米炊 (K11購物藝術館) (已搬遷) 新店位置

星期五食晚飯，尤其新年假，一定好多人。早一天預訂了位，到達即時有位，因為預訂了，有卡位。但－在坐下，店員話「用餐只有1 小時」！！！@@@在K11 內，其他食肆都開始有其他人排隊，唯有繼續落單照食。雖然，店員都係好有禮貌及不停refill 加水。但短短一小時，進食一頓晚餐及一杯飲品，我兩女子🧍‍♀️，就算不傾談都很趕。最後 由我入坐剛剛一小時，店員已拎上單來通知我們已夠鐘了！！其實，此餐廳食物質素都好好👍🏻，但為何可以Set 限制 晚飯時段只有1 小時？？？我從未試過吃一頓在餐廳吃晚餐，只有1 小時。你們管理人員是否需要改善？？2 人每人一個咖喱蛋包飯連飲品差唔多$400，價錢同食物可以接受。希望你們仔餐廳在用餐時間作參考。暫時唔會再考慮此店。PS: 店員在通知我埋單時，碟上尚有西蘭花、薯仔及半杯飲品，要極速3 分鐘內食完及埋單（我估）

平時都有經過k11，所以諗住夜晚去睇演唱會，就近近地去k11搵野食，因為早到咗又見唔太肚餓就四周行咗一陣間，咁樣先比我發現咗依一家隱藏係一間店舖入面嘅日式餐廳裝修風格都係日式那種暖木風格，令人感覺都係舒服，座位間距正常 唔會太過迫夾睇佢個名都知佢主打食日式米飯，不過除咗米飯之外，仲有不少串燒等佐酒小食，但因為是晚餐，所以最後都係決定點主食就算炭烤北海道帶子．醬油虎蝦．奶油大啡菇蛋包飯$188 （包一杯指定特飲）依個係一月精選套餐，所以有包一杯特飲，見佢好似好多野食咁，所以就決定叫佢試試。一上枱滿滿嘅一碟，真係唔食得都睇得，而且佢仲唔係得個樣，係真係好食，單單佢啲配菜已經食到有用心機，因為蓮藕和薯仔有輕微煎香過，再配上咖喱汁一齊食，簡直一絕！而醬油虎蝦嘅量也絕對不會馬虎，都有四隻，而且都已經脫好殼，唔需要再另外費心，直接一啖食落去，滿滿都是肉超級適合我這些懶人，而且肉質彈牙，絕對唔會食到冰鮮蝦那種淋身嘅質感。但帶子嘅份量相對比較少，只有兩隻，但都係新鮮食材，輕微煎香，肉質比較厚身，相比之下我鐘意食虎蝦多啲而且佢嗰咖喱汁，唔係一般平常食到日式那種甜甜地嘅咖喱，而係帶少少辣味，但又唔會過辣，

米炊平日lunch time同朋友去K11食飯揀咗間未試過嘅米炊，食蛋包飯嘅專門店舖頭位置較偏，如果唔熟路都有啲難搵叫咗期間限定，淺熟成西冷扒蘭王千層蛋包飯日式咖哩味道偏甜唔會好辣，但味道好夠米飯軟身，好啱用咖哩撈飯炒蛋好嫩滑，蛋味比較濃份量啱啱好完全覆蓋啲飯西冷牛扒係medium處理適中，牛味濃郁但塊牛比相中薄身同細塊整體正正常常，但趕時間可能要諗諗～♒︎♒︎♒︎。60oz淺熟成西冷扒蘭王千層炒蛋野菜日本咖哩飯 $150

通常去k11都係買bagel多🤣估唔到上多幾層 有間細細地既日式餐廳而且主打食咖哩蛋包飯🍛🥚喜歡食日式咖哩既朋友就唔好錯過啦‼️——————————————————🍴烤特牛腰柳肉•旋風炒蛋•野菜($128)佢地主打用七星用美人米同蘭王蛋🥚去食個陣咁啱無晒白飯就轉左食十六穀米飯 配咖哩同樣好食👍🏻咖哩唔會完全無辣味 怕辣人士都食到😆蛋煎得好滑😙仲要有啲蛋汁牛腰柳肉 牛味超重🥰食落仲幾嫩呢個蛋包飯絕對有下次‼️‼️

