米線陣 (海富中心)

營業中

休息中

見唔係好多人等位，今日lunchtime 一個人食米線陣，試下新出嘅酸辣湯底。三款新品分別係酸辣湯魚片鴨血米線、酸辣湯牛肉牛丸米線，同埋酸辣湯墨丸雞球米線。我嚟到得返牛肉牛丸米線，冇得揀🥲酸辣湯冇得揀辣度，大概係小辣級別，酸菜份量唔少，湯底偏油，同酸菜魚嘅湯底類似。加咗$3轉薯粉，覺得呢款湯同薯粉唔太夾，薯粉索咗湯變到好油膩，但又唔係好入味。之前食過新鮮炸起嘅大汗豬扒同大汗雞翼，非常香脆惹味，食得辣一定會鐘意呢款蒜香椒香嘅風沙底。可惜今次呢份大汗豬扒上菜已經凍晒，切得亦太大舊，食得有啲狼狽。

居然第一次食米線陣，平時想食米線都係去譚，咁金鐘廊無咩選擇，見到米線陣menu竟然有我最鍾意嘅擔擔湯底，即刻去試下，估唔到連鎖質素都幾高。擔擔湯底夠香，麻香味花生味都夠，湯底比我想像中辣，不過個名叫大汗豬排擔擔米線，做到佢個名嘅效果。豬排份量足，有幾大塊，厚肉，唔會淨係得炸粉，炸得香脆，面頭仲有啲辣粉。overall係幾驚喜，會想再食。

下午茶時間去幫襯貪佢無咁多人，打算可以快啲食完返去做野。今次叫咗：麻辣番茄湯嫩雞豆卜米線 (辣)配-凍檸蜜加小食-香辣花甲木耳（辣）+$10單點-大汗豬扒（辣）+$25麻辣番茄湯嫩雞豆卜米線 7.5/10這碗米線的湯底結合了麻辣與番茄的雙重風味，沒三小辣的程度，不嗆、反而配合番茄的酸甜則恰好令到湯頭有層次但偏甜。嫩雞是用上雞腿，所以能稱得上嫩滑，不過偏多碎骨，跟湯底不太搭。豆卜吸滿湯汁，一口咬下去，汁液濃郁而香辣，讓人欲罷不能，很搭無得輸。凍檸蜜 6/10本來是一個非常適合搭配麻辣菜品的選擇，但不知道為何帶點微苦、有點怪，是菜蜜的問題嗎？香辣花甲木耳 N/A小食但吃完所有食物都還沒來，中間找了店員去催，但就是沒來，所以最後已經來的都吃完了便取消這項目，感覺店員及廚房在下午茶時段會突然傭懶唔憂做。大汗豬扒（辣） 4/10幾年前在同一層的舊位置（大概KFC個位)幫襯米線陣幾乎必點，但新位置不知道換了廚，越賣越差，炸粉唔均勻，風沙底量少而黏唔到塊豬扒，算了、下次不會再點了……整體而言，當大汗豬扒劣質到一個點既時候，譚仔會好過佢。

2024-12-6 下午四點十五分至三十分左右 金鐘海富店職員因為要拖地 唔俾客人想坐個啲位置 而當時想坐的位置旁邊兩枱均坐了其他客人同埋該座位區域沒有封鎖 仲要大聲呼喝 搞到其他食客望住我 我好似做咗賊咁 可能我阻住佢收工啦 或者貴店賺夠了 要趕客走唔做生意 所以我成全你地嘅職員 寧願餓住肚都唔食了 之前都有幫襯過 平時都係快食快走 都已經冇乜特別要求 估唔到我第一個食評係俾貴店 仲要係劣評🤬🤬🤬另外我想請問點解另外兩枱客人可以坐或繼續坐 而我就不能？真係趕客 以後唔會再幫襯

一位黑衫服務員扮見唔到，一位就回覆求其回應我用手機點左兩個相同走芽菜米線，一個先到而走左芽菜，而一個之後到沒有走芽菜，我當然找服務員，有一黑衫見到但扮見唔到，然後我叫另一個，我同佢講左個情況，佢竟然冇禮貌同我講比個碗我攞起d芽菜，然後比個碗後走左，完全冇打算道歉或其他解決方案😾😾😾

自己喜歡食米線，外出用餐時，都時常選擇食米線。是日平日，晚餐時段都幾乎滿坐。看看餐牌，有新出品嘅米線，於是試吓。🍜自由配搭冬菇，午餐肉，蕃茄湯底兩餸嘅自由配搭，冬菇腍，厚切嘅午餐肉係吸引嘅，蕃茄湯味濃。🍜自由配搭豬軟骨，擔擔麵湯底豬軟骨滲出淡淡又陣陣嘅黑醋味，肉質軟化唔韌，好味，擔擔麵湯底濃得來開胃，有爽口嘅炸菜，口感豐富。🍜胡椒花甲豬肚雞米線胡椒味淡，豬肚，雞肉都唔算有味，有啲失望。🍜擔擔麵配大汗豬扒大汗豬扒肉質外脆內軟，幾乎每次都必點嘅食物。與家人食米線次數甚多，亦都珍惜當下嘅時刻。

