米子

營業中

休息中

除咗服務員態度Hea爆之外，食物衛生質素極差！！我老公同我(已懷孕六個月)反到屋企各屙左4次同8次！！食咗越南春卷，雞肉串，豬扒湯同豬扒飯。。。。。。。。。。。。我勸大家都係唔好去食！！

好耐冇食過越南野，之前同事有介紹過呢間餐廳，咁岩我同朋友去megabox有野買，一於就喺度食埋lunch。我地大概兩點到，可能因為係週末既關係，呢個時間點都幾乎坐到滿晒。原來餐廳平日係會有lunch set，但因為我地喺週末去所以冇set啊ㅠㅠ，不過價錢都唔算太貴，而且飲品有買一送一。我同朋友都係嗌咗海鮮喇沙湯河，海鮮不算太多，咁既價錢都唔可以要求啲咩，湯底既味道偏甜，可能係因為我太重口味😂，整體黎講算ok既。飲品方面，我同朋友分別叫咗芒果椰果冰同椰汁椰果冰。兩者都太甜，朋友飲咗少少都已經冇飲，不推薦。

今次第二次食了，雖然上次用膳有不愉快經歷（其他野食哂，個炭燒豬扒凍檬都仲未到，追單既時候個職員先講個爐壞左沒炭燒豬扒.......擾嚷一番後，最尾吾知點解佢又整倒）無可否認，佢既炭燒豬扒真係好好食咁就算啦！今次為左個炭燒豬扒再番食，服務照舊惡劣，沒有改善。但可惜的是連炭燒豬扒已經大不如前......沒有再番食既理由了其實我明白咁既價錢，我不會要求得到五星級酒店既服務，但最基本對客人既禮貌都沒，咁就真係接受不了...

今日同同事lunch time 黎咗呢間食，直衝入去，唔洗等位。lunch time 只有lunch set menu, 大約有十多款選擇，粉麵或飯都有，但感覺個menu有啲泰式食物，好似冬蔭公炒飯咁，又有海南雞.....包一杯飲料，另加一收費。我就叫咗個海鮮喇沙，連埋加一60蚊，由點餐到上桌，大約等咗10分鐘左右，友人的海南雞飯比我快，而且賣相唔錯。我的喇沙用一個大湯碗，上寬下較窄的高身碗，湯色似正常喇沙，好多湯，但餸同粉都唔多，有一隻蝦，少少魚片，3塊豆卜，2粒oysters,因為湯實在太多，影相都唔好睇，今次冇影相，味道ok, 唔太鹹唔太甜，食完冇味精口乾，整體ok,但就粉的份量太少，我小女子都覺得唔係好飽。餐廳環境唔錯，燈光暗暗，唔太嘈，午餐時段好多人等，我哋都唔敢坐太耐。下次可以試吓其他嘢

我地有小朋友，習慣會趁著平日人少少早啲去拿位食野，避開繁忙時間，呢日大約11：30左右去食午餐，店內只得一枱有客，我地有小朋友有BB，共5個人。侍應只安排5人座位，我地想坐張6人枱，近門口位，放BB 椅可以鬆動少少，結果侍應出言說 "一陣會好多人，就算得一位我都會安排搭你地張枱"，之後我地都好客氣話 "無問題"。後來餸都未點，小朋友整跌左筷子餐具，大大個侍應企喺我地側邊，不但沒有幫手執，叫佢換過就立刻行開扮聽唔到，之後我地立即起身走人，而俾小朋友有口水鼻涕玩完跌過落地嘅餐具筷子，我地執返好放埋一邊，喺門口眼尾望一望只見佢地擺返靚個位就算，相信佢地都唔會換，睇下下家邊個咁唔好彩啦。唔歡迎小朋友嘅唔該大大隻字寫明啦！咁嘅服務態度唔會再去！

