米線陣 (加拿芬廣場)

營業中

休息中

豬頸肉蕃茄麻辣湯米線($41)豬頸肉爽口，份量都唔少。蕃茄酸酸甜甜，配埋麻辣湯，唔錯，辣度剛剛好，既麻又辣。惟米線同腐皮都偏硬，煮得再腍d會更好。(個人口味: 3.7/5)雞脾肉麻辣湯米線($39)雞腿肉有5件，唔柴。麻辣湯揀左小辣，開頭微辣，越食越辣，不過都係蕃茄麻辣湯底既味道更豐富。至於配料既肉碎真係一粒粒，唔係超碎個隻，唔錯。尼碗既米線同腐皮都比另一碗腍，或者下次落單時可以同侍應講煮腍d米線。(個人口味: 3.3/5)

因為公司就在附近關係，所以很多時候都會去依間米線陣食Lunch，加上種類繁多，湯底都有唔同選擇，蕃茄麻辣、酸辣。。。今次我選擇自選配料，冬菇、鹵水雞翼米線配蕃茄麻辣湯，冬菇尚算入味、雞中翼炆得非常淋，而且足夠鹵水味，湯底濃郁，可能有蕃茄既關係，中和返，唔會太辣我朋友就選擇了她喜愛既芝士腸加豬大腸，加錢仲可以轉稻庭烏冬添，豬大腸肥度適中，不會太肥，烏冬口感滑嘟嘟，好吃😋總括，我認為依間餐廳岩香港人口味，價錢合理，而且多選擇menu上還有多款麻辣既小食，喜歡辣既朋友唔好錯過啦

米線是香港人愛吃的主食之一🍜，特別是夏天，總想清清淡淡來一碗。今天午餐時間來到米線陣，吃了一個午餐套餐〔濃茄雞脾肉貢丸米線〕，+$10 可配小食，我選了〔紅油珍珠餃子〕。————🍽【環境】環境舒適，地點方便。店內有大量卡位，枱與枱之間的空間亦足夠，不會有「逼逼gip gip 」的感覺。—🍜【食物】.〔濃茄雞脾肉貢丸米線〕🍅我是蕃茄湯底的愛好者，要有一碗酸甜咸平衡的蕃茄湯不容易啊！米線一上嗅到偏小小酸的蕃茄味，在夏天口淡淡的胃口下亦見開胃。加了辣椒油便是整個湯底的提升囉👍🏿(愛吃辣的請舉手🙋🏾‍♀️)。🍗雞脾肉偏爽，稍稍的overcooked，失去了雞脾肉的軟稔。但勝在份量搭救👍🏿🍢貢丸細細粒，有3粒，爽口又彈牙。.〔紅油珍珠餃子〕🥟$10有5粒很不錯啊👏🏿👏🏿 加上紅油該有的芝麻，蔴油，微辣的都有👍🏿 推介💫！—👨🏽‍🦰【服務】說真的，這種連鎖式餐店也不會期望有什麼服務，所以他們的服務使我驚喜🤩 店員皆醒醒目目，殷勤有禮，落單/需求說一次便可以了。值得一讚👏🏿👏🏿—食米線最怕吃到底時，只有米線沒有餸😩，但這家份量充足，價錢合理👍🏿CP值高。食得多譚仔，食下米線陣也不錯😆😆

先利申本人是米線陣的忠實粉絲，食過一次後第二次已經做了會員，但這次寫食評的原因是我最後居然是在大家樂裡吃到我想吃的米線陣⋯⋯話說本人這天極度想念米線陣的麻辣蕃茄湯底，於是就把男朋友抓到尖沙咀這間米線陣裡去。沿途他一直提議可以吃點別的，但都被的否決了。來到米線陣後，他發現旁邊的是大家樂，而這天不想吃米線陣的他，居然想出要把大家樂的焗豬扒飯帶到米線陣內吃。詢問待應後，這是不行的，但是，可以把米線陣帶到外面的大家樂裡吃（其實米線陣和大家樂是同一集團的）。於是他吃到他想吃的大家樂，我吃到我想吃我米線陣。一如往常，我點的是蕃茄麻辣湯底，選配豬頸肉和黑醋豬軟骨。豬頸肉外皮脆脆的，肉質有咬勁；豬軟骨酸得恰到好處，都是我常選的配料。重點是湯底啊！麻辣湯底麻而不會太辣（我選的是小辣），特愛當中的花椒香味，配上蕃茄有點帶酸，酸酸麻麻又辣辣，十分惹味。最後配上一張我吃光光的碗。

去左尖沙咀做facial，之後搵野食，見佢推廣緊$12一塊炸豬排，好想試。我地叫左兩個皇牌套餐，一碗麻辣番茄肥牛餃子皇米線配黑醋豬軟骨（$72），一個碗滷水豬大腸腩肉片擔擔稻庭烏冬配川辣青瓜牛𦟌粒 （$75），另加一粒炸豬排（$12）。套餐仲包野飲，我地叫左薏米水。每樣野食都刺激味蕾，好好食。炸豬排有驚喜，米線配搭得好好。佢係大家樂集團既，都算係快餐，大家可以留意佢係有午餐、下午茶、晚餐既set。

