簡越

幫襯左超過一年夜市，不過因為簡越轉左早餐好耐冇黎。今日難得放假再黎食先😋。夏天咁熱叫左個豬扒撈檬。豬扒一樣咁好味，好入味又夠厚身。咬落去仲有好多肉汁（平時街嗰啲好乾身），唔知係唔係轉左煮法呢。咁耐冇黎都冇令我失望。希望可以快啲做番夜市啦。…查看更多

疫情之下買外賣， 見佢評分都幾高， 點知伏到不得了， 香茅豬扒居然有脆漿又冇味道， 蝦餅又係毫無味道仲淋bet bet， 個碌冧汁都係冇哩紋味， 本來都費事寫，但係連薄薄嘅蘿蔔都唔淋， 咁你話點頂？ 可唔可以畀番少少心機煑呢！…查看更多

去完海洋公園都唔知喺附近食乜嘢好，所以就同朋友一齊去咗天后，咁啱得咁橋又見到有呢間越南菜既然咁耐都冇食過越南菜，所以我哋就決定入去試一試呢間街坊小店食越南野或者泰國嘢一定要食嘅，一定就係酸辣鳳爪！呢間鋪頭嘅酸辣鳳爪做到恰到好處，食咗一舊之後忍唔住要再食一舊，因為酸酸辣辣真係好開胃其他嘢食就包括有火車頭河粉啦，雞翼撈檬啦，香茅豬扒飯啦，全部都係我的至愛，每一樣都做到好街坊小店嘅味道大家不妨望一望佢個餐牌睇吓有冇興趣去試吓啦…查看更多

好少黎港島天后呢邊食野，咁岩探完朋友，經過見到呢間小店，試一試啦就，發現水準都唔錯，而且價錢親民，住呢到既居民真係幾有口福。 香芧豬扒飯飯量多，豬扒大塊厚身（疊到有兩層咁多！）, 蔥油整得好香，2-3個人都夠分，豬扒好入味，送飯一流！ 香芧雞翼撈檬四隻脹卜卜的雞翼，剪得金黃香脆；檬粉唔會太乾一舊舊；加上唔同的配料，份量同樣係好多，都只係46hkd。記住呢個係晚餐，一家親黎呢度食真係好抵！ 鳳爪沙律好鐘意食泰式鳳爪，唔使自己拆骨，呢度既鳳爪唔會太腍，有咬口，好食！ 紅豆冰／綠豆冰不過不失，勝在好解渴！ …查看更多

本來想去隔離個間，但問題係佢無我想食既生牛肉河，所以就去試下呢間!可能我去到係下午茶既關係，人就無咩啦(actually去走個時都有6-7成既)... 碗野都叫大碗既，但一放落黎個湯... 我真係唔知可以講咩... 我都有諗過會唔會可以"撥開雲霧見清湯"結果係無既... 但個味又唔覺真係咁濃... 如果係咁伏唔伏就自行決定啦～不過咁... 加8蚊可以有個青檸梳打就真係抵既!但我應該下次會忍下口，聽同事介紹試隔離個間架啦…查看更多

今日去咗天后行街搵食！近排都無咩心機無咩胃口，所以決定搵間light啲嘅嘢食，見到越南嘢清清哋，入去試下！同老婆各自叫咗碗粉，我食火車頭，佢叫咗香口啲嘅豬頸肉撈檬。火車頭好香，香料好足，而且粉嘅質地好彈牙，唔錯！偷咗老婆一粒豬頸肉試下，幾淋身入口即溶。而小食都唔想太炸，所以無揀春卷之類，要咗個蒸粉卷，都有驚喜！有啲脆脆嘅炸蒜點綴下，雖然係健康蒸但都有幾個層次，唔錯！飲品要咗咸柑桔水，都幾足料，好味嘅。支持小店，可以去呢間試下！…查看更多

放lunch，選了越南餐館，點了越式生牛肉河粉和鹹柑吉蘇打不消3分鐘，河粉到，牛肉嫩，薄，來到後鮮紅轉沉色熟。河粉滑，到了嘴sh~ shS聲調味料挺香的。鹹柑吉蘇打的柑吉醃的好，味佳，跟蘇打混合成後味道挺fresh。…查看更多