話說lunch hour 人多，等左一陣枱入左去要搭大枱，大約四group 八個人坐一張大枱但係個staff 完全唔分邊group order 邊樣野都算啦 放低野食時又唔講低係咩就走左所有野食剩係放低係其中一個客度由果個客幫手分野食 有d 係河粉有d 係檬粉 其實唔夾起來睇係分唔到d order 又錯哂 要熱檸水變凍檸水青檸梳打冇青檸 換左兩次都係冇有人叫左走甜又冇走到明明係拎住檸茶個staff 又話「邊個叫左奶茶」真係滴哂汗 有人食到一半 個staff 過來想收走個碗成個經驗比我係差過茶餐廳lunchhour 繁忙我明 但係做到咁亂我真係第一次見叫得客搭枱 分返邊邊order 咩野係咪真係咁難就算唔分 起碼你來到問下邊個客order 左呢樣野肯定果樣野比岩左果個客 而唔係擺低係是旦一個位走左去 野食唔係差 但d 員工真係唔掂 仲差過茶記同譚仔 都夠膽收服務費真係可笑

Lunch time 食過幾次，每次都要等好耐位， 野食普通, 食過冬陰功海鮮炒飯，不過不失。唯是侍應於座位安排極度需要改善。午飯時間勁多人，但一有空位淨係俾曬d 2人台，看不到侍應有意慾安排俾其他多人的台。今次等左成30分鐘都未有位，但眼見有幾班人遲來又無拎籌的就入左去， 店外成十幾人拎左籌又無得入，就問店員點解，店員就話：佢地係老闆的朋友！ 哦～原來如此！ 即係如果你得一個鐘食飯的話，出面好多人等位而你又吾係佢老闆朋友的話，就真係勸你吾好去等喇，拎左籌都未必俾台你叫你入去。為什麼不直接關門做私房菜呢老闆？

我係平日（星期四）午餐黎食呢間，同事講到間餐廳唔錯，於是我叫左個馬拉盞豬頸肉炒米，賣相都唔錯。食到一半，竟然發現左支牙籤！！！仲要係一齊炒過嘅牙籤！waiters態度又黑面，black list間餐廳！

午餐很多人，等了半個鐘有多，等的中途會叫你落定單，咁入去坐的時候好快就有得食。所以最好乖乖企响度等，唔好走開。2個人，點了火車頭湯河和碳燒香茅豬扒飯，一杯零水一杯零茶。火車頭湯河ok, 牛肉都幾好味，湯不太油，粉厚身但都ok滑，幾大碗。小心落辣椒後都幾辣。碳燒香茅豬扒飯十分好味，豬扒的香茅味不濃，但就夠淋夠野味，白飯粒粒分明軟硬適中。食完會想再encore!不過可能人太多，食完等左陣都未上餐飲，同職員講左之後.....都要等好耐重俾左2杯熱零水，不過都無所謂拿拿臨飲完走人，因為重有好多人等位。

下午點左順化番茄牛尾河粉， 味道中規中矩，只係奇怪點解會有紅腰豆喺入面。裝粉嘅碗亦太深太窄，食時唔太方便。但主要問題喺侍應度，黑口黑面，無黎反應，之後又有另一位大大力咁換支醋， 啪一聲咁擺喺台，其實有必要喺個客面前換嗎? 換又可否輕手點呢? 不過，要讚下收碟位姐姐，有笑容，會問過唔要先收野。希望其他侍應多多學習。

想食菜,  想開下胃,  如果身邊有間越南菜即刻出現實在係好~~~極!未食過依間餐廳, 睇個外表好似都唔錯!叫左(其中)最鍾意既既馬拉盞時菜,  扎肉撈濛, 豬扒湯濛個菜係完美既~~夠味道, 少少香口, 唔會太油或者重口至於朋友食既湯濛都唔差!  偷食左佢幾舊豬扒xd至於個撈濛就不過不失啦,  始終唔及以前喺鰂魚涌返工放LUNCH個啲咁好食仲有好似唔係間間餐廳都識整個啲撈濛汁~~~!  嗌左杯  藍天空個名真係改得令人好想落單......LOL  名字的重要性係藍苺為主,酸酸地幾開胃不過睇個馬拉盞菜同湯濛同個豬扒, 都覺得佢係有質素既一類越南菜!

