米青蛋包飯公司

營業中

休息中

之前有去吃過的番茄師兄，現在在 D2 Place ONE「自己做飯」。米青蛋包飯公司 主打香港人口味的創意蛋包飯。搭配綠色天花的裝潢帶懷舊感的茶餐廳元素，卻又不失現代感的氛圍。店是用QR Code下單，蛋包飯除了有多款肉類可選擇，也有素食。連配菜、醬汁都有不少選項，甚至可將飯底轉成低卡的椰菜花飯。🍚鹹蛋西班牙黑毛豬肉餅 (HKD 88)配白飯 + 米青咖喱汁 + 追加蒜蓉菠菜 (+HKD 10)看起來很色彩鮮艷的蛋包飯，份量亦不算少。一口咬下能吃到微微的鹹蛋黃味，讓外層微焦的肉餅味道更濃。另外半肥瘦的肉餅比例亦恰到好處，肉質細緻也有肉汁。包著飯的蛋色澤金黃，用湯匙輕輕劃開便能感受到柔軟的質感。滑嫩的蛋配上微辣而不嗆的咖喱汁，讓人一口接一口。咖喱汁的份量剛好，味道濃郁卻不膩口。配菜有粟米、翠玉瓜、甘筍、長柄西蘭花和番茄。另外加的蒜蓉菠菜吃完不會「嚡口」。🍚蘑菇和牛免治牛脷肉醬 (HKD 78)這款轉了椰菜花飯 (+HKD 8 ) 配洋蔥牛肉汁。牛脷肉醬和平時茶餐廳吃到的很相似，加了蘑菇口感更豐富。對比下洋蔥牛肉汁就較為淡身，洋蔥吃落倒是幾甜。椰菜花飯口感沒想像中的顆粒感，不過都有點微脆略

作為蛋包飯專門店，比一般餐廳的蛋包飯更普通。外觀是ok，雞胸是嫩但無咩特別，但炒蛋很少很薄，自家的咖哩汁也無特色。更過份是，加10蚊加的蔬菜，居然是碟飯本已有，只是每樣加多一粒一條，咁就要10蚊！紅蘿蔔很硬，粟米連芯唔易處理(最後我無食）。包飲品也無咩選擇，只有茶是免費，其他要加十幾蚊，選擇亦不多。食物也遍貴，小食要去到下午茶時段先。冷泡茶是用玻璃樽上，幾啖已無。建議改用杯吧，玻璃樽清洗不易，個個客人用咀直接飲，我感覺唔太好。雖不用加一，但我覺得CP值較低，在荔枝角咁多食肆情況下，要生存真係要諗吓法子了。

#68 📍米青蛋包飯公司**🍴 食評｜芝心雞肉漢堡扒蛋包飯** **💰價錢**：$82**📝簡評**： 呢個蛋包飯賣相唔錯，但食落就...普普通通囉！日式咖喱汁偏甜唔辣，味道有啲單薄🥄。雞肉漢堡扒中間有芝士餡，切開有少少拉絲效果🧀，但份量太少，存在感薄弱。蛋皮食落ok 幾滑，炒飯味道正正常常，整體冇乜驚喜😐。 反而蔬菜嘅份量有都算多，有啲食緊湯咖哩嘅感覺😙。濕紙巾造型特別，可惜小編諗住留嚟收藏嘅時候就比職員收碟嗰陣一次過收埋左🥹。另外跟餐有四季春茶，冷熱同價，用幾靚嘅玻璃樽裝冷泡，四季春茶嘅茶味都濃，但扣分係樽蓋內頂見到有污漬😶。小編見其他foodie話可以加$5拎走個樽但唔見餐廳有相關指引🥲**👍優點**： ✔️ 適合唔食得辣嘅人 ✔️ 芝士餡心思加分 **👎缺點**： ✖️ 咖喱汁太稀唔夠香 ✖️ 芝士份量可以再多啲 **🌟總評**：3.5/5 性價比唔高 **🤔回訪？** 試過就算，除非冇其他選擇 #香港美食 #蛋包飯 #食評 #美食分享 #香港餐廳 #芝心漢堡扒