We ordered a beef pho, which was bland, and a lemongrass pork chop pho, which did not come in pho, but vermicelli, and the soup (or should i say boiled water) was tasteless. Lemongrass pork chop and beef were ok. Will not come back.…查看更多

今日去北角搵食比我同朋友發現左呢間越南餐廳，價錢抵之餘食物份量都幾夠，值得一推。首先呢度既生牛肉河大大碗都只係$48 ，認真呢個價位係港島區實屬少見。呢碗河粉牛肉份量都幾多，唔會話全部肥膏，而且湯頭好鮮甜，配埋芽菜九層塔同蔥黎食都幾滋味㗎。我朋友就叫咗碗三寶撈檬，即係扎肉、雞翼同埋香茅豬扒。食越南野通常都離不開扎肉，呢度既扎肉唔算林身，肉香之餘食落亦唔太鹹。雞翼同豬扒都係會炸過，所以好香口，但唔會炸到過乾。因為撈檬酸甜開胃，加上生菜絲，所以食落無咩油膩感。呢度既越式蒸粉卷，四件大大件，外表平凡但勁有內涵，咬一啖d餡料就湧出黎，可想而知有幾足料夏日熱辣辣喝兩杯凍檸檬茶，於越式餐廳內享受幾分港式風情，唔錯唔錯。…查看更多

今日我同老公我去北角食嘢，聽講呢間越南餐廳性價比好高，而是就嚟試一試首先，我哋每次食越南野都一定要食生牛河，而呢度嘅生牛河很值得一讚，湯底鮮甜地道，不會太過油膩，生牛肉份量很多，而且是半肥瘦的，加上大量蔥花調味，啖啖開胃咁大碗生牛河都只係$48 ，喺講港島黎講十分抵食然後我哋叫咗一碗三寶撈檬，三寶即是扎肉、雞翼和香茅豬扒，一次過滿足晒三個願望，撈檬非常之大碗，我挺喜歡香茅豬扒的調味，肉質鮮嫩，配上蘿蔔絲、生菜絲，很清新價錢只係$52, 不錯不錯最後我哋叫咗一個小食——越式蒸粉卷，共有四件，餡料豐富，非常健康如果四位朋友一齊來的話，可以叫越式拼盤，有雞翼、春卷、粉卷和扎肉，每款都可以試一啲再飲兩杯凍檸茶，消一消暑先…查看更多

去完油街附近搵一個朋友仔之後，諗住行去time square影下龍珠，隨便了解下呢個社區同搵嘢食（原定計劃喺去天后一帶搵食），點知行過咗呢個平時唔會嚟嘅地方，仲搵到間越南嘢，見係小店，決定入去支持下💪🏻💪🏻鋪面唔大，入面亦都坐左幾枱客，坐底後觀察餐牌，又的確價錢唔貴之餘，亦都有好多選擇，最終個人叫咗一碗火車頭、一碟蒸粉包同叫左杯飲品，最終眼闊肚窄先講重點叫嘅火車頭，第一下上碟感覺大碗，望落都多料，牛丸、生牛肉、牛根、牛柏葉，河粉粉量都多，65蚊一碗麵嚟講抵食，食落湯底夠熱同足味，值得欣賞，食晒已經飽之後去到蒸粉包，當我以為細細份兩件嘅時候，估唔到有4舊，size正常，食落感覺都足料，皮都叫滑溜，熱哄哄入口very gd, 不過食晒之後夠晒同場加映凍蜂蜜柚子茶，加左蜂蜜都唔覺得太甜，好啱自己…查看更多

