米籽 (置富第一城)

營業中

休息中

新開張既時候，其實食物都好好味，尤其係個芫茜皮蛋魚片米線，湯夠濃，米線適中，又足料，最多係要等耐啲，廿五分鐘等一碗米線都試過。但最近去幫襯，幾次食既時候，米線都有煮唔熟既情況，然後叫咗個芫茜皮蛋湯米線，但竟然無芫茜，於是遞手搵侍應幫手，但無人過嚟睇個場，到有時，係有個男侍應明明有眼神接觸咗都扮睇唔到，調頭走，感覺好差。最後有個姐姐侍應肯應我地，幫手拎碗碎芫茜加葱出嚟，講真其實同平時碗芫茜湯味道根本不同，但唔想為難姐姐侍應了。

早前已嘗試過午餐覺得幾好, 咁岩8號風球下黎食早餐，可能打風關係人唔算多，入座後用apps 點了以下食物：1. 沙嗲牛肉麵：沙嗲汁味幾濃, 麵條軟度適中2. 五香肉丁麵：肉丁唔似食開嘅罐頭咁硬，軟冧冧幾好食，有諗詔係咪餐廳自家制，可能性唔高，只係採用其他牌子3. 以上均配炒蛋及厚多士，炒蛋幾滑好好食, 多士一般水準，夠熱夠脆4. 飲品：凍咖啡 & 凍麥可可 (即係凍朱古力)另外，覺得抵食係炒蛋及厚多士唔使加錢，食物味道OK, 只係五香肉丁個人感覺唔錯。服務態度良好 & 親切，上餐速度快，讚讚讚!!!!

同屬Chicken Factory/漁樂/itaMoMo/意樂/牛奶冰室等同一個連鎖餐飲集團旗下, 米籽專食米線同湯泡飯類。食物水平同其他同集團都係咁上下，食物有啲味精(食完會口渴)，但價錢就比較經濟。- 🦞龍蝦米湯海鮮泡飯 $61係香濃既蕃茄龍蝦湯味(有味精，會口渴)，海鮮同龍蝦肉份量都算多，每一啖都食到有海鮮肉而唔係淨係得飯。泡飯面頭灑左啲脆口既米通係錦上天花。雖然食完呢碗都幾口渴，但考慮到佢啖啖肉唔孤寒，如果忽然有一日突然想飲龍蝦湯既，我會再幫襯既😂😂- 🐔孜然雞翼$19/3隻 平過譚仔，雞翼大隻亦多肉過譚仔，推介！- 🍹青蘋果錫蘭紅茶 $12(加配價)伏！又甜又藥水味，好難飲💀💀- 🍲蟲草花鹿茸菇燉雞湯飯 $61出色既燉雞湯，湯水好飲夠香濃，碗湯份量大，雞size還可以，不過隻雞就無乜味(無淹過)同鞋口啲。想食清淡啲既揀呢個湯飯都唔錯 ，又滋補！

本人食過幾次佢嘅烤魚烤魚湯湯頭濃味其實OK 當然佢唔係好正宗嘅四川口味但係個人都幾鍾意唯獨一個好大嘅問題就係佢嘅烤魚係用鯇魚類，仲要唔係好新鮮，好重泥味，好腥！另外，因應呢個問題同店員反映過，店員話佢哋係老闆決定冇得更改，仲話呢度係老闆話晒事就算食物有問題佢哋都冇得出聲。心諗有冇搞錯！ ！做食肆其實想雙贏都係大家溝通同埋睇吓客人意見啫。客人有意見反映竟然話 冇㗎喇冇得改！強烈要求佢老闆睇到呢篇文章更換魚嘅品種，例如桂花魚，筍殼等圖片係最近一次叫外賣。

第一城除三哥米線以外又一選擇！新店開張又係自動手機📲落單，上菜速度比較慢🥱但未算等好耐！上曬小食之後，兩碗米線🍜還要等了一點時間。😪⋯⋯（泡椒金湯米線豬大腸春卷米線）$43，泡椒湯好夠辣🔥，絕對值得試可惜春卷兩條，唔太好食又軟又冇料下次唔會叫🙅🏻‍♀️。（蕃茄湯貢丸蟹柳薯粉）：$43，蕃茄湯一般味道，三哥蕃茄湯好味啲😅。薯粉好食，叫少份量都有好多粉，蟹柳兩條，貢丸係剪開一半上做到好多粒的假像！（孜然雞翼）$19/ 3隻，呢個好食好香口，佢贏三哥（炸花枝丸）$18/兩串🍡🍡唔好似為有6粒😂其實只係3粒花枝丸剪開一半上覺得很一般，冇乜味道（蘋果錫冷紅茶🥤）跟餐$12都幾大杯，抵飲！（凍奶茶🧋）普通！兩人消費合共$144.-同去（三哥）差唔多，整體都算合格。

原本諗住滿心歡喜去食水煮魚，但係極度失望。個餐牌嘅水煮魚同實際出嚟極唔同。攞到上枱係同普通米線冇分別，完全唔係紅色，仲要冇辣椒，完全冇水煮魚味，只係普通譚仔麻小辣加魚腩。唔會再食

好想食酸菜魚 見到最近附近開咗新嘅餐廳諗住去試吓，收工返到去大概7:00左右原來要排隊等位，前面大概有10個人等位嘅時間唔耐 大約10分鐘左右就入到去坐好果斷！坐低比左QR CODE我就叫個酸菜魚（可配飯/米線）我揀左米線！落單到食物到等左大概15分唔算好快～但幾欣賞個湯底酸辣做得幾好 魚肉冇骨下次想試下烤魚～～～～～✨

明明起夜晚7點左右問過截單時間係9點半，點知落到去同我講係9點15分，連機都埋哂數囉！其實員工培訓都唔知有無做好，問嘢又好似唔耐煩咁，新開無耐已經做到咁樣，真係唔知可以捱到幾耐。

食個茶餐分量好少，啲服務員嘅態度係睇人嚟服務。見到隔離枱啲人嘅餐都嚟齊，我吹佢哋至跟下單，到隔離枱嘅客都食完咁滯至嚟我嘅茶餐。見到隔離枱啲食完嘅碗碟好快就收，我嗰啲碗碟就好似見到都當透明，我嬲起上嚟咪飲住杯熱檸水慢慢坐，我坐咗好耐，就先至有人嚟收碗碟。嘢又唔係特別好食，服務又差，我多數唔再幫襯。