"米炊" 細細間店舖在商場內某角落 屋型門口 木系裝修 舒服簡潔 燈光充足 員工充裕 服務有禮 用餐時間60分鐘 我們二人叫了以下兩款咖喱飯, 食物外表好日糸 整齊美觀 味道可口 咖哩小辣 味道偏甜 它出名的旋風炒蛋標榜是用蘭王蛋 可惜蛋味被咖哩味蓋過 幸好廚師好功夫煮得滑蛋狀態 新鮮野菜 粒粒日本飯烤特上牛腰柳肉 旋風炒蛋 野菜 $148牛腰柳肉肉質軟淋 夠牛味烤特上一吋牛脷 旋風炒蛋 野菜 $158牛脷真的有一定的厚度 少少爽口 囗感不錯我本人覺得單點一個咖哩飯 價錢稍貴 若然 加多一杯飲品較為合理

於平安夜前夕選了米炊開心星期五，訂了8點時段，這是第二次惠顧，覺得日本飯煮得好好食，再加上美味的日式咖喱，真係好夾！兩人叫了一個燒烤上牛腰柳肉、1吋牛脷、旋風炒蛋、野菜飯。另一個係M4草飼和牛肉眼250g.再要咗杯啤酒。有一個意見，就係和牛肉眼扒未能控制到所落的5成熟，較要求的生，但因為是熟成肉眼，所以，都可以接受較生的質地。好滿足的晚飯。服務算是幾好！

今日和同事專程去試－下旦包飯。這家店位於尖沙咀的K11的時裝店區域內。店子的裝修充滿日系風格，素雅的白色配上木系枱椅和牆壁，加上棕色的乾花，感覺舒適。Menu -目了然，主要是分咖喱類、燒魚類和靚肉類，價格由$88-$288，午餐包飲品咖啡或花茶－杯。喱五，烤特上牛腰柳肉，旋風炒旦，野菜$118嘩啦！這烤特上牛腰柳肉真可口！牛腰柳肉口感軟嫩juicy, 又有濃濃的牛肉味，而且份量十足，完全不用費勁咀嚼，而那旋風炒旦是用上蘭王旦，顏色是明亮的雞蛋黃色，加上旦味濃郁，口感香滑，加埋辣中帶辛口的咖喱汁，這咖喱汁質地比較水性，沒有太稠厚，辣辣地，配上香軟白米飯，好吃！喱六，烤特上一吋牛脷、旋風炒旦，野菜$118這牛脷有成吋厚，真有誠意！烤牛脷又厚又爽口，牛脷獨有的脂香和那香辣的咖喱汁十分合拍。那咖喱汁風味比較印度和風feel 多過日式甜咖喱，所以幾辣幾醒胃，加上爽甜的藕片，嫩綠的西蘭花， 和那份量十足的蘭花旋風炒旦，滑滑嫰口的，真可口！咖啡是那－種蒸溜咖啡的風味，咖啡味道比較淡，加上鮮奶，正常水平。這－天的午餐真可口。

佢係K11新開左冇幾耐，見頭兩篇食評都讚同價錢意外地正常，就叫埋朋友一齊去試下；首先環境好靚，白色背景夠光猛，好多花花，超岩打卡，至於食物質素都幾好喎～烤150g鹿兒島純牛肉漢堡、蘭王千層炒蛋、烤野菜 $128漢堡牛肉味的確超濃郁，食落有驚喜，可惜外面煎得太耐偏乾；炒蛋係做到千層，但又食唔出同其他蛋有咩分別🙊；咖哩偏稀，帶辣幾惹味👍🏻野菜好新鮮樣樣都好食😋總結：整體我覺得ok，而且尖沙咀地段來講都合理，好岩約朋友打卡傾閒偈～大家係尖沙咀唔知食咩，可以考慮下😜地址：尖沙咀河內道18號K11購物藝術館2樓201-02號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️

