米線芳華

營業中

休息中

今日同小朋友去觀塘海濱跑跑跳跳開心玩，行去附近Two Harbour Square，嗰頭不嬲都有幾間餐廳，點知發掘到原來開左一間新餐廳❣️米線芳華✨️見佢招牌主打濃湯雞鍋，都幾啱一家大細。佢哋嘅招牌菜有好幾款，🐤🍜試左佢推介既＜花膠蟲草花濃湯雞＞，雞件件件無骨嫰滑，唔韌唔鞋，入面仲有紅棗、杞子、花膠、紹菜，成個湯鮮，濃而不膩。花膠俾我搶食左好多，好味又補充骨膠原😂除左配米線，佢仲可以配飯/薯粉/烏冬等等，都唔怕唔啱食。🫕另外試咗＜胡椒豬肚雞＞（$75）有紹菜、酸菜、枝竹同豬肚，食食下仲發現湯底有啲薑絲，微微嘅薑香提升晒暖意，咁啱嗰日突然又轉冷，凍凍地食完暖笠笠，超舒服。豬肚炆得軟腍入味，酸菜唔係好酸，味道溫和。雞肉一樣嫩滑得黎juicy，想減肥所以我配左生菜底😆好like佢有得配生菜底呢個選擇❣️🔅特別一提，呢度仲有一人火鍋選擇，平日下午五時或者假日上午11時開始供應，一個人都可以享受濃湯雞鍋嘅滋味，唔使同人share，超方便！🥢小食方面，加左個<招牌花膠春卷>。炸得香脆，咬落除咗有花膠嘅彈牙口感，仲發現入面有啲八爪魚，小朋友咬咗一啖即刻話要再食。🥢仲有甜品，揀咗<爆

米線芳華環境簡潔明亮，座位寬敞，適合與朋友聚餐或獨自享用。餐廳以米線為主打，選擇豐富，讓人眼花繚亂。  最特色的是除米線外一人火鍋，有多款選擇。吊龍米線火鍋拼盤是亮點，吊龍牛肉選用牛背脊部位，肉質細嫩帶有適量油脂，入口即化卻不失嚼勁，搭配豬骨香菜湯底，湯頭濃郁鮮甜，香菜香氣點綴其中，層次分明。牛肉與湯底完美融合，每一口都充滿滿足感。  雜菜盤種類豐富，牛丸彈牙多汁，墨魚丸鮮味十足，魚皮餃皮薄餡多，魚片頭軟滑入味，冬菇和金菇吸滿湯汁，娃娃菜清甜，豆蔔和響鈴卷更是湯底的精華所在。  自選小鍋米線可自由搭配，清湯米線湯底清爽，扎肉彈牙有嚼勁，貢丸鮮美多汁，金菇增添口感層次，豬潤嫩滑無腥味，整體搭配和諧。  炸醬香氣撲鼻，與米線完美融合，扎肉和貢丸的加入讓口感更加豐富，金菇和豬潤則平衡了整體味道。  飲品選擇了經典的可口可樂，冰涼清爽，解膩又提神，為這頓米線盛宴增添了一絲暢快感。  米線芳華食物質素高，份量足，選擇多樣，是米線愛好者的好去處。

傍晚到觀塘海濱公園散步，看見附近有間新張「米線芳華」店鋪，於是晚餐就吃湯米線。開胃小食：炸鮮蝦丸 ~鮮蝦丸爽甜。紅糖糍粑~皮脆軟糯，紅糖甜蜜可口。招牌花膠濃湯雞鍋米線~用料豐富，雞味香濃，花膠爽滑，米線吸收濃湯吃，味鮮不鹹。特飲：百香果多多，吃到果香，味道清新。豬骨清湯~自選配料：爽滑彈牙豬肉丸、嫩滑牛肉、腐皮和薯粉。特飲：很豐富楊枝甘露，賣相及口感都非常吸引。 豬骨清湯~自選配料流心的溏心蛋、鮮味爽口魚蛋、鮮嫩肥牛、爽脆芽菜與米線。特飲：西洋菜蜜。總結：湯鍋米線和配料份量也頗多，味道清而不淡，價錢合理，上菜快，服務不賴，下次再來會嘗嘗一人鍋。

