粥君好

營業中

休息中

又係放lunch 果時去食，今次唔食粥， 試下其他野。炸兩即叫即整，送到黎唔係話好熱，但都係熱熱地嘅，點埋豉油，甜醬好好食。😋白糖糕普通嘅白糖糕😌湯飯有好多款餸可以揀，我揀左魚腩同西洋菜，湯同飯係分開上，個湯唔係味噌湯，好有屋企煲嘅感覺，魚腩好味，入面有五舊魚腩，同放埋西洋菜係入面，自己將湯加入飯到食，想點食就點食😋人流都幾多，每次都差唔多坐滿人，係keep 住滿人，啲人食得快都唔洗等位，亦有好多人叫外賣。

西環有一間又平又唔錯嘅粥店，環境舒服，有足夠冷氣，侍應服務很好，上菜很快，入面有好多粥款，仲有湯飯，有好多腸粉款式，兩個人叫左艇仔粥、炸兩、炒米粉、叉燒腸粉。🥣艇仔粥： 很大碗，內有很多料，花生、豬皮...🥢叉燒腸粉：入面有好多小方塊叉燒，腸粉皮比酒樓厚, 但很煙銀，我喜歡那口感。🍝炒米粉：普通的炒米粉，分量很多，唔大食一個人都可以食飽。🥓炸兩： 必叫的食物，進入店中，幾乎所有人都有叫的食物，油炸鬼還是脆和熱的，皮很薄。

港島西環自從地鐵開通後，多咗去搵食。今天就來個遲来的傳统中式早餐- Chinese All Day Breakfast , 包括：1. 葱花蝦米肠 - 夠葱花，夠蝦米，𨠄合米香和帶點煙靱質感嘅腸粉，加上豉油和辣椒醬，胃口馬上給打開。2. 猪潤鱼片粥： 綿綿粥底，新鮮饀料，一口剛熟的爽滑豬潤又帶點沙，另一口是清甜的魚片，就是雙併粥奧妙之處。3. 吃粥不能沒有油炸鬼，不過這個就略為失色了，做不到外表鬆脆內裏綿軟的口感。但总体还是很豐富的一顿早餐！

魚腩豬潤粥($26)，平吧！？記得試過呢度嘅魚片都算多骨。今次試魚腩，都係多骨，但起碼大條易處理，肉質唔韌夠滑，及格；豬潤我唔係好識食，但唔“鞋”唔韌，及格吧；粥底唔算稀，也算不上綿，中規中矩；豬潤“血水”有滲入粥底，令白粥變成有味粥，我歡喜。相對呢度粥嘅價錢，畀料算豐富。除咗魚片粥，亦試過呢度嘅皮蛋瘦肉粥，似乎係食過咁多平價粥舖皮蛋落得最多嘅。總括而言，呢度嘅粥性價比係above average。

兩個人叫左一個艇仔粥，一個魚片皮蛋粥，一碟蝦米腸份，一碟蘿蔔糕。粥底綿見到米粒化開，唔係只用米粉開水加腐皮白果果種。真米粥，夠大碗。魚片唔鞋口，唔落薑絲魚都唔腥，蝦米腸就唔夠滑，反而蘿蔔糕多蘿蔔絲，唔苦無渣，都唔算粉多實晒。艇仔啲料我唔食既，某人話都ok無臭味，我食左兩啖粥都有少少肉既鮮味。嘩～～是咪我地少黎呢頭，定跳起左離左一下地🙈竟然仲有啲咁平既食店。埋單只係六十幾，有個人離開左間店重仲不停重複又重複，好似發現新大陸咁😂

昨日因為已約了家人在西環吃晚飯, 所以预早前往附近閒逛。約3時許經過此粥鋪觉得有些肚餓, 進內吃了一碗很常吃的碎牛粥加一碟义燒腸粉。不知是否已過午飯時間, 成碟腸粉竟然是凍的, 而义燒全部都是切成小粒形狀, 下次我肯定唔會再叫來吃。碎牛肉粥就很夠熱, 但很難吃出有牛肉味, 粥味很淡, 吃不出米香來。

晨早流流 約咗大哥食早餐 突然間好想食白粥同腸粉 咁就兩條友走咗去堅尼地城間粥君好食粥同炸両 之前嚟過多幾次 間嘢D粥個粥底唔錯 腸粉都夠滑 去到叫咗兩碗白粥 一碟蝦米腸同炸両

西港島綫開通後，到西環一帶方便多了，以往沒有到過堅尼地城，今次到這舊區逛逛，感覺不錯。朋友介紹這間粥店，環境跟這舊區很相配，簡簡單單，沒有甚麼花巧裝修，食品也是平民化價錢。生滾豬心粥 ($21) - 我看到餐牌就覺得一定要試這個，因在其他地方已經很少見，連鎖店也大多沒有供應這個。再者就生滾粥而言，只有舊區才找到這個價錢的。粥底很錦滑，在這冷冷濕濕的天時，熱騰騰的粥實在吸引，豬心特別爽口，而且調味得且，真是一流。艇仔粥 ($13) - 友人點了艇仔粥，味道也是不錯的。生滾粥類份量比較多，價錢也相差數元，不過我還是喜歡生滾多一點點。炸兩 ($10) - 吃粥我很喜歡配炸兩。不過這炸兩令我有點失望。因那油炸鬼已完全不脆，感覺是放了整天的。我們用餐時是晚上6時多，或許來試早餐會好一點吧！另外一提，粥店除了供應粥品、油器及炒粉麵類，也有甜品的，有白/黃糖糕、紅/綠豆沙及芝麻糊等，都不超過$10。

是日早餐揀了粥君好開餐，點選了炒米粉同齋腸粉。炒米粉有紅蘿蔔絲，芽菜，火腿，米粉。炒得味道夠味，米粉不會炒得太腍。唯齋腸粉皮太厚不夠薄，有點像中式點心的黑芝麻菲林卷。