米気

營業中

休息中

每個餐都有個小食、主菜、飯同飲品價錢大概$60-$90都有我覺得好多選擇！乜都可以試啲呢～好想試茄子但賣曬我覺得麻醬秋葵同明太子豆腐都幾開胃！主菜我就好欣賞我個豚肉大薑生根燒個汁好惹味 燒汁咁 送住飯食一樓！醫油蛋飯都好好味 但男朋友覺得紫菜飯好食啲 各人口味唔同🙈總括都幾好食 可再到訪！希望下次有壽喜燒呢

第一次因為外貌原因去一間食肆，以為係類似碧波押嘅文青小店，點知個感覺係simply life咁，好有系統、機械式咁serve你。亦因為咁，食物質素一定唔差，好快到。我叫左醬油蛋飯+味噌番茄燴肥牛+明太子豆腐+黑糖米水。一來到即刻食飯，畢竟最出名。可能因為個飯太熱，蛋黃好快熟左，食唔出靚蛋黃嘅味道，飯亦都唔係特別香，感覺就係普普通通一個飯。豆腐同米水都ok，係你想像中嘅味道，不過不失。番茄牛肉就同自己屋企煮番茄牛肉一模一樣🤭，但係特別鹹，同其他本身清淡嘅食物衝撞左，亦好唔符合本身以為呢道食清淡野無添加野嘅想像（可能我想像力太豐富，一廂情願左）。由於好鹹，所以用好多飯送，食到最尾兩啖先記得原來係味噌味，所以咁鹹。但味噌味好唔突出，剩係得個鹹味⋯⋯84蚊來講，食得飽，不錯的選擇！但如果要排隊，可能係附近搵其他野食算，畢竟呢區好多好野食。

係最近冒起好多日式家庭料理小店既熱潮當中，搵到呢一間係黃埔既日本餐廳🇯🇵◾️相比其他曾經光顧過既日式家庭料理小店，呢度多左一份親民同友善❤️◽️餐單有建議既組合，不過並唔係硬性規定。我就叫左一碗飯，一份主食，一份冷食同加$8配湯同漬物。朋友就叫左一份主食，兩份熱食同埋甜品😍◾️南蠻炸雞好香口，配上他他醬好惹味。明太子飯既飯又軟又香👍🏻👍🏻👍🏻◽️鰹魚汁波菜就係清淡之選，可以係濃味之間來點味覺休息👍🏻◾️整體性價比高，會再幫襯🥰

米氣一詞聽落養生，餐廳位於百寶坊轉角位置，地方寬敞，座位坐得好舒服，風格好似無印良品cafe，都係自由配搭精緻嘅日本小菜。黎得米氣，一定要食飯啦，加隻日本蛋要加$8，撈飯一流。米飯粒粒分明，彈彈地，好香。基本會配湯、漬物同一杯黑糖米水，湯係我飯過最多料的，有好多粒粒豆腐同油揚，冇海帶。黑糖米水一啲都唔甜，近乎冇味道，應該...好健康掛 呢個係蕃茄豆腐漢堡，調味主要係味增，其實好淡口，第一啖食落去唔知係咩味，一定要旁邊的汁，蕃茄味香，帶一點辛，好惹味，配飯一流。茄子味道正常發揮。紅酒牛肉幾好，多汁的都好好送飯，欣賞呢到的菜式選擇豐富，而且唔求其，每樣都好精緻。

紅日假期一個人好肚餓見到呢間嘢幾時正就入去,要等位呀等咗幾個.基本上叫法就係叫一碗飯三個餸一個甜品.視乎你想食乜嘢.貴喺上嚟呢一餐一個人可以200蚊以上.普遍就160蚊到.食物都還可以.只係服務員就唔多理你.其實都係畀啲女仔嚟打卡.飯個方面就白飯上面加少少餸,我鍾意食明太子就叫明太子.餸就都幾多選擇,一時間真係唔知揀邊樣.我就叫咗東坡肉有啲硬,明太子雞翼都ok,叫咗個海草.飲品就係飲水囉冇特別叫嘢飲.基本上呢間嘢都幾企理呀.