點了他們一季節限定， 冬蔭公海鮮。可惜十分失望， 海港基本上不新鮮，魚肉還是凍的， 66洗幣一碗材料少得可憐，共4隻蜆，2隻蝦，5塊魚肉， 2塊發臭米線更不是熱辣辣的， 我去的時間已經是3點，一點也不繁忙。 相比起對手譚記無法比。 本來是他的粉絲，因為感覺相對健康。可惜這幾次的光顧對於品質感到失望。真的表示很失望， 本來一天的好心情就這樣給糟塌了。 大家樂集團做得愈來愈差了， 感覺大快活要好多了。如果真的要吃，千萬不要他們的新菜式。

期間限定的 Melody 主題餐廳 <米線陣>，只有金鐘海富中心及旺角另一分店！早前，有一個星期六中午，專程走來金鐘，找一找這間分店！就算我不是 Melody 粉絲，也好奇想試，然後話俾 Melody 多年來粉絲的好姊妹知！輪籌等位約5分鐘店內外都有不少 Melody 呀！ 好多打卡位！連 Menu 也是 Melody 造型Menu蕃茄麻辣湯米線 配炸魚柳 $68 +仿松葉蟹棒 $7蕃茄湯底叫微辣都辣到我咳呀！米線掛湯、口感帶煙韌；份量豐足！Melody 圓形那塊似是蛋白加 3D打印 Melody 圖案！炸魚柳好大塊又鬆脆，蘸沙律醬夠滋味！Melody 意式泡沫咖啡 $32由於，我在落單 app 找不到，我問男經理怎樣點這杯飲品？！他幫我落單點這杯飲品！Melody 意式咖啡真係令我久等嘞！3次追單，又曾經送錯港式咖啡！意式泡沫咖啡香滑甘味醇厚！

最近米線陣推出咗期間限定嘅胡椒豬肚花甲湯米線，冬天食驅寒保暖啱晒❄️濃郁嘅胡椒湯底好香胡椒味，辣度適中，我唔太食得辣都食到😳搭配爽口豬肚同鮮甜花甲，仲可以選擇牛肉或雞肉作為配料，大大碗好豐富😋呢排天寒地凍，食返碗熱湯米線暖胃，即刻暖笠笠☺️另外，佢哋仲推出咗四款新嘅一人小食，包括爆漿黑糖糍粑、香辣花甲木耳、醬辣豬肚和口水汁尖椒皮蛋，食米線加10蚊就可以加配，而且數量不限，仲要質素唔錯～好抵食😳✧爆漿黑糖糍粑大推呢款😍熱辣辣炸起，口感煙煙靭靭又唔黏牙，咬開仲有流心黑糖糖漿，甜而不膩好好食🤤✧香辣花甲木耳花甲新鮮冇沙，鮮味加上辛辣更滋味😳黑木耳爽口口感同麻辣醬汁好夾✧口水汁尖椒皮蛋香辣口水汁同尖椒皮蛋絕對係經典配搭～辣中帶香，香中帶麻，越食越過癮😋✧醬辣豬肚彈牙豬肚同秘製香辣醬汁好Match，鍾意食辣嘅一定唔可以錯過👍濃香胡椒湯米線，加上惹味香辣小食滋味無窮，冬日暖心必選🤤

米線陣📍金鐘夏愨道18號海富中心地下B號舖味道：😋😋😋😋環境：🎑🎑🎑🎑🎑🎑🎑🎑🎑服務：😏😏😏😏😏😏😏😏經過見到可愛嘅Melody 😍，於是就入咗米線陣食野🤣。不過估唔到今次食嘅lunch set 居然中伏😵‍💫🍅招牌蕃茄湯芝士魚腐米線💰58味道實在令人失望🤦🏻‍♀️蕃茄味道勁淡，好似用勁多滾水稀釋咗個蕃茄湯咁，只有外表係蕃茄湯，飲落係水；牛肉都好韌、難以咀嚼😵‍💫唯一正常嘅係芝士魚腐同米線。相對其他連鎖米線餐廳嘅蕃茄米線都真係味道同價錢都略為遜色，唔敢相信咁嘅味道會叫做招牌😅#香港美食 #美食推薦 #美食日記 #金鐘 #金鐘美食推介#港島美食推介 #美食推介#米線陣 #打卡 #打卡餐廳 #melody#金鐘好去處 #米線#中伏 #admiralty #HKisland #hongkongisland #admiraltyfood #hongkongfood #hongkongfoodie