是晚來試試觀塘新開業的米線店，聽同事講佢嘅質素唔錯，價錢又親民，除左米線仲有其他選擇添㗎。店員好快送上熱水同qr code，自行掃code落單便可。⭐客家黃酒雞配白飯朋友點咗濃湯雞鍋系列嘅客家黃酒雞，可以配米線、薯粉、烏冬、菜底等，想走碳水都冇難度。朋友揀咗配白飯，咁就變成濃湯雞湯泡飯啦🤤湯底奶白色幾有雞味，仲有淡淡嘅酒香添，冬天食一碗真係暖笠笠。⭐漁腐溏心蛋小鍋米線自己就點咗碗小鍋米線，湯底揀咗四川麻辣湯，小辣都算幾辣喎。米線好爽口，魚腐吸咗湯汁麻麻辣辣好正，仲加配咗隻溏心蛋，十分流心又有蛋香👍⭐招牌花膠春卷即叫即炸嘅花膠春卷，外面嘅腐皮炸到脆卜卜，入面嘅餡料好彈牙，點埋個甜酸醬好好食。⭐大漠孜然雞翼仲試咗佢哋嘅雞翼，雞翼大大隻皮脆肉嫩，孜然好香口🤤⭐爆漿紅糖糍粑最後仲有甜品紅糖糍粑，外面脆口內邊煙韌，糖漿好多，咬落真係有爆漿效果。⭐黑糖紅棗杞子薑母茶 & ⭐凍檸茶跟米線點飲品有優惠，朋友點了杯熱飲薑母茶，自己就要咗杯凍檸茶走甜。朋友話天氣凍飲返啲養生熱飲喎，飲落好有紅棗味同薑味，正。自己就怕辣，點返杯凍檸茶，冰冰涼涼啱啱好解下辣啦。點咗好多嘢食得好飽，天氣凍就係要飲返啲濃湯暖下胃😆

觀塘工廠區喺夜晚嘅時候係好寧靜㗎。但係咁凍嘅天氣啱啱收工好想搵啲熱嘢食吓原來寧靜嘅地方都有好嘢食架！見到米線芳華外面嘅招牌好光猛，而且入邊好多人，咁就決定食呢間啦。而且更加係我鍾意食嘅米線喎。喺呢個咁嘅天氣中，有一碗熱辣辣嘅米線真係好有幸福感㗎。見到佢嘅招牌係花膠蟲草花濃雞湯，未見到真身已經能夠幻想出佢嘅濃濃口感。友人比較鍾意食清新，酸酸口感，所以就叫咗蕃茄濃湯。黎到嘅時候，俾佢濃濃嘅湯汁吸引，而且配料好豐富花膠和雞件都唔少架。湯汁絕對係可以當湯飲，味道濃郁米線都可以吸收晒湯汁嘅精華。雞件滑溜嘅，而花膠同埋蟲草花數量好多。我同朋友都鍾意食甜嘢，所以見到呢度有紅糖糍粑都有唔住叫黎試吓。見到特飲都唔錯，就揀咗一杯叫做百香果多多。飲落酸甜解膩。估唔到呢間都幾有驚喜。✳️米線芳華✳️觀塘偉業街180號Two Harbour Square地下F&B1號舖#觀塘#觀塘美食#食好西#美食#MeTime#香港美食#抵食 #小店#米線#pollywings_foods