本身book左食西餐，去到餐廳竟然話冇我既booking，仲要fully booked冇位比到我，咁就唯有放棄搵其他野食，由於食飯時間加上星期六，周圍都排哂隊等位，係唔知食咩好既情況下，米線應該係最好既選擇，因為平，靚，正！朋友成日話米線陣好食，仲join 埋member，因為有好多著數優惠，而佢大力推介我食蕃茄湯，但我本身想試麻辣蕃茄湯，但由於失聲既關係放棄左，但估唔到呢個普通蕃茄湯都幾好味，個湯清得黎好香蕃茄味，唔似出面餐廳係咁落茄膏，好返既時候要試埋個麻辣蕃茄湯丫呢個咸甘桔蘆薈特飲都一樣好好味呀

食lunch近近地去咗米線陣，估五到噤好食👍叫咗蟹棒豬頸肉肥牛麻辣番茄米線，湯底好濃郁，外面好省有麻辣蕃茄個湯底，估五到噤夾😂個凍奶茶都好好飲，下次會試吓其他湯底😝

是日發現原本想食果間餐廳執左，路過米線陣，之前食過印象幾好就入去食。由於小妹當日實在太餓，一見到個餐牌揀餸果個位n咁多樣揀，而有個二人餐先$169乜都包就二話不說嗌左。$169有兩餸米線、兩款小食、一款蔬菜同埋兩杯飲品，飲品仲要可以揀特飲，真係好抵食!!第一碗米線: 手打豬肉丸加滷水牛肚米線 (麻辣蕃茄湯加$2)手打豬肉丸係自家制，有兩大粒，入面有冬菇粒同馬蹄粒，有肉味，都幾好食。滷水牛肚都有成6塊，味道入味，不過不失。不過要彈下個湯底，加左$2麻辣蕃茄湯底原來個辣味係落左四川酸辣粉果D辣油。小妹平日都好中意食酸辣粉，但蕃茄湯配果隻辣油就真係唔太夾。第二碗米線: 肥牛加滷水雞翼米線 (蕃茄湯加$2)雞翼入味，有兩大隻，肥牛就正常水準。無加麻辣既蕃茄湯味道自然好多。海南雞: 不過不失，有一個例牌咁多舊，配埋既酸紅白蘿蔔好好味。香酥豬頸肉: 份量好多，切絲炸過，好脆口同入味。不過佢舖左D辣椒粉係底，建議中意食辣D既朋友仔可以撈一撈再食。清湯蘿蔔、炆冬菇: 份量多，蘿蔔清甜，不過不失。佢地既特飲都好特別。青瓜豆漿:有好多青瓜碎係豆漿入面，清清地，好易入口同唔甜。芒果鐵觀音: 杯底有好多芒果蓉

勻勻連鎖米線店，我偏向吃這家。坐得舒適，米線湯底種類多類型選擇，而且重要的是近同事們都是吃這家，有時間想不到吃什麼，又分店多的他 令我就想到這裡吃飯。清清地可以食清湯底🍜，淡口之選。腐皮`雲耳`丸類，都是不錯吃。濃味的 可以選擇麻辣番茄🍅🌶，也是我平常會點選既湯底，再配點雲吞`金菇 或是豬頸肉`豬軟骨既配料，都是我喜愛的。如果再想重口味點，還有其他不同地區既湯底選擇呢。..就這樣吃吃米線 聊聊天，輕輕鬆鬆吃個茶餐吧。..

愈近聖誕愈有Holiday Mood，星期一就食啲刺激野振奮下💪🏻 依間米線出名食抵食麻辣番茄湯底米線，番茄湯底每日新鮮熬製，配埋多種辛辣香料熬製嘅四川麻辣湯，酸酸甜甜又充滿麻香，揀左依碗有煎香嘅豬頸肉，墨魚丸幾彈牙，轉埋煙靱紅薯粉配湯底食唔錯～。如果好鐘意食麻辣嘅話，一定要試試四川麻辣湯底，超香麻辣香味，小辣已經辣度十足😂 建議想淺嘗嘅可以揀小辣～配埋川辣口水雞好滋味😋。除左米線，依度有好多小食選擇，推介芝麻醬冰菜，冰菜好爽甜，配埋芝麻醬食好好味，芝麻醬都落得幾多，岩哂芝麻醬控😆 另外雲南雙色椒麻雞，用上兩隻椒味道好豐富濃郁，但味道偏鹹，而且雞都偏肥美好多膏🙈。如果太辣想飲返杯飲品中和下，一定要飲青瓜豆漿！聽落好怪但其實好好飲😂 味道幾清新，飲幾啖立即解辣！另外一杯芒果鐵觀音芒果味幾香但茶味偏淡，都係豆漿好飲👍🏻

