籠太子點心專門店

營業中

休息中

放左工去附近搵下野食，見到橋底有間點心舖籠太子，大大隻字寫住免加一同茶錢三蚊，望落幾光鮮，價錢又唔貴喎，試下佢先。入到去，店員好快安排入座，仲問飲咩茶，有普洱、鐵觀音、同玄米茶揀，咁特別有玄米茶就揀佢啦。估唔到啲茶直接擺入個暖水壺入面，咁又幾好喎，可以確保啲茶一定熱。枱面嘅調味料有醋、喼汁同xo醬，個xo醬真係超好味，正到要攞黎撈飯咁濟，唯一要扣分係個器皿唔多乾淨，摸上手會黐立立…講番啲點心先，點心紙上選擇都幾多，最後揀咗四個點心同兩個蒸飯，雖然話即叫即蒸製作需時，但係都唔係等咗好耐，第一籠點心就嚟啦～先上枱嘅係籠太子蝦餃皇，大大粒好飽滿，蝦餃餡好鮮味，正喎。跟住到嘅係多汁蟹籽小籠包，一般茶樓嘅小籠包唔知點解都蒸到乾爭爭，但呢度冇喎真係好多汁，皮薄肉鮮，又係好好味。再來係煎蝦膠釀茄子，平時嘅鯪魚肉換咗做蝦膠，上面仲有一隻隻大蝦響度，賣相滿分之餘味道又係正嘅，半煎炸嘅茄子又脆又多汁，入口超熱呀。最後一樣就係魚肚水餃，水餃大大隻餡料多，魚肚爽口，個上湯好鮮甜，餃同湯都好好味，食曬啲餃連湯汁都飲埋唔好晒。仲有呢個朋友叫嘅鹹魚肉餅飯，佢話個鹹魚好味，唔係死鹹個種黎，啲飯係粒粒米唔爛，口感剛好，

而家多數酒樓啲點心質素都好普通，所以好耐無食點心啦😭啱啱去屯門新墟街市買嘢嘅時候，見到有間點心店「籠太子」，咁啱又未食午飯，試下先。環境方面：裝修普通，但乾淨👍無特別。服務方面：職員好有禮貌嘅，上菜都快，其中我想交點心紙時，我老公又話睇多陣先，職員都好耐心等待。食物方面：蝦餃皇，好食，啲蝦爽口彈牙。燒賣皇，又係正，味道啱啱好。雞扎，正常，味道都係好嘅。薄撐，雖然無乜餸，但佢個粉漿加咗海鮮味。小籠包，幾多汁，都幾好食。牛肉球，我老公自己食，佢就話好好食，不過我無試過。推介菜：不是炸兩，呢個好好食，佢類似國內嘅紅米腸，外面腸粉皮，包住一層油條，裏面再有蝦肉。呢個一定要試👍芝士海鮮千絲卷，又係不得了的點心，外面炸得酥脆，裏面有啲芝士味，但唔會搶咗啲海鮮饀，配搭得好好，必試。總結：終於食到啲唔似工廠出產嘅點心啦，仲要平喎，兩個人食8碟點心，都唔使200。啱晒鍾意食點心嘅我😎

中午難得去屯門市中心買東西，跟朋友到新墟街市附近的籠太子點心專門店飲茶，新潮點心店店面整潔，餐牌選擇頗多，因應人數可點半籠點心，可多食幾款不同點心。👍🏻鮮蝦燒賣皇，外皮夠薄，蝦肉彈牙多汁，飲茶必備😘鳳爪排骨飯，一次過吃到鳳爪和排骨，飯粒粒分明帶油香，鳳爪入味軟淋，排骨啖啖肉，飽肚又美味。皮蛋牛肉腸，牛肉球口感加上香滑皮蛋，比想像中搭配，腸粉細滑，淋上豉油更入味。多汁蟹籽小籠包，熱辣辣上枱，湯汁鮮甜，皮薄肉厚，口感豐富。煎蝦膠釀茄子，外皮煎到香脆，蝦膠厚實帶鮮甜味，黏上淋身茄子肉，加上醬汁夠開胃可口。鮮蝦腐皮卷，煎至金黃色，卜卜脆腐皮包住大大隻鮮蝦，夠乾身又有口感。最後來一個椰汁桂花糕，香甜椰汁配上清香桂花，解膩得來帶點甜味。點心用料上乘有心機，款式夠多元化，環境舒適，喝口茶嘆點心，繁忙中的一點慰藉☺️