最近搬咗黎港島區 朋友話想上黎我到坐下飲下酒 所以去屋企附近食完野先再上黎 我地去咗呢間越南野都食飯睇佢既裝修就好平民化 諗住平平地食完就算先叫咗個基本野河內軟殼蟹米紙卷食食先 一咬落口食到好香好鬆脆既軟殼蟹絕對唔會淋曬呢個有驚喜之後再黎個炸雞翼撈蒙呢個我一定會加甜酸醋襯返個撈蒙簡直一流酸酸甜甜好醒胃 雞翼好香好脆 再嚟叫咗個火車頭湯金邊粉 我最欣賞係個湯底我最欣賞係個湯底 個湯底有好濃郁嘅牛味一定熬左好耐先有咁香嘅湯底我鍾意加小小辣椒咁樣會令到個湯更加入味而且飲完唔會口渴成碗湯麵好足料一啲都唔馬虎 我同我朋友飽到嘔🤣🤣朋友叫咗個青檸梳打而我就叫咗鹹檸七 原本冇諗過會咁飽嘅而家飲埋呢一個鹹檸七可以幫助消化真係冇揀錯我哋兩個人食咗咁多野就可以$200落樓真係好抵…查看更多

趕住18:30pm聽seminar，要拿拿聲食飽再跑去聽人講野...但眼見呢頭d食店都落晒場水盡鵝飛，除左店員唔見有食客wor...驚驚地都無計，剛好呢間「簡越Simply Viet」有個婆婆係度食緊下午茶，見有人就膽粗粗入去食la。同sis每人order一個tea set：生牛河走蔥+豬排撈檬+咸檸梳打+咸檸七。兩碗粉麵正常味道，生牛河湯底唔錯，撈檬個汁就淡左dd。Btw今日先知原來咸檸七本身係汽水，但個冰底仲會加糖水架！！下次大家order咸檸七時記得問問店員係咪仲會加糖水係冰底，if會建議走左個糖水，唔係就會勁甜！！…查看更多

平時都好少係天后食晚飯，發現到一間未試過嘅越南菜餐廳，所以就同朋友直接入去試。睇到佢餐牌上嘅菜式好多都好吸引，係選擇困難之下都揀左幾個越南特色嘅菜色。首先上檯嘅係越式生牛肉河粉，開頭上檯嘅時候見到佢啲牛肉已經覺得幾吸引，食落都幾淋，加埋佢本身嘅湯底襯托，簡直一絕，而本身呢碗粉嘅量都比較多，我地兩個人食落都有啲吃力XD，性價比好高。然後上檯嘅係越式扎肉米紙卷，估唔到佢呢個米紙卷都好足料，有蘿蔔、粉絲、生菜等等嘅配料以外，仲加埋佢嘅主菜--扎肉，食落成個米紙卷都清新，完全滿足曬「食菜獸」嘅人。之後上檯嘅係越式海鮮炒金邊粉，未開始食都已經被佢嘅香味吸引住，睇得出係即叫即整。食落除左好有鑊氣之外亦都唔太有油膩感覺，而海鮮嘅配料唔止量多，種類亦都算多。而飲料方面，我地就叫左青檸梳打同凍檸茶，天氣熱，飲啲酸酸甜甜嘅飲品用嚟開胃同解渴就啱曬。成個餐廳都俾我覺得性價比超高嘅感覺，所以推薦俾鐘意食越南菜嘅朋友去朝聖！…查看更多

今日熱辣辣冇咩胃口 就想食啲fresh啲嘅嘢食 就揀咗食越南嘢 尤其係酸酸甜甜嘅米紙卷🤤 見簡越都有好多選擇 湯麵炒粉或者小食都好多選擇 而且重點係所有價錢都唔貴 🥢越式扎肉米紙卷最好食！大推！有四大件 係真係大大件 唔似出面細細件😂 用料好豐富 有椰菜青瓜紅蘿蔔扎肉 口感都幾好 最緊要係扎肉份量都夠多 所以唔會話好淡味 而且就返香港人口味 冇落好多香草 所以好易入口🥢越式生牛肉河粉份量好多 湯底都幾鮮牛肉味 唔會飲落好鹹好味精 而且牛肉好嫩夠新鮮 唔似有落梳打粉 所以食落唔會好韌 而且都好有牛味🥢越式海鮮炒金邊粉聽住佢即叫即炒 都聽到夠晒鑊氣 另外係越式炒金邊粉嘅關係 所以唔似泰式金邊粉咁甜 而且食落唔覺得好油 大大碟金邊粉好抵食🥤凍青檸梳打 凍檸茶…查看更多