不是一次這樣的經歷，是幾次了你們店裡穿黑色制服的男經理一樣的大人物幾次埋單都是不給我收據的，問他要收據，居然回答我，你們從來不給客人收據的？豈有此理的事情，簡直就是有毛病吧？香港地方食飯，有不給客人收據的習慣的？什麼大集團大食店可以這樣對待客人的！東西好食抵食，都抵不過你們員工這樣的服務質素東西不難吃的，豬軟骨好像還減價便宜實惠了很多的最喜歡蘿蔔湯，每次都是必點菜每次單人消費一百多港幣的，也經常介紹朋友過來食野，你們公司就是這樣培訓員工的？強制執行不給客人收據也虧你們做得出來的我是住尖沙咀附近的，經常過來吃米線的，這種服務態度，這不讓人寒心

唔講未必知，原來米線陣嘅 「陣」比如佢精心設計「陣」容鼎盛嘅美食，擺設就好似交戰時的列隊，以最強陣勢供食客享用🥢。 今年年底米線陣推出四川#麻辣番茄湯底 🤤迎接哩個冬天❄咁凍嘅天氣下食麻辣野好過癮😍除#麻辣 兩個字，大家要留意米線陣每日新鮮熬製嘅鮮甜番茄湯🍅！唔好睇少哩碗麻辣蕃茄湯底 - 以上等花椒、胡椒同埋辣椒乾等多種辛辣香料秘製而成嘅！ 米線陣有預設嘅配料配搭，例如肥牛魚腐 、鹵水豬大腸金菇雲耳、豬頸肉墨丸金菇等。亦可自選配料，一定能夠配搭出自己喜愛嘅米線🍜想點返碟菜健康D，不妨選擇胡麻車厘茄冰菜🥬，因為爽口冰菜唔係度度都有得食架～食辣野又點少得點一杯飲品緩和下呢？叫一杯青瓜豆漿就最啱啦！🥒🥛

冷凍天氣降臨😎當然食返啲辣野暖返個胃😬麻辣蕃茄豬頸肉墨魚丸金菇米線🍅$54原來蕃茄都幾夾麻辣架喎😆豬頸肉真係好好食👍鮮蝦雲吞牛肚酸辣湯米線🍜$48雲吞大大粒，鮮蝦好爽口🍤牛肚好夠味👍黑醋豬軟骨🤩$34強烈推薦😍真係炆燉得好淋好入味，味道濃郁，軟骨一咬即散，甜甜酸酸非常開胃🤤大汗雞翼😋$35新鮮即炸，炸得非常香口，辣得過癮，有驚喜，好好食🙈懷舊紅豆冰🥤$15芒果鐵觀音🥭$15

有個舊同事整日話俾人打左入冷宮，所以今次決定捉佢一齊陪我試米線陣GE麻辣野，搵佢出黎解一解凍。我地叫左蕃茄麻辣香酥豬頸肉墨魚丸金菇米線($54)配中辣、濃茄雞脾肉脾肉仿蟹棒稻庭烏冬($50)、蜜糖檸檬雞翼5隻($35)同濃湯菇菌時蔬($20)。香酥豬頸肉墨魚丸金菇米線，麻辣同蕃茄味配埋一齊完全唔會伏，個湯飲起黎辣新甜甜酸酸，唔係幾食我辣GE我覺得呢個米線辣得好溫柔，豬頸肉炸得幾香酥可口，而米線軟硬亦都剛剛好。金菇、豬頸肉同丸GE份量剛好，而米線份量亦都好夠，都幾大件夾抵食。同事個稻庭烏冬都幾好食，烏冬幼身得黎好彈牙可口，而雞肉亦都保持到嫩滑，仲配埋海量GE金菇俾佢，再配埋蕃茄湯底，係個非常健康之選。蜜糖檸檬雞翼，炸得幾香口，而雞肉非常Juicy，而調味亦都非常剛好。香港地餐廳多菜少肉，想搵條菜食都困難，呢個濃湯菇菌時蔬就剛好迎合返注重健康GE香港人GE需要，促進下腸道運動。呢個價錢咁大碗麵，有菜有肉，性價比都真係幾唔錯，岩哂我呢D打工仔！

究竟有幾耐無食過呢類型嘅餐廳？我都唔太記得了⋯ 約左朋友黎尖沙咀短敍，由於時間太短，於是就入黎米線陣食下米線...🤣朋友叫左米線陣新出嘅麻辣湯底鹽酥豬頸肉米線，唔太食辣的我食左少少豬頸肉，覺得麻辣真係幾辣，對我黎講🤭😂 如果中意食辣嘅人會好中意👍🏻我就叫左番茄湯底雞脾肉蟹棒稻庭烏冬，湯底夠濃味🤤 啲配料都足夠，仲有我至愛嘅稻庭烏冬，正🤤🤤另外仲叫左份蜜糖雞翼，蜜糖味就無乜，但好在佢新鮮炸出黎，所以味道都不過不失。最後清清地叫左份蔬菜扮健康🤭😊 啲菜食落都新鮮，菇就味道相對較淡...