屯門人有福啦，新墟附近開咗間新嘅點心店，價錢實惠，環境幾靚，食物質素唔錯，值得去❤️😋📌籠太子蝦餃皇$16兩隻📌鮮蝦燒賣皇$16兩隻📌蜜汁叉燒包$22📌流沙奶皇包$25📌蜜味叉燒腸$26📌棉花雞$29📌紅油抄手$27📌茶芥$3✨相當推薦他們的棉花雞，啖啖肉，肉質鮮嫩，夠滑溜，相當高質❤️😋✨另外蝦餃和燒賣都相當高質，用料充足，啖啖都係鮮蝦，好吃❤️ 紅油抄手，皮薄餡多😋✨另外包點都不錯，喜歡他們的流心奶黃包，相當流心，相當香滑❤️😋

行開新墟街市，見到呢間新開嘅點心專門店趁閒日唔算太迫人就去試試！三蚊位茶，係一大壺玄米茶～點心種類都好齊全，想食嘅都有～重點係唔洗加一！哈！裝修都好新淨精緻，乾淨衛生很重要！新派得黎都保留左舊式茶樓洗碗筷嘅傳統～不錯！兩個人叫左七籠點心～即叫即蒸，上菜熱辣辣！蝦餃燒賣都可以揀兩件裝，咁就可以留肚試吓其他點心，讚！籠太子蝦餃皇：漲卜卜，好大隻！蝦餃皮厚薄適中，蝦肉夠彈牙！鮮蝦燒賣皇：豬肉肥瘦比例均勻，唔係淨係得肥膏！合格！藥膳雞腳：藥膳湯底好香幾足料，唔係味精湯薑葱牛柏葉：份量滿滿～整體都算爽口！蜜汁叉燒包：外皮好鬆軟，叉燒肥瘦適中，鹹鹹甜甜好好味！黃沙潤腸：腸粉好滑，鼓油偏淡，無咁鹹健康啲！海皇芝士千絲卷：外皮脆卜卜，芝士味不太突出，但咬到大大啖蝦肉，炸得好酥脆，唔算太油膩！整體性價比都幾高！主打少鹽少糖但食物都不失鮮味！買完餸過嚟嘆下一盅兩件～方便！（不過留意番暫時只收現金呢～）

和朋友大概下午茶時間去到店鋪，想不到竟然滿座，在平日下午這個時間 點心款式都算頗多，而且有部份在外面酒樓是沒有的。 流沙奶皇包：非常非常之流沙，麵包鬆軟，餡料香濃，奶黃入口濃郁，非常推薦 鮮蝦燒賣黃：入口有種鮮肉的鮮甜味，證明材料新鮮 精選老火湯：飲得出真係冇落味精，值得一試 海皇芝士千絲卷：芝士同鮮蝦味道非常配合，另一賣點就是口感非常鬆脆，真的是非常鬆脆 小籠包：高湯入口清甜 以上都是我覺得非常好食的點心，整體這間點心專門店，我覺得錯，俾好多大酒樓出席

