米線陣 (加拿芬廣場)

營業中

休息中

可能頭先嗰間野，對老公來講實在太不濟又唔夠飽.......所以老公話要搵宵夜食喎🤣咁我唯有陪老公再搵過第樣嘢食行下行下見到呢間米線陣，印象中有個朋友推介蕃茄湯底OK，所以就入咗去當然我又係嗌番茄湯底烏冬另加餃子皇個蕃茄嘅湯底都唔錯，可惜係蟹柳得一條太少，雞脾肉斬到太細粒太醉，不過有啲蕃茄溶可以搶返啲分👍🏻另外餃子有四大隻，有D紫菜係面，喺我細細個係屋企食個隻紫菜，懷念的紫菜D餡入邊OK，好似有啲粉絲嘅物體係入邊我覺得都唔錯嘅😁老公就話呢間好食過頭先間Cafe囉😆不過呢間點餐係用Apps點喎😯都幾方便嘅👍🏻

來到米線陣，歡喜可以選擇其他的食品。這次選了鐵鍋撈麵。火喉及味道都十分之十足，少少辣增添了不少惹味，加上公仔麵自然叫人不能停下來。之後來一杯桂圓杞子茶，自然下了不少火。

好耐冇食過米線硨，去米缐陣只會叫蕃茄湯底，因為我實在太鍾意番茄，真係好掛住佢嘅蕃茄湯底，貪佢湯底夠清淡，又唔係油，蕃茄味濃又甜，仲有好多舊蕃茄架！今日我都唔例外叫咗濃厚蕃茄湯底米線，加蘿蔔紫菜同埋豬大腸，蕃茄依然鮮甜，蘿蔔都好天冇喳，紫菜好香有咬口，豬大腸比較肥，之前我食開嘅嗰間分店係喺觀塘架！嗰度嘅豬大腸真係好入面亦都冇肥膏係條腸入邊，亦都冇豬大腸陣怪味，但係呢一碗嘅豬大腸唔單止肥，我仲聞到有丁點怪味，扣左分，但係都係好健康既一碗米缐，除左豬大腸

米線陣對比其他連鎖的米線，佢湯底款式比較多，傳統清湯，酸辣，蕃茄湯都固然有，另有擔仔湯，麻辣湯等等！除了湯底多選擇，飲品亦有另類，例如青瓜豆漿及肉桂蘋果。今次我就叫左肉桂蘋果加蕃茄魚腐豚肉米線啦⋯⋯肉桂蘋果入口時，有淡淡的肉桂味，配上蘋果的味道很match, 不會擔了蘋果的味道，而整柸來說也不太甜。至於米線，蕃茄湯底很濃，酸酸甜甜很開胃，魚腐有三粒。少量豚肉，整體分量足夠，食完岩岩好，夠飽肚呀，哈⋯⋯

平日十二點半 正值lunch hour peak season平時係灣仔番工今日有事到尖沙咀於是係尖咀搵食呢間米線陣係地庫地理位置優越同大家樂相連一入到去侍應細心安排我坐卡位並未有要留枱而將客人迫埋一齊午餐選擇眾多仲包埋飲品仲有加八蚊可以叫蜜糖豬排 食左一個好豐富既午餐

第一次去食到左下午茶要左個豬扒米線，米線份量用筷子夾起已經feel到，食兩三啖已經食曬，豬扒ok啦，番茄湯都ok以為系下午茶所以份量咁少所以第二次去，冇叫下午茶餐，就叫自選餐，叫豬肉丸、蟹肉棒、牛肉片，味道幾好，但就系米線少到喊出黎，都系同下茶份量一樣，得果兩三啖，完全吾夠飽，搞到我要買其他野食服務員都有禮貌

公司係附近，lunch有時都會去食，冇乜客人既時候都正正常常，客一多就十級唔掂，人手明顯係不足，叫執檯都叫左兩次先來執，叫親都話等一陣，等一陣都唔係問題重點係佢態度，話氣擺明就係唔想做懶懶閒咁。執完檯叫落單啦，明明係前面行過我揚曬手叫唔該佢望都唔望就直行直過，好啦當你睇唔到，等第二個侍應行來又對佢揚曬手對埋眼，佢都唔理囉，真係好鬼火，由執檯到上齊野食要成半個鐘，大佬返工食飯都係得一個鐘炸，仲要三催四請睇埋面色，d服務好差囉。