🍅當我踏入米線陣，就係為咗呢碗麻辣蕃茄湯底嚟嘅。呢碗湯啊，講真係得喇，滿滿嘅新鮮蕃茄熬製出嚟，每啖湯都係濃郁嘅果香攻住你嘅味蕾，然後花椒小小嘅麻麻地，配住啲酸甜，真係惹味到不得了！🌶️辣度方面，就唔啱唔食得辣嘅朋友喇，佢嗰個辣，係火辣辣攬住你嘅心咁。嚟講下豬頸肉，薄薄一片切得有技巧，嘴邊留香，微焦香味又再加分。墨丸？嗱，咬落去粉嫩嫩，有墨魚真材實料嘅，食落去心情都好嘅！🍜至於肥牛同魚腐，肥牛份量就實話實說，有啲寂寞，不過魚腐就真係做得夠滑夠爽，滿意！總括嚟講，米線陣係一個米線愛好者唔可以錯過嘅打卡點，特別係鍾意啲辣椒口味嘅食客，戥我嚟一碗麻辣蕃茄湯底，保證滿足晒你嘅渴望！🥰

金鐘真係唔算多野食，快餐店都係幾間，於是揀下揀下就揀左呢間食過下午茶餐，香濃擔擔麵，蟹棒雞脾肉，熱檸檬蜜。香濃擔擔麵有點點辣不過味道真係幾香濃，湯都多而蟹棒既口感又沒有甚麼特別，雞脾肉份量就比較少，不過都可以接受，畢竟呢個餐47蚊有野飲既下午茶餐，麵既份量都ok反而又覺得唔太小。熱檸檬蜜就普通，沒有甚麼可言。食物黎得快，速食下午茶係ok的，始終金鐘快餐店唔多，要食米線就揀左呢間食了。總結黎講，正正常常又唔算貴。

米線陣同Sanrio首度聯乘！推出一系列期間限定以My Melody為主題的美食、特飲和精品！金鐘店和旺角店更加化身旗艦店，周圍都有My Melody 靚靚打卡位🤩簡直係置身於粉紅夢幻嘅世界💖食物方面主打櫻花蝦招牌番茄湯米線配脆炸雞扒或魚柳，新鮮番茄湯底落左櫻花蝦🦐鮮味即時提升，米線仲用左形象可愛的My Melody麵碗盛載，真係又靚又好食！😍熱辣辣唔想食米線亦都可以揀櫻花蝦冷麵撈撈配口水雞🐥有蟹柳絲、萵筍絲和芽菜加上蒜香汁，口感豐富又惹味🤤小食方面櫻花蝦照燒汁脆炸豆腐磚係必點‼️由櫻花蝦包住金黃豆腐磚，外脆內嫩，加上甜甜的照燒汁，令人胃口大增！飲品方面除左有「容易被誤解的粉紅甜心」及「唔該你吖要杯柑桔特飲」之外，仲有My Melody意式泡沫咖啡☕️真係打卡一流😍期間限定美食包括：💓櫻花蝦招牌番茄湯米線配脆炸雞扒(可轉脆炸魚柳)💓櫻花蝦冷麵撈撈配口水雞💓櫻花蝦照燒汁脆炸豆腐磚💓容易被誤解的粉紅甜心及唔該你吖要杯柑桔特飲💓My Melody意式泡沫咖啡可以試下係米線陣 社交平台用My Melody 濾鏡打卡📷可愛感🆙My Melody Fans記得換埋獨家精品，分別有麵碗、長形碟、櫻花碟及

超級好吃的蝦米番茄米線🍜酸甜可口的番茄和脆脆鹹甜的蝦米配上各種小菜柑橘果飲姐渴爽口炸雞排外焦裡嫩 超級好吃美味至極為了支持melody！可愛就是正義，米線陣全店都是melody主題喔

「米線陣x My Melody 粉紅櫻花蝦の味」沙膽由細到大都鐘意食蕃茄湯米線，再加上睇見佢一身無聊粉紅怪嘅 就知佢都系Melody嘅fans！ 當日Melody竟然親身出嚟同佢打卡,真系開心仔🥰食物方面🩷櫻花蝦招牌番茄湯米線 x 脆炸雞扒/脆炸魚柳HK$68櫻花蝦嘅咸香加上番茄湯嘅鮮甜，令平淡嘅米線昇華😋再配搭脆炸雞扒，外酥內嫩脆炸魚柳，不但外酥內嫩，更配以自家秘制番茄沙律醬，多重味覺享受，回味無窮！🩷櫻花蝦冷面撈撈 x 口水雞HK$72煙韌彈牙的冷面，跟蟹柳絲、萵筍絲和芽菜撈起，搭配大量鮮脆的櫻花蝦，加上可愛的綠眼睛My Melody 嘜頭蛋白，賣相已經100分，慢慢拌勻蒜蓉和獨特香辣冷面汁，香氣撲鼻！愛辣嘅我，越食越想食😍真系大愛！而口水雞非常鮮嫩多汁，惹味嘅辣味帶微微的麻感，令人口水直流，與冷面的清爽真系非常爽👍🩷櫻花蝦照燒汁脆炸豆腐磚 HK$30以聯乘櫻花碟上菜，外層酥脆，內層綿密口感，加上櫻花蝦及照燒汁和木魚花好有層次飲品方面都非常特別以My Melody 特性創作包括「容易被誤解的粉紅甜心」(紅石榴西柚) 及「唔該你吖要杯柑桔特飲」 (柑桔綠茶)，淨系個名已經好Kawai