🍅【街坊價親民又驚喜】三餸麵+養生茶$48在商場算超值每款肉料給兩大塊誠意十足座位舒適餐桌闊偌 相聚暢談快速用餐皆宜🐂【肉食三重奏】• 騸牯滑牛 - 香港少見的閹割牛特殊肉香• 牛面頰肉 - 每頭牛僅兩塊的珍貴部位• 流心滑蛋 - 蛋黃稠度控制得恰到好處🍜【湯頭巧思】濃稠番茄湯底暗藏玄機• 新鮮番茄+茄膏雙重奏• 滿滿蕃茄蓉幸福嘅味道• 拉麵彈牙又掛湯• 加麻之一滴 麻辣酸甜一口嚐☕【養生茶飲】紅棗桂圓桑寄生茶絕配• 中和番茄酸性• 溫補女生最愛• 坊間茶餐廳少見的搭配智慧美食亮點：✨蕃茄湯✨騸牯牛✨滑蛋✨麻之一滴這樣的用心小店，一定要回訪！牛肉蕃茄湯香氣都要飄出屏幕了～(◠‿◕)

同朋友喺荔枝角做完運動，諗住搵間Cafe坐吓，好快就搵到呢間米青食蛋包飯嘅店。店入邊有牛舌蛋包飯好吸引，仲可以自己揀醬汁，本身仲諗住嗌咖喱汁，但係見到菠菜忌廉汁都好吸引，於是嗌咗菠菜忌廉汁。一嚟到個菠菜忌廉汁好Creamy，加埋牛舌桃蛋包飯都好好食。牛舌好腍，有三舊厚切牛舌，連埋飲品呢一個餐$100都唔使，價錢都算OK。

當日是平日晚上同1位朋友幫襯，大約8:45 pm入坐，餐廳格局屬茶餐廳feel, 一般蛋包飯類價錢由$66至$138不等, 亦有和牛餐價錢$2XX, 以此茶餐廳格局的價錢屬偏貴，餐飲不用加錢的只有凍頂烏龍冷萃和四季春冷萃茶，其他飲品例如屈臣氏梳打水（加$12）、柚子/荔枝梳打(加$18），非常貴及不值。手機點餐選擇了椰菜黑豚肉配白飯，配咖喱汁，餐飲選擇凍烏龍茶，侍應好快送餐來，碟飯擺設似快餐店頹飯，椰菜是煮過熟，顏色呈梅黃色，黑豚肉味道普通有點「鞋口」，蛋包飯不似日式的蛋包飯，只係把蛋皮放在飯上，只屬港式風味，蛋過熟唔滑，米飯味道亦很一般，咖喱汁是凍的、偏稀似水狀、沒有咖喱味，只有咸味，配有一條瘦弱的凍芥蘭及一塊凍翠肉瓜，這碟飯味道比快餐店更差，似屋企煮椰菜豬肉片，不能炒來形容，只能用煮來形容，仲係似攤凍咗，因為碟飯只是微暖，咖喱汁是凍的。凍烏龍茶的茶味尚可，但以玻璃樽上，份量比較少。晚上可能比較少客戶，9:05 pm收銀員埋來問仲有冇需要點餐，9:10 pm又埋來話要埋單先，但要食客行出去櫃枱俾錢而不是擺單來收錢，這點是有煩到食客，明明正在用餐，卻要走出去櫃枱埋單。此外當時連我們的1

本身睇過其他人的介紹先好想去食佢的牛扒, 但去到先知原來牛扒要17:30後先有, 但都去左了咁就不如試下其他野。所以就叫左佢餐牌推介的精選厚牛舌蛋包飯, 而個飯係可以+$8轉做椰菜花飯, 我再加左$10所以先有旁邊的紅羅蔔粟米個D配菜, 但原來個配菜都唔多,  所以都唔算抵。牛舌的確好厚, 不過就好淋, 牛味唔重, 但咬落都叫有D口感的, 蛋包飯又真係唔太特別, 個蛋都幾薄, 椰菜花飯同個汁都係正常味道, 所以總括黎講我覺得係好普普通通的一餐, 唔可以話佢難食, 但呢個價錢有更好的選擇, 但環境算坐得舒服的, 又唔洗等位, 如果下次夜晚經過都仲會想試下之前人地推介的牛扒薯條。