老公病病地，食清d,食米線。放工經過米線陣，就去試吓啦。老公點左大大碗蕃茄什會米線，份量都幾大，$59，有雞翼、魚腐、豬肉丸⋯等等。而我就點了一下黑椒石鍋肥牛烏冬，配有五香肉丁、粟米、芝士，先將五香肉丁及粟米放進烏冬內拌勻，最後加入芝士，再拌勻，幾野味，不過份量不足一個男人飽肚。女士還可以其實米線陣都唔錯，清靜d,係有一個女員工態度不太好，我老公問佢比一隻匙羹，女侍應聽錯為紙巾，我們就跟他說，我們是要匙羹的，她就提高嗓子，大大聲的重複說一次「要匙羹啊」。其實你聽錯，我地都無乜野，只係講番要匙羹，無必要用呢種態度囉。

唔知係間間都唔好食,定淨係呢間啦, 但成個餸菜配合同湯底配合都超唔ok, 美心專心返做中菜啦,下午茶餐。。。可能我接受唔到新事物, 無咩邊樣係吸引人去食, 起初都諗住可能新配搭有不同既效果啦呢碗野叫咩碎牛腩。。。唉。。。個湯一睇就唔吸引,咪以為係清湯, 係麻辣黎嫁,中辣,似加左幾滴油咁呢個廣東雲吞墨丸米線, 大辣,真係只可以話齊料比你有野食, 啲野淥熟比你食咁。 無奈嗌個豬扒,因為佢有話推介之選, 無特別,都係乾柴豬肉咁唔好以為食左幾舊先影呀,一上黎就係咁嫁啦,收你十蚊係咁上下IMG:6]總捨,要食食慘仔,或者好多其他小店,都唔好食呢間啦,希望遲下有改進

見到食評唔差去試吓，要咗墨魚丸魚腐米線麻辣中辣，唔麻又唔辣，湯同麻辣嘅味分得好開，墨魚丸煮到好爛得3粒都要食剩，因為真係好難食，魚腐都可以無咩特別，再加上啲職員嘅態度麻麻哋，我諗唔會有返頭囉。

冬天凍冰冰，當然最好係打邊爐，米線陣最近推出左「姬松茸養生花膠雞鍋」，主打養生健康，比起平陣其他味精湯底邊爐健康得多！「姬松茸養生花膠雞鍋」$168（2人份）鍋材料有雞、肥牛片、米線、姬松茸、花膠、紅棗、生菜、手打豬肉丸、手打香菜魚肉雞丸、真姬菇、白玉菇、雪耳、雲耳、金菇、南瓜片等等。配料非常豐富，又抵食。湯底好香姬松茸味，令d配料煮熟後都好入味好香，豉油都唔洗點！其中我最愛手打豬肉丸同手打香菜魚肉雞丸，手打好爽口，味道亦很好呢呢個set包2杯佐餐特飲試了鹹檸蘆薈菜蜜同椰汁紅豆冰鹹檸蘆薈菜蜜有一粒粒的蘆薈粒，咸咸地又甜甜地都幾特別！養生健康食品，一般人都會覺得好淡味，但依個「姬松茸養生花膠雞鍋」非常入味！兼顧健康之餘又不失味道。自己一個去打又得，成班朋友一齊去又得。鍾意打邊爐既朋友可以試試呀🍻😊

天氣凍，周圍都打邊爐♨️估唔到米線陣都🍜新出左個**姬松茸紅棗養生花膠雞鍋**聽到都覺得食完會靚左😍仲要除開每人都係$84蚊，即時走左去試------------------------------姬松茸養生花膠雞鍋（$168／2人份)姬松茸紅棗養生湯底絕對係重點❗️❗️味道温和得嚟好濃郁係呢個特别乾燥嘅12月❄顯得特别滋潤😍矜貴雜錦配料 有10幾款（花膠、雞件、肥牛片、手打豬肉丸、手打香菜魚肉雞丸、真姬菇、白玉菇、雲耳、雪耳、金菇、南瓜片、唐生菜、火鍋米線2碗）配料都唔錯，重點係有草根最愛嘅花膠 啊😋唔夠可以加錢追加米線加落個鍋淥一淥，吸晒濃湯精華👍超正個set仲包飲品2杯，草根揀左桂圓杞子茶同芒果鐵觀音，味道淡淡地唔太濃但都可接受成餐飯都係80幾蚊一個人真係好抵食呀!!------------------------------📍姬松茸紅棗養生湯底📍矜貴雜錦配料 （花膠、雞件、肥牛片、手打豬肉丸、手打香菜魚肉雞丸、真姬菇、白玉菇、雲耳、雪耳、金菇、南瓜片、唐生菜、火鍋米線2碗）📍飲品2杯