餐廳話就話起黃埔，但其實紅磡行過去多好快，係 poly 隔離，好在早去，唔洗點排隊。餐廳環境都係典型日本餐廳咁。Menu 一睇簡直花多眼亂呀，由米，主食，冷盤，擺盤到甜品。但見隔離檯每樣份量都唔少，於是選擇性地 order。1. 醬油蛋 + 和風茄子 +南蠻炸雞 醬油+蛋+珍珠米，唔洗講一定無得頂啦！不過飯過熱同埋醬油可以多少少；炸雞方面有驚喜！外脆內嫩又 juicy 之餘，個沙津醬仲好出色；茄子就幾開胃嘅。2. 明太子 + 牛肉壽喜燒 + 醬煮糖漬紅薯 + 湯品明太子都係同醬油蛋一樣，份量多少少會更好送飯；漬物甜薯唔會太甜無左番薯味；壽喜燒同湯品就還好，無太大特別。3. 米氣雪糕本身無乜期望，但一試就愛上，好特別嘅米味雪糕，入面有啲米粒，煙煙韌韌好特別，為呢餐畫上完美嘅句號！

日式家庭風料理近排留意多咗「一汁多菜」可以自由配搭既日式料理餐廳，之前試過幾間都是cafe 型式，IGable 為主，呢間米気相對裝橫簡潔 食物選擇更多 單是🍚類已經有7個配搭！🔹米：醬油蛋(err....佢一上碟就整爛咗我隻蛋🥲)🔸主：蕃茄味噌豆腐漢堡🔹冷：和風茄子🔸溫：明太子雞翼以上組合 🍱 $128用一個港式D既講法：就係3餸飯+鼓油撈蛋🤓但個飯真係好味！日本米+醬油+蛋，🍚粒粒分明，唔會一pat野，食物越有質素，即使簡單配搭也很美味😋 豆腐漢堡 雖然係素食🥬，但有唔同既口感味道，明太子雞翼 好足料好多明太子 兩者送飯一流，相對較清既茄子正好作平衡💁🏻‍♀️個人建議：值得一試 🙅🏿‍♂️不適合有選擇困難症既人#米気 📍紅磡黃埔天地百寶坊3期地下32號

菜單選擇非常多，菜式都好精緻，可以隨便配搭．米 ：明太子 $22 主：月見博多地雞團子 $46 冷：鰹魚汁波菜 $18 溫：明太子厚蛋燒 $28.月見博多地雞團子 比較少見，團子外層煎到脆脆哋，配合醬油同蛋黃汁，味道唔錯．米 ：醬油蛋 $22 主：牛肉壽喜燒 $48 冷：松葉蟹薯仔沙律 $24 溫：牛油醬油煎安格斯牛柳 $45.松葉蟹薯仔沙律 有啲失望，雖然味道正常，不過只係得好少蟹柳．安格斯牛柳煎得好冧，一啲都唔韌，仲有好香嘅蒜香味.米 ：醬油金菇 $18 主：南蠻炸雞 $42 冷：和風茄子 $18 溫：忌廉蟹肉餅 $26.南蠻炸雞份量足，有4大件炸雞．忌廉蟹肉餅味道唔錯，好creamy

自由配搭菜式，主要分米、主食、冷盤、溫盤，甜品。餐廳有推介配搭組合，每碟份量小小，但係我地無跟到，隨意點左自己鐘意既菜🤭個人最滿意既菜式：蟹膏蟹肉飯（$38）覺得蟹膏好香，不過男朋友話個醬油蛋飯比較出蛋🧐月見博多地雞團子($46)賣相味道都唔錯，外脆內軟🥰撈埋蛋汁食，雞肉味仲香。食物整體都覺得唔錯，因為細細碟，人小小都可以食多幾道菜🤣餐廳比較似快餐形式，店員服務態度麻麻😖環境有少嘈，如果朋友聚會就唔係幾適合😟

食開既，佢好好，一小碟一小碟比你任意配搭，每一碟都有佢既特色。係香港黎講用呢個價位食到好似係日本既野食已經好好，而且好高質。例如以頭盤黎講，豆類，佢唔係淨係比豆你，佢有細心經過調味，而且口感剛剛好。睇得出佢好比心機準備每一道菜式。

蟹膏蟹肉飯HK$38 + 蕃茄味噌豆腐漢堡 HK$38 + 芝麻味噌苦瓜伴炸豆皮 HK$22 + 照燒肉燥蒟蒻絲 HK$22醬油蛋飯 HK$22 + 東坡肉 HK$42 + 忌廉蟹肉餅 HK$26 + 蔥燒牛舌 HK$32成日都見到有friend post呢間啲，終於到自己去食。其實佢都幾似Muji，可以自己揀想食嘅野，細細份，有菜有肉，唔使淨係食一樣餸。 價錢同Muji差不多，但份量多少少，食完都好飽下。可惜，唔知邊樣餸落多咗味精，食完有點兒口渴。