星期五約六點半去到已經坐滿九成枱，心諗咁多人食實無死啦，一於試曬和牛、漢堡扒、蛋包飯最遲上菜既和牛，牛係凍冰冰😅，牛本身就應該唔差，但整到衰過茶記咁。薯條係岩岩微波爐叮完攞出嚟咁，食兩條就變凍😅成餐飯最熱係餐湯，食完飯都仲係熱一上枱心諗都幾多餸咁，點知和牛漢堡扒同黑毛豬肉餅都鞋到無朋友，係得芝心雞肉漢堡扒係食得下😅😅重點全部飯、菜、肉上枱都係得微暖，似全部微波爐叮，食物連溫度都搞唔掂都可以開餐廳⋯簡單來講，排長龍食叮叮飯，不了🙂‍↔️去茶記食都無咁嬲

- Tasty Index：8/10 （The smooth and tender egg paired with a rich curry sauce is really delicious. The chicken breast is quite tender as well)- 好味指數：8/10 (滑嫩嘅蛋搭配濃郁咖哩醬真係幾好味，雞胸肉都幾軟嫩）- Queuing Time：Nil - 排隊時間：不用排- Serving Time: 5 mins- 上菜時間: 5分鐘- Remark: 係番茄師兄新開的「米青蛋包飯公司」 (圖中價格是港幣)(The prices in the picture are in Hong Kong dollars.)

荔枝角新開的蛋包飯餐廳，平日夜晚嚟大概等15分鐘就可以入座～ 環境光猛坐得都舒服！❄️走汁慢煮雞胸蛋包飯 $74可以+$8轉埋椰菜花飯，健康之選！雞胸都嫩 走左汁就比較原汁原味 ，雞胸份量都多！❄️咖喱汁吉列魚柳蛋包飯個皮都炸得幾脆，咖喱汁好襯個魚柳～魚柳都好大塊，雖然菜一咬落去係凍 同店員反映返佢整過份暖既比我🥹 服務加分！加左個雜菜有蕃茄，蘿蔔同翠玉瓜，種類都算豐富！整體嚟講不失為增肌減脂餐嘅一個好選擇～

一直都好鍾意食蕃茄師兄 知道佢開咗蛋包飯，就算唔係太鍾意食蛋包飯都專登去捧下場 點知🥲叫左個封門柳蛋包飯餐 個餐跟一碗湯同一枝茶點知原來係頹到不能再頹的粟米芡汁湯 蛋包飯，並唔係有隻蛋包住飯而係就咁將塊蛋po上面我哋揀咗椰菜飯 感覺都還可以 好似健康啲但係側邊啲配菜都係凍嘅 而個牛都比較鹹 另外再加咗錢要兩隻炸蠔 都算抵另外叫咗騸牯牛柳飯就揀咗白飯 個飯最呢令我失望 D 飯太黏 唔知食乜 牛正常發揮，但係個汁感覺非常茶餐廳 另外叫咗兩件炸雞 都係一般總括嚟講，食完都幾失望，好唔滿足 希望ching 可以做返當年嘅水準🫡

荔枝角D2蛋包飯專門店🍛✨全日餐$6X-7X，有菜有肉有蛋，色彩鮮艷，幾靚仔♡不得不說炒蛋好嫩滑，幾鍾意面頭海苔碎碎♡有日式感覺可以自由配搭醬汁&可選椰菜花飯！全日餐跟茶飲 (四季春/烏龍茶)但係蘑菇忌廉汁偏淡味吾香，建議米青招牌咖哩汁★微辣甜口日式咖喱，超送飯！但要預留脂肪quota!! 建議少汁少飯喇～欣賞雞胸有大約8片，份量都幾多！慢煮肉質都幾嫩滑(有少少似七仔雞胸質地xd) 洋蔥牛柳絲中規中矩，肉量就唔算多，不過洋蔥炒都好淋好入味！見到仲有豐盛蛋包飯餐($1xx)，就包兩款肉類～想食多啲蛋白質可以揀！★慢煮嫩雞肉 $69（配蘑菇忌廉汁）～841 kcal79c 58p 31f★洋蔥騸牯牛柳絲 $76(配米青招牌咖喱汁)～929 kcal102c 40p 39.5f📍米青蛋包飯公司 (荔枝角)荔枝角長義街9號D2 Place ONE 3樓303號舖#蛋包飯 #咖喱飯 #荔枝角美食 #卡路里控制