米線芳華觀塘two harbour square 地下餐廳燈光非常光猛，座位又寬敞，坐得舒適，職員從非常友善，一坐低已經放低兩杯暖水，餐廳掃QR code自助落單方便快捷，食物材料仲非常足料，平靚正 招牌花膠濃湯雞鍋米線$78湯底用咗花膠同雞煮成的，職員一放低已聞到雞既香氣，花膠仲要有幾件，份量相當多，雞肉質保持嫩滑，米線吸收湯底精華，仲有好香濃嘅蟲草花味，淡淡都非常惹味，飲起嚟仲好滑順，口感細膩，滋補養生，配菜有紅棗杞子花膠雞同埋紹菜相當足料，米線嘅軟硬度適中，煮到啱啱好，又唔會太淋小窩米線好多配菜可以選擇花膠春卷，炸到外脆內軟，夠晒惹味，湯底仲有好香濃嘅麻辣味，美味嘅辣容易入口豆卜仲吸收晒湯底嘅精華，糖心蛋一咬開蛋黃就流出蛋黃汁，烹調時間調校到啱啱好,肥牛唔會太肥，肉同埋脂肪比較平均，容易入口加$3飲埋杯凍冰冰，香噴噴嘅檸檬茶，非常滿足，會再來幫襯

.今日去咗觀塘拍嘢‼️拍完嘢要relax吓對自己好啲🤭食我最鍾意嘅米線🤪米線芳華是一家位於香港觀塘的滇菜餐廳，主打雲南米線和濃湯雞鍋。餐廳環境簡潔明亮，座位寬敞‼️招牌花膠濃湯雞鍋米線 🌟✨必食推介！膠質爆燈💡一上枱就聞到超香🐔湯味！飲第一啖湯直頭「哇😍」出聲——濃到好似飲緊骨膠原精華💦，花膠厚到有🖐️手指公咁大件，咬落去軟淋淋又彈牙🤤！米線吸晒湯汁🍜，滑捋捋咁「嗦」一聲吸入口，雞肉燉到一夾就散🍗，完全唔鞋口桂圓雪梨茶 🍐☕️ 熱辣辣♨️捧住杯茶，聞到桂圓嘅甜香🍯同雪梨嘅fresh🍐！飲落微甜唔膩喉，喉嚨乾到着火🔥嘅時候飲真係救星🌟大漠孜然雞翼 🌶️🔥一上枱就聞到超香孜然味🌾，似足街邊燒烤檔🍢嘅風味！雞翼炸到金黃色💛，皮脆到「咔嚓」聲📢，咬開仲有肉汁💦爆出嚟紅糖慈粑 🍡🍯 外皮煎到微焦🔥，咬落脆卜卜，入面麻糬拉絲拉到半米長🧶！紅糖漿甜得嚟帶焦香🍮，仲有啲花生碎🥜增加口感花膠春卷 🌯💣諗住「哇花膠春卷咁浮誇？！」🤯 一咬落去脆到似食玻璃紙📦，入面有啲滑捋捋嘅花膠絲同蔬菜🥕蒜泥白肉 🧄🥩五花肉切到薄到透光🔪，肥瘦層次分明🌈！蒜泥醬多到淹沒啲肉🌊，辣油🌶️+醋🍶嘅比例啱啱好，食落酸辣惹味，仲有啲芝麻香👃📍

同事生日，她話吃得簡單就滿足，粥粉麵飯都可以，最後揀了間主打米線店。店子環境舒適溫馨，裝修簡約，燈光柔和，感覺很輕鬆，很適合好友小聚。除了主打濃湯米線外，還有過橋米線、小窩米線自己配、靚湯鍋、小食、特飲等選擇。******************************同事要招牌花膠蟲草花濃湯雞（$78），湯頭濃郁鮮美，配上甜美的紅棗和杞子，很滋補，女士恩物。米線滑溜；無骨雞肉非常鮮嫩；花膠鮮香爽滑；紹菜清爽鮮嫩；蟲草花爽口鮮香。整體來說，湯靚料正，推介！******************************我就點了羊肚菌藥膳雞轉菜底（$68+$3），湯底以黨參、當歸、紅棗和杞子藥材製作，滋補養生，味道甘香，但個人認爲再濃一點更吸引！無骨雞肉鮮嫩，連着黃油，很滑！矜貴的羊肚菌又爽又香；生菜清爽鮮嫩，有益健康之選。******************************每人加了隻醬油溏心蛋（$9/隻），蛋黃勁流心，好鮮香；蛋白鮮嫩入味，醬油的鹹香味剛好，用來配麵增添風味，正！******************************又加了份招牌花膠墨魚春卷（+$12），炸得金