中午時份到黃埔附近辦事，之後在附近搵食，見到有一間叫米気的食肆，門面好光猛，從落地玻璃望入去裏面，環境舒適，好似係日本料理，門外有好多客人在等位，亦有客人在看他的Menu，於是乎好奇的走過去睇吓menu 有咩食。佢哋嘅Menu係有組合建議，是從 米、主、冷、溫、甜品這幾個種類裏面選擇，而形成一個定食的組合。每款食物都有不同的價錢，隨便組合，細細碟，鍾意order幾多都得。米：就是米飯，如醬油蛋飯、蟹膏蟹肉飯、明太子飯等等主：就是主食，如東坡肉、鰻魚、牛肉壽喜燒、蕃茄味增豆腐漢堡、炸雞等等冷：八爪沙律、芝麻秋葵、白芝麻四季豆、明太子豆腐等等溫：牛舌、忌廉蟹肉餅、關東煮、魷魚等等甜品：米気雪糕、杏仁豆腐、清酒雪糕等等總結：其實味道一般，但每一款食物都好精緻，擺碟好靚，細細碟，好似日本一般家庭嘅家常便飯，每一款嘅價錢都唔係貴，但係你會不知不覺咁越叫越多，最後個定食隨時$200一個。平時經過可以一試，但係就唔需要專程去。

今日Lunch經過見到有得自由配搭想食既野🥢坐底之後覺得好舒服😌好光猛💡心思思好多野都想試😋落單到出餐大概10分鐘內💨對於officer黎講係唔錯既選擇✌🏻餐一黎到“嘩”左一聲😍勁靚✨✨🍳醬油蛋篤穿蛋黃撈飯🤤醬油唔太鹹 D飯熱辣辣🔥🦀松葉蟹薯仔沙律🥗好好味👍🏻勁足料🐖東坡肉個人覺得可以再淋D不過肥豬肉都係入口即溶🤤🍗明太子雞翼‼️‼️並唔係凍肉舖現成雞翼‼️‼️應該真係自家製✔️因為第一次食到呢種口感🥢🐂蔥燒牛舌🔺呢個一定要食🔺蔥油滲透晒入去d牛舌度💦好夠味而且厚薄均勻既牛舌一D都唔韌👍🏻推介最後當然食唔晒要打包🥡Dinner再食🤣🤣🍨順帶一提🍦原來隔離舖間甜品店係同一老闆🥤由於食甜品係另一個胃🍮我買左杯“焦糖海鹽”老闆娘好細心問我洗唔洗少甜😆好nice面頭有焦糖脆脆🍯爆谷💥cream cheese🧀中間d雪花碎碎好過癮❄️食到底竟然仲有布甸🍮完全滿足晒我D願望🪄下次要帶老公黎再食過🥰

成日過嚟紅磡都唔知原來呢度有間米氣，11:30到咗唔需要排隊，兩個人叫下啲唔同嘅餸啊，想推介魚子蛋飯，好好味呀好新鮮嘅魚子，蟹肉飯都好好味，另外明太子雞翼就好乾身我覺得唔好食，不過反而茄子有驚喜好開胃，另外牛肉味道比較偏甜，牛舌都唔錯，最後叫咗個清酒雪糕，估唔到又好好味喎，買單都唔算好貴，下次會再嚟。最後補充多一句，職員態度不是很友善如果有些笑容同埋禮貌會更加好。

在網絡上看到介紹這間日式餐廳, 第一感覺很喜歡可隨意自由去搭自己喜愛的 “定食”, 十分適合心多的我.一入餐廳, 給我的感覺很舒服, 餐廳都是用上木系裝修, 很簡潔. 餐牌亦都很精簡, 分為6類, "飯", “主菜”, “溫吃配菜”, “冷吃配菜”,  “甜品” 及 “飲料”. 網絡上介紹米氣的牛舌很好吃, 很可惜, 今天沒有牛舌, 只可選其他食品. 今天我選了 “醬油蛋飯”, “南蠻炸雞”, “松葉蟹薯仔沙律”及 “關東煮”, 甜品點了“蜜柑白玉".肥先生點了”明太子飯”,  “月見博多地雞團子”及 “汁燒鰻魚”, 甜品點了 “焦糖布丁”.吃了這麼多款食品, 我覺得最好味的就是醬油蛋飯, 就算沒有餸, 只吃這個醬油蛋飯都很滿足很好味呢! 肥先生點的“月見博多地雞團子”, 亦很好味,質感很特別. 除了南蠻炸雞外, 其他的都很好味!  炸雞的炸皮有些厚, 而且有些凍, 所以感覺麻麻.