原本打算與J先生去置地廣場食午餐，及後去大堂中庭欣賞朗格錶展。怎料他最後一日學車時間表由早上改了下午。唯有獨自欣賞後，來到K11商場與他會合；剛好這時大家也肚餓- 米炊餐廳門口介紹板十月份餐單玫瑰金顏色餐具套餐已包一杯清酒配紅茶花伝 - 蜜桃紅茶紅茶內有淡淡蜜桃甜香 J先生改了五穀飯…和牛肉眼肉質鬆軟濃郁，蘭王蛋蛋香，日式咖哩汁帶微甜上枱時，已湧出一陣烤香的肉味；我比較喜歡這款烤到有微焦的外層，肉質有嚼口而有肉汁賬單米炊 總結：值得一試！

K11 Art Mall向來隱藏美味又不算太貴的餐廳，這次發掘到主打蛋包飯的日式小店👉米炊🍚 話説能吃到旋風蛋包飯的餐廳不多💦 所以看到米炊的蛋包飯是旋風式的時候，超級感動🥹❤️ 「60oz 炭燒淺熟成和牛肉眼🌀旋風蛋包飯」嚴選M4草飼和牛肉眼👀 經過2星期熟成，肉味帶微甜，與鹹香日式咖喱完美結合🤤 同行的旋風蛋很滑，野菜們🥦🍅 也不馬虎，全部都好好吃呀！「烤霜降❄️黑安格斯牛小排60oz蛋包飯」的牛小排肉質比和牛肉眼更鬆軟✨切成薄片入口甚佳😋

✨ 喱5。烤特上1吋牛脷·旋風炒蛋·野菜（$128）▫️咖喱汁可轉蕃茄燒汁或奶油蘑菇汁，另外飯底七星夢美人飯可以轉成16穀米飯或野菜一份滿足蛋控加牛脷控 😆，牛脷都幾厚身，口感偏爽口；旋風蛋煎得完好，蛋香十足；咖喱汁幾濃味，甜口同時辣味都突出，幾惹味，撈埋蛋同飯真係輕易清碟 🫣，另外比較鍾意拌碟嘅野菜款式唔單一（小蕃茄、蓮藕、西蘭花）；飯底揀咗16穀米飯，比較鍾意少少硬身嘅口感 ☺️。✨ 喱8 。低溫烤法式鴨腿·太陽蛋·野菜（$148）（加蘭王旋風蛋 +$28）➡️（$176）▫️咖喱汁可轉蕃茄燒汁或奶油蘑菇汁，另外飯底七星夢美人飯可以轉成16穀米飯或野菜法式鴨腿烤得非常淋軟，咬開鴨肉一絲一絲，單食會有啲偏鹹，但拌埋飯就岩岩好；旋風蛋、野菜及咖喱汁部份同上。✨ 玉子燒（$28）少少甜甜哋，口感結實，正常發揮。✨ Charcoal Latte（$48）熱有分Regular同Large選擇而凍就冇，我揀咗Regular。估唔到蛋包飯店咖啡類都唔錯 🫣，拉花亦完好。·位於K11 Art Mall的日式蛋包飯專門店，店內以裝修以木為主，有少少乾花裝飾，幾有日本家庭Feel。米炊其中一個賣點係全店蛋料理

隱身於K11一角嘅米炊外表似一般日式家庭餐廳，本身無好大期望，點知又俾到驚喜🤩。
-
6oz炭烤淺熟成和牛肉眼🥩咖哩飯配清酒🍶一小杯（$168）
聲稱選用日本蘭王蛋🥚製作旋風炒蛋、配上北海道特A級七星夢美人米🍚，一睇粒米，細細圓圓，好似粒珍珠🐚，就知道絕非池中物。依種米帶微甜，軟糯可口，煮起來很考功夫，淨係個飯都俾咗高分。個蛋炒得厚實有層次，掌握到中心滑外皮有口感，抵讚✅。到個咖哩汁，食得出蔬果如甘荀🥕、洋蔥🧅、番茄🍅等清新甜味，唔會好假，最正係佢夠辛辣，唔似一般日本咖哩呃細路。-至於個牛肉屬medium rare嘅感覺，牛味淡，但肉質嫩，亦有啲筋位，滿足。

