉比較多冇想像中咁好食。黃金茄子同鎮江骨都好好味。…查看更多

今年的新年應該是華人有史以來最不能外出的一次，病毒橫飛處理失當導致人民受苦民不聊生，口罩比黃金貴真的是看不過眼。不過吊頸都需要抖下氣，所以在新年期間也外出覓食，由於選擇不多，決定在家附近碰碰運氣。粵來順掛住米芝蓮的名銜，出品確是比一般中粵菜稍為有特色。雖然也到訪過數次，不過今次也不例外encore一些之前感覺良好的菜色，加一些新口味嘗試一下。粟米魚肚羹是大家的摰愛之一，它的出品不過不失，最重要是不會過分調味所以味道不會太濃烈。豉油雞賣相一般，不過食落肉質很滑，烹調時間剛剛好。鹹魚雞粒豆腐煲送飯一流，連叉燒妹都表示非常滿意。味道濃烈是必然的，上枱時咋咋聲，夠邪惡。😋欖角骨其實味道很好，不過只是烹調時間掌握得不太好，所以很多塊都唔熟。和服務員了解後，他們表示歉意和立即幫我們換另外一份，由於我們已經失了信心所以決定轉咕嚕肉，反而換來驚喜。椒鹽鮮魷送酒一流，新年期間當然要啤啤佢，炸醬不會太口，魷魚十分新鮮。芥蘭煲上枱熱辣辣，芥蘭菜非常甜，口感一流。雖然來過這店數次，不過感覺上每次來都是每況愈下，今次出品有差，有些推介菜式也消失了，對已有米芝蓮名銜來說還有菜色唔熟的話算是失策，不過服務夠誠意，最後只能說它的廁所實在要走太遠了，希望可以有待改進。…查看更多

4/5今日太忙有點失水準，以前食係值四分的，尤其隻滑雞。It was too busy today which didn’t catch up the standard, but is always nice before, especially the tender chicken.(中英雙語，Chinese and English review)蝦醬魷魚炒時菜，用咗白菜仔，雖然少啲食呢個組合，不過食食吓蝦醬同白菜仔嘅甜味都夾得來嘅。魷魚唔會煮得太熟，仲保持嫩肉，成碟嘢食得出好有鑊氣，味道偏濃送飯一流。欖角酸梅排骨，梅味就夠晒重，欖角味就唔係好出，肉質又嫩又有口感，醬汁超多，一定要配飯食。豆腐羅漢齋，只係用咗小小豉油醬汁，配搭左幾條菜心響旁邊，感覺有啲敷衍，味道都普通咗啲，但豆腐處理得好。(Google translate)Shrimp paste and squid are fried in seasoned vegetables, and the cabbage is simmered. Although the combination is less eaten, the shrimp sauce and the sweetness of the cabbage are mixed nice.The squid didn’t overcooked, the meat will be tender, and will be delicious when it is eaten in a dish. Sour olive Pork Ribs, the plum flavor is enough, the olive flavor is not ,meat is tender and tasteful, there are too many sauces, be sure to match with meals.  Tofu Lohanzhai only uses little soy sauce, feels perfunctory and the taste is ordinary, but the tofu is well handled.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly #小菜 #鑊氣 #hk #hkig…查看更多

呢間飯店其實幾出名㗎，都係米芝蓮級，晚飯成日都好多人，今日趁住晏晝冇咁迫嘅時候過嚟試佢嘅午飯。午市套餐經濟實惠，好多款唔同餸菜可以揀，坐低又有壺靚茶，用嘅杯碟有舊式茶樓嘅味道。店舖唔算大，但係因為有兩邊落地玻璃，感覺好開陽。醬爆豚肉藕片— 非常惹味，鑊氣又夠，肉片爽滑彈牙，藕片食落爽脆，好好餸飯。滷水鵝片— 滷水汁好入味，鵝片肉質嫩滑，仲有幾片豆腐，平衡一下滷水嘅鹹味！菜乾湯— 跟餐加8蚊就有，湯味濃郁又清甜，絕對係老火靚湯!晏晝唔算好多人，可以慢慢坐飲下茶，享受透入店鋪嘅自然光，感覺都幾悠閒。…查看更多