之前喺facebook 見到睇落好似好好食，帶埋老公去試，感覺似中伏。睇落好似好好食嘅樣，好吸引，前日去到見到好多人排隊，睇過OpenRice 都未有差評，諗住應該會好食，但最後失望收場。兩個人去食，叫咗一個腹心肉和牛餐，一個龍脷柳蛋包飯，一齊share，兩杯凍頂烏龍茶一凍一熱，熱嗰杯ok嘅，凍嘅使用玻璃樽裝，個樽似重用加無洗乾淨，蓋內邊緣有明顯污漬、蓋上灰色帶尾端呈啡黑色，飲咗一啖見到已經唔係好夠膽飲，同最後返到屋企喺我哋個餐兩個share全日食嘅嘢完全一樣嘅狀況下，飲玻璃樽裝冷萃茶嘅我老公肚痾，我飲熱嘅無事，疑似係玻璃樽嘅衛生問題。食物方面，先講腹心肉和牛餐，淨係得個底嘅薯蓉係熱，其他凍上，薯條唔脆，牛肉同薯蓉混合埋一齊，唔知係廚房問題定薯蓉餘熱嘅問題，大部分牛中間都唔再係粉紅色甚至過熟，成個餐好食嘅得啲薯蓉同個蒜蓉牛油尚算ok。至於龍脷柳蛋包飯問題就大好多，以前教我整壽司嘅師傅曾經同我講啲飯太實啲客會慘過食屎，我終於有機會明佢嘅意思，蛋包飯啲飯太實，估計係放入模嘅時候造成，實到離譜嘅程度，有種割裂感，啲飯食落感覺同碟入面嘅所有其他野都係唔夾，分開咗咁，汁太少，龍脷柳疑似急凍貨，伴

收工時間19：30到達開始排隊，現場已有幾組人士，等待約10分鐘左右聽到前面客人對話是需要櫃檯取飛等候。可現場並無任何工作職員通知或有任何相關指示/指引去櫃檯取飛等候，甚至後面幾組客人是靠旁邊餐廳的職員告知才去櫃檯取飛....20：00入場掃QR CODE下單才發現幾乎90%菜式已售罄，只餘菇 、雞胸肉、魚、牛柳絲和腹心肉，我與友人苦選牛柳絲和腹心肉後繼續等候上餐。在此十分不解90%菜式已售罄的情況下職員可以不作出任何通知告示外面排隊候餐的客人。90%的菜式不會是全數幾分鐘內一起全部售罄吧？哪怕再繁忙是否也可以安排到人張貼/通知客人某部分菜式已售罄呢？而不是要人排隊半小時後進來才發現只餘兩三款被逼選擇？等候再過多半小時後友人選的腹心肉蛋包飯送到，可隨即被通知牛柳絲已售罄，請我再掃QR CODE下單......所以請問到底過去的半小時我在等候什麼？不可能要客人等候半小時上餐才告知已選的售罄吧？再打開QR CODE發現只剩菇 、雞胸肉、魚，完全無從選擇取消下單。哪怕再好吃的餐廳，如果安排是如此差勁不合理不恰當，再好吃也不會光顧。PS ：玻璃樽帶離開是需要付費$5，表示理解，但不清楚現場是否

好難食！好難食！好難食！重要嘅事情要講三次！因為真係唔想再有人中伏！ 畀宣傳相片吸引咗特登去荔枝角店食 可惜好失望 260蚊坦白講唔係話特別貴，不過亦都唔平， 對食物有d期望都唔過份啦 但食物一嚟到上枱，見到1x塊薄切切嘅牛,實物賣相已經唔太開胃 果然，牛肉食落去乾到不得了！轉食薯條，但一啲都唔脆 好似擺咗好耐咁 最想唔通嘅係唔明點解要將薯條擺薯蓉上面？？ 叉叉下啲薯條同啲薯蓉融為一體 十分難食 成個餐最大嘅敗筆就係兜薯蓉 薯蓉一食落去就係溝粉嘅味道 如果店家係真材實料嘅薯蓉就真係唔好意思 完全唔明白點解咁簡單嘅薯蓉都可以整到咁難食成兜都有怪味。不過公道啲咁講返句伴碟嗰條菜，味道唔差嘅