雖然湯底夠曬創意但係非常淡口我唔知係咪因為佢係連鎖食店嘅關係所以保持唔到水平我見其他嘅分店都好多like要麻辣又唔夠麻辣湯淡口到好似冇味咁我決定去其他分店試下先其實我喺門口見到佢同大家樂痴埋一齊都有伏伏地嘅感覺點知真係中伏我其實最憎食連鎖食店其實連鎖店好難維持到水平好似機械化咁始終好似少咗一份heart咁個樓面完全唔想做咁不停玩電話有個客叫先走埋去其次係粗心大意對面枱嗰位哥哥嘅order改完又改改極都唔啱我叫扣底同大辣同埋銀針粉佢完全冇聽到咁點知嚟咗碗米線我真係好想換咗佢但係我真係好肚餓走嘅時候淨低一半我覺得好浪費其實話到明扣底我唔知佢有冇同廚房講但係張單完全冇寫嘅雲吞同墨魚丸過得去啦食米線最基本嘅湯底都做唔好配菜 就算非常好都救唔到成件事

米線陣在這幾年間已越開越多, 不知是否眼見同類型的(譚X) 做得如火如荼、所以也發力加一杯羹， 數數手指原來分店已開多間、今次就是專程來試這一間新開位於尖沙咀加拿芬地庫的新店子。。地庫面積相連於連鎖式快餐旁， 俾人感覺有點兒直屬於連鎖經營下同一老闆之內、 鋪面裝修絕無欺場， 新派簡約而不失舒服度~入座時間正處於尷尬期 ,早餐與午膳的中央交界、 因此店員亦沒有呈上全面性之餐牌，只是遞上兩份簡單的早餐及午市餐牌給我們選擇~魚蛋魚腐蟹棒米線配酸辣湯HK$39. 感覺上湯底味精較為輕手, 如果跟(連鎖米線店)來比較這個湯底可叫做(溫文)一點、 魚蛋質感略嫌(削身), 魚腐質地也屬平平、 如果硬要比分數，我想75分應該算是比得較為鬆手~選擇茄雞髀肉米線配奶茶Hk$29. 湯底鮮茄味道非常濃郁而且感覺上是用新鮮番茄而製，呷一口新鮮味道比較重, 比坊間一般的(連鎖米線店)感覺上味精較為輕手，雞肉味道與質感就只屬平平、 但湯底做得認真， 可算拉平分數 ~飲品要來薏米青檸水, 講真一句我覺青檸在於薏米身上只是畫蛇添足、 感覺有點中西合璧格格不入， 如果有得畀我自主 、我會選擇只愛薏米水， 清清的甜度夾雜

話說今日要去尖沙咀電髮，一般電髮都要成四個鐘，電完髮都成四點幾。午餐未食野嘅我當然係搵嘢食啦行到去加拿芬廣場，發現有個下午茶餐牌，當我見到個餐牌，諗緊炸豬扒稻庭烏冬好唔好食嘅時候，有一對成熟夫婦行過，聽到個老婆同老公講話呢個豬扒烏冬好好味架我聽佢咁樣講完之後就入去試🤣🤣入到去地方開揚，不過冷氣就凍咗啲，所以我選擇坐近出面呢個就係下午茶餐牌，而我係選擇左豬扒烏冬如果湯多D就更好，烏冬超滑超有口感，加埋個正爆炸豬扒同兩舊油炸鬼，令成個下午茶餐味道升級。最正就係個份量都唔算少，又唔會好重味精，食完都唔覺口渴，超讚而杯鴛鴦就正正常常啦＄39嘅下午茶餐，可以有咁嘅質素絕對會再幫襯不過話明米缐陣，主打當然係米線，所以下次會想試下