環境寧靜舒服, 點心專門店是全日供應，亦沒有為晚市特設其他食品，地方大，坐得舒服；有好多款唔同點心 茶位都係$3 除了黑醋/醬油外，餐廳亦有提供自家秘製辣椒油，叫蝦將軍雪山叉燒包,外層類似菠蘿包好鬆脆又甜甜地，包又軟熟叉燒餡料又多🤩籠太子蝦餃皇 ,可以揀 2粒 $16，蝦餃皮薄餡大，蝦肉又爽口彈牙皮又煙韌 😜石斑荷葉籠仔飯， 蒸出來的飯收了荷葉和石斑的精華，不用落醬油也很惹味😋牛栢葉煙韌彈牙，火喉控制得宜,爽口彈牙好味🤗蒜香蝦春卷脆卜卜又香口，裡面真係包住一條蝦食落啖啖肉😋😋

今晚放工落起大雨, 一早安排的事又要改期,惟有早啲返屋企, 本身想買餸煮飯食, 但落車就發現開咗間新開點心店(在新墟街市對面近的士位置), 既然咁耐無吃過點心,一於試試餐廳門面以綠色為主, 牆上掛咗個霓虹光管燈牌好特別, 仲可以打吓卡呢度有點心、盅頭飯、粥、炒米粉、燉湯可以選擇, 而且價錢也不算貴。點心仲係即叫即蒸, 非常加分, 蒸出嚟仲熱辣辣咁, 超美味籠太子蝦餃皇蝦餃皇大大粒, 皮薄餡靚, 晶瑩剔透, 蝦肉彈呀, 好新鮮鮮蝦燒賣皇燒賣餡料足, 蝦肉、豬肉各一半, 蝦肉爽口, 豬肉爽脆有豬肉味蜜汁义燒包义燒包餡料足, 包又鬆軟, 义燒肥瘦比例啱啱好, 蜜汁甜度夠哂開胃薑蔥牛柏葉牛柏葉口感爽脆唔韌, 沾上薑蔥的清新黑椒金錢肚黑椒味濃, 味道惹味, 金錢肚彈牙鮮竹牛肉球牛肉球嫩滑彈牙, 有牛肉味, 就連牛肉球底下的腐竹也不錯, 嫩得挺好食生炒糯米飯呢個糯米飯軟硬適中, 加入惹味的腊腸好有嚼勁, 真係好好食芒果布甸細細杯布甸香甜幼滑, 又唔會太甜, 加上芒果漿, 味道更豐富

跟家人去喝個晚茶，試試這間新開張的點心餐廳。門外設置數個座位給人等候時坐。店內以水綠色為主，並有小型霓虹燈牌。茶芥便宜，但其玄米茶不遜色於茶樓，茶的熱度足，十分清香。店內大約七時半滿座，但座位多，等候時間短。我們點了幾籠點心。名醬蒸鳳爪($23)，家人說這鳳爪做得很好。醬汁能滲入爽滑的鳳爪，鳳爪皮汲汁，保留其皮肉的滑和爽口。黑椒金錢肚($28)，這款我覺得是最好吃的。濃香黑椒配上紅辣椒，吃了一口紅辣椒後，突感火辣度十足。金錢肚非常軟稔，能完全汲滿黑椒的香氣，同時保留充足的水份，配飯吃十分合適。魚肚水餃($23)是餐牌上推介的點心。魚肚非常爽口，同時又帶點軟稔。水餃的內餡是豬肉和黑木耳絲，濃郁的豬肉味配上爽口的木耳絲，加上一口湯底吃，味道和口感甚佳。雪山叉燒包($25)需要較長的時間製作，上桌時熱燙香口。頂層的雪山比較軟稔，口感跟底下的麵包差不多，內餡叉燒十分足料，加入部分醬汁，令麵包不致過乾，而並非以大量叉燒醬汁充替。鮑魚雞件荷葉籠仔飯($55)，份量多，足夠兩人吃。如了其它點心，則足夠三人吃。荷葉籠仔飯的飯香非普通蒸飯能及，飯粒充滿荷葉的香氣，也能汲到雞肉和鮑魚的香氣。雞件甚多，實中