星期六，去完果欄，見已經12點幾，就走左去粵來順食中午，佢中午有套餐供應嘅，入去見到冇乜人，可能啲office休息，白領唔使返工食晏。午餐選擇不少推介菜式午餐餸份量多，炸肉D粉亦算薄，味道酸甜適中，碗飯兩個人吃都夠凸，唯一要彈的是炸肉有D益味，可能油重覆番炸得太多，係時候要換乾浄的油，免得破壞食物味道😖鮑汁野菌豆腐煲👍，調較味道十分出色，但仍有不足的是豆腐裏面是暖不是熱的🥴，廚房要多用心才行。午餐每人70蚊左右，精美小菜，算唔貴哪，值得先試試午餐才去試晚餐，晚餐要先訂位哩🙄。…查看更多

粤菜店之中都算水準高，建議提前book位生磨杏汁白肺湯($248)：5碗杏味香濃，湯頭不錯，值得一試千絲芝心球($148)就是芝心炸蝦球，幾彈牙冰梅欖豉骨($118)幾特別，熱辣辣岩岩好金勾銀柳($108)只係炒粉絲，不過味道一般紅豆沙（送嘅）普通中式糖水，冬天暖上心頭…查看更多

年青人總喜歡西式美食和日式料理，但佳節當前，中菜必然是您的首選。店舖位置於旺角同油麻地交界，在上海街出入口的朗豪坊直走到豉油街，沿著海皮方向走到德昌街轉左，便來到米芝蓮美食指南推介、獲多間電視及雜誌採訪的中菜館 – 粵來順。這次已是第二次來到，第一次來好像已是四五年前，當時最有印象的菜式是人人都讚的生磨杏汁白肺湯及千絲芝心球。電話預訂時已留了白肺湯，一再懷念當時的美味。生磨杏汁白肺湯．HK$188生磨杏汁白肺湯是他們的皇牌，香濃的杏汁味很香，白雪雪湯底比起街外呈奶白色的湯水，口感來得更濃郁。相隔多年再品嚐，味道依然，可見師傅實力及水準非常深厚。千絲芝心球．HK$88一碟六個的芝心球，剪開一半後，還未來得切影相，大家已急不及待夾嚟食。芝士就像流心般湧出來，加上彈牙的蝦球，只有半塊就有點兒到喉唔到肺，一人一粒就岩岩好。蒜蓉粉絲蒸元貝．市價這個也是另一必吃菜式，吸汁的軟身粉絲、蒜蓉蔥花等配料亦毫不吝嗇地滲上、大粒易拆元貝、加上蒸熱的豉油與海鮮的鮮味，真想這滋味停留在口腔裏。籠仔荷香糯米蒸膏蟹．市價意想不到的事是選用糯米，蟹的鮮甜味配上煙煙韌韌的糯米飯，別有一番風味。另外，整個籠仔糯米飯的分量略多，再來的芋頭西米露已吃不消。冀望下次再來的時候，可試試其他皇牌美食。喜愛海鮮或中菜的您，不妨來到粵來順，讓他們帶您走一趟美食之旅。…查看更多