最後飲淡清酒，以為半買半送都係行貨，點知佢米香突出，清爽輕甜，又幾夾濃味食物。

岩鹽燒日本油甘魚鮫🐟配16穀米（$158）個魚即叫即燒，上碟仲係熱辣辣😁，皮脆肉嫩，估唔到咁多肉食，無雪味，調味恰到好處，真係好下飯的菜式。唯一要挑剔係限時一個鐘😟，不過如果出面無人排隊，又唔會好主動趕你走，算係咁啦！

以「米」為主題既日式餐廳，裝修🎐日系簡約風，採用暖木系色調，座位舒適。餐廳主打旋風蛋包飯、日式咖哩飯等日式料理，店家有種堅持態度，為保持食品質素，用料相當講究，只選用蛋香味特別濃郁🥚蘭王蛋，米種則選用日本最高級別特A級七星夢美人米，以及健康十六穀米飯，而且絕不添加防腐劑，製造地道日式料理。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 喱一 - 烤150g手工和牛純牛肉漢堡 • 旋風炒蛋• 野菜 轉奶油蘑菇汁 $138旋風炒蛋賣相吸引，蛋入口滑溜，牛肉漢堡厚身，牛味濃郁，表面煎到硬硬地，個人覺得有啲Over Cook，入面粉粒狀態，食落有種粉粉地口感。♥️ 喱三 - 烤水牛芝士和牛純牛肉漢堡 • 旋風炒蛋 • 野菜 $148自家祕製日本咖哩汁，以雪梨🍐、蘋果、洋蔥🧅、芹菜、番茄🍅、甘荀、薯仔等多款蔬果，再加入印度🇮🇳香料熬煮，比一般日式咖喱多左一陣微辣味道。米飯🍚黏濕軟身，加埋一齊食好惹味。- - - - - - - - - -

好想食日本咖啡呀！朋友介紹位於尖沙咀河內道K11的"米炊"話好食，咪去試下啦！ 去到門口已經排緊隊，等左10幾分鐘入得去，餐廳裝修清簡舒適，有口本餐廳感覺！坐低叫左個M4草飼和牛肉眼扒+16穀咖喱飯餐，加送一杯小清酒。 咖喱味道不錯， 盛傳了日本咖哩一向的味道香香甜甜，而且不會太杰味香濃。M4穀飼和牛肉眼扒五成熟煎得剛剛好， 牛肉味香濃！ 重點需要提到是他們的蛋包飯，蛋煎得很滑包，並包住日本出產的16榖飯，餐廳還很細心地配上新鮮蔬菜值得一讚！👍食飽飯當然要加甜品， 我們點了日式芝士蛋糕和焦糖布丁蛋糕， 日本芝士蛋糕味道正常，和常規蛋糕差不多！蕉糖 布丁蛋糕， 口感綿滑好像吃緊蕉糖布甸……本人覺得好食！ 還有他們在每份甜品上都加上新鮮水果，好有心思！😋😋😋

烤特上牛腰柳肉 •旋風炒蛋 •野菜 | 128 揀咗奶油蘑菇汁 入口creamy但比較淡口 揀咖哩可能會比較好另外揀咗16穀米飯 粒粒飽滿有咬口 16穀感覺仲健康啲添ʕ •ᴥ•ʔ選用咗日本蘭王蛋炒嘅旋風蛋非常軟滑 蛋味亦非常濃郁牛腰柳肉juicy得嚟好重肉味 呢個部位本身脂肪含量較低 但因為運動量低所以應該好嫩滑可惜今次有少少overcooked 所以韌咗啲ಥ_ಥ——————————————————推介度: 6.5/10——————————————————尖沙咀河內道18號K11購物藝術館2樓201-02號舖——————————————————