平時黎MEGABOX 多數都係行下超市買完野就返屋企, 好少會係呢度食野.咁岩今日原來約朋友黎唱K, 不過臨時有D事就唱唔成~問題黎喇, 唔去唱K咁有咩好做呢? 我真係冇食開.咁有個朋友就話食過呢間唔錯, 咁就去呢度啦, 大家都唔想用腦呀嘛~我地3個人... 叫到成台都係野... 超誇張!!!一黎朋友就話要食個燒雞, 話好好味, 同埋需時, 所以一黎就要叫.河內燒春雞釀香茅黃薑飯$152.一上黎真係好香, 堅正~ D飯又好食~ D雞肉都唔會燒到乾哂~ OK WOR~~~ 可ENCORE!!馬拉盞炒蓮藕苗$66好特別, 未食過蓮藕苗, 所以叫黎食, 個感覺同蓮藕完全唔同~ 唔係咁棉既~食落似西芹多D~大頭蝦冬蔭公湯3-4人. $78我地3個人每人都分到兩碗~安南肉燥粉皮生菜包$66呢個上到黎完全係FREE STYLE, 究竟係生菜係底定粉皮係底呢?! XDDD 是但放哂入去就算啦~青咖喱荔枝豬頸肉 $76勁多咖喱汁, 呢個要撈飯, 反而個豬頸肉失色左.加$14 跟三件蒜蓉包.喂.. 勁脆, 我地已係影完相, 搞完一輪先慢慢食, 佢係成件都係鬆化個D, 完全食唔到有麵包既口感.. 不過我鍾

一家四口最喜歡吃粉麵類!越南粉都是一個不錯的選擇!MegaBox餐廳聚多, 這間位於8/F的Commm算是不錯的選擇!今天是紅日, 沒有套餐, 但散叫的價錢亦不貴😉一家四口, 點了3個粉類, 再加兩款小食!每次必點的 "火車頭湯金邊粉"!湯頭濃郁, 九層塔芽菜等配料另上! 方便大家自己調節口味~湯粉內有: 牛丸, 牛柏葉, 牛根, 牛腩, 白蘿蔔款款都好吃~另外一款湯粉選了 "生牛肉湯金邊粉"牛肉都有6片~不錯😋而我選了 "香茅豬扒凍檬"豬扒超大片, 而且炸得香脆~凍檬配上酸汁的確開胃~小食 "牛油果芒果軟殼蟹米卷"😋😋😋😋好正!小食: "炭燒魷魚木瓜絲沙律"唯一敗筆...木瓜有點生😢帶有一點苦澀味...評分: 5⭐最好食物: ⭐⭐⭐⭐環境: ⭐⭐⭐⭐價錢: ⭐⭐⭐⭐服務: ⭐⭐⭐

在觀塘工廈見完客，要在附近較為像樣的食肆商舖，Megabox是唯一的選擇。與同事二人在水牌瞄了一瞄，挑了一家越南餐廳。餐牌只有兩頁約A5紙大小的紙，一頁是小食，一頁是主菜，連飲品都欠奉。因為選擇不多，我們很快便下了決定。生牛肉牛丸湯河轉為檬粉，湯頗清甜，不俗。數小片的牛肉略為過熟，牛丸兩粒，即使加入伴上的芽菜、香葉和辣椒都不夠餸，吃完還剩下大半碗檬粉。蝦醬海鮮炒飯倒亦不錯，蝦醬味輕微，除了魷魚、蝦仁、帶子之外，還有肉腸，甚是豐富，我們都給了讚。而馬拉盞炒通菜很夠味，然而通菜的質素不好，靭而有渣。小食最遲上，是熱騰騰的，吃時還有煙。炸蝦餅很大件，似是吃著酒樓的炸蟹鉗，相當鮮美。裏面的魷魚粒又多又爽，小人吃時更咇了一粒出來！後來還用它來佐著吃掉餘下的檬粉。滴漏咖啡的啡味甚為濃列，越南咖啡果然名不虛傳，加些煉奶集甜香濃於一身。青檸梳打清涼入心，勝在便宜，才$6一杯，乎復何求。上菜快，服務員亦是隨傳隨到，感覺良好。

我地今晚想食檬粉，近近地就諗起呢間！因為星期五嘅關係都等左陣位，甘我八卦下問侍應，佢話其實又吾係每個星期五都甘旺😜呢個係肉丸凍檬：😋😋😋肉丸好大粒，好熱，好juicy!4大粒都幾飽下😌😌呢個係馬拉盞通菜：正常，不過不失！呢個係生菜包：有別於泰式食開嘅味道，可能係越式卦🤣🤣🤣喜吾喜歡就見人見志喇！啲粉皮好薄，包埋落去，多一種口感！而綠色個碗仔係薄荷醬，大家可加可吾加，不過加左又出奇地同成個生菜包好夾☺️☺️有興趣大家可以試