今日係兩位屋企人生日, 再加上下星期就中秋節, 所以今晚決定提早食中秋節飯加為兩位慶生。食飯前一星期我地已經打電話訂位, 服務員很好地推介散叫需要預留的菜式，其後仲whatsapp 我幾款中秋套餐的menu。雖然3款套餐都未能食到哂所有想試的小菜, 但散叫的分量好似又唔係好夠有地13人每日都食到, 所以最終都係決定叫「花好月圓」套餐。依個套餐一共十樣野, 有湯有出名小菜亦有塘水, 當然就唔小得個杏汁豬肺湯啦！個湯就咁睇落去已經非常濃稠，外面好少會飲到濃度咁高的杏汁豬肺湯！另外，我想特別highlight 個冰梅欖豉骨、鹵水拼盤同瑤柱蛋白炒蛋，味道全部都岩岩好，非常好味。最後，不得不提的係所有服務員的態度，每一位都好用心而且服務態度非常非常好，亦非常細心。我地一家13人, 有大有細, 大家最後一邊切蛋糕、一邊食生果、一邊飲塘水，全部人都食得好開心, 下次家人聚餐一定會再考慮「粵來順」!…查看更多

和家人一行5人吃晚飯，叫了6餸1湯，食物品質不錯小菜價錢中上，海鮮較貴，總括來說只叫小菜是值得一試的！杏汁白肺湯 $248 比在外面酒樓喝到的更濃更足料，份量有6-7碗。這價錢可喝到這麼正宗的白肺湯也算物有所值，是晚最喜歡的菜式！主菜蝦多士 $98 多士炸得鬆脆不油膩，炸粉不會太厚，不錯吃。略嫌蝦味不夠鮮砂煲魚頭 $198 魚頭很大，配上豆腐、冬菇片，我不吃魚頭不能評價，但家人說不錯👍🏻薑蔥桶蠔煲 $198 是晚另一喜愛的菜式，蠔很新鮮大隻，約有5-6隻，耳中一隻有手指般長👏🏻 一向不喜歡海鮮炸過才上，怕不新鮮，但這個蠔夠鮮味之餘，炸皮也不會因炒過而變”淋” ，得好吃😋 蔥和薑也吃掉了蒜蓉粉絲蒸蟶子 ~$200店員推介今天特價$50一隻，味道普通，下油重了些冰梅欖豉骨 $118頗有特式，酸味和欖菜的味道平衡，份量也很足，唯肉有點韌蟹膏糯米飯 ~$800 是晚最貴😵 店員會給我們先看一看所選的羔蟹，很大隻也很夠肉，羔是實身的，個人較喜歡流質一點的蟹羔。下面的糯米飯薄薄一層，但己夠我們吃，因為實在叫太多餸了🙈 蟹羔實身也令羔的味道沒有太滲入飯中總的來說，小菜水準高，價錢比一般中菜餐廳高一店，但款式很多也份量足，可以試試！…查看更多

今日同同事farewell 於是一班人就嚟咗呢到食飯！入面有好多出面比較少有而又考功夫嘅小菜！好似杏汁豬肺湯咁，因為豬肺要洗得乾淨係好麻煩，所以屋企都無咩機會飲到！仲要好濃味，好飲！千絲芝士球外面脆卜卜，入面夠彈牙！肉蟹檽米飯都好味！…查看更多

粵來順-之前一直有食質素唔錯，但係近呢幾次去食唔知係咪換咗廚師，好似食物質素有下降。金沙桶蠔-一直覺得佢做呢個蠔做得唔錯皮夠薄，鹹蛋黃都好香。但今次食完全唔係嗰回事，皮太厚筷子一夾成塊皮會甩落嚟。鹹蛋亦都做得唔夠香，有啲浪費左啲蠔😩金絲銀枊-因為之前一直做得唔錯嘅嘢。今次呢個完全大失所望。啲蝦子太少，啲魚麵線同之前比而家真係好粗鞋又冇魚味。吵得一啲都唔香。呢個芝心球第一次食覺得味道都幾好，夠彈牙，但係中菜芝心通常都係唔係好夠芝士味。呢個係預計之內冇乜好投訴。呢個小炒王係今日做得最好嘅一味餸，抄得都幾香口啲腰果夠脆，有蝦乾，蝦、魷魚等配搭都幾豐富。總體來講： 我個人認為唔知係咪換咗廚師，啲餸菜做法有改變。其實除咗個小炒王其餘啲嘢真係好一般，對於今餐飯有啲失望。…查看更多