米線通常都食開譚仔，不過耐唔耐都會試下啲小店，今次就試咗呢間米線芳華，見佢門口都幾精神。本身諗住食米線，但見到火鍋又好想食，所以轉咗食火鍋 😌 估唔到米線店都有火鍋食 😂 火鍋湯底有好幾款選擇，最後叫咗最貴嘅花膠濃雞湯。湯底估佢唔到咁足料，花膠夠哂大件，而且仲有我最愛嘅蟲草花 😍 好彩揀咗呢個。肉類分別叫咗吊龍、匙柄、普通肥牛三款比較吓，吊龍份量不算好多，不過一分錢一分貨，肉味真係最濃郁。火鍋拼盤都幾有誠意，有墨魚丸、魚片頭、牛丸、魚皮餃、響鈴、豆卜、娃娃菜、冬菇、金菇、蘿蔔片，而且仲可以揀飯、麵或者烏冬。誠意推介楊枝甘露，因為跟套餐呢個特飲只需加 $7 蚊，味道唔錯性價比非常高，埋單仲唔收一非常有良心。

今日難得off，一支公去咗觀塘偉業街嘅「米線芳華」試吓佢哋嘅火鍋set！位置喺Two Harbour Square地下，近地鐵站超方便～ ✨ **芳華靚火鍋** ($108) 我揀咗「牛吊龍拼盤」，配料超豐富：墨魚丸、牛肉丸、魚皮餃、炸腐皮、蘿蔔、娃娃菜…仲跟埋米線！湯底加$0揀咗**蕃茄濃湯**，酸甜開胃，啲丸類吸晒湯汁好正！吊龍肉質嫩滑，唔會韌，性價比高到嚇親～ ➕ **追加肥牛腹肉** ($38) 貪心加咗份肥牛，油脂分布均勻，淥兩淥就食得，配蕃茄湯底超夾！ ☕ **凍即磨咖啡** (+$3) 跟餐飲品加$3就有即磨咖啡，味道唔輸茶記，抵讚！

店舖裝修光猛簡潔，座位寛闊，一進店聞到胡椒豬肚雞香氣，決定點一碗試試胡椒豬肚雞鍋薯粉 $74先嘗一口湯，胡椒辣味香濃，豬肚軟嫩，去骨雞肉鮮甜，還有吸湯的娃娃菜和腐竹，我加$2點了薯粉，口感軟糯，好吃雞肉腩肉炸醬麻酸辣米線 $63麻酸辣味香濃惹味，酸味足，麻辣香，雞肉和腩肉大大件，不會切得很碎，保留口感，相當滿足涼拌豬耳（小） $25同樣份量足料，豬耳口感煙靭，涼拌麻辣好吃涼拌墨魚頭 $36墨魚頭口感十足，讓人一口接一口另外還有一人鍋，下次試試

一個人原來都可以盡興一個人都可以火鍋‼️嚟到米線芳華，試吓佢哋嘅一人鍋，材料好豐富🍜🍜招牌花膠濃湯雞鍋米線 ($78)湯底看起來十分誘人😍湯頭用花膠和雞熬煮成的，香氣濃郁，啖啖花膠好滋味，米線亦吸收了湯底精華；雞件亦保持到嫩滑💯（一人鍋）嫩滑雞件米線 ($78)雞肉切片相當嫩滑，口感細膩，搭配米線，大滿足🫶🏻配花膠濃雞湯 ($28)配花膠濃雞湯，飲起嚟滑順，配搭埋其他食材一齊吃味道更是提升唔少 🆙 火鍋拼盤現凡點選一人鍋送火鍋拼盤，讓整餐更加豐富。

觀塘 |米線芳華 觀塘出名多美食‼️ 過嚟經常會發現寶藏餐廳，近日發現Two Harbour Square開咗間主打米線嘅小店，一於過嚟試下先💫 店內環境光猛整潔，以掃QR Code 自助落單，方便快捷，當然，有需要可以搵店員幫手，絕對樂意效勞💫 店內主打招牌花膠蟲草花濃雞湯米線，湯底入口香濃，花膠和雞件份量都好多 米線吸收左湯底精華，絕對食唔停口，可以連個湯都飲埋嘅米線🍜 除咗米線之外，亦有不同小食及飲品提供，非常多元化💫 🍜招牌花膠蟲草花濃湯雞 $83呢碗朋友揀，配料非常多，紹菜、紅棗、杞子、花膠、無骨雞，除咗米線可以改配其他，我地改左稻庭烏冬，仲可以揀腍身定爽口，非常貼心，入口真係有大大舊花膠，湯底濃郁唔油膩，無骨雞啱懶人🤣 🍜客家黃酒雞 $73我就想試吓黃酒雞，好似好補身，近日辛苦，放上枱已經有陣陣酒香，入口湯底好有平日屋企煮雞酒果種味，配料有紹菜、金針、紅棗、杞子、雲耳、無骨雞，有紅棗同杞子啖湯好好飲😌 加$5 試爽口稻庭烏冬😉🍹楊枝甘露 $13 🍹洛神花山楂烏梅梳打 $13跟餐配飲品，試左兩款，楊枝甘露唔會太甜，足料；洛神花山楂烏梅梳打酸酸甜甜，啱我食滯嘅飲，飲

📍做完運動經過觀塘海濱公園附近，發現有間米線店叫米線芳華，主打靚湯而平民價的米線店🍜，相信在工廠區會好受上班一族歡迎～  🍜花膠蟲草花濃湯雞米線，奶白湯底，花膠多厚身彈牙，女仕可以補充骨膠原，雞是用三黃雞好嫩滑，湯渨好味到連個湯到飲埋，可配飯/薯粉/烏冬架～ 🍜客家黃酒雞米線，酒香撲鼻唔搶喉，配料有金針雲耳紅棗杞子同紹菜，米線吸引哂湯汁既精華～  花膠春卷 : 咬開脆皮爆出滿滿膠質Q彈  爆漿紅糖糍杷：熱辣辣紅糖流心楊枝甘露：芒果肉超多，飯後一碗解膩  🔥 餐廳另外有特色一人火煱可選擇，有潮汕手切牛肉，部位有吊龍、匙柄同腹肉。👉🏻 總括米線芳華湯底濃，雞滑料足，每一口充滿滿足感，價錢合理，整潔干淨，觀塘又有新選擇。 📌 米線芳華 觀塘偉業街180號Two Harbour Square地下 

星期六放假～一早起身做個facial～做完約老細去食晏，行出海濱途中見有間米線舖，竟然有火鍋食？！日光日白打個邊爐都唔錯喎～🤭🤭😋先去自助醬油區混個靚醬先～原來點個鍋加$20就可以前菜放題，有涼拌雲耳、拍青瓜同酸薑，今日海帶絲售罄～開吓胃先～叫咗個胡椒豬肚湯底，估唔到又幾香喎～仲有好多舊豬肚，滾佢耐啲淋啲先食！湯鍋餐叫咗個吊龍（$108），肉質幾新鮮，肉味幾好，肥瘦適中，有少少咬口～追加個匙柄（+$38），肉質比較淋，但係肉味更濃～整多碟雞件（+$18），估唔到啲雞咁滑咁彈牙，仲同個胡椒湯好夾，性價比高～yummy！😋👍🏻個湯鍋餐仲包一個雜錦拼盤，有金菇、墨丸、貢丸、貢丸、魚皮餃、豆卜、響鈴同蔬菜～包羅萬有，而且估唔到啲丸同餃嘅質素都唔錯！怕唔飽？唔驚，仲有一大碗米線，所以基本上兩個人食一個餐，再追加自己鐘意食嘅肉就ok